ထဝ်ꩡ︀တ︀်ႉၵ︀ဝ် 26:3 - Khamti Shan

³ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ထုင︀်းက︀ျူးꩫ︀ႆ︀ႇၵ︀ဝ် လ︀ွင︀်ႈဢ︀ꩫ︀်ႈတ︀ူႈၵ︀ႃႛထီင︀်က︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ တ︀ွင︀်းတ︀ီၵ︀ႃႛဢ︀ူ။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈက︀ဝ်ႈၵ︀ႃႛꩬ︀ွက︀်ႉတ︀ၢင︀်ꩫ︀ႆ︀ႇမ︀ႆ︀ႛ ဢ︀ီꩫ︀ူႈꩬ︀ီ ထွမ︀်ꩭႂ်ႛတ︀ီၵ︀ႃႛမ︀ႃးတ︀ႃႉ။

ထဝ်ꩡ︀တ︀်ႉၵ︀ဝ် 26:3 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 21:21

မ︀ႂ်းယ︀ႃႇ က︀ျူး ဢ︀ꩫ︀်ႈဢ︀ူက︀ꩫ︀်ႛꩫ︀ႂ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛꩭႂ်ႛပ︀ူဝ်း လ︀ၵ︀ႃၵ︀ဝ်မ︀ႆ︀ႛ မ︀ၢင︀်က︀လ︀ႃတ︀ႅပ︀်ပ︀ၢႆ︀ႈꩫ︀င︀်မ︀ဝ်ꩭႂ်ႛꩫ︀ႆ︀ႇလ︀ိူင︀်ႈ၊ ꩭႂ်ႛပ︀ူဝ်းထုင︀်းၸ︀ိင︀်ႛက︀ျူးꩫ︀ႆ︀ႇၵ︀ဝ်မ︀ႆ︀ႛမ︀ဝ်ꩡ︀ွမ︀်းꩫ︀ႆ︀ႇလ︀ိူင︀်ႈ ꩬ︀ွꩫ︀်ꩭႂ်ႛꩬ︀ီ က︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛꩭႂ်ႛၵ︀ွတ︀်က︀ꩫ︀်ႈဢ︀ူꩫ︀ꩫ︀ႆ︀ႇ ၵ︀ဝ်ꩫ︀ႆ︀ႛꩥ︀ိꩫ︀်းက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 24:10

ꩡ︀ဝ်ႛက︀ႅမ︀်ႈဝွင︀်ႇၸ︀ေလ︀ီတ︀်ယ︀ႃႇ မ︀ိုဝ်းပ︀ျႃးꩬ︀ီ ပ︀ေႃလ︀ုမ︀ႆ︀ႛ ꩭႂ်ႛလ︀ဝ်ႈတ︀ၢင︀်က︀ီး မ︀ꩫ︀်းယ︀ႃႇ “မ︀ႂ်းꩡ︀ဝ်ယ︀ႃႇ က︀ꩫ︀်ႛꩫ︀ိူဝ်ၸ︀ꩫ︀်းတ︀ူႈၵ︀ႃႛမ︀ႆ︀ႛ က︀ီလ︀ၢႆ︀ပ︀ီႈပ︀ႅတ︀်ႉတ︀ြႃးမ︀ႃးယ︀ဝ်ႇꩫ︀ꩫ︀ႆ︀ႇ က︀ဝ်ႈၵ︀ႃႛတ︀ွင︀်းတ︀ီၵ︀ႃႛဢ︀ူ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ဢ︀မ︀ူးꩫ︀ႆ︀ႇမ︀ႆ︀ႛ လ︀ွင︀်ႈဢ︀ꩫ︀်ႈက︀ဝ်ႈၵ︀ႃႛဢ︀ပ︀ႅတ︀်ႉက︀ၢင︀်းꩫ︀ႆ︀ႇ ꩫ︀ႆ︀ႛလ︀ဝ်ႈတ︀ၢင︀်ꩬ︀ီ က︀ဝ်ႈၵ︀ႃႛ ပ︀ေႇꩡ︀ူမ︀်းꩭုမ︀်ယ︀ႂ်တ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 24:4

င︀ႆ︀းꩫ︀ႆ︀ႇꩬ︀ီ တ︀ူႈၵ︀ႃႛယ︀ၢမ︀်းမ︀ႂ်းꩡ︀ဝ်ႛမ︀ႆ︀ႛ ၵ︀ၢꩫ︀်ႇꩭႂ်ႛꩭၢမ︀်းတ︀ီၵ︀ႃႛဢ︀ူ။ တ︀ူႈၵ︀ႃႛဢ︀ဝ်ႈပ︀ွတ︀်ꩰꩭႂ်ႛꩫ︀ႆ︀ႛလ︀ဝ်ႈတ︀ၢင︀်တ︀ီၵ︀ႃႛမ︀ႃးတ︀ႃႉ။ ၵ︀ႅꩫ︀်းꩫ︀က︀ွတ︀် ထွမ︀်ꩭႂ်ႛတ︀ီၵ︀ႃႛမ︀ႃးတ︀ႃႉ။

ထဝ်ꩡ︀တ︀်ႉၵ︀ဝ် 25:26

က︀ဝ်ႈၵ︀ႃႛမ︀ႆ︀ႛယ︀ႃႇ လ︀ွင︀်ႈမ︀ꩫ︀်းဢ︀ꩫ︀်ႈꩡ︀ဝ်ႛꩭူဝ်ꩬ︀ႅင︀်မ︀ႆ︀ႛ တ︀ီꩬ︀ွက︀်ႉတ︀ၢင︀်ꩭႂ်ႛ ဢ︀ꩫ︀်ႈလ︀ိူင︀်ႈꩫ︀ၢႆ︀ႈက︀ေႃႇ ꩵ︀ႈယ︀င︀်း။ င︀ႆ︀းꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛꩭွင︀်ႇမ︀ႃးပ︀ၢင︀်ႈꩫ︀ႃႛꩬ︀ူꩡ︀ဝ်ႛꩫ︀မ︀်။ တ︀ေႇတ︀ေႇမ︀ꩫ︀်းက︀ီး ꩭွင︀်ႇမ︀ႃးပ︀ၢင︀်ႈꩫ︀ႃႛꩡ︀ဝ်ႛꩭူဝ်ၵ︀မ︀်းဢ︀က︀ိပ︀်ပ︀တ︀ီၵ︀ႃႛꩫ︀မ︀်။ ꩬ︀င︀်ဝႃႈမ︀ꩫ︀်းမ︀ႆ︀ႛ ꩭဝ်းꩡ︀ႅပ︀်ႉထၢမ︀်ယ︀ဝ်ႇက︀ီး လ︀ွင︀်ႈမ︀ꩫ︀်းဢ︀ꩫ︀်ႈꩡ︀ဝ်ႛꩭူဝ်ꩬ︀ႅင︀်မ︀ႆ︀ႛတ︀ီတ︀ႅမ︀်ႛꩭႂ်ႛဢ︀ꩫ︀်ႈလ︀ိူင︀်ႈယ︀ႃႇ ယ︀င︀်းမ︀ႃးꩵ︀ထၢင︀်ႇꩫ︀ꩬ︀ီက︀ဝ်ႈၵ︀ႃႛတ︀ႂ်းဢ︀ူ။

ထဝ်ꩡ︀တ︀်ႉၵ︀ဝ် 26:2

“ꩡ︀ဝ်ႛꩭူဝ်ၵ︀မ︀်းတ︀ီၵ︀ႃႛ လ︀ွင︀်ႈဢ︀ꩫ︀်ႈက︀ျူးꩫ︀ႆ︀ႇၵ︀ဝ် က︀ဝ်ႈၵ︀ႃႛမ︀ႆ︀ႛထိုင︀်တ︀ြႃးꩫ︀ႆ︀ႇမ︀ႆ︀ႛ ပ︀ၢင︀်ႈꩫ︀ႃႛၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ က︀ဝ်ႈၵ︀ႃႛꩫ︀ႆ︀ႛꩬ︀ွက︀်ႉတ︀ၢင︀်ꩫ︀ႆ︀ႇꩬ︀ီ ပ︀ေႇꩡ︀ူမ︀်းꩭုမ︀်ယ︀ႂ်တ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 26:26

ꩡ︀ဝ်ႛꩭူဝ်ၵ︀မ︀်းတ︀ီၵ︀ႃႛ မ︀ႂ်းꩡ︀ဝ်ႛလ︀ွင︀်ႈꩫ︀ႆ︀ႇတ︀ွင︀်းꩫ︀ႆ︀ႇꩬ︀ီ က︀ဝ်ႈၵ︀ႃႛမ︀ဝ်က︀ူဝ်ႈမ︀ဝ်ꩬ︀ွင︀် ꩬ︀ွက︀်ႉတ︀ၢင︀်တ︀ီၵ︀ႃႛꩫ︀မ︀်။ လ︀ွင︀်ႈဢ︀မ︀ႂ်းၵ︀ဝ်ယ︀ႃႇ ꩡ︀ွက︀်ႉꩰꩡ︀ီင︀်ꩰမ︀ႆ︀ႛ ပ︀ီꩫ︀်ႈမ︀ႃးꩵ︀ႈꩡ︀ႂ်ႈတ︀ီၵ︀ႃႛ။ လ︀ွင︀်ႈဢ︀မ︀ႂ်းၵ︀ဝ်တ︀င︀်းမ︀ိူင︀်း မ︀ႂ်းꩡ︀ဝ်ႛတ︀ွင︀်းယ︀ဝ်ႇꩰꩫ︀ꩫ︀ႆ︀ႇ က︀ဝ်ႈၵ︀ႃႛယ︀ုမ︀်တ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 26:7

က︀တ︀ိဢ︀မ︀ႂ်းယ︀ႃႇ ဢ︀ꩫ︀်ႈက︀ျူးꩬ︀ိပ︀်ꩬ︀ွင︀်ၸ︀ꩫ︀်းၵ︀ဝ် ၵ︀မ︀်ႈꩰလ︀ႂ်ꩰ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛပ︀ၢႆ︀ႛဝႆ︀ႈꩬ︀ီ တ︀ႂ်းထႃႛမ︀ႃးꩫ︀ႆ︀ႇတ︀ီၵ︀်ႛꩫ︀မ︀်။ ꩡ︀ဝ်ႛꩭူဝ်ၵ︀မ︀်းတ︀ီၵ︀ႃႛ က︀ွပ︀်ႉပ︀ိူဝ်ႈင︀ႆ︀း တ︀ႂ်းထႃႛꩬ︀ီꩫ︀မ︀် င︀ႆ︀ႚက︀ဝ်ႈၵ︀ႃႛမ︀ႆ︀ႛ ၵ︀ဝ်ထိုင︀်တ︀ြႃးတ︀ီၵ︀ႃႛꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 28:17

ꩬ︀ၢမ︀်ဝꩫ︀်းꩭိုင︀်က︀ီး ပ︀ေႃလ︀ုယ︀ႃႇ ꩭူဝ်က︀ေက︀ျူး ဢ︀ꩫ︀်ႈဢ︀ူꩫ︀ႂ်းဝီင︀်းꩫ︀ႆ︀ႇၵ︀ဝ်မ︀ႆ︀ႛ ပ︀ၢင︀်းဢ︀ူ။ ၵ︀ဝ်မ︀ႃးက︀ီး ပ︀ေႃလ︀ုယ︀ႃႇ “ပ︀ီႈꩫ︀ွင︀်ႇၵ︀ဝ်ꩴ︀း က︀ဝ်ႈယ︀ႃႇက︀ူꩫ︀်းၸ︀ꩫ︀်းၸ︀ူႛꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛꩫ︀က︀ေႃႇယ︀ႃ ထုင︀်းၸ︀ိင︀်ႛပ︀ူလ︀ီꩫ︀်ꩫ︀ႆ︀ႇၵ︀ဝ်မ︀ႆ︀ႛꩫ︀က︀ေႃႇယ︀ႃ က︀ꩬ︀င︀်က︀ေႃႇꩵ︀ႈꩬ︀ၢꩫ︀်တ︀ၢꩫ︀်းမ︀ႃး။ ꩫ︀ႆ︀ႇꩫ︀က︀ေႃႇ က︀ျူးꩭဝ်းꩫ︀ႆ︀ႇၵ︀ဝ်ယ︀ႃႇ ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ က︀ဝ်ႈမ︀ႆ︀ႛꩬ︀ႅဝ်ႛꩬ︀ီ ꩫ︀ႂ်းမ︀ိုဝ်းက︀ူꩫ︀်းရ︀ေႃမ︀ၵ︀ဝ်မ︀ႆ︀ႛ ဢ︀ၢပ︀်ႉꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 6:14

ယ︀ေꩬ︀ုက︀ူꩫ︀်းဝီင︀်းꩫ︀ႃꩡ︀ရ︀ႅတ︀်ꩫ︀ႆ︀ႇ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛယ︀ႃႇꩬ︀ီ ထုင︀်းၸ︀ိင︀်ႛ ဢ︀ꩫ︀်ႈမ︀ေႃꩬ︀ေꩭႂ်ႛဝႆ︀ႇꩫ︀ႆ︀ႇၵ︀ဝ်မ︀ႆ︀ႛ တ︀ီလ︀ႆ︀ၢႈꩫ︀မ︀်ꩫ︀ꩬ︀ီဝႃႈꩫ︀ႆ︀ႇမ︀ႆ︀ႛ တ︀ူႈꩫ︀ႆ︀ႛꩥ︀ိꩫ︀်းဢ︀ူ” ꩫ︀ဝꩫ︀်ႇ။

က︀ေႃရ︀ိꩫ︀်တ︀ု ႑ 13:2

က︀ဝ်ႈမ︀ႆ︀ႛ ꩬ︀ူးဢ︀ꩫ︀်ႈꩭူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩬ︀ီ တ︀ြႃးမ︀ꩫ︀်းꩡ︀ဝ်ႛဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် ပ︀ွင︀်ꩡ︀ႂ်ႈꩡ︀ၢင︀်ႈင︀ႆ︀း တ︀ၢင︀်းꩭူႇတ︀ၢင︀်းꩡ︀ၢင︀်ႈတ︀င︀်းမ︀ိူင︀်းယ︀င︀်းꩫ︀က︀ေႃႇ၊ တ︀ၢင︀်းယ︀ုမ︀်ယ︀မ︀်ႈက︀ဝ်ႈယ︀ႂ်ꩬ︀ီ ꩫ︀ွႆ︀ႈမ︀ႆ︀ႛတ︀မ︀ိူင︀်း ဢ︀ဝ်ႈၵ︀ႆ︀ၢႇပ︀ီꩫ︀်ႈꩫ︀က︀ေႃႇ မ︀ႅတ︀်ႉတ︀ႃမ︀ဝ်ယ︀င︀်းက︀ီး က︀ဝ်ႈက︀ꩬ︀င︀်က︀ေႃႇꩵ︀ႈꩡ︀ႂ်ႈ။