ထဝ်ꩡ︀တ︀်ႉၵ︀ဝ် 26:5 - Khamti Shan

⁵ က︀ဝ်ႈၵ︀ႃႛမ︀ႆ︀ႛ ၵ︀ဝ်တ︀ွင︀်းမ︀ႃးꩫ︀ႆ︀ႇဢ︀ၢꩫ︀်တ︀ၢꩫ︀်ꩭိုင︀်တ︀ီၵ︀ႃႛယ︀ဝ်ႇ။ က︀ဝ်ႈၵ︀ႃႛ ꩫ︀င︀်ၸ︀ူႛၵ︀ဝ်ႛက︀ုမ︀်ႛၸ︀ႃရ︀ိꩬ︀ႄက︀ူဝ်ႇလ︀ိူင︀်ႈꩫ︀က︀ꩫ︀်ႈ က︀ျမ︀်းꩬ︀ိꩫ︀်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းꩡ︀ွမ︀်းထက︀်ꩰမ︀ႃးဢ︀ူꩫ︀ꩫ︀ႆ︀ႇ ၵ︀ဝ်ꩬ︀ၢက︀်ႉꩬ︀ေၵ︀ႂ်ႈၵ︀ၢမ︀်က︀ီးၵ︀ၢမ︀်ꩫ︀ႆ︀ႛတ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 26:5 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 15:5

ꩫ︀ႆ︀ႇꩫ︀က︀ေႃႇ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈၸ︀ူႛၵ︀ဝ်ႛက︀ုမ︀်ႛၸ︀ႃရ︀ိꩬ︀ႄက︀မ︀်ႈၸ︀ွင︀်းယ︀ႃႇ လ︀ုက︀်ႉꩬ︀ီ “ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ဝႃႈꩭၢပ︀်ႉမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဢ︀ူ။ က︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛ ဝႃႈꩡ︀ွမ︀်းဢ︀ူ” ꩫ︀ꩬ︀ီဝႃႈက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 22:3

ပ︀ေႃလ︀ုယ︀ႃႇ က︀ၢပ︀်ꩬ︀ီ “က︀ဝ်ႈၵ︀ႃႛယ︀ႃႇက︀ျူး ဢ︀ꩫ︀်ႈမ︀ိူင︀်းက︀ိလ︀ိက︀ိ ဝီင︀်းတ︀ႃꩬ︀ုမ︀ႆ︀ႛယ︀င︀်းတ︀ီၵ︀ႃႛꩫ︀မ︀်။ ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ယ︀ႂ်မ︀ႃးꩬ︀ီ က︀ျမ︀်းꩬ︀ိꩫ︀်မ︀ေႃꩬ︀ေဢ︀ꩫ︀်ႈပ︀ူလ︀ီꩫ︀်ၵ︀ဝ် က︀မ︀်ႈက︀ႅင︀်းမ︀ႃးꩫ︀ႆ︀ႇ လ︀ုက︀်ႉꩬ︀ြႃလ︀ူင︀်က︀ႃမ︀လ︀ျေလ︀မ︀ႆ︀ႛ ꩬ︀ွꩫ︀်ဢ︀ဝ်ႈထက︀်ꩰမ︀ႃးမ︀ꩫ︀မ︀်။ င︀ႆ︀ႚ ꩫ︀င︀်ꩬ︀ူꩡ︀ဝ်ႛ ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႂ်ႈလ︀ွေႛꩭႅင︀်းꩫ︀က︀ꩫ︀်ႈ က︀ဝ်ႈၵ︀ႃႛက︀ေႃႇ ꩡ︀ႂ်ႈလ︀ွေႛꩭႅင︀်းမ︀ႃးတ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 22:5

ဢ︀ꩫ︀်ႈက︀ဝ်ႈၵ︀ႃႛဝႃႈꩫ︀ႆ︀ႇ ꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉတ︀မ︀ိူင︀်း၊ ꩡ︀ဝ်ႛက︀ုမ︀်ႛတ︀ြႃးက︀ျူးတ︀င︀်းမ︀ိူင︀်းတ︀မ︀ိူင︀်း ꩭီတ︀်ꩬ︀ၢက︀်ႉꩬ︀ေꩫ︀ႆ︀ႛတ︀ီၵ︀ႃႛဢ︀ူ။ က︀ဝ်ႈၵ︀ႃႛ လ︀ုက︀်ႉၵ︀ဝ်မ︀ႆ︀ႛ လ︀ိက︀်ႉဢ︀ꩫ︀်ႈပ︀ီႈꩫ︀ွင︀်ႇဝီင︀်းတ︀မ︀ႃတ︀ႅတ︀်ꩫ︀ႆ︀ႇၵ︀ဝ်မ︀ႆ︀ႛတ︀ႅမ︀်ႛꩬ︀ီꩬ︀င︀်ၵ︀ၢမ︀်းꩫ︀ႆ︀ႇ ဢ︀ဝ်ႈမ︀ႃးဢ︀ူ။ ယ︀ဝ်ႇက︀ီး က︀ူꩫ︀်းဢ︀ꩫ︀်ႈယ︀ုမ︀်ယ︀မ︀်ႈꩡ︀ဝ်ႛယ︀ေꩬ︀ုꩫ︀ႆ︀ႇၵ︀ဝ်မ︀ႆ︀ႛ ꩬ︀ႅဝ်ႛၸ︀ုက︀်ꩬ︀ီဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ဢ︀ဝ်ႈမ︀ႃးင︀ႆ︀း ꩭႂ်ႛတ︀ၢမ︀်ဢ︀ပ︀ႅတ︀်ႉက︀ွတ︀်ꩫ︀ꩬ︀ီ က︀ဝ်ႈၵ︀ႃႛက︀ႃဝီင︀်းတ︀မ︀ႃတ︀ႅတ︀်မ︀ႃးဢ︀ူ။

ထဝ်ꩡ︀တ︀်ႉၵ︀ဝ် 23:6

ꩫ︀ႆ︀ႇမ︀ႆ︀ႛ ၸ︀ူႛၵ︀ဝ်ႛက︀ုမ︀်ႛတ︀ြႃးꩫ︀ႆ︀ႇၵ︀ဝ်မ︀ႆ︀ႛ က︀ုမ︀်ႛလ︀ိူင︀်ႈယ︀ႃႇ ၸ︀ႃရ︀ိꩬ︀ႄꩫ︀ႆ︀ႇၵ︀ဝ်င︀ႆ︀း က︀ုမ︀်ႛလ︀ိူင︀်ႈယ︀ႃႇ ပ︀ီꩫ︀်ႈꩡ︀တ︀်တ︀ုက︀ႄꩫ︀ႆ︀ႇၵ︀ဝ်ꩫ︀မ︀်ꩫ︀ꩫ︀ႆ︀ႇ ပ︀ေႃလ︀ုတ︀ွင︀်းက︀ီး “ပ︀ူဝ်မ︀ေပ︀ီꩫ︀ွင︀်ႇၵ︀ဝ်ꩴ︀း က︀ဝ်ႈၵ︀ႃႛယ︀ႃႇ ၸ︀ႃရ︀ိꩬ︀ႄꩫ︀မ︀်။ ၸ︀ူႛလ︀ုက︀်ႉၸ︀ႃရ︀ိꩬ︀ႄက︀ေႃႇꩡ︀ႂ်ႈဢ︀ူ။ င︀ႆ︀ႚက︀ဝ်ႈမ︀ႆ︀ႛꩡ︀ႅပ︀်ႉက︀ꩫ︀်ႈꩫ︀ႆ︀ႇ လ︀ႆ︀ၢးပ︀ိူဝ်ႈဢ︀ꩫ︀်ႈၸ︀ူႛတ︀ၢႆ︀ႈꩫ︀ႆ︀ႇၵ︀ဝ် တ︀ီꩫ︀ိပ︀်ပ︀ွက︀်ႉꩫ︀မ︀်ꩫ︀ꩫ︀ႆ︀ႇမ︀ႆ︀ႛ က︀ဝ်ႈၵ︀ႃႛတ︀ႂ်းထႃႛꩬ︀ီꩫ︀မ︀်” ꩫ︀ꩬ︀ီဢ︀ိဝ်ꩬ︀ီဝႃႈဢ︀ူ။

ထဝ်ꩡ︀တ︀်ႉၵ︀ဝ် 24:14

ꩫ︀ႆ︀ႇꩫ︀က︀ေႃႇ တ︀ၢင︀်းဢ︀ꩫ︀်ႈက︀ဝ်ႈၵ︀ႃႛ ၸ︀ြႃးပ︀ူလ︀ီꩫ︀်တ︀ူႈၵ︀ႃႛၵ︀ဝ်မ︀ႆ︀ႛ ပ︀ၢႆ︀ႛꩫ︀ႆ︀ႇယ︀ႃႇ တ︀င︀်းၵ︀ဝ်ꩵ︀ႈမ︀ိူꩫ︀်က︀ꩫ︀်ႈတ︀ီၵ︀ႃႛ။ တ︀ၢင︀်းဢ︀ꩫ︀်ႈက︀ဝ်ႈၵ︀ႃႛယ︀ုမ︀်ꩫ︀ႆ︀ႇမ︀ႆ︀ႛ ၵ︀ဝ်ယ︀ႃႇ တ︀ၢင︀်းယ︀ုမ︀်ၸ︀ိတ︀်ꩫ︀ꩬ︀ီ ဝႃႈက︀ꩫ︀်ႈတ︀ီၵ︀ႃႛဢ︀ူ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈက︀ျမ︀်းꩬ︀ိꩫ︀်မ︀ေႃꩬ︀ေ ꩫ︀ၵ︀ႃက︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈၵ︀ႃႛက︀ေႃႇ ယ︀ုမ︀်တ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 24:5

က︀ူဝ်ႇꩫ︀ႆ︀ႇယ︀ႃႇ က︀ူꩫ︀်းဢ︀ꩫ︀်ႈပ︀ိူꩫ︀်ႈမ︀ႆ︀ႛ ဢ︀ဝ်ႈယ︀ပ︀်ယ︀ၢက︀်ႉလ︀ူင︀်ꩫ︀မ︀်။ က︀ူꩫ︀်းဢ︀ꩫ︀်ႈမ︀ၢꩫ︀်ႛမ︀ိူင︀်းမ︀ႆ︀ႛ ꩡ︀ၢင︀်ႈꩭီတ︀်ၸ︀ေးꩫ︀မ︀်ꩫ︀ꩫ︀ႆ︀ႇ တ︀ူႈၵ︀ႃႛꩭꩫ︀်တ︀ီၵ︀ႃႛဢ︀ူ။ က︀ျူးꩫ︀ႆ︀ႇၵ︀ဝ်မ︀ႆ︀ႛ တ︀င︀်းက︀မ︀်ၸ︀ႃက︀ူႈတ︀ီႈမ︀ႆ︀ႛ မ︀ꩫ︀်းဢ︀ဝ်ႈယ︀ုင︀်ႛဢ︀ဝ်ႈဢ︀ုက︀်မ︀ႃးတ︀ီၵ︀ႃႛဢ︀ူ။ မ︀ꩫ︀်းယ︀ႃႇ ꩭူဝ်က︀ေက︀ုမ︀်ႛꩫ︀ႃꩡ︀ရ︀ႅတ︀်တ︀ီၵ︀ႃႛꩫ︀မ︀်။