ထဝ်ꩡ︀တ︀်ႉၵ︀ဝ် 20:28 - Khamti Shan

²⁸ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း၊ ၸ︀ုင︀်ပ︀ူႇꩡ︀ဝ်ႛဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛဢ︀ၢပ︀်ႉꩭႂ်ႛꩫ︀ႆ︀ႇမ︀ႆ︀ႛတ︀မ︀ိူင︀်းမ︀ိုင︀်ႇက︀ꩫ︀်ႈတ︀ႃႉ။ ꩡ︀ိူဝ်းꩡ︀ဝ်ႛမ︀ႆ︀ႛ ꩫ︀င︀်ၸ︀ူႛလ︀ီင︀်ႇပ︀ူႇꩫ︀က︀ꩫ︀်ႈမ︀ိုင︀်ႇက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ꩬ︀ၢက︀်ႉ လ︀ုက︀်ႉမ︀ꩫ︀်းꩡ︀ဝ်ႛထွတ︀်ꩬ︀ီ ဢ︀ဝ်ႈပ︀ီꩫ︀်ႈၵ︀ွင︀်မ︀ꩫ︀်းꩡ︀ဝ်ႛယ︀ဝ်ႇ။

ထဝ်ꩡ︀တ︀်ႉၵ︀ဝ် 20:28 ပူးပေါင်းရင်းမြစ်များ

မ︀တ︀်တ︀ႄး 16:18

င︀ႆ︀းꩫ︀ႆ︀ႇꩬ︀ီ ꩬ︀ႅင︀်မ︀ုꩫ︀်ꩴ︀း မ︀ႂ်းမ︀ႆ︀ႛက︀ဝ်ႈပ︀ေတ︀ရ︀ုꩫ︀ꩬ︀ီတ︀ီꩭွင︀်ႇꩫ︀မ︀်။ က︀ꩫ︀်ႛꩫ︀ိူဝ်ꩭိꩫ︀်ꩬ︀ူꩫ︀်ႛꩭိူꩫ︀်းꩫ︀ႆ︀ႇမ︀ႆ︀ႛ က︀ဝ်ႈတ︀ီပ︀ူက︀်ꩡ︀ိူဝ်းက︀ဝ်ႈꩫ︀မ︀်။ ꩡ︀ိူဝ်းꩫ︀ႆ︀ႇမ︀ႆ︀ႛ မ︀ိူဝ်ႈလ︀ႂ်ႈက︀ေႃႇ တ︀ၢင︀်းတ︀ႆ︀ၢႈꩵ︀ႈပ︀ေႇ။

မ︀ႃက︀ု 13:9

ꩬ︀ူၵ︀ႅတ︀်ꩬ︀ီဢ︀ူက︀ꩫ︀်ႈတ︀ႃႉ။ က︀ူꩫ︀်းက︀မ︀်ႈၸ︀ွင︀်းယ︀ႃႇ ꩬ︀ူမ︀ႆ︀ႛ တ︀ီꩬ︀ႅဝ်ႛတ︀ီꩬ︀ူင︀်ယ︀ုင︀်းတ︀ြႃးꩫ︀မ︀်။ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ ꩬ︀ူမ︀ႆ︀ႛပ︀ိူꩫ︀်ႈတ︀ီတ︀ုက︀်ႉꩰပ︀ူဝ်ႇꩰꩫ︀မ︀်။ လ︀ၢႆ︀းပ︀ိူဝ်ႈက︀ဝ်ႈꩫ︀ႆ︀ႇ က︀ꩫ︀်ႛꩫ︀ႃႛꩡ︀ဝ်ႛၵ︀ုꩫ︀်ꩫ︀ႆ︀ႇၵ︀ဝ်၊ က︀ꩫ︀်ႛꩫ︀ႃႛꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ်မ︀ႆ︀ႛꩬ︀ူတ︀ီꩫ︀ႆ︀ႛထိုင︀်၊ တ︀ီꩫ︀ႆ︀ႛယ︀ႃးၵ︀ၢဝ်ႈၵ︀ၢမ︀်းꩫ︀ီႈꩫ︀မ︀်။

လ︀ုက︀ႃ 12:32

ꩬ︀ူဢ︀ꩫ︀်ႈမ︀ိူꩫ︀်ꩫ︀င︀်ၸ︀ုင︀်ပ︀ူႇဢ︀ွꩫ︀်က︀ဝ်ႈၵ︀ဝ်ꩴ︀း။ ပ︀ီက︀ူဝ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩬ︀ူယ︀ႃႇ ꩬ︀ူမ︀ႆ︀ႛ မ︀ိူင︀်းမ︀ꩫ︀်းꩡ︀ဝ်ႛၵ︀ႂ်ႈꩭႂ်ႛဢ︀ူ။

လ︀ုက︀ႃ 21:34

ꩬ︀ူꩬ︀တ︀ိꩬ︀ီဢ︀ူက︀ꩫ︀်ႈတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး မ︀ိူဝ်ႈꩬ︀ူက︀ိꩫ︀်ႈꩰမ︀ဝ်းꩰꩬ︀ီ လ︀ွင︀်ႈက︀ိꩫ︀်ႈ၊ လ︀ွဝ်ႈꩫ︀ုင︀်ႈ၊ လ︀ွင︀်ႈဢ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ၢႈꩬ︀ိုင︀် ဢ︀မ︀ူးယ︀ုင︀်ႛဢ︀ူꩫ︀ႆ︀ႇ မ︀ဝ်ထိူပ︀်မ︀ဝ်တ︀ႂ်းꩬ︀ီ လ︀ွင︀်ႈဢ︀မ︀ႂ်းၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

ထဝ်ꩡ︀တ︀်ႉၵ︀ဝ် 13:2

မ︀ိူဝ်ႈၵ︀ဝ် ဝႆ︀ႈၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း ꩭႅတ︀်ႉတ︀ွင︀်ႇင︀ႆ︀း ယ︀ွꩫ︀်းꩬ︀ူးꩬ︀ီဢ︀ူꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “ꩬ︀ေႃလ︀ုꩫ︀ၵ︀ႃၿႃꩫ︀ၿၵ︀ဝ်မ︀ႆ︀ႛ ꩡ︀ႃႇꩭၢင︀်းꩭီတ︀်ဢ︀မ︀ူးက︀ဝ်ႈ က︀ွႆ︀းက︀ွႆ︀းလ︀ိူက︀်ႉမ︀ႆ︀ၢဝႆ︀ႇတ︀ႃႉ” ꩫ︀ꩬ︀ီဝႃႈဢ︀ူ။

ထဝ်ꩡ︀တ︀်ႉၵ︀ဝ် 14:23

ယ︀ဝ်ႇက︀ီး ပ︀ေႃလ︀ုꩫ︀ၵ︀ႃၿႃꩫ︀ၿယ︀ႃႇ ꩡ︀ိူဝ်းꩡ︀ဝ်ႛက︀ူႈဢ︀ꩫ︀်ႈမ︀ႆ︀ႛ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်လ︀ိူက︀်ႉတ︀ၢင︀်ꩭႂ်ႛဢ︀ူ။ ယ︀ဝ်ႇက︀ီးꩭႅတ︀်ႉတ︀ွင︀်ႇ၊ ယ︀ွꩫ︀်းꩬ︀ူးင︀ႆ︀းꩬ︀ီ ၵ︀ဝ်မ︀ႆ︀ႛ က︀ꩫ︀်ႛꩫ︀ႂ်းမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 20:17

ပ︀ေႃလ︀ုဝီင︀်းမ︀ိလ︀ႅတ︀်မ︀ႆ︀ႛထိုင︀်က︀ီး ၸ︀ူႛမ︀ိုင︀်ႇꩡ︀ိူဝ်းဝီင︀်းဢ︀ေၸ︀ႅတ︀်ꩫ︀ႆ︀ႇၵ︀ဝ်မ︀ႆ︀ႛ က︀ူꩫ︀်းပ︀ွႆ︀ꩡ︀ႂ်ႇင︀ႆ︀း မ︀ꩫ︀်းမ︀ႆ︀ႛꩭႂ်ႛမ︀ႃးꩭꩫ︀်ဢ︀ူ။

ထဝ်ꩡ︀တ︀်ႉၵ︀ဝ် 20:29

က︀ꩫ︀်ႛလ︀င︀်က︀ဝ်ႈမ︀ဝ်ယ︀င︀်းမ︀ႆ︀ႛ က︀ူꩫ︀်းက︀မ︀်ႈၸ︀ွင︀်း က︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ဝ်ႛမ︀ႃးꩬ︀ီ ꩫ︀င︀်ပ︀ူႇꩫ︀ႆ︀ႇၵ︀ဝ်မ︀ႆ︀ႛ ၸ︀ၢꩫ︀်းထွႆ︀ꩫ︀ႆ︀ႇၵ︀ဝ်ꩫ︀ိက︀်ႉꩬ︀ၢက︀်ႉꩫ︀က︀ꩫ︀်ႈ ꩬ︀ူမ︀ႆ︀ႛတ︀ီꩫ︀ိက︀်ႉꩬ︀ၢက︀်ႉ မ︀ဝ်ပ︀ိတ︀်ႉꩫ︀မ︀်။

ရ︀ေႃမ︀ 16:16

ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉꩰꩭွမ︀်ꩰꩬ︀ီတ︀ၢꩫ︀်ႛတ︀ူဝ်က︀ꩫ︀်ႈတ︀ႃႉ။ က︀ူꩫ︀်းꩡ︀ိူဝ်းꩡ︀ဝ်ႛၵ︀ရ︀ီတ︀်တ︀င︀်းမ︀ိူင︀်း ꩬ︀ူမ︀ႆ︀ႛထိုင︀်ꩡ︀ႂ်ႈက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႑ 1:2

ပ︀ီႈꩫ︀ွင︀်ႇꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛ ဝီင︀်းက︀ေႃရ︀ိꩫ︀်တ︀ုၵ︀ဝ်ꩴ︀း ꩬ︀ူꩡ︀ဝ်ႛယ︀ႃႇ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ူတ︀်ꩡ︀ၢင︀်ယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛၵ︀ဝ်ယ︀ႃႇ ꩬ︀ူင︀ႆ︀း က︀ူꩫ︀်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ၢႆ︀ႛဝႆ︀ႈꩫ︀ႆ︀ႇၵ︀ဝ်က︀ူႈက︀ူဝ်ႇမ︀ႆ︀ႛ ꩭွင︀်ႇဝႆ︀ႇꩫ︀ႆ︀ႇ ꩭၢင︀်းမ︀ူတ︀်ꩡ︀ၢင︀်ꩫ︀မ︀်။

က︀ေႃရ︀ိꩫ︀်တ︀ု ႑ 10:32

လ︀ႆ︀ၢးပ︀ိူဝ်ႈꩬ︀ူꩬ︀ီ က︀ျူးပ︀တ︀ု၊ ဢ︀ꩫ︀်ႈက︀ျူးမ︀ဝ်ꩡ︀ႂ်ႈပ︀တ︀ု က︀ူꩫ︀်းꩡ︀ိူဝ်းꩡ︀ဝ်ႛၵ︀ဝ်ပ︀တ︀ု ꩭႂ်ႛပ︀ူဝ်းၸ︀ႂ်က︀ေႃႇ မ︀ဝ်တ︀ွင︀်ႛလ︀ူမ︀်ႇꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 11:22

ꩬ︀ူꩭီတ︀်င︀ႆ︀းꩫ︀ႆ︀ႇ ꩬ︀ူမ︀ႆ︀ႛ ꩭိူꩫ︀်းတ︀ီႈက︀ိꩫ︀်ႈၵ︀ဝ်ႛမ︀ဝ်ယ︀င︀်းꩬ︀ီက︀ျႃး။ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ၵ︀ၢꩫ︀်းꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ၵ︀ႂ်ႈဢ︀ဝ်ႈဢ︀ႆ︀ၢႈꩬ︀ီက︀ျႃး။ ꩬ︀ူꩭီတ︀်င︀ႆ︀းꩫ︀ႆ︀ႇ ၵ︀ꩫ︀်တ︀ႂ်းက︀ဝ်ႈတ︀ီယ︀ူဝ်းယ︀ွင︀်ႛက︀ျႃး။ ꩭလ︀ိုဝ်က︀ေႃႇ ꩵ︀ႈယ︀ူဝ်းယ︀ွင︀်ႛ။

က︀ေႃရ︀ိꩫ︀်တ︀ု ႑ 15:9

က︀ဝ်ႈယ︀ႃႇ ꩫ︀ႂ်းတ︀မ︀ၢꩫ︀်ꩡ︀ဝ်ႛတ︀င︀်းမ︀ိူင︀်းမ︀ႆ︀ႛ ဢ︀ꩫ︀်ႈက︀ွႆ︀ႛပ︀ိူꩫ︀်ႈꩫ︀မ︀်။ ဢ︀ꩫ︀်ႈတ︀ေႇတ︀ေႇက︀ီး က︀ဝ်ႈယ︀ႃႇ ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ိက︀်ႉꩬ︀ၢက︀်ႉမ︀ႃးꩫ︀ႆ︀ႇꩬ︀ီ က︀ဝ်ႈမ︀ႆ︀ႛꩭွင︀်ႇတ︀မ︀ၢꩫ︀်ꩡ︀ဝ်ႛꩫ︀ႆ︀ၢႈက︀ေႃႇ ꩵ︀ႈထႅက︀်ႉ။

က︀ေႃရ︀ိꩫ︀်တ︀ု ႑ 6:20

ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩬ︀ိုဝ်ႇဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ တ︀ူဝ်ႈꩬ︀ူမ︀ႆ︀ႛ ꩡ︀ႃႇမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် တ︀ိုဝ်းက︀ꩫ︀်ႈတ︀ႃႉ။

က︀လ︀ႃတ︀ိ 1:13

မ︀ိူဝ်ႈက︀ဝ်ႈဢ︀ူꩫ︀ႂ်းၸ︀ႃꩬ︀ႃက︀ျူးမ︀ႃးꩫ︀ႆ︀ႇ ꩭလ︀ိုဝ်ဢ︀ူမ︀ႃးꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇ တ︀ွင︀်းဢ︀ူ။ ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈꩡ︀င︀်းၵ︀ိက︀်ႉꩰꩬ︀ီꩫ︀ိက︀်ႉꩬ︀ၢက︀်ႉမ︀ႃးဢ︀ူ။ ꩭႂ်ႛပ︀ူဝ်းꩡ︀ိူဝ်းꩡ︀ဝ်ႛလ︀ူႇပ︀ႅက︀်ႉက︀ႃꩫ︀ႆ︀ႇ က︀ဝ်ႈꩬ︀ေႈꩡ︀ႃႉမ︀ႃးဢ︀ူ။

ဢ︀ေၸ︀ႅတ︀် 1:14

ၵ︀ွꩫ︀်ဢ︀မ︀ႂ်းယ︀ႃႇ ဢ︀ꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩫ︀ႆ︀ႇ ꩭဝ်းတ︀ီꩫ︀ႆ︀ႛꩫ︀မ︀်ꩫ︀ꩬ︀ီ ဢ︀ဝ်ႈတ︀မ︀်းꩡ︀ႂ်ႈꩭႂ်ႛꩫ︀ႆ︀ႇꩬ︀ီ ꩭဝ်းၸ︀ူႛပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛ တ︀ီဢ︀ဝ်ႈလ︀ွတ︀်ႉလ︀ေႚလ︀ေႚꩭႂ်ႛꩫ︀မ︀်ꩫ︀ꩫ︀ႆ︀ႇ ꩭဝ်းတ︀မ︀်းꩡ︀ႂ်ႈꩫ︀ႆ︀ႛဢ︀ူ။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ဢ︀ေၸ︀ႅတ︀် 1:7

ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်လ︀ူင︀်ꩫ︀ႆ︀ႇꩬ︀ီ ဢ︀ဝ်ႈꩫ︀ိူတ︀်ႉလ︀ုက︀်ႉꩡ︀ႆ︀ၢးမ︀ꩫ︀်းꩡ︀ဝ်ႛ ထွတ︀်ꩭႂ်ႛ လ︀ုက︀်ႉဢ︀ပ︀ႅတ︀်ႉမ︀ႆ︀ႛဢ︀ဝ်ႈလ︀ွတ︀်ႉꩭႂ်ႛမ︀ႃးင︀ႆ︀းꩬ︀ီ ဢ︀ဝ်ႈꩥ︀ႅꩫ︀်ꩫ︀ၵ︀ႃပ︀ိင︀်ꩥ︀ႃတ︀င︀်းမ︀ိူင︀်း ꩭဝ်းမ︀ႆ︀ႛ က︀ျေးꩡ︀ူးမ︀ꩫ︀်းꩡ︀ဝ်ႛ ၵ︀ွင︀်းꩰလ︀ွင︀်းꩰꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 4:11

မ︀ꩫ︀်းꩡ︀ဝ်ႛ က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ ꩬ︀ူးပ︀ႃရ︀မ︀ီပ︀ူင︀်ႈꩭႂ်ႛꩬ︀ီ က︀မ︀်ႈၸ︀ွင︀်းမ︀ႆ︀ႛ တ︀မ︀ၢꩫ︀်ꩡ︀ဝ်ႛ၊ က︀မ︀်ႈၸ︀ွင︀်းမ︀ႆ︀ႛပ︀ရ︀ေႃးၸ︀ႅတ︀်ႉ၊ က︀မ︀်ႈၸ︀ွင︀်းမ︀ႆ︀ႛၸ︀ူႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈ၊ က︀မ︀်ႈၸ︀ွင︀်းမ︀ႆ︀ႛ ၸ︀ူႛင︀မ︀်းꩡ︀ိူဝ်းင︀ႆ︀း က︀မ︀်ႈၸ︀ွင︀်းမ︀ႆ︀ႛဢ︀ဝ်ႈပ︀ီꩫ︀်ႈꩬ︀ြႃဢ︀ူ။

ၸ︀ိလ︀ိပ︀်ပ︀ၢႆ︀ 1:1

ꩬ︀ူꩡ︀ဝ်ႛ က︀ူꩫ︀်းဝီင︀်းၸ︀ိလ︀ိပ︀်ပ︀ၢႆ︀ ၸ︀ူႛပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်၊ ၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ်င︀ႆ︀း ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈပ︀ေႃလ︀ုꩫ︀ၵ︀ႃ တ︀ိမ︀ေႃတ︀ေ ၸ︀ူႛပ︀ီꩫ︀်ႈၸ︀ူႛꩡ︀ႂ်ႇꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ဝ် လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

က︀ေႃလ︀ေႃတ︀ႄ 1:14

လ︀ုက︀်ႉꩭၢက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်က︀ေႃႇ ꩭဝ်းမ︀ႆ︀ႛဢ︀ပ︀ႅတ︀်ႉပ︀ွႆ︀လ︀ွတ︀်ႉꩬ︀ီ ဢ︀ဝ်ႈလ︀ွတ︀်ႉꩭႂ်ႛမ︀ႃးယ︀ဝ်ႇ။

က︀ေႃလ︀ေႃတ︀ႄ 4:17

ဢ︀ႃၵ︀ိက︀်ပ︀ုမ︀ႆ︀ႛ “ဢ︀မ︀ူးဢ︀ꩫ︀်ႈမ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ူင︀်ႈဝႆ︀ႇꩫ︀ႆ︀ႇ ထၢမ︀်းဢ︀ဝ်ႈယ︀ဝ်ႇတ︀ႃႉ” ꩫ︀ꩬ︀ီဝႃႈꩭႂ်ႛမ︀ႃးတ︀ႃႉ။

တ︀ိမ︀ေႃတ︀ေ ႑ 3:1

က︀ူꩫ︀်းဢ︀ꩫ︀်ႈၵ︀ႂ်ႈပ︀ီꩫ︀်ႈၸ︀ူႛင︀မ︀်းꩡ︀ိူဝ်းꩫ︀ႆ︀ႇ ဢ︀ꩫ︀်ႈၵ︀ႂ်ႈꩭီတ︀်ဢ︀မ︀ူးဢ︀ꩫ︀်ႈမ︀ႅတ︀်ႉလ︀ူင︀်ꩫ︀မ︀်ꩫ︀ꩫ︀ႆ︀ႇ ꩡ︀ႂ်ႈတ︀ေႇတ︀ေႇဢ︀ူ။

တ︀ိမ︀ေႃတ︀ေ ႑ 3:2

င︀ႆ︀းꩫ︀ႆ︀ႇꩬ︀ီ ၸ︀ူႛင︀မ︀်းꩡ︀ိူဝ်းꩫ︀ꩫ︀ႆ︀ႇယ︀ႃႇ ဝႃႈပ︀ီꩫ︀်ႈက︀ူဝ်ႇ ဢ︀ꩫ︀်ႈပ︀ိူꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀မ︀်။ ဝႃႈပ︀ီꩫ︀်ႈက︀ူဝ်ႇဢ︀ꩫ︀်ႈ မ︀ေးက︀ူဝ်ႇလ︀ိူင︀်ႈꩫ︀ႆ︀ၢႈယ︀င︀်းꩫ︀မ︀်။ မ︀ꩫ︀်းယ︀ႃႇ ꩬ︀တ︀ိယ︀င︀်းꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ဝႃႈထိꩫ︀်ပ︀ေႇꩫ︀မ︀်။ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ဢ︀ိင︀်တ︀ြေꩬ︀လ︀ေက︀ေႃႇ ဝႃႈယ︀င︀်းꩫ︀မ︀်။ ပ︀ီႈꩫ︀ွင︀်ႇမ︀ႆ︀ႛက︀ေႃႇ ဝႃႈꩭၢပ︀်ႉလ︀ီင︀်ႇꩡ︀ၢင︀်ႈ၊ ꩡ︀ွႆ︀ႈꩡ︀ၢင︀်ႈꩫ︀မ︀်။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ပ︀ိူꩫ︀်ႈမ︀ႆ︀ႛဝႃႈꩬ︀ွꩫ︀်ꩡ︀ၢင︀်ႈꩫ︀ီႈꩫ︀ီႈ ꩫ︀မ︀်။

တ︀ိမ︀ေႃတ︀ေ ႑ 3:5

ꩭွင︀်ႛꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ဢ︀ွꩫ︀်ႈꩫ︀ီႈꩫ︀ီႈ မ︀ဝ်ꩫ︀ႆ︀ႛက︀ီး ꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭိုဝ်လ︀ိုဝ်က︀ေႃႇဢ︀ွꩫ︀်ႈꩫ︀ီႈꩫ︀ီႈ ꩵ︀ႈꩫ︀ႆ︀ႛ။

တ︀ိမ︀ေႃတ︀ေ ႑ 4:14

ꩬ︀ူးက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ်င︀ႆ︀း ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ် မ︀ႂ်းမ︀ႆ︀ႛမ︀ိုဝ်းတ︀ၢင︀်င︀ႆ︀းꩭူဝ်းꩬ︀ီ မ︀ႂ်းꩫ︀ႆ︀ႛꩭၢပ︀်ႉမ︀ႃးဢ︀မ︀ႂ်းမ︀ႆ︀ႛ ပ︀ီဝႆ︀ႇꩬ︀ၢႆ︀ႇ။ တ︀ိုဝ်းꩬ︀ီဢ︀ူတ︀ႃႉ။

တ︀ိမ︀ေႃတ︀ေ ႑ 4:16

ꩡ︀ူဝ်ႈတ︀ႃႈဢ︀ꩬ︀ၢက︀်ႉမ︀ႂ်းၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း ဢ︀ꩫ︀်ႈမ︀ႂ်းꩬ︀ွꩫ︀်ꩬ︀င︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ꩬ︀တ︀ိꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛ ပ︀ꩫ︀်ႛၵ︀ိူင︀်ꩰတ︀ႃႉ။ င︀ႆ︀းက︀ီး မ︀ႂ်းၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း က︀ူꩫ︀်းဢ︀ꩫ︀်ႈမ︀ႂ်းꩭူဝ်းꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛဢ︀ူ။

တ︀ိမ︀ေႃတ︀ေ ႑ 5:17

ၸ︀ူႛင︀မ︀်းꩡ︀ိူဝ်း ဢ︀ꩫ︀်ႈꩡ︀ိူဝ်းꩡ︀ဝ်ႛမ︀ႆ︀ႛ င︀မ︀်းꩫ︀ီႈꩫ︀ီႈ၊ ꩫ︀ႆ︀ႇꩬ︀ေႇမ︀ဝ်က︀ႃး ဢ︀ꩫ︀်ႈလ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ꩫ︀ီႈꩫ︀ီႈꩭူဝ်းꩫ︀ီႈꩫ︀ီႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ ꩬ︀ွင︀်ꩡ︀ူဝ်ႈဝႃႈထွက︀်ႉဝႃႈယ︀ွင︀်ႛꩭႂ်ႛꩫ︀မ︀်။

တ︀ိတ︀ု 1:7

ၸ︀ူႛင︀မ︀်းꩡ︀ိူဝ်းꩫ︀ꩫ︀ႆ︀ႇ ၸ︀ူႛဢ︀ꩫ︀်ႈꩭီတ︀်ꩭူဝ်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ဝႃႈယ︀င︀်းꩫ︀မ︀်။ မ︀ꩫ︀်းယ︀ႃႇ ဢ︀ꩫ︀်ႈမ︀ႃꩫ︀ယ︀ႂ်၊ ဢ︀ꩫ︀်ႈꩡ︀ႂ်ႈပ︀ွတ︀်၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈ၊ ဢ︀ꩫ︀်ႈꩭီတ︀်ꩭႆ︀ၢႇꩭီတ︀်ꩡ︀ႃႇ၊ ဢ︀ꩫ︀်ႈလ︀ေႃးၸ︀ႃးင︀ိူꩫ︀်းꩫ︀ႆ︀ႇၵ︀ဝ် ꩵ︀ႈဝႃႈယ︀င︀်း။

တ︀ိတ︀ု 2:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩭဝ်းမ︀ႆ︀ႛ လ︀ုက︀်ႉဢ︀ꩫ︀်ႈမ︀ဝ်ꩫ︀ီႈတ︀င︀်းလ︀ုင︀်မ︀ႆ︀ႛ ꩭႂ်ႛပ︀ူဝ်းဢ︀ဝ်ႈမ︀ူတ︀်ꩡ︀ၢင︀်ꩭႂ်ႛꩫ︀ႆ︀ႇလ︀ိူင︀်ႈ၊ ꩭႂ်ႛပ︀ူဝ်းꩭဝ်း ပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩬ︀ီ ꩭီတ︀်လ︀ွင︀်ႈꩫ︀ီႈꩫ︀ႆ︀ႇလ︀ိူင︀်ႈ ဢ︀ꩬ︀ၢက︀်ႉမ︀ꩫ︀်းꩡ︀ဝ်ႛꩭႂ်ႛꩬ︀ီ ၵ︀ေꩬ︀ေမ︀ႃးယ︀ဝ်ႇ။

ꩭေပ︀ရ︀ူး 12:15

လ︀ုက︀်ႉက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းမ︀ဝ်ဢ︀ွက︀်က︀ႃꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။ ꩬ︀ူၸ︀ႂ်က︀ေႃႇ ၵ︀ုမ︀်က︀ိက︀ိမ︀ႃးꩬ︀ီ ꩭႂ်ႛပ︀ူဝ်းပ︀ိူꩫ︀်ႈဢ︀ၢꩫ︀်တ︀ၢꩫ︀်မ︀ႆ︀ႛ မ︀ဝ်ဢ︀ဝ်ႈယ︀ပ︀်ယ︀ၢက︀်ႉꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

ꩭေပ︀ရ︀ူး 13:17

ꩭူဝ်က︀ေꩬ︀ူꩫ︀ႆ︀ႇၵ︀ဝ်မ︀ႆ︀ႛ ꩫ︀ၢပ︀်ႉယ︀မ︀်ႈꩬ︀ီ ၵ︀ၢမ︀်းၵ︀ဝ်ထွမ︀်ꩡ︀ွမ︀်းက︀ꩫ︀်ႈတ︀ႃႉ။ ဢ︀မ︀ူးၵ︀ဝ်ယ︀ႃႇ ဢ︀မ︀ူးဢ︀ꩫ︀်ႈမ︀ိုင︀်ႇၵ︀ွꩫ︀်ꩬ︀ူꩫ︀မ︀်။ ၵ︀ဝ်ဢ︀မ︀ူးꩫ︀ႆ︀ႇ ꩭလ︀ိုဝ်ꩭီတ︀်ꩫ︀ꩫ︀ႆ︀ႇယ︀ႃႇ ၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီꩡ︀ႅပ︀်ႉꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ဝ် မ︀ဝ်ၵ︀င︀်းꩬ︀ီ ပ︀ိဝ်ꩰမ︀ူꩫ︀်းꩰꩭီတ︀်ꩫ︀ႆ︀ႛꩫ︀ႆ︀ႇ ၵ︀ၢမ︀်းၵ︀ဝ်မ︀ႆ︀ႛ ထွမ︀်ꩫ︀ီႈꩫ︀ီႈ က︀ꩫ︀်ႈတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩡ︀ႃႇꩬ︀ူဢ︀က︀ိဝ်းꩵ︀ႈယ︀င︀်း။

ပ︀ေတ︀ရ︀ု ႑ 2:25

မ︀ိူဝ်ႈင︀ႃးပ︀ုꩫ︀်ႛယ︀ႃႇꩬ︀ူ ꩫ︀င︀်ပ︀ူႇဢ︀ꩫ︀်ႈꩭႆ︀ၢက︀ႃꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ူမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩫ︀်ႈꩫ︀င︀်ၸ︀ူႛလ︀ီင︀်ႇပ︀ူႇꩫ︀က︀ꩫ︀်ႈ ၵ︀ွꩫ︀်ꩬ︀ူမ︀ႆ︀ႛက︀ုမ︀်ႇၵ︀ႅꩫ︀်ꩭႂ်ႛမ︀ႆ︀ႛ ဢ︀ဝ်ႈထိုင︀်ပ︀ွက︀်ႉမ︀ႃးယ︀ဝ်ႇ။

ပ︀ေတ︀ရ︀ု ႑ 2:9

ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇ ၵ︀ိူဝ်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ၊ က︀ုမ︀်ႛယ︀ီတ︀်ႉပ︀ရ︀ေႃးꩭိက︀်ႉဢ︀ꩫ︀်ႈထၢမ︀်းဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛၸ︀ူႛပ︀ီꩫ︀်ႈꩡ︀ဝ်ႛꩭူဝ်ၵ︀မ︀်း၊ ၸ︀ꩫ︀်းက︀ူꩫ︀်းဢ︀ꩫ︀်ႈမ︀ူတ︀်ꩡ︀ၢင︀်၊ ၸ︀ꩫ︀်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛ ꩭႂ်ႛပ︀ူဝ်းယ︀ႃးလ︀ွင︀်ႈဢ︀ꩫ︀်ႈမ︀ꩫ︀်းꩡ︀ဝ်ႛꩫ︀ီႈမ︀ႅတ︀်ႉꩫ︀ႆ︀ႇ လ︀ုက︀်ႉဢ︀ꩫ︀်ႈꩫ︀မ︀်ႈꩬ︀ိင︀်မ︀ႆ︀ႛ ꩭွင︀်ႇဢ︀ွက︀်ꩬ︀ီ ဢ︀ꩫ︀်ႈလ︀ႅင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းလ︀ူင︀်မ︀ႆ︀ႛ ꩬ︀ူင︀်ꩭႂ်ႛမ︀ႃးယ︀ဝ်ႇ။

ယ︀ေႃးꩭၢꩫ︀် ႑ 1:7

ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ူꩫ︀ႂ်းဢ︀ꩫ︀်ႈလ︀ႅင︀်းꩫ︀က︀ꩫ︀်ႈ ꩭဝ်းက︀ေႃႇ ဢ︀ူꩫ︀ႂ်းဢ︀ꩫ︀်ႈလ︀ႅင︀်းမ︀ႆ︀ႛက︀ီး ꩭဝ်းၵ︀ဝ်ႛၵ︀ွꩫ︀်ႛက︀ꩫ︀်ႈꩬ︀ီ ꩫ︀ိူတ︀်ႉလ︀ုက︀်ႉꩡ︀ႆ︀ၢးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ပ︀ႅတ︀်ႉꩭဝ်းက︀ႃႈꩫ︀င︀်ယ︀င︀်းမ︀ႆ︀ႛ ꩬ︀ုက︀်ႉဢ︀ဝ်ႈတ︀ွင︀်ꩭႂ်ႛဢ︀ူ။

ၿျႃၻိက︀်ႉ 5:9

ၵ︀ဝ်ၵ︀ၢမ︀်းမ︀ႂ်ဢ︀ွေက︀ꩫ︀်ႈဢ︀ူ။ ၵ︀ၢမ︀်းဢ︀မ︀ႂ်းယ︀ႃႇ “ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈꩫ︀ိူတ︀်ႉၵ︀ိင︀်းတ︀ူဝ်ꩡ︀ဝ်ႛ က︀ူꩫ︀်းက︀ူႈၵ︀ိူဝ်း၊ က︀ူႈၸ︀ꩫ︀်း၊ က︀ူႈမ︀ိူင︀်းမ︀ႆ︀ႛ ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛꩬ︀ေထွတ︀်ဝႆ︀ႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ၸ︀ုꩫ︀်လ︀ိက︀်ႉဢ︀မ︀ႂ်းဢ︀ဝ်ႈꩬ︀ီ ꩡ︀ုမ︀်ႛဢ︀မ︀ႂ်းက︀ေႛထႅက︀်ႉတ︀ီၵ︀ႃႛဢ︀ူ။