ထဝ်ꩡ︀တ︀်ႉၵ︀ဝ် 24:16 - Khamti Shan

¹⁶ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈက︀ဝ်ႈၵ︀ႃႛယ︀ုမ︀်ꩫ︀ႆ︀ႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀မ︀ိူင︀်း က︀ꩫ︀်ႛꩫ︀ႃႛက︀ူꩫ︀်းမ︀ႆ︀ႛတ︀မ︀ိူင︀်း ꩬ︀ိုဝ်ႈဢ︀ူꩫ︀ꩬ︀ီ က︀ဝ်ႈၵ︀ႃႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩬ︀ေႈꩡ︀ႃႉꩬ︀ီဢ︀ူꩫ︀ႆ︀ႇတ︀ီၵ︀ႃႛꩫ︀မ︀်။

ထဝ်ꩡ︀တ︀်ႉၵ︀ဝ် 24:16 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 23:1

ပ︀ေႃလ︀ုယ︀ႃႇ ၸ︀ူႛၵ︀ဝ်ႛက︀ုမ︀်ႛတ︀ြႃးယ︀ုတ︀ꩫ︀ႆ︀ႇၵ︀ဝ်မ︀ႆ︀ႛ ꩫ︀ူႈꩫ︀ီႈꩫ︀ီႈ ꩬ︀ီ “ပ︀ူဝ်မ︀ေပ︀ီႈꩫ︀ွင︀်ႇၵ︀ဝ်ꩴ︀း ꩡ︀ူဝ်ႈဢ︀ꩬ︀ၢက︀်ႉက︀ဝ်ႈၵ︀ႃႛ ဢ︀ဝ်ႈထိုင︀်ဝꩫ︀်းꩫ︀ႆ︀ႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩰတ︀ူဝ်ꩰဢ︀ူမ︀ႃးꩭီတ︀်မ︀ႃးꩫ︀ႆ︀ႇꩬ︀ီ ဢ︀ꩫ︀်ႈဝႃႈက︀ူဝ်ႈဢ︀ꩫ︀်ႈဝႃႈဢ︀ႆ︀ၢႈ ꩵ︀ႈယ︀င︀်းမ︀ႃးတ︀ီၵ︀ႃႛ” ꩫ︀ဝꩫ︀်ႇ။

ရ︀ေႃမ︀ 2:15

ဢ︀ꩫ︀်ႈၵ︀ဝ်ꩭီတ︀်ꩫ︀ႆ︀ႇယ︀ႃႇ ꩫ︀ႂ်းꩡ︀ႂ်ႈၵ︀ဝ်မ︀ႆ︀ႛ က︀ျမ︀်းꩬ︀ိꩫ︀်ယ︀င︀်းဢ︀ူꩫ︀ꩫ︀ႆ︀ႇ ꩬ︀ၢက︀်ႉꩬ︀ေပ︀ျႃးဢ︀ူꩫ︀မ︀်။ ဢ︀ꩫ︀်ႈၵ︀ဝ်ꩭီတ︀်ꩫ︀ႆ︀ႇ ꩡ︀ႂ်ႈက︀ီးꩡ︀ႂ်ႈဢ︀ူꩫ︀က︀ေႃႇယ︀ႃ ၸ︀ိတ︀်က︀ီးၸ︀ိတ︀်ဢ︀ူꩫ︀က︀ေႃႇယ︀ႃ လ︀ုက︀်ႉꩫ︀ႂ်းꩡ︀ႂ်ႈၵ︀ဝ်မ︀ႆ︀ႛတ︀ူင︀်ႇဢ︀ူꩫ︀မ︀်။

ရ︀ေႃမ︀ 9:1

က︀ဝ်ႈပ︀ီꩫ︀်ႈတ︀ပ︀ေးꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩫ︀မ︀် က︀ဝ်ႈဝႃႈꩫ︀ႆ︀ႇ။ က︀ဝ်ႈꩵ︀ႈၸ︀ႅတ︀်ႉ။ ၵ︀ၢမ︀်းက︀ဝ်ႈꩬ︀ိုဝ်ႈꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩡ︀ႂ်ႈၵ︀ွꩫ︀်က︀ဝ်ႈမ︀ႆ︀ႛ ဢ︀ဝ်ႈတ︀မ︀်းꩡ︀ႂ်ႈꩭႂ်ႛဢ︀ူ။ က︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ ꩡ︀ႃႇꩭၢင︀်းꩡ︀ိူဝ်ႇၸ︀ꩫ︀်းက︀ျူးက︀ဝ်ႈၵ︀ဝ် က︀ဝ်ႈ ၵ︀ီၵ︀ီၵ︀ုမ︀်ꩰꩬ︀ီ မ︀ႆ︀ႛꩡ︀ႂ်ႈဢ︀ူမ︀ဝ်ꩬ︀ဝ်းꩫ︀မ︀်။

က︀ေႃရ︀ိꩫ︀်တ︀ု ႑ 10:32

လ︀ႆ︀ၢးပ︀ိူဝ်ႈꩬ︀ူꩬ︀ီ က︀ျူးပ︀တ︀ု၊ ဢ︀ꩫ︀်ႈက︀ျူးမ︀ဝ်ꩡ︀ႂ်ႈပ︀တ︀ု က︀ူꩫ︀်းꩡ︀ိူဝ်းꩡ︀ဝ်ႛၵ︀ဝ်ပ︀တ︀ု ꩭႂ်ႛပ︀ူဝ်းၸ︀ႂ်က︀ေႃႇ မ︀ဝ်တ︀ွင︀်ႛလ︀ူမ︀်ႇꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 4:4

က︀ဝ်ႈ ဢ︀ꩫ︀်ႈမ︀ဝ်ꩡ︀ႂ်ႈꩵ︀ႈꩭီတ︀်ꩫ︀ꩫ︀ႆ︀ႇ တ︀မ︀်းꩡ︀ႂ်ႈꩫ︀ီႈꩫ︀ီႈ ဢ︀ူ။ ꩫ︀ႆ︀ႇꩫ︀က︀ေႃႇ ဝႃႈင︀ႆ︀းꩬ︀ီ က︀ဝ်ႈꩭူဝ်ꩡ︀ႂ်ႈၵ︀ၢဝ်ဢ︀ူꩫ︀ꩬ︀ီဝႃႈꩵ︀ႈꩡ︀ႂ်ႈ။ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ꩡ︀ႅပ︀်ႉꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

က︀ေႃရ︀ိꩫ︀်တ︀ု ႒ 1:12

ဢ︀ꩫ︀်ႈတ︀ူႈꩭုမ︀်ꩡ︀ူမ︀်းꩫ︀ႆ︀ႇယ︀ႃႇ မ︀ိူဝ်ႈတ︀ူႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ ꩥ︀ႅꩫ︀်က︀ူꩫ︀်းမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀် ပ︀ိုင︀်ႈဢ︀ိင︀်ႈင︀ႆ︀းꩬ︀ီ က︀ꩫ︀်ႛꩫ︀ႃႛက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩭႅင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈꩰတ︀ူဝ်င︀ႆ︀း ꩡ︀ႂ်ႈၵ︀ၢဝ်ပ︀ၢꩫ︀်းꩰꩬ︀ီ ဢ︀ူမ︀ႃးꩫ︀ႆ︀ႇꩫ︀မ︀်။ ဝႃႈက︀ွတ︀်ꩫ︀က︀ီး ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀မ︀် တ︀ူႈင︀ႆ︀းဢ︀ူမ︀ႃးꩫ︀ႆ︀ႇ။ ꩫ︀င︀်တ︀ူႈဝႃႈꩫ︀က︀ꩫ︀်ႈ ꩡ︀ႂ်ႈၵ︀ွꩫ︀်တ︀ူႈက︀ေႃႇ ꩡ︀ုꩫ︀်ႈꩡ︀ၢင︀်ꩰꩫ︀မ︀်။

က︀ေႃရ︀ိꩫ︀်တ︀ု ႒ 4:2

ဢ︀မ︀ူးဢ︀ꩫ︀်ႈၵ︀ိူင︀်ႈꩫ︀ီႈဢ︀ႆ︀ၢႈ ဢ︀ꩫ︀်ႈပ︀ႆ︀ၢႈမ︀ႅပ︀်ပ︀ႆ︀ၢႈꩬ︀ွꩫ︀်ႈꩬ︀ီꩭီတ︀်ꩫ︀ႆ︀ႇၵ︀ဝ် တ︀ူႈပ︀ႆ︀ၵ︀ွတ︀်မ︀ႃးဢ︀ူ။ ဢ︀ꩫ︀်ႈၸ︀ႅတ︀်ႉၸ︀ၢမ︀်းꩫ︀ႆ︀ႇၵ︀ဝ် တ︀ူႈꩵ︀ႈꩭီတ︀်ယ︀ဝ်ႇ။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ တ︀ူႈလ︀ိက︀်ꩰင︀ွက︀်ꩰꩬ︀ီꩵ︀ႈꩭူဝ်း။ တ︀ူႈယ︀ႃႇ ပ︀ၢင︀်ႈꩫ︀ႃႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀မ︀်မ︀ႃတ︀ြႃးမ︀ꩫ︀်းꩡ︀ဝ်ႛ ꩬ︀ိုဝ်ႈꩰတ︀ူဝ်ꩰꩭူဝ်းꩫ︀ႆ︀ႇꩬ︀ီ တ︀ူႈပ︀ီꩫ︀်ႈက︀ူꩫ︀်းꩫ︀င︀်ꩭိုဝ်ꩫ︀ꩫ︀ႆ︀ႇ ပ︀ိူꩫ︀်ႈတ︀င︀်းမ︀ိူင︀်း တ︀ွင︀်းꩬ︀ိုဝ်ႈꩰဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:10

ꩬ︀ူၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ တ︀ူႈက︀ꩬ︀င︀်က︀ေႃႇ ꩵ︀ႈၸ︀ိတ︀်မ︀ႃး။ ꩭူဝ်ꩡ︀ႂ်ႈဝႆ︀ႇꩫ︀ီႈꩫ︀ီႈ ꩬ︀ီ ꩬ︀ိုဝ်ႈꩰတ︀ူဝ်ꩰဢ︀ူမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ꩬ︀ူၸ︀ူႛꩡ︀ဝ်ႛတ︀ွင︀်းဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ တ︀ွင︀်းဢ︀ူ။

တ︀ိမ︀ေႃတ︀ေ ႑ 1:19

ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰꩬ︀ီ ꩡ︀ႂ်ႈက︀ꩫ︀်ႛꩫ︀ႂ်းဢ︀ဝ်ႈꩡ︀ုꩫ︀်ႈꩡ︀ၢင︀်တ︀ႃႉ။ က︀ူꩫ︀်းက︀မ︀်ႈၸ︀ွင︀်းယ︀ႃႇ ꩡ︀ႂ်ႈက︀ꩫ︀်ႛꩫ︀ႂ်းၸ︀ူႛꩡ︀ဝ်ႛမ︀ႆ︀ႛ ꩬ︀ၢꩫ︀်တ︀ၢꩫ︀်းꩬ︀ီ ꩡ︀ႂ်ႈဢ︀ꩫ︀်ႈယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ူႇက︀ႃမ︀ူတ︀်ယ︀ဝ်ႇ။

တ︀ိမ︀ေႃတ︀ေ ႑ 1:5

က︀ဝ်ႈဝႃႈင︀ႆ︀းꩫ︀ႆ︀ႇယ︀ႃႇ ꩭႂ်ႛပ︀ူဝ်းꩬ︀ူမ︀ႆ︀ႛ မ︀ႅတ︀်ႉတ︀ႃဢ︀ꩫ︀်ႈမ︀ူတ︀်ꩡ︀ၢင︀်၊ ꩡ︀ႂ်ႈက︀ꩫ︀်ႛꩫ︀ႂ်းဢ︀ꩫ︀်ႈꩡ︀ုꩫ︀်ႈꩡ︀ၢင︀်င︀ႆ︀း ꩡ︀ႂ်ႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈတ︀ေႇတ︀ေႇꩫ︀ႆ︀ႇၵ︀ဝ် မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇယ︀င︀်းꩬ︀ီဢ︀ူꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 3:9

ၵ︀ဝ်ယ︀ႃႇ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈလ︀ိူက︀်ႉလ︀မ︀်ꩫ︀ီႈမ︀ျတ︀်ႉꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩡ︀ႂ်ႈက︀ꩫ︀်ႛꩫ︀ႂ်းꩡ︀ုꩫ︀်ႈꩰလ︀ႅင︀်းꩰꩬ︀ီ ဝႃႈꩭၢပ︀်ႉꩡ︀ွမ︀်းꩫ︀မ︀်။

တ︀ိမ︀ေႃတ︀ေ ႒ 1:3

တ︀ိမ︀ေႃတ︀ေꩴ︀း မ︀ိူဝ်ႈက︀ဝ်ႈယ︀ွꩫ︀်းꩬ︀ူးꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ႂ်းမ︀ႆ︀ႛဢ︀ွက︀်ꩡ︀ႂ်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ ꩫ︀င︀်ပ︀ူပ︀ူဝ်က︀ဝ်ႈၵ︀ဝ်ꩫ︀က︀ꩫ︀်ႈ ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႂ်ႈက︀ꩫ︀်ႛꩫ︀ႂ်းꩡ︀ုꩫ︀်ႈꩰꩡ︀ၢင︀်ꩰꩬ︀ီ က︀ဝ်ႈꩭီတ︀်ꩬ︀ီဢ︀ူꩫ︀မ︀်။

တ︀ိတ︀ု 1:15

ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇၵ︀ဝ်ယ︀ႃႇ က︀ူႈဢ︀ꩫ︀်ႈမ︀ူတ︀်ꩡ︀ၢင︀်ဢ︀ူ။ ꩫ︀ႆ︀ႇꩫ︀က︀ေႃႇ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈမ︀ဝ်မ︀ူတ︀်ꩡ︀ၢင︀်၊ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ က︀ꩬ︀င︀်က︀ေႃႇꩵ︀ႈမ︀ူတ︀်ꩡ︀ၢင︀်။ ꩡ︀ႂ်ႈၵ︀ဝ်၊ ꩡ︀ႂ်ႈၵ︀ွꩫ︀်ၵ︀ဝ်ယ︀ႃႇ ၸ︀ႅင︀်းက︀ႃမ︀ူတ︀်ယ︀ဝ်ႇ။

ꩭေပ︀ရ︀ူး 10:22

ပ︀ႆ︀ႉꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်း ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ꩬ︀ိုဝ်ႈꩰတ︀ူဝ်ꩰꩡ︀ူးက︀ႂ်ႛက︀ꩫ︀်ႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭူဝ်ꩡ︀ႂ်ႈꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ် ꩭႂ်ႛပ︀ူဝ်းက︀ၢင︀်းꩫ︀ႆ︀ႇ ဢ︀ဝ်ႈꩫ︀ိူတ︀်ႉꩡ︀ဝ်ႛၵ︀ရ︀ီတ︀်ၸ︀ွက︀်င︀ႆ︀း တ︀ူဝ်ႈꩭဝ်းမ︀ႆ︀ႛက︀ေႃႇ ဢ︀ဝ်ႈꩫ︀မ︀်ႇဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇ ꩬ︀ုက︀်ႉꩭႂ်ႛယ︀ဝ်ႇꩰ။

ꩭေပ︀ရ︀ူး 13:18

တ︀ူႈယ︀ႃႇ ꩡ︀ႂ်ႈၵ︀ွꩫ︀်ꩡ︀ုꩫ︀်ႈꩡ︀ၢင︀်ꩰꩫ︀မ︀်။ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ တ︀ူႈၵ︀ႂ်ႈꩭီတ︀်ꩬ︀ိုဝ်ႈꩰတ︀ူဝ်ꩰဢ︀ူ။ ꩡ︀ႃႇတ︀ူႈ ယ︀ွꩫ︀်းꩬ︀ူးꩭႂ်ႛက︀ꩫ︀်ႈမ︀ႃးတ︀ႃႉ။

ꩭေပ︀ရ︀ူး 9:14

ꩫ︀ိူတ︀်ႉꩡ︀ဝ်ႛၵ︀ရ︀ီတ︀်ယ︀ႃႇ ၵ︀ႆ︀ႇမ︀ဝ်က︀ႃးပ︀ီꩫ︀်ႈပ︀ေႇဢ︀ူ။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းၸ︀ူႛꩡ︀ဝ်ႛ ꩭီတ︀်ၵ︀ႅက︀်ဢ︀ꩫ︀်ႈတ︀ီမ︀်ႈက︀ုမ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်ထႃဝရ︀ ပ︀ုက︀်ႉꩡ︀ူဝ်မ︀ႃးယ︀ဝ်ႇ။ ꩫ︀ိူတ︀်ႉမ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းꩭဝ်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်မ︀ႆ︀ႛ မ︀ိုင︀်ႇꩫ︀ႆ︀ႛꩫ︀ႆ︀ႇ ꩡ︀ႂ်ႈၵ︀ွꩫ︀်ꩭဝ်းမ︀ႆ︀ႛ တ︀ၢင︀်းက︀ႅင︀်း ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ် ꩬ︀ုက︀်ႉဢ︀ဝ်ႈတ︀ွင︀်ꩭႂ်ႛဢ︀ူ။

ပ︀ေတ︀ရ︀ု ႑ 2:19

ꩬ︀ူမ︀ႆ︀ႛ ꩡ︀ဝ်ႛꩬ︀ူပ︀ေႇက︀ိꩫ︀်ႈꩫ︀က︀ေႃႇ ဢ︀ꩫ︀်ႈꩫ︀ႆ︀ႇဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်ꩫ︀ꩬ︀ီ ꩬ︀ေးၵ︀ၢမ︀်တ︀ႃႉ။ င︀ႆ︀းက︀ီးꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀က︀ိဝ်းပ︀ူင︀်ႈꩭႂ်ႛဢ︀ူ။

ပ︀ေတ︀ရ︀ု ႑ 3:16

ꩫ︀ႆ︀ႇꩫ︀က︀ေႃႇ မ︀ိူဝ်ႈၵ︀ႆ︀ႈꩫ︀ႆ︀ႇ ဢ︀ူꩫ︀်ႛဢ︀ူꩫ︀်ႛꩥ︀ေႈꩰ ꩫ︀ၢပ︀်ႉꩰယ︀မ︀်ႈꩰꩬ︀ီဝႃႈတ︀ႃႉ။ ꩬ︀ူမ︀ႆ︀ႛၵ︀ႂ်ႈဢ︀ဝ်ႈꩬ︀ူဝ်ႇꩬ︀ီ ပ︀ိူꩫ︀်ႈဢ︀လ︀ွေႛမ︀ႃးက︀ီး ꩫ︀ႂ်းꩡ︀ႂ်ႈꩬ︀ူမ︀ႆ︀ႛ ဢ︀ဝ်ႈꩡ︀ုꩫ︀်ႈꩰꩬ︀ီဢ︀ူတ︀ႃႉ။ င︀ႆ︀းက︀ီး ꩬ︀ူပ︀ီꩫ︀်ႈက︀ူꩫ︀်းꩡ︀ဝ်ႛယ︀ေꩬ︀ုꩫ︀ႆ︀ႇꩬ︀ီ ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူꩫ︀ီႈꩫ︀ႆ︀ႇမ︀ႆ︀ႛ ၵ︀ဝ်ꩭꩫ︀်ꩬ︀ီ ဢ︀ႆ︀ၢႈက︀ႃဢ︀ူ။

ပ︀ေတ︀ရ︀ု ႑ 3:21

ꩫ︀မ︀်ႇဢ︀မ︀ႂ်းယ︀ႃႇ ꩫ︀င︀်ꩫ︀မ︀်ႇဢ︀ꩫ︀်ႈင︀ႆ︀ႚꩬ︀ူ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩬ︀ီ ꩬ︀ူမ︀ႆ︀ႛၵ︀ေꩬ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈꩫ︀မ︀်။ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ꩫ︀ႆ︀ႇယ︀ႃႇ ဢ︀ꩫ︀်ႈꩬ︀ုက︀်ႉၵ︀ႆ︀းတ︀ူဝ်ႈꩭၢင︀်ႈꩵ︀ႈꩡ︀ႂ်ႈ။ ဢ︀ꩫ︀်ႈꩫ︀ႂ်းꩡ︀ႂ်ႈၵ︀ွꩫ︀်ꩬ︀ူမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰက︀ႃꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭႂ်ႛက︀တ︀ိꩫ︀ႆ︀ႇꩫ︀မ︀်။ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇမ︀ႆ︀ႛ ꩭီတ︀်င︀ဝ်ႛꩬ︀ီ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇၵ︀ေꩬ︀ေꩭႂ်ႛꩫ︀မ︀်။