ထဝ်ꩡ︀တ︀်ႉၵ︀ဝ် 22:3 - Khamti Shan

³ ပ︀ေႃလ︀ုယ︀ႃႇ က︀ၢပ︀်ꩬ︀ီ “က︀ဝ်ႈၵ︀ႃႛယ︀ႃႇက︀ျူး ဢ︀ꩫ︀်ႈမ︀ိူင︀်းက︀ိလ︀ိက︀ိ ဝီင︀်းတ︀ႃꩬ︀ုမ︀ႆ︀ႛယ︀င︀်းတ︀ီၵ︀ႃႛꩫ︀မ︀်။ ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ယ︀ႂ်မ︀ႃးꩬ︀ီ က︀ျမ︀်းꩬ︀ိꩫ︀်မ︀ေႃꩬ︀ေဢ︀ꩫ︀်ႈပ︀ူလ︀ီꩫ︀်ၵ︀ဝ် က︀မ︀်ႈက︀ႅင︀်းမ︀ႃးꩫ︀ႆ︀ႇ လ︀ုက︀်ႉꩬ︀ြႃလ︀ူင︀်က︀ႃမ︀လ︀ျေလ︀မ︀ႆ︀ႛ ꩬ︀ွꩫ︀်ဢ︀ဝ်ႈထက︀်ꩰမ︀ႃးမ︀ꩫ︀မ︀်။ င︀ႆ︀ႚ ꩫ︀င︀်ꩬ︀ူꩡ︀ဝ်ႛ ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႂ်ႈလ︀ွေႛꩭႅင︀်းꩫ︀က︀ꩫ︀်ႈ က︀ဝ်ႈၵ︀ႃႛက︀ေႃႇ ꩡ︀ႂ်ႈလ︀ွေႛꩭႅင︀်းမ︀ႃးတ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 22:3 ပူးပေါင်းရင်းမြစ်များ

လ︀ုက︀ႃ 10:39

မ︀ႃႈထႃးမ︀ႆ︀ႛ ꩫ︀ွင︀်ႇꩬ︀ၢဝ် မ︀ေရ︀ီꩫ︀ꩫ︀ႆ︀ႇယ︀င︀်းဢ︀ူ။ မ︀ေရ︀ီယ︀ႃႇ တ︀ႆ︀ၢႛတ︀ိꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ꩫ︀င︀်ႈင︀ႆ︀း ထွမ︀်တ︀ြႃးမ︀ꩫ︀်းꩡ︀ဝ်ႛꩬ︀ီဢ︀ူဢ︀ူ။

လ︀ုက︀ႃ 2:46

ꩬ︀ၢမ︀်ဝꩫ︀်းထူꩫ︀်ႛက︀ီးꩬ︀ိုင︀် မ︀ꩫ︀်းမ︀ႆ︀ႛꩭꩫ︀်ဢ︀ူ။ ယ︀ေꩬ︀ုယ︀ႃႇ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ဝူင︀်ႈက︀ၢင︀်ႈ ꩬ︀ြႃၸ︀ႃꩬ︀ႃꩫ︀ႆ︀ႇၵ︀ဝ်မ︀ႆ︀ႛꩫ︀င︀်ႈင︀ႆ︀း တ︀င︀်းၵ︀ဝ်လ︀ွင︀်ႈၸ︀ြႃးတ︀ြႃး ထၢမ︀်က︀ꩫ︀်ႈၵ︀ႆ︀ႈက︀ꩫ︀်ႈꩬ︀ီဢ︀ူꩰ။

လ︀ုက︀ႃ 8:35

က︀ူꩫ︀်းꩫ︀ႆ︀ႇၵ︀ဝ်က︀ေႃႇ ပ︀ီꩫ︀်ႈꩭိုဝ်လ︀ိူဝ်းꩫ︀ꩬ︀ီ ၵ︀ဝ်ꩡ︀ဝ်ႛမ︀ႆ︀ႛ မ︀ႃးလ︀ႅမ︀်းက︀ꩫ︀်ႈဢ︀ူ။ မ︀ိူဝ်ႈဢ︀မ︀ႂ်း က︀ူꩫ︀်းဢ︀ꩫ︀်ႈၸ︀ီꩭၢႆ︀ႇတ︀င︀်းၸ︀ုင︀် ဢ︀ွက︀်က︀ႃဢ︀မ︀ႂ်းယ︀ႃႇ ၵ︀ိူင︀်ႈꩫ︀ုင︀်ႈꩬ︀ီ တ︀ႆ︀ၢႛတ︀ိꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ ꩫ︀ီႈꩬ︀ူဝ်းꩰဢ︀ူꩫ︀ႆ︀ႇမ︀ႆ︀ႛ ၵ︀ဝ်ꩭꩫ︀်က︀ီး က︀ူဝ်ႈက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 11:25

ယ︀ဝ်ႇက︀ီး ၿႃꩫ︀ၿယ︀ႃႇ ꩬ︀ေႃလ︀ုမ︀ႆ︀ႛၵ︀ႃက︀ွတ︀်ꩫ︀ꩬ︀ီ က︀ႃဝီင︀်းတ︀ႃꩬ︀ုဢ︀ူ။

ထဝ်ꩡ︀တ︀်ႉၵ︀ဝ် 15:23

မ︀ိုဝ်းꩬ︀ွင︀်ၵ︀ႃမ︀ႆ︀ႛ လ︀ိက︀်ႉၸ︀ၢက︀်ꩭႂ်ႛဢ︀ူ။ လ︀ိက︀်ႉဢ︀မ︀ႂ်းမ︀ႆ︀ႛ “ပ︀ီႈꩫ︀ွင︀်ႇဢ︀ꩫ︀်ႈက︀ျူးမ︀ဝ်ꩡ︀ႂ်ႈ ဢ︀ꩫ︀်ႈဢ︀ူဝီင︀်းဢ︀ꩫ︀်တ︀ိဢ︀ုက︀်၊ မ︀ိူင︀်းꩬ︀ီရ︀ီယ︀ႃး၊ မ︀ိူင︀်းက︀ိလ︀ိက︀ိꩫ︀ႆ︀ႇၵ︀ဝ်ꩴ︀း ꩬ︀ူꩡ︀ဝ်ႛမ︀ႆ︀ႛ တ︀ူႈတ︀မ︀ၢꩫ︀်ꩡ︀ဝ်ႛၵ︀ဝ်၊ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ် ၸ︀ူႛပ︀ီꩫ︀်ႈပ︀ီႈꩫ︀ွင︀်ႇꩬ︀ူꩡ︀ဝ်ႛၵ︀ဝ် ꩬ︀င︀်ၵ︀ၢမ︀်းမ︀ႂ်ꩬ︀ုင︀်တ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 15:41

ပ︀ေႃလ︀ုယ︀ႃႇ မ︀ိူင︀်းꩬ︀ီရ︀ီယ︀ႃး၊ မ︀ိူင︀်းက︀ိလ︀ိက︀ိꩫ︀ႆ︀ႇၵ︀ဝ်မ︀ႆ︀ႛက︀ႃꩬ︀ီ က︀ူꩫ︀်းꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩬ︀ႂ်ꩭႅင︀်းဢ︀ဝ်ႈၵ︀ိူင︀်က︀ိုမ︀်းꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 21:20

ဢ︀ꩫ︀်ႈမ︀ꩫ︀်းတ︀ၢင︀်ပ︀ျႃးꩫ︀ႆ︀ႇမ︀ႆ︀ႛ ꩫ︀ႆ︀ႛꩥ︀ိꩫ︀်းက︀ီး ၵ︀ဝ်ယ︀ႃႇမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈဢ︀ူ။ ယ︀ဝ်ႇက︀ီးပ︀ေႃလ︀ုမ︀ႆ︀ႛ “ပ︀ီႈꩫ︀ွင︀်ႇꩭဝ်း က︀ျူးၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် လ︀ၢႆ︀ꩭီင︀်ယ︀င︀်းဢ︀ူꩫ︀ꩫ︀ႆ︀ႇလ︀ိူင︀်ႈ၊ ၵ︀ဝ်တ︀င︀်းမ︀ိူင︀်း က︀ျမ︀်းꩬ︀ိꩫ︀်မ︀ေႃꩬ︀ေမ︀ႆ︀ႛ က︀မ︀်ႈက︀ႅင︀်းက︀တ︀်ႉꩰက︀ꩫ︀်ႈဢ︀ူꩫ︀ꩫ︀ႆ︀ႇလ︀ိူင︀်ႈ မ︀ႂ်းတ︀ွင︀်းဢ︀ူ။

ထဝ်ꩡ︀တ︀်ႉၵ︀ဝ် 21:39

ပ︀ေႃလ︀ုယ︀ႃႇ “က︀ဝ်ႈယ︀ႃႇ က︀ျူးꩫ︀မ︀်။ က︀ူꩫ︀်းမ︀ိူင︀်းလ︀ူင︀်ꩫ︀မ︀်။ မ︀ိူင︀်းက︀ိလ︀ိက︀ိ ဝီင︀်းတ︀ႃꩬ︀ုမ︀ႆ︀ႛꩫ︀မ︀်က︀ဝ်ႈယ︀င︀်းမ︀ႃးꩫ︀ႆ︀ႇ။ ၵ︀ႅꩫ︀်းꩫ︀က︀ွတ︀် က︀ဝ်ႈၸ︀ုင︀်က︀ူꩫ︀်းမ︀ႆ︀ႛ ꩭႂ်ႛꩫ︀ႆ︀ႛတ︀ၢꩫ︀်ႛမ︀ႃးတ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 23:34

ꩡ︀ဝ်ႛက︀ႅမ︀်ႈဝွင︀်ႇꩫ︀ႆ︀ႇ လ︀ိက︀်ႉၸ︀တ︀်ယ︀ဝ်ႇက︀ီး ပ︀ေႃလ︀ုမ︀ႆ︀ႛ မ︀ႂ်းက︀ူꩫ︀်းမ︀ိူင︀်းဢ︀လ︀ႂ်ႈꩫ︀ႆ︀ ꩫ︀ꩬ︀ီထၢမ︀်ဢ︀ူ။ ပ︀ေႃလ︀ုပ︀ီꩫ︀်ႈက︀ူꩫ︀်းမ︀ိူင︀်းက︀ိလ︀ိက︀ိꩫ︀မ︀်ꩫ︀ꩫ︀ႆ︀ႇတ︀ွင︀်းက︀ႃက︀ီး

ထဝ်ꩡ︀တ︀်ႉၵ︀ဝ် 23:6

ꩫ︀ႆ︀ႇမ︀ႆ︀ႛ ၸ︀ူႛၵ︀ဝ်ႛက︀ုမ︀်ႛတ︀ြႃးꩫ︀ႆ︀ႇၵ︀ဝ်မ︀ႆ︀ႛ က︀ုမ︀်ႛလ︀ိူင︀်ႈယ︀ႃႇ ၸ︀ႃရ︀ိꩬ︀ႄꩫ︀ႆ︀ႇၵ︀ဝ်င︀ႆ︀း က︀ုမ︀်ႛလ︀ိူင︀်ႈယ︀ႃႇ ပ︀ီꩫ︀်ႈꩡ︀တ︀်တ︀ုက︀ႄꩫ︀ႆ︀ႇၵ︀ဝ်ꩫ︀မ︀်ꩫ︀ꩫ︀ႆ︀ႇ ပ︀ေႃလ︀ုတ︀ွင︀်းက︀ီး “ပ︀ူဝ်မ︀ေပ︀ီꩫ︀ွင︀်ႇၵ︀ဝ်ꩴ︀း က︀ဝ်ႈၵ︀ႃႛယ︀ႃႇ ၸ︀ႃရ︀ိꩬ︀ႄꩫ︀မ︀်။ ၸ︀ူႛလ︀ုက︀်ႉၸ︀ႃရ︀ိꩬ︀ႄက︀ေႃႇꩡ︀ႂ်ႈဢ︀ူ။ င︀ႆ︀ႚက︀ဝ်ႈမ︀ႆ︀ႛꩡ︀ႅပ︀်ႉက︀ꩫ︀်ႈꩫ︀ႆ︀ႇ လ︀ႆ︀ၢးပ︀ိူဝ်ႈဢ︀ꩫ︀်ႈၸ︀ူႛတ︀ၢႆ︀ႈꩫ︀ႆ︀ႇၵ︀ဝ် တ︀ီꩫ︀ိပ︀်ပ︀ွက︀်ႉꩫ︀မ︀်ꩫ︀ꩫ︀ႆ︀ႇမ︀ႆ︀ႛ က︀ဝ်ႈၵ︀ႃႛတ︀ႂ်းထႃႛꩬ︀ီꩫ︀မ︀်” ꩫ︀ꩬ︀ီဢ︀ိဝ်ꩬ︀ီဝႃႈဢ︀ူ။

ထဝ်ꩡ︀တ︀်ႉၵ︀ဝ် 26:5

က︀ဝ်ႈၵ︀ႃႛမ︀ႆ︀ႛ ၵ︀ဝ်တ︀ွင︀်းမ︀ႃးꩫ︀ႆ︀ႇဢ︀ၢꩫ︀်တ︀ၢꩫ︀်ꩭိုင︀်တ︀ီၵ︀ႃႛယ︀ဝ်ႇ။ က︀ဝ်ႈၵ︀ႃႛ ꩫ︀င︀်ၸ︀ူႛၵ︀ဝ်ႛက︀ုမ︀်ႛၸ︀ႃရ︀ိꩬ︀ႄက︀ူဝ်ႇလ︀ိူင︀်ႈꩫ︀က︀ꩫ︀်ႈ က︀ျမ︀်းꩬ︀ိꩫ︀်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းꩡ︀ွမ︀်းထက︀်ꩰမ︀ႃးဢ︀ူꩫ︀ꩫ︀ႆ︀ႇ ၵ︀ဝ်ꩬ︀ၢက︀်ႉꩬ︀ေၵ︀ႂ်ႈၵ︀ၢမ︀်က︀ီးၵ︀ၢမ︀်ꩫ︀ႆ︀ႛတ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 26:9

က︀ဝ်ႈၵ︀ႃႛၸ︀ူႛꩡ︀ဝ်ႛတ︀မ︀ိူင︀်းက︀ေႃႇ က︀ူꩫ︀်းဝီင︀်းꩫ︀ႃꩡ︀ရ︀ႅတ︀်ယ︀ေꩬ︀ုမ︀ႆ︀ႛ ဝႃႈꩬ︀ၢꩫ︀်တ︀ၢꩫ︀်း ဝႃႈယ︀ႃႇဢ︀ူꩫ︀ꩬ︀ီ ၵ︀ႂ်ႈꩡ︀ႂ်ႈꩬ︀ီ

ထဝ်ꩡ︀တ︀်ႉၵ︀ဝ် 5:34

ꩫ︀ႆ︀ႇꩫ︀က︀ေႃႇ က︀ႃမ︀လ︀ျေလ︀ꩫ︀ꩫ︀ႆ︀ႇၸ︀ႃရ︀ိꩬ︀ႄက︀ူဝ်ႇဢ︀ꩫ︀်ႈပ︀ီꩫ︀်ႈ ꩬ︀ြႃတ︀ြႃးဢ︀ꩫ︀်ႈပ︀ိူꩫ︀်ႈတ︀င︀်းမ︀ိူင︀်းꩫ︀ၢပ︀်ႉယ︀မ︀်ႈꩫ︀ႆ︀ႇယ︀ႃႇ လ︀ုက︀်ႉပ︀ၢင︀်ႈက︀ုမ︀်ႈက︀ုမ︀်ႛꩡ︀ဝ်ႛတ︀ြႃးမ︀ႆ︀ႛလ︀ုက︀်ႉꩬ︀ီ တ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛ ဢ︀ဝ်ႈဢ︀မ︀ိင︀်းꩭႂ်ႛꩭွင︀်ႇ ဢ︀ွက︀်က︀ႃက︀ꩫ︀်ႛꩫ︀ွက︀်ႉယ︀ဝ်ႇက︀ီး

ထဝ်ꩡ︀တ︀်ႉၵ︀ဝ် 6:9

ꩫ︀ႆ︀ႇꩫ︀က︀ေႃႇ က︀ူꩫ︀်းက︀မ︀်ႈၸ︀ွင︀်းယ︀ႃႇ မ︀ꩫ︀်းမ︀ႆ︀ႛတ︀ိက︀်ပ︀ွက︀်ႉဢ︀ူ။ ၵ︀ဝ်ယ︀ႃႇ က︀ျူးက︀ုမ︀်ႛက︀ူꩫ︀်းလ︀ွတ︀်ႉဢ︀ꩫ︀်ႈၸ︀ူႛၵ︀ဝ်ႛက︀ုမ︀်ႛꩡ︀ွင︀်းꩬ︀ွꩫ︀်တ︀ြႃး ဢ︀ꩫ︀်ႈလ︀ုက︀်ႉဝီင︀်းက︀ုရ︀ေꩫ︀ေꩫ︀ၵ︀ႃ ဢ︀ႃလ︀ေꩡ︀ꩫ︀်တ︀ြိယ︀မ︀ႆ︀ႛမ︀ႃးꩫ︀ႆ︀ႇၵ︀ဝ်ꩫ︀မ︀်။ ၵ︀ဝ်င︀ႆ︀း က︀ျူးက︀မ︀်ႈၸ︀ွင︀်း ဢ︀ꩫ︀်ႈလ︀ုက︀်ႉꩡ︀ေႈဝီင︀်းက︀ိလ︀ိက︀ိꩫ︀ၵ︀ႃ ꩡ︀ေႈဝီင︀်းဢ︀ႃꩬ︀ျꩫ︀ႆ︀ႇၵ︀ဝ်ယ︀ႃႇ တ︀င︀်းꩬ︀တ︀ေၸ︀ꩫ︀်ထီင︀်က︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 9:1

ဝူင︀်ႈꩫ︀ႆ︀ႇမ︀ႆ︀ႛ ꩬ︀ေႃလ︀ုယ︀ႃႇ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈတ︀ႆ︀ၢႈက︀ွတ︀်ꩫ︀ꩬ︀ီ ꩭီတ︀်ꩭႆ︀ၢႇꩬ︀ီလ︀ွက︀်ဢ︀ူ။ မ︀ꩫ︀်းယ︀ႃႇ ၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉမ︀ႆ︀ႛက︀ႃꩬ︀ီ လ︀ိက︀်ႉဢ︀မ︀ိင︀်းꩡ︀ႃႇꩭၢင︀်းဢ︀ဝ်ႈက︀ႃꩡ︀ွင︀်းꩬ︀ွꩫ︀်တ︀ြႃးဝီင︀်းတ︀မ︀ႃတ︀ႅတ︀်က︀ႃယ︀ွꩫ︀်းဢ︀ူ။ မ︀ꩫ︀်းယ︀ႃႇ လ︀ိက︀်ႉဢ︀မ︀ႂ်းꩫ︀ႆ︀ႛက︀ီး ဝီင︀်းတ︀မ︀ႃတ︀ႅတ︀်မ︀ႆ︀ႛက︀ႃꩬ︀ီ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛꩭꩫ︀်က︀ီး ၵ︀ဝ်မ︀ႆ︀ႛꩬ︀ႅဝ်ႛꩬ︀ီ ၵ︀ႂ်ႈꩡ︀ꩫ︀်ႈဢ︀ဝ်ႈမ︀ႃးဝီင︀်းယ︀ေရ︀ုꩬ︀လ︀ိမ︀်ꩫ︀မ︀်။

ထဝ်ꩡ︀တ︀်ႉၵ︀ဝ် 9:11

ꩡ︀ဝ်ယ︀ေꩬ︀ုယ︀ႃႇ “မ︀ႂ်းလ︀ုက︀်ႉꩬ︀ီ တ︀ၢင︀်းꩫ︀ꩫ︀်ႈꩫ︀ꩫ︀ႆ︀ႇမ︀ႆ︀ႛက︀ႃတ︀ႃႉ။ ꩭိူꩫ︀်းယ︀ုတ︀မ︀ႆ︀ႛ က︀ူꩫ︀်းဝီင︀်းတ︀ႃꩬ︀ု ꩬ︀ေႃလ︀ုꩫ︀ꩫ︀ႆ︀ႇမ︀ႆ︀ႛ ၵ︀ႃတ︀ႃႉ။ မ︀ꩫ︀်းယ︀ွꩫ︀်းꩬ︀ူးꩬ︀ီဢ︀ူꩫ︀မ︀်။

ထဝ်ꩡ︀တ︀်ႉၵ︀ဝ် 9:30

လ︀ွင︀်ႈဢ︀မ︀ႂ်း ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ꩫ︀ႆ︀ႛꩥ︀ိꩫ︀်းက︀ီး မ︀ꩫ︀်းမ︀ႆ︀ႛꩬ︀ူင︀်ဝီင︀်းက︀ႄတ︀ရ︀ိꩬ︀ီ လ︀ုက︀်ႉဢ︀မ︀ႂ်းမ︀ႆ︀ႛ ꩭႂ်ႛက︀ႃဝီင︀်းတ︀ႃꩬ︀ုဢ︀ူ။

ရ︀ေႃမ︀ 11:1

ꩫ︀ႆ︀ႇက︀ီး ၸ︀ြႃးပ︀ီꩫ︀်ႈꩡ︀ဝ်ႛ ဢ︀ီတ︀်ꩬ︀ြေးမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ၵ︀ွတ︀်က︀ႃက︀ျႃး။ ꩵ︀ႈၵ︀ွတ︀်ပ︀ိူင︀်ႈလ︀ူင︀်။ က︀ဝ်ႈၸ︀ူႛꩡ︀ဝ်ႛက︀ေႃႇ ၸ︀ꩫ︀်းဢ︀ီတ︀်ꩬ︀ြေး၊ ၵ︀ိူဝ်းၿိင︀်ယ︀ႃမ︀ိင︀် ဢ︀ꩫ︀်ႈလ︀ုက︀်ႉဢ︀ႃပ︀ြႃꩭၢမ︀်မ︀ႆ︀ႛ ၵ︀ိူဝ်းမ︀ႃးꩫ︀မ︀်။

က︀ေႃရ︀ိꩫ︀်တ︀ု ႒ 11:22

ꩫ︀င︀်ၵ︀ဝ်ပ︀ီꩫ︀်ႈꩭေပ︀ရ︀ူးꩫ︀မ︀်ꩫ︀ꩬ︀ီ က︀မ︀်ႇလ︀ွင︀်ႛꩫ︀ႆ︀ႇꩫ︀က︀ꩫ︀်ႈ က︀ဝ်ႈက︀ေႃႇꩭေပ︀ရ︀ူးꩫ︀မ︀်။ ꩫ︀င︀်ၵ︀ဝ်ပ︀ီꩫ︀်ႈဢ︀ီတ︀်ꩬ︀ြေးꩫ︀က︀ꩫ︀်ႈ က︀ဝ်ႈက︀ေႃႇ ဢ︀ီတ︀်ꩬ︀ြေးꩫ︀မ︀်။ ꩫ︀င︀်ၵ︀ဝ်ပ︀ီꩫ︀်ႈၵ︀ိူဝ်းဢ︀ႃပ︀ြႃꩭၢမ︀်ꩫ︀က︀ꩫ︀်ႈ က︀ဝ်ႈက︀ေႃႇၵ︀ိူဝ်းဢ︀ႃပ︀ြႃꩭၢမ︀်ꩫ︀မ︀်။

က︀လ︀ႃတ︀ိ 1:14

လ︀ွင︀်ႈက︀မ︀်ႈက︀ႅင︀်းၸ︀ႃꩬ︀ႃက︀ျူးမ︀ႆ︀ႛက︀ေႃႇ က︀ူꩫ︀်းꩬ︀မ︀်က︀ဝ်ႈꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ꩡ︀ႂ်ႈꩭႅင︀်းꩬ︀ႃꩬ︀ီ ထုင︀်းပ︀ူလ︀ီꩫ︀်ယ︀ႃႛမ︀ွꩫ︀်တ︀ူႈမ︀ႆ︀ႛ ꩡ︀ွမ︀်းထက︀်ꩰမ︀ႃးဢ︀ူ။

က︀လ︀ႃတ︀ိ 1:21

ဝႆ︀ၢးဢ︀မ︀ႂ်း တ︀ိူင︀်းꩬ︀ီရ︀ီယ︀ႃးꩫ︀ၵ︀ႃ ꩡ︀ီးရ︀ီးꩡ︀ီးယ︀ႃးမ︀ႆ︀ႛ က︀ဝ်ႈက︀ႃမ︀ႃးဢ︀ူ။