ထဝ်ꩡ︀တ︀်ႉၵ︀ဝ် 28:17 - Khamti Shan

¹⁷ ꩬ︀ၢမ︀်ဝꩫ︀်းꩭိုင︀်က︀ီး ပ︀ေႃလ︀ုယ︀ႃႇ ꩭူဝ်က︀ေက︀ျူး ဢ︀ꩫ︀်ႈဢ︀ူꩫ︀ႂ်းဝီင︀်းꩫ︀ႆ︀ႇၵ︀ဝ်မ︀ႆ︀ႛ ပ︀ၢင︀်းဢ︀ူ။ ၵ︀ဝ်မ︀ႃးက︀ီး ပ︀ေႃလ︀ုယ︀ႃႇ “ပ︀ီႈꩫ︀ွင︀်ႇၵ︀ဝ်ꩴ︀း က︀ဝ်ႈယ︀ႃႇက︀ူꩫ︀်းၸ︀ꩫ︀်းၸ︀ူႛꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛꩫ︀က︀ေႃႇယ︀ႃ ထုင︀်းၸ︀ိင︀်ႛပ︀ူလ︀ီꩫ︀်ꩫ︀ႆ︀ႇၵ︀ဝ်မ︀ႆ︀ႛꩫ︀က︀ေႃႇယ︀ႃ က︀ꩬ︀င︀်က︀ေႃႇꩵ︀ႈꩬ︀ၢꩫ︀်တ︀ၢꩫ︀်းမ︀ႃး။ ꩫ︀ႆ︀ႇꩫ︀က︀ေႃႇ က︀ျူးꩭဝ်းꩫ︀ႆ︀ႇၵ︀ဝ်ယ︀ႃႇ ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ က︀ဝ်ႈမ︀ႆ︀ႛꩬ︀ႅဝ်ႛꩬ︀ီ ꩫ︀ႂ်းမ︀ိုဝ်းက︀ူꩫ︀်းရ︀ေႃမ︀ၵ︀ဝ်မ︀ႆ︀ႛ ဢ︀ၢပ︀်ႉꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 28:17 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 13:50

ꩫ︀ႆ︀ႇမ︀ႆ︀ႛ က︀ျူးꩫ︀ႆ︀ႇၵ︀ဝ်ယ︀ႃႇ ၸ︀ူႛယ︀ိင︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈၵ︀ဝ်ႛၸ︀ႃꩬ︀ႃက︀ျူး ဢ︀ꩫ︀်ႈꩫ︀ႃႛယ︀ႂ်ꩫ︀ႆ︀ႇၵ︀ဝ်င︀ႆ︀း က︀ူꩫ︀်းꩫ︀ႃႛဝီင︀်းꩫ︀ႆ︀ႇၵ︀ဝ်မ︀ႆ︀ႛယ︀ူဝ်ႇꩬ︀ီ ပ︀ေႃလ︀ုꩫ︀ၵ︀ႃၿႃꩫ︀ၿမ︀ႆ︀ႛ ꩭႂ်ႛꩫ︀ိက︀်ႉꩬ︀ၢက︀်ႉဢ︀ူ။ ၵ︀ဝ်ယ︀ႃႇ ꩬ︀ွင︀်ၵ︀ႃမ︀ႆ︀ႛ လ︀ုက︀်ႉꩫ︀ႅꩫ︀်ႈၵ︀ဝ်မ︀ႆ︀ႛ ꩭူဝ်ႛဢ︀ွက︀်ၵ︀ွတ︀်ဢ︀ူ။

ထဝ်ꩡ︀တ︀်ႉၵ︀ဝ် 22:5

ဢ︀ꩫ︀်ႈက︀ဝ်ႈၵ︀ႃႛဝႃႈꩫ︀ႆ︀ႇ ꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉတ︀မ︀ိူင︀်း၊ ꩡ︀ဝ်ႛက︀ုမ︀်ႛတ︀ြႃးက︀ျူးတ︀င︀်းမ︀ိူင︀်းတ︀မ︀ိူင︀်း ꩭီတ︀်ꩬ︀ၢက︀်ႉꩬ︀ေꩫ︀ႆ︀ႛတ︀ီၵ︀ႃႛဢ︀ူ။ က︀ဝ်ႈၵ︀ႃႛ လ︀ုက︀်ႉၵ︀ဝ်မ︀ႆ︀ႛ လ︀ိက︀်ႉဢ︀ꩫ︀်ႈပ︀ီႈꩫ︀ွင︀်ႇဝီင︀်းတ︀မ︀ႃတ︀ႅတ︀်ꩫ︀ႆ︀ႇၵ︀ဝ်မ︀ႆ︀ႛတ︀ႅမ︀်ႛꩬ︀ီꩬ︀င︀်ၵ︀ၢမ︀်းꩫ︀ႆ︀ႇ ဢ︀ဝ်ႈမ︀ႃးဢ︀ူ။ ယ︀ဝ်ႇက︀ီး က︀ူꩫ︀်းဢ︀ꩫ︀်ႈယ︀ုမ︀်ယ︀မ︀်ႈꩡ︀ဝ်ႛယ︀ေꩬ︀ုꩫ︀ႆ︀ႇၵ︀ဝ်မ︀ႆ︀ႛ ꩬ︀ႅဝ်ႛၸ︀ုက︀်ꩬ︀ီဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ဢ︀ဝ်ႈမ︀ႃးင︀ႆ︀း ꩭႂ်ႛတ︀ၢမ︀်ဢ︀ပ︀ႅတ︀်ႉက︀ွတ︀်ꩫ︀ꩬ︀ီ က︀ဝ်ႈၵ︀ႃႛက︀ႃဝီင︀်းတ︀မ︀ႃတ︀ႅတ︀်မ︀ႃးဢ︀ူ။

ထဝ်ꩡ︀တ︀်ႉၵ︀ဝ် 23:33

လ︀ုက︀်ႉꩬ︀ိူက︀်တ︀ၢပ︀်ႉမ︀ႃႇꩫ︀ႆ︀ႇၵ︀ဝ် ဝီင︀်းက︀ႄတ︀ရ︀ိမ︀ႆ︀ႛထိုင︀်က︀ီး ꩡ︀ဝ်ႛက︀ႅမ︀်ႈဝွင︀်ႇမ︀ႆ︀ႛလ︀ိက︀်ႉꩭႂ်ႛꩬ︀ီ ပ︀ေႃလ︀ုမ︀ႆ︀ႛက︀ေႃႇဢ︀ၢပ︀်ႉꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 25:10

ပ︀ေႃလ︀ုယ︀ႃႇ “ဢ︀ꩫ︀်ႈꩫ︀ႆ︀ႇပ︀ၢင︀်ႈတ︀ြႃးꩡ︀ဝ်ႛꩭူဝ်ꩬ︀ႅင︀်တ︀ီၵ︀ႃႛꩫ︀မ︀်။ ပ︀ၢင︀်ႈတ︀ြႃးꩡ︀ဝ်ႛꩭူဝ်ꩬ︀ႅင︀်မ︀ႆ︀ႛလ︀ိူဝ်ꩬ︀ီ က︀ဝ်ႈၵ︀ႃႛဢ︀မ︀ႆ︀ႚက︀ေႃႇ ꩵ︀ႈဝႃႈက︀ႃတ︀ီၵ︀ႃႛ။ ꩫ︀င︀်ၵ︀ိင︀်းတ︀ူဝ်ꩡ︀ဝ်ႛတ︀ွင︀်းꩫ︀ီႈꩫ︀ီႈꩫ︀က︀ꩫ︀်ႈ က︀ဝ်ႈၵ︀ႃႛက︀ျူးꩫ︀ႆ︀ႇၵ︀ဝ်မ︀ႆ︀ႛ က︀ꩬ︀င︀်က︀ေႃႇ ꩵ︀ႈၸ︀ိတ︀်မ︀ႃးတ︀ီၵ︀ႃႛ။

ထဝ်ꩡ︀တ︀်ႉၵ︀ဝ် 25:2

ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း ꩭူဝ်က︀ေက︀ျူးꩫ︀ႆ︀ႇၵ︀ဝ်ယ︀ႃႇ ပ︀ေႃလ︀ုမ︀ႆ︀ႛ ဢ︀ပ︀ႅတ︀်ႉတ︀ၢင︀်ဢ︀ဝ်ႈꩫ︀က︀်ꩰꩬ︀ီ ꩭႂ်ႛပ︀ူဝ်း မ︀ꩫ︀်းမ︀ႆ︀ႛꩭွင︀်ႇမ︀ႃးဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇ ꩡ︀ဝ်ႛက︀ႅမ︀်ႈဝွင︀်ႇမ︀ႆ︀ႛ ꩬ︀ွက︀်ႉတ︀ၢင︀်က︀ꩫ︀်ႈဢ︀ူ။ ၵ︀ဝ်ယ︀ႃႇ ပ︀ေႃလ︀ုမ︀ႆ︀ႛ ၵ︀ူꩫ︀်တ︀ၢင︀်းမ︀ႆ︀ႛ င︀ွမ︀်ဢ︀ဝ်ႈတ︀ၢႆ︀ႈက︀ွတ︀်ꩫ︀ꩬ︀ီ က︀ႅမ︀်က︀ꩫ︀်ႈဝႆ︀ႇယ︀ဝ်ႇꩰ။

ထဝ်ꩡ︀တ︀်ႉၵ︀ဝ် 25:8

ပ︀ေႃလ︀ုယ︀ႃႇ “တ︀ြႃးက︀ျူးမ︀ႆ︀ႛꩫ︀က︀ေႃႇယ︀ႃ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛꩫ︀က︀ေႃႇယ︀ႃ၊ ꩡ︀ဝ်ႛꩭူဝ်ꩬ︀ႅင︀်ရ︀ေႃမ︀မ︀ႆ︀ႛꩫ︀က︀ေႃႇယ︀ႃ က︀ဝ်ႈၵ︀ႃႛက︀ꩬ︀င︀်က︀ေႃႇꩵ︀ႈၸ︀ိတ︀်မ︀ႃး” ꩫ︀ꩬ︀ီက︀ေႛတ︀ွပ︀်ဢ︀ူ။

ထဝ်ꩡ︀တ︀်ႉၵ︀ဝ် 6:14

ယ︀ေꩬ︀ုက︀ူꩫ︀်းဝီင︀်းꩫ︀ႃꩡ︀ရ︀ႅတ︀်ꩫ︀ႆ︀ႇ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛယ︀ႃႇꩬ︀ီ ထုင︀်းၸ︀ိင︀်ႛ ဢ︀ꩫ︀်ႈမ︀ေႃꩬ︀ေꩭႂ်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ တ︀ီလ︀ႆ︀ၢႈꩫ︀မ︀်ꩫ︀ꩬ︀ီဝႃႈꩫ︀ႆ︀ႇမ︀ႆ︀ႛ တ︀ူႈꩫ︀ႆ︀ႛꩥ︀ိꩫ︀်းဢ︀ူ” ꩫ︀ဝꩫ︀်ႇ။