ထဝ်ꩡ︀တ︀်ႉၵ︀ဝ် 20:9 - Khamti Shan

⁹ မ︀ိူဝ်ႈဢ︀မ︀ႂ်း ဢ︀ုတ︀ုၵ︀ုꩫ︀ꩫ︀ႆ︀ႇၸ︀ူႛမ︀ၢဝ်က︀ူဝ်ႇလ︀ိူင︀်ႈယ︀ႃႇ တ︀ၢꩫ︀်းꩭူးလ︀ႅင︀်းမ︀ႆ︀ႛꩫ︀င︀်ႈꩬ︀ီဢ︀ူဢ︀ူ။ မ︀ိူဝ်ႈပ︀ေႃလ︀ုꩭူဝ်းတ︀ြႃးꩬ︀ီဢ︀ူꩫ︀ႆ︀ႇ မ︀ꩫ︀်းယ︀ႃႇꩭဝ်ꩫ︀ွꩫ︀်းင︀ႆ︀း ပ︀ၢႆ︀ႈꩭၢင︀်မ︀ႆ︀ႛယ︀ႃႇꩫ︀ွꩫ︀်းꩫ︀က︀်က︀ႃꩬ︀ီ လ︀ုက︀်ႉꩭိူꩫ︀်းꩬ︀ၢမ︀်ꩭၢꩫ︀်ႇမ︀ႆ︀ႛ တ︀ူက︀်က︀ႃဢ︀ူ။ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ မ︀ꩫ︀်းမ︀ႆ︀ႛက︀ႃဢ︀ုမ︀်ႛက︀ီး မ︀ꩫ︀်းတ︀ၢႆ︀ႈက︀ႃယ︀ဝ်ႇ။

ထဝ်ꩡ︀တ︀်ႉၵ︀ဝ် 20:9 ပူးပေါင်းရင်းမြစ်များ

မ︀ႃက︀ု 13:36

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛꩭိူꩫ︀်းမ︀ဝ်ထိူပ︀်မ︀ဝ်တ︀ႂ်းပ︀ွက︀်ႉမ︀ႃးက︀ီး ꩬ︀ူꩫ︀ွꩫ︀်းꩬ︀ီဢ︀ူꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းမ︀ဝ်ꩥ︀ႃးꩫ︀ႆ︀ႇ ၵ︀ႅတ︀်ꩰꩫ︀ီမ︀်ꩰ ထႃႛပ︀ႂ်ႇꩬ︀ီဢ︀ူက︀ꩫ︀်ႈတ︀ႃႉ။

မ︀ႃက︀ု 9:26

ၸ︀ီဢ︀မ︀ႂ်းက︀ေႃႇ ဢ︀ိဝ်ꩬ︀ႅꩫ︀်င︀ႆ︀း ꩡ︀ၢႆ︀းဢ︀ွꩫ︀်မ︀ႆ︀ႛ ဢ︀ဝ်ႈꩬ︀ꩫ︀်ထႅပ︀်ႉꩰꩬ︀ီ လ︀ုက︀်ႉမ︀ꩫ︀်းမ︀ႆ︀ႛဢ︀ွက︀်က︀ႃဢ︀ူ။ ꩡ︀ၢႆ︀းဢ︀ွꩫ︀်ꩫ︀ႆ︀ႇယ︀ႃႇ တ︀ၢႆ︀ႈက︀ႃꩫ︀က︀ꩫ︀်ႈပ︀ီꩫ︀်ႈꩬ︀ီ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ “မ︀ꩫ︀်းတ︀ၢႆ︀ႈက︀ႃယ︀ဝ်ႇ” ꩫ︀ꩬ︀ီဝႃႈက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 14:19

မ︀ိူဝ်ႈဢ︀မ︀ႂ်း က︀ျူးက︀မ︀်ႈၸ︀ွင︀်း လ︀ုက︀်ႉဝီင︀်းဢ︀ꩫ︀်တ︀ိဢ︀ုက︀်မ︀ိူင︀်းပ︀ိတ︀ိၻိင︀ႆ︀း လ︀ုက︀်ႉဝီင︀်းဢ︀ိက︀ေႃꩫ︀ိꩫ︀ႆ︀ႇၵ︀ဝ်မ︀ႆ︀ႛထိုင︀်မ︀ႃးဢ︀ူ။ ၵ︀ဝ်ယ︀ႃႇ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ဝ်းဢ︀ဝ်ႈလ︀ွေႛပ︀ႃႛၵ︀ဝ်ယ︀ဝ်ႇက︀ီး ပ︀ေႃလ︀ုမ︀ႆ︀ႛ ဢ︀ဝ်ႈꩭိꩫ︀်ꩬ︀ိုင︀်းဢ︀ဝ်ႈတ︀ႆ︀ၢႈဢ︀ူ။ ယ︀ဝ်ႇက︀ီးမ︀ꩫ︀်းတ︀ႆ︀ၢႈက︀ႃꩵ︀ထၢင︀်ႇꩫ︀ꩬ︀ီ မ︀ꩫ︀်းမ︀ႆ︀ႛတ︀ိတ︀်ႉက︀ႃက︀ꩫ︀်ႛꩫ︀ွက︀်ႉဝီင︀်းဢ︀ူ။

ထဝ်ꩡ︀တ︀်ႉၵ︀ဝ် 20:10

ꩫ︀ႆ︀ႇꩫ︀က︀ေႃႇ ပ︀ေႃလ︀ုယ︀ႃႇက︀ꩫ︀်ႛတ︀ႂ်ႛမ︀ႆ︀ႛလ︀ူင︀်းꩬ︀ီ မ︀ꩫ︀်းမ︀ႆ︀ႛက︀ႃ က︀ွတ︀်ယ︀ဝ်ႇက︀ီး က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ “ပ︀ီက︀ပ︀်ႉꩡ︀ႂ်ႈ။ မ︀ꩫ︀်းဢ︀ꩬ︀ၢက︀်ႉယ︀င︀်းဢ︀ူ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 20:7

ဝꩫ︀်းက︀မ︀်ႈꩬ︀ိꩫ︀်မ︀ႆ︀ႛ တ︀ူႈတ︀ုမ︀်ႈက︀ꩫ︀်ႈꩬ︀ီꩭူမ︀်ႈပ︀ႆ︀ၢႛၸ︀ြႃးင︀ႆ︀း က︀ိꩫ︀်ႈပ︀ွႆ︀မ︀ၢင︀်က︀လ︀ႃꩡ︀ဝ်ႛဢ︀ူ။ ပ︀ေႃလ︀ုယ︀ႃႇ လ︀ုက︀်ႉဝီင︀်းဢ︀မ︀ႂ်းမ︀ႆ︀ႛ မ︀ိူဝ်ႈꩭုက︀်ႉꩬ︀ၢင︀်ဢ︀ွက︀်က︀ႃꩫ︀ႆ︀ႇꩬ︀ီ ဢ︀ဝ်ႈထိုင︀်က︀ၢင︀်ႈၵ︀ိုꩫ︀်းꩭူဝ်းတ︀ြႃးဢ︀ူ။

ထဝ်ꩡ︀တ︀်ႉၵ︀ဝ် 20:8

ၵ︀ွက︀်ႉꩭၢꩫ︀်ႇက︀ꩫ︀်ႛꩫ︀ိူဝ် တ︀ီႈဢ︀ꩫ︀်ႈတ︀ူႈဢ︀ူမ︀ႆ︀ႛ က︀ွက︀်ၸ︀ႆ︀းဢ︀ၢꩫ︀်တ︀ၢꩫ︀်ꩡ︀ပ︀်ဝႆ︀ႇဢ︀ူ။