ထဝ်ꩡ︀တ︀်ႉၵ︀ဝ် 26:22 - Khamti Shan22-23 ꩫ︀ႆ︀ႇꩫ︀က︀ေႃႇ က︀ဝ်ႈၵ︀ႃႛမ︀ႆ︀ႛ ဢ︀ဝ်ႈထိုင︀်ဝꩫ︀်းꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛက︀ုမ︀်ႇꩭႂ်ႛꩬ︀ီ င︀ႆ︀ႚပ︀ၢင︀်ႈꩫ︀ႃႛꩬ︀ူꩡ︀ဝ်ႛမ︀ႆ︀ႛꩬ︀ဝ်းꩬ︀ီ တ︀င︀်းမ︀ိူင︀်းမ︀ႆ︀ႛ ꩫ︀ႆ︀ႛꩭီတ︀်ꩬ︀ၢက︀်ႉꩬ︀ေꩬ︀ီဢ︀ူတ︀ီၵ︀ႃႛꩫ︀မ︀်။ ဢ︀ꩫ︀်ႈက︀ဝ်ႈၵ︀ႃႛꩭီတ︀်ꩬ︀ၢက︀်ႉꩬ︀ေꩫ︀ႆ︀ႇယ︀ႃႇ လ︀ွင︀်ႈဢ︀ꩫ︀်ႈꩡ︀ဝ်ႛမ︀ေꩬ︀ိယ︀ဝႃႈၵ︀ၢမ︀်တ︀ၢႆ︀ႈꩫ︀ႆ︀ႇလ︀ိူင︀်ႈ၊ ယ︀ဝ်ႇက︀ီးက︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛ ပ︀ီꩫ︀်ႈၸ︀ူႛꩫ︀ိပ︀်ပ︀ွက︀်ႉဢ︀ွꩫ︀်ႈတ︀ၢင︀်းꩫ︀ႆ︀ႇꩬ︀ီ က︀ျူးꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛ တ︀ီဢ︀ဝ်ႈမ︀ႃးဢ︀ꩫ︀်ႈလ︀ႅင︀်းꩫ︀ႆ︀ႇꩫ︀မ︀်။ ဢ︀ꩫ︀်ႈꩫ︀ႆ︀ႇယ︀ႃႇ ꩫ︀င︀်ဢ︀ꩫ︀်ႈမ︀ေႃꩬ︀ေင︀ႆ︀း ပ︀ရ︀ေႃးၸ︀ႅတ︀်ႉၵ︀ဝ် ꩭူဝ်းဝႆ︀ႇꩫ︀ႆ︀ႇꩫ︀က︀ꩫ︀်ႈထက︀်ꩰတ︀ီၵ︀ႃႛꩫ︀မ︀်” ꩫ︀ꩬ︀ီပ︀ေႃလ︀ုက︀ေႛꩬ︀ွက︀်ႉဢ︀ူ။ အခန်းကိုကြည့်ပါ။ |
ထဝ်ꩡ︀တ︀်ႉၵ︀ဝ် 26:22
42 ပူးပေါင်းရင်းမြစ်များ
ꩫ︀ႆ︀ႇꩫ︀က︀ေႃႇ တ︀ၢင︀်းဢ︀ꩫ︀်ႈက︀ဝ်ႈၵ︀ႃႛ ၸ︀ြႃးပ︀ူလ︀ီꩫ︀်တ︀ူႈၵ︀ႃႛၵ︀ဝ်မ︀ႆ︀ႛ ပ︀ၢႆ︀ႛꩫ︀ႆ︀ႇယ︀ႃႇ တ︀င︀်းၵ︀ဝ်ꩵ︀ႈမ︀ိူꩫ︀်က︀ꩫ︀်ႈတ︀ီၵ︀ႃႛ။ တ︀ၢင︀်းဢ︀ꩫ︀်ႈက︀ဝ်ႈၵ︀ႃႛယ︀ုမ︀်ꩫ︀ႆ︀ႇမ︀ႆ︀ႛ ၵ︀ဝ်ယ︀ႃႇ တ︀ၢင︀်းယ︀ုမ︀်ၸ︀ိတ︀်ꩫ︀ꩬ︀ီ ဝႃႈက︀ꩫ︀်ႈတ︀ီၵ︀ႃႛဢ︀ူ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈက︀ျမ︀်းꩬ︀ိꩫ︀်မ︀ေႃꩬ︀ေ ꩫ︀ၵ︀ႃက︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈၵ︀ႃႛက︀ေႃႇ ယ︀ုမ︀်တ︀ီၵ︀ႃႛဢ︀ူ။
ယ︀ဝ်ႇက︀ီးၵ︀ဝ်ယ︀ႃႇ ဝꩫ︀်းၵ︀တ︀်ꩭႂ်ႛဢ︀ူ။ ဝꩫ︀်းဢ︀ꩫ︀်ႈꩫ︀တ︀်က︀ꩫ︀်ႈမ︀ႆ︀ႛ တ︀ီႈဢ︀ꩫ︀်ႈပ︀ေႃလ︀ုဢ︀ူမ︀ႆ︀ႛ က︀ူꩫ︀်းဢ︀ၢꩫ︀်တ︀ၢꩫ︀်မ︀ႃးက︀ꩫ︀်ႈဢ︀ူ။ ပ︀ေႃလ︀ုယ︀ႃႇ လ︀ုက︀်ႉက︀ၢင︀်ႈလ︀ႂ်မ︀ႆ︀ႛ ဢ︀ဝ်ႈထိုင︀်ၸ︀ၢႆ︀ပ︀ၢင︀်ႛၵ︀မ︀်ႈ လ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ၵ︀ႆ︀ႈပ︀ျႃးꩭႂ်ႛဢ︀ူ။ လ︀ွင︀်ႈꩡ︀ဝ်ႛယ︀ေꩬ︀ုက︀ေႃႇ လ︀ုက︀်ႉက︀ျမ︀်းꩬ︀ိꩫ︀်မ︀ေႃꩬ︀ေင︀ႆ︀း က︀ျမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ꩡ︀ွက︀်ꩬ︀ီ ꩭႂ်ႛပ︀ူဝ်းၵ︀ဝ်ပ︀ွင︀်ꩡ︀ႂ်ႈꩫ︀ႆ︀ႇ ꩭူဝ်းၵ︀ႆ︀ႈꩭႂ်ႛဢ︀ူ။
က︀ူꩫ︀်းဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩫ︀ႆ︀ႇၵ︀ဝ် တ︀ေႃးꩬ︀ႃးက︀ꩫ︀်ႈꩬ︀ီ ယ︀ၢမ︀်းဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛတ︀ေႃးꩬ︀ႃးက︀ေႃႇ ထိုင︀်မ︀ႃးယ︀ဝ်ႇ။ ယ︀ၢမ︀်းဢ︀ꩫ︀်ႈၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ပ︀ႅတ︀်ႉတ︀ြႃးꩬ︀ီ ၸ︀ူႛꩡ︀ႂ်ႇၵ︀ိင︀်းတ︀ူဝ်ꩡ︀ဝ်ႛ ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်၊ ၸ︀ူႛယ︀ႂ် ၸ︀ူႛꩡ︀ႂ်ႇမ︀ဝ်ဝႃႈ က︀ူꩫ︀်းဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ပ︀ူင︀်ႈꩬ︀ူးꩭႂ်ႛင︀ႆ︀း ယ︀ၢမ︀်းဢ︀ꩫ︀်ႈ ၸ︀ူႛဢ︀ဝ်ႈတ︀ႆ︀ၢႈက︀ူꩫ︀်းက︀မ︀်ၸ︀ႃꩫ︀ႆ︀ႇၵ︀ဝ်က︀ူႈက︀ူဝ်ႇမ︀ႆ︀ႛ ဢ︀ဝ်ႈလ︀ူႇပ︀ႅက︀်ႉꩫ︀ႆ︀ႇက︀ေႃႇထိုင︀်မ︀ႃးယ︀ဝ်ႇ” ꩫ︀ꩬ︀ီဝႃႈက︀ꩫ︀်ႈဢ︀ူ။
ၵ︀ဝ်ယ︀ႃႇ ၵ︀ၢမ︀်းမ︀ေႃꩬ︀ေၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ၵ︀ၢမ︀်းပ︀ူႇဢ︀ွꩫ︀်ဢ︀ွေက︀ꩫ︀်ႈꩬ︀ီ “ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀တ︀ီၵ︀ႃႛ ဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛꩭီတ︀်ꩫ︀ႆ︀ႇၵ︀ဝ်ယ︀ႃႇ ယ︀ႂ်မ︀ႅတ︀်ႉꩬ︀ီ ၵ︀ိူင︀်ႈꩫ︀ီႈဢ︀ၢမ︀်းလ︀ူင︀်တ︀ီၵ︀ႃႛꩫ︀မ︀်။ ꩡ︀ဝ်ႛꩭူဝ်ၵ︀မ︀်းၸ︀ꩫ︀်းက︀ူꩫ︀်းတ︀င︀်းမ︀ိူင︀်းတ︀ီၵ︀ႃႛ လ︀ႆ︀ၢးဢ︀ꩫ︀်ႈၵ︀ိင︀်းတ︀ူဝ်ꩡ︀ဝ်ႛꩭီတ︀်ꩫ︀ႆ︀ႇၵ︀ဝ်ယ︀ႃႇ ꩬ︀ိုဝ်ႈꩡ︀ႂ်ႈလ︀ူင︀်တ︀ြႃးလ︀ူင︀်တ︀ီၵ︀ႃႛꩫ︀မ︀်။
ပ︀ၢင︀်ႈꩫ︀ႃႛပ︀လ︀ၢင︀်ဢ︀မ︀ႂ်းမ︀ႆ︀ႛ က︀ူꩫ︀်းဢ︀ꩫ︀်ႈတ︀ႆ︀ၢႈပ︀ူꩫ︀်ႇက︀ႃꩫ︀ႆ︀ႇၵ︀ဝ် ၸ︀ူႛယ︀ႂ် ၸ︀ူႛꩡ︀ႂ်ႇမ︀ဝ်ဝႃႈ တ︀င︀်းမ︀ိူင︀်းꩬ︀ဝ်းက︀ꩫ︀်ႈꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။ ဢ︀မ︀ႂ်းမ︀ႆ︀ႛ ပ︀ၢပ︀်ႉꩫ︀ႆ︀ႇၵ︀ဝ် ပ︀ုတ︀်ဝႆ︀ႇဢ︀ူ။ ပ︀ၢပ︀်ႉတ︀ၢင︀်ဢ︀ꩫ︀်ႈ ဢ︀ꩫ︀်ႈꩡ︀ိုဝ်ႈၸ︀ူႛꩫ︀ႆ︀ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇၵ︀ဝ် တ︀ႅမ︀်ႛဝႆ︀ႇꩫ︀ႆ︀ႇက︀ေႃႇ ပ︀ုတ︀်ဝႆ︀ႇဢ︀ူ။ က︀ူꩫ︀်းဢ︀ꩫ︀်ႈတ︀ႆ︀ၢႈက︀ႃꩫ︀ႆ︀ႇၵ︀ဝ်မ︀ႆ︀ႛယ︀ႃႇ ဢ︀ꩫ︀်ႈꩫ︀င︀်ၵ︀ဝ်ꩭီတ︀်မ︀ႃး၊ ဢ︀ꩫ︀်ႈꩫ︀င︀်ပ︀ၢပ︀်ႉဢ︀မ︀ႂ်းၵ︀ဝ်မ︀ႆ︀ႛ လ︀ွေႛꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။
ကြော်ငြာတွေ