ထဝ်ꩡ︀တ︀်ႉၵ︀ဝ် 23:28 - Khamti Shan

²⁸ မ︀ꩫ︀်းမ︀ႆ︀ႛက︀ျူးꩫ︀ႆ︀ႇၵ︀ဝ် လ︀ၢႆ︀းပ︀ိူဝ်ႈက︀ꩬ︀င︀်တ︀ၢင︀်ဢ︀ပ︀ႅတ︀်ႉꩫ︀ꩫ︀ႆ︀ႇ က︀ဝ်ႈၵ︀ႂ်ႈတ︀ွင︀်းꩬ︀ီ ပ︀ၢင︀်ႈတ︀ြႃးက︀ျူးမ︀ႆ︀ႛꩭွင︀်ႇက︀ႃမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 23:28 ပူးပေါင်းရင်းမြစ်များ

မ︀တ︀်တ︀ႄး 5:22

ꩫ︀ႆ︀ႇꩫ︀က︀ေႃႇ က︀ဝ်ႈဝႃႈက︀ွတ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူဝ်ႇဢ︀ꩫ︀်ႈပ︀ီႈꩫ︀ွင︀်ႇၸ︀ူႛꩡ︀ဝ်ႛမ︀ႆ︀ႛ တ︀ေႃးꩬ︀ႃးꩫ︀ႆ︀ႇမ︀ႆ︀ႛꩫ︀ႆ︀ၢႈက︀ေႃႇ တ︀ီပ︀ႅတ︀်ႉတ︀ြႃးꩫ︀မ︀်။ က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ ပ︀ၢဝ်ꩰတ︀ူꩰꩫ︀ꩬ︀ီဝႃႈꩫ︀ႆ︀ႇမ︀ႆ︀ႛယ︀ႃႇ ၵ︀ႆ︀ႇမ︀ဝ်က︀ႃးယ︀ုင︀်းတ︀ြႃးမ︀ႆ︀ႛ တ︀ီပ︀ႅတ︀်ႉတ︀ြႃးꩫ︀မ︀်။ က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ တ︀ၢꩫ︀်ႛꩬ︀ယ︀ုက︀်ႉမ︀ႆ︀ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ွႆ︀တ︀ူက︀်င︀ႃးလ︀ႆ︀ၢးꩫ︀မ︀်။

ထဝ်ꩡ︀တ︀်ႉၵ︀ဝ် 22:30

ꩡ︀ဝ်ႛꩭူဝ်ꩬ︀ိူက︀်ယ︀ႃႇ ပ︀ေႃလ︀ုမ︀ႆ︀ႛ က︀ျူးꩫ︀ႆ︀ႇၵ︀ဝ် ဢ︀ပ︀ႅတ︀်ႉက︀ꩬ︀င︀်ꩡ︀ိုဝ်ꩫ︀ႆ︀ႇꩫ︀ꩫ︀ႆ︀ႇ ၵ︀ႂ်ႈတ︀ွင︀်းꩫ︀ီႈꩫ︀ီႈဢ︀ူ။ င︀ႆ︀းꩬ︀ီ ꩫ︀င︀်မ︀ိူဝ်ႈꩭုက︀်ႉ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩫ︀ႆ︀ႇၵ︀ဝ်င︀ႆ︀း က︀ုမ︀်ႛꩡ︀ဝ်ႛတ︀ြႃးက︀ျူးꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛတ︀ုမ︀်ႈက︀ꩫ︀်ႈဝႆ︀ႇဢ︀ူ။ ꩬ︀ၢႆ︀ဢ︀ꩫ︀်ႈပ︀ေႃလ︀ုမ︀ႆ︀ႛၸ︀ုက︀်ဝႆ︀ႇꩫ︀ႆ︀ႇက︀ေႃႇꩭႂ်ႛက︀ေႛꩬ︀ီ မ︀ꩫ︀်းမ︀ႆ︀ႛက︀ꩫ︀်ႛꩫ︀ႃႛၵ︀ဝ်မ︀ႆ︀ႛ ꩭႂ်ႛမ︀ႃးꩬ︀ဝ်းဢ︀ူ။

ထဝ်ꩡ︀တ︀်ႉၵ︀ဝ် 23:1

ပ︀ေႃလ︀ုယ︀ႃႇ ၸ︀ူႛၵ︀ဝ်ႛက︀ုမ︀်ႛတ︀ြႃးယ︀ုတ︀ꩫ︀ႆ︀ႇၵ︀ဝ်မ︀ႆ︀ႛ ꩫ︀ူႈꩫ︀ီႈꩫ︀ီႈ ꩬ︀ီ “ပ︀ူဝ်မ︀ေပ︀ီႈꩫ︀ွင︀်ႇၵ︀ဝ်ꩴ︀း ꩡ︀ူဝ်ႈဢ︀ꩬ︀ၢက︀်ႉက︀ဝ်ႈၵ︀ႃႛ ဢ︀ဝ်ႈထိုင︀်ဝꩫ︀်းꩫ︀ႆ︀ႇ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈꩰတ︀ူဝ်ꩰဢ︀ူမ︀ႃးꩭီတ︀်မ︀ႃးꩫ︀ႆ︀ႇꩬ︀ီ ဢ︀ꩫ︀်ႈဝႃႈက︀ူဝ်ႈဢ︀ꩫ︀်ႈဝႃႈဢ︀ႆ︀ၢႈ ꩵ︀ႈယ︀င︀်းမ︀ႃးတ︀ီၵ︀ႃႛ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 23:10

ဢ︀ꩫ︀်ႈထီင︀်က︀ꩫ︀်ႈꩫ︀ႆ︀ႇ ꩭႅင︀်းမ︀ႃးက︀ီး က︀ူဝ်ႈက︀ူꩫ︀်းꩫ︀ႆ︀ႇၵ︀ဝ် ပ︀ေႃလ︀ုမ︀ႆ︀ႛꩡ︀ႅက︀်ၵ︀ွတ︀်ꩬ︀ီ ꩡ︀ဝ်ႛꩭူဝ်ꩬ︀ိူက︀်ယ︀ႃႇ လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်မ︀ႆ︀ႛꩭႂ်ႛလ︀ူင︀်းက︀ႃင︀ႆ︀း မ︀ꩫ︀်းမ︀ႆ︀ႛလ︀ုက︀်ႉပ︀ူက︀်ႉက︀ူꩫ︀်းမ︀ႆ︀ႛ ဢ︀ဝ်ႈꩬ︀ီ ꩭႂ်ႛꩭွင︀်ႇက︀ႃက︀ꩫ︀်ႛꩫ︀ႂ်းတ︀ၢပ︀်ႉꩬ︀ိူက︀်ဢ︀ူ။