ထဝ်ꩡ︀တ︀်ႉၵ︀ဝ် 2:23 - Khamti Shan

²³ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ၢင︀်ဝႆ︀ႇꩫ︀က︀ꩫ︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ ꩫ︀ႂ်းမ︀ိုဝ်း လ︀ꩫ︀်ꩬ︀ူꩫ︀ႆ︀ႇၵ︀ဝ်မ︀ႆ︀ႛ ဢ︀ၢပ︀်ႉမ︀ႃးယ︀ဝ်ႇ။ ꩬ︀ူယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈမ︀ိုဝ်းက︀ူꩫ︀်းဢ︀ꩫ︀်ႈဢ︀ပ︀ႅတ︀်ႉꩫ︀ႃꩫ︀ႆ︀ႇၵ︀ဝ် ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီဢ︀ဝ်ႈတ︀ႆ︀ၢႈမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 2:23 ပူးပေါင်းရင်းမြစ်များ

မ︀တ︀်တ︀ႄး 20:19

တ︀ီဢ︀ၢပ︀်ႉꩫ︀ႂ်းမ︀ိုဝ်းက︀ူꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ꩫ︀မ︀်။ ၵ︀ဝ်က︀ေႃႇ က︀ဝ်ႈမ︀ႆ︀ႛꩭီတ︀်တ︀ႂ်ႛꩭီတ︀်ꩫ︀ိူဝ်ယ︀ဝ်ႇက︀ီး တ︀ၢမ︀်ၵ︀ွꩫ︀်ႇꩭႂ်ႛꩬ︀ီ တ︀ီတ︀ွက︀်ꩬ︀ဝ်ဝႃးမ︀ိုဝ်းဢ︀ဝ်ႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ တ︀ၢင︀်ꩬ︀ၢမ︀်ဝꩫ︀်းမ︀ႆ︀ႛ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛတ︀ီဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀မ︀်” ꩫ︀ဝꩫ︀်ႇ။

မ︀တ︀်တ︀ႄး 26:24

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းယ︀ႃႇ ꩫ︀င︀်က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႃႇက︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ တ︀ီၸ︀ုꩫ︀်ႇꩬ︀ႅတ︀်ႉꩡ︀ႃꩫ︀ႆ︀ႇယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ ꩡ︀ႃႇမ︀ꩫ︀်းယ︀ႃႇ မ︀ဝ်ပ︀ီꩫ︀်ႈက︀ူꩫ︀်းမ︀ႃးꩫ︀ႆ︀ၢႈက︀ေႃႇ ၵ︀ႅꩫ︀်းꩫ︀ီႈဢ︀ူ” ꩫ︀ဝꩫ︀်ႇ။

မ︀တ︀်တ︀ႄး 27:35

ယ︀ဝ်ႇက︀ီးၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛ တ︀ွက︀်ꩬ︀ဝ်ဝႃးမ︀ိုဝ်းဝႆ︀ႇဢ︀ူ။ ၵ︀ိူင︀်ႈမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ထိမ︀်ႛꩭွေမ︀ေႛꩬ︀ီပ︀ꩫ︀်ႈက︀ꩫ︀်ႈဢ︀ူ။

မ︀ႃက︀ု 15:24

ယ︀ဝ်ႇက︀ီး မ︀ꩫ︀်းꩡ︀ဝ်ႛမ︀ႆ︀ႛ တ︀ွက︀်ꩡ︀ပ︀်ꩬ︀ဝ်ဝႃးမ︀ိုဝ်းꩬ︀ီ ဢ︀ဝ်ႈတ︀ၢႆ︀ႈဢ︀ူ။ ၵ︀ိူင︀်ႈမ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ထိမ︀်ႛꩭွေမ︀ေႛꩬ︀ီ လ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်မ︀ၢႆ︀ဢ︀ဝ်ႈက︀ꩫ︀်ႈဢ︀ူ။

လ︀ုက︀ႃ 22:22

လ︀ုက︀်ႉက︀ူꩫ︀်းယ︀ႃႇ ꩫ︀င︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ တ︀ႅပ︀်တ︀တ︀်ဝႆ︀ႇꩫ︀က︀ꩫ︀်ႈ ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩡ︀ႃႇက︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ၸ︀ုꩫ︀်ႇꩬ︀ႅတ︀်ႉꩡ︀ႃꩫ︀ႆ︀ႇယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်” ꩫ︀ဝꩫ︀်ႇ။

လ︀ုက︀ႃ 22:37

က︀ဝ်ႈဝႃႈက︀ွတ︀်။ ၵ︀ၢမ︀်းဢ︀ꩫ︀်ႈ “မ︀ꩫ︀်းမ︀ႆ︀ႛ မ︀တ︀်ႉၸ︀ူႛꩬ︀ၢꩫ︀်တ︀ၢꩫ︀်းꩡ︀ဝ်ႛဝွင︀်ႇယ︀ဝ်ႇ” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀ႆ︀ႇ က︀ဝ်ႈမ︀ႆ︀ႛဝႃႈပ︀ီꩫ︀်ႈမ︀ႃးꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈလ︀ွင︀်ႈက︀ဝ်ႈတ︀ႅမ︀်ႛဝႆ︀ႇꩫ︀ႆ︀ႇက︀ူႈဢ︀ꩫ︀်ႈ တ︀ီပ︀ီꩫ︀်ႈမ︀ႃးတ︀ေႇတ︀ေႇꩫ︀မ︀်” ꩫ︀ဝꩫ︀်ႇ။

လ︀ုက︀ႃ 23:33

ပ︀ၢင︀်က︀ွက︀်လ︀ွက︀်ꩭူဝ်ꩫ︀ꩫ︀ႆ︀ႇမ︀ႆ︀ႛထိုင︀်က︀ီး ꩡ︀ဝ်ႛယ︀ေꩬ︀ုမ︀ႆ︀ႛ တ︀ၢင︀်ꩬ︀ဝ်ဝႃးမ︀ိုဝ်းꩬ︀ီ ၸ︀ူႛၸ︀ိတ︀်ပ︀ိူင︀်ႈꩡ︀ဝ်ႛဝွင︀်ႇꩫ︀ၵ︀ႃမ︀ႆ︀ႛက︀ေႃႇ ပ︀ႃႛꩬ︀ႆ︀ၢႇပ︀ႃႛၵ︀ႃမ︀ꩫ︀်းꩡ︀ဝ်ႛမ︀ႆ︀ႛ ဢ︀ေႈက︀ူဝ်ႇꩰတ︀ၢင︀်ꩬ︀ဝ်ဝႃးမ︀ိုဝ်းဝႆ︀ႇဢ︀ူ။

လ︀ုက︀ႃ 24:20

ꩫ︀ႆ︀ႇꩫ︀က︀ေႃႇ ယ︀ီတ︀်ႉပ︀ရ︀ေႃးꩭိက︀်ႉလ︀ူင︀်ꩭဝ်းꩫ︀ႆ︀ႇၵ︀ဝ်၊ ꩭူဝ်က︀ေꩭဝ်းꩫ︀ႆ︀ႇၵ︀ဝ်ယ︀ႃႇ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛ ပ︀ူင︀်ႈတ︀ၢမ︀်တ︀ႆ︀ၢႈꩬ︀ီ တ︀ွက︀်ꩬ︀ဝ်ဝႃးမ︀ိုဝ်းꩫ︀ႆ︀ႇ မ︀ိုဝ်းꩡ︀ဝ်ႛၵ︀ုꩫ︀်မ︀ႆ︀ႛ ဢ︀ၢပ︀်ႉမ︀ႃးဢ︀ူ။

ယ︀ေႃးꩭၢꩫ︀် 19:18

တ︀ီႈဢ︀မ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုမ︀ႆ︀ႛ ၵ︀ဝ်တ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈဢ︀ူ။ က︀ူꩫ︀်းꩬ︀ွင︀်က︀ူဝ်ႇမ︀ႆ︀ႛက︀ေႃႇ ပ︀ႃႛၵ︀ႃပ︀ႃႛꩬ︀ၢႆ︀ႇမ︀ꩫ︀်းꩡ︀ဝ်ႛမ︀ႆ︀ႛဢ︀ေႈက︀ူဝ်ႇꩰ တ︀ွက︀်ꩬ︀ဝ်ဝႃးမ︀ိုဝ်းတ︀ႆ︀ၢႈဝႆ︀ႇဢ︀ူ။

ယ︀ေႃးꩭၢꩫ︀် 19:24

ၵ︀ဝ်ယ︀ႃႇ “ပ︀ႆ︀ႉ ꩵ︀တ︀ၢပ︀်ႉꩡ︀ိꩫ︀်ႇ၊ တ︀ႃႇက︀ꩫ︀်ႈꩬ︀ီ ဢ︀ဝ်ႈက︀ွတ︀်” ꩫ︀ꩬ︀ီ ၵ︀ဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈဢ︀ူ။ ဢ︀ꩫ︀်ႈလ︀ုက︀်ႉꩬ︀ိူက︀်ꩫ︀ႆ︀ႇၵ︀ဝ်ꩭီတ︀်ꩫ︀ႆ︀ႇယ︀ႃႇ “ၵ︀ိူင︀်ႈက︀ဝ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ဝ်ပ︀ꩫ︀်ႈက︀ꩫ︀်ႈဢ︀ူ။ ꩬ︀ိူဝ်ႛက︀ဝ်ႈမ︀ႆ︀ႛ တ︀ႃႇက︀ꩫ︀်ႈꩬ︀ီဢ︀ဝ်ႈဢ︀ူ” ꩫ︀ꩬ︀ီꩫ︀င︀်ဢ︀ꩫ︀်ႈက︀ျမ︀်းလ︀ိက︀်ႉမ︀ႆ︀ႛ ဝႃႈဝႆ︀ႇꩫ︀က︀ꩫ︀်ႈꩭႂ်ႛပ︀ူဝ်းတ︀ီမ︀်ႈထူꩫ︀်ႛမ︀ႃးꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 13:27

က︀ူꩫ︀်းဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်င︀ႆ︀း ꩭူဝ်က︀ေၵ︀ဝ်ꩫ︀ႆ︀ႇၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ဝ်ႛၵ︀ေꩬ︀ေꩫ︀ꩫ︀ႆ︀ႇꩵ︀ႈတ︀ွင︀်း။ ၵ︀ၢမ︀်းပ︀ရ︀ေႃးၸ︀ႅတ︀်ႉဢ︀ꩫ︀်ႈꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛ ဝꩫ︀်းက︀မ︀်ႈꩬ︀ိꩫ︀် က︀ူႈဝꩫ︀်းမ︀ႆ︀ႛ ၵ︀ဝ်ဢ︀ၢꩫ︀်မ︀ႃးꩫ︀ႆ︀ႇက︀ေႃႇ ၵ︀ဝ်ꩵ︀ႈပ︀ွင︀်ꩡ︀ႂ်ႈ။ ꩫ︀ႆ︀ႇꩫ︀က︀ေႃႇꩡ︀ဝ်ႛယ︀ေꩬ︀ုမ︀ႆ︀ႛꩭႂ်ႛတ︀ၢမ︀်တ︀ႆ︀ၢႈꩬ︀ီ ၵ︀ၢမ︀်းပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ꩭႂ်ႛပ︀ူဝ်း ပ︀ီꩫ︀်ႈမ︀ႃးတ︀ေႇတ︀ေႇꩫ︀ႆ︀ႇယ︀ႃႇ ၵ︀ဝ်ꩭီတ︀်မ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 15:18

ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈမ︀ိူဝ်ႈꩫ︀ꩫ︀်ႇပ︀ုꩫ︀်ႛ ၸ︀ြႃးပ︀ီꩫ︀်ႈꩡ︀ဝ်ႛꩭူဝ်းၿျႃၻိက︀်ႉဝႆ︀ႇꩫ︀ႆ︀ႇꩫ︀မ︀်” ꩫ︀ꩬ︀ီတ︀ႅမ︀်ႛဝႆ︀ႇဢ︀ူ။

ထဝ်ꩡ︀တ︀်ႉၵ︀ဝ် 2:36

င︀ႆ︀းꩬ︀ီ ပ︀ူဝ်မ︀ေပ︀ီꩫ︀ွင︀်ႇဢ︀ီတ︀်ꩬ︀ြေးၵ︀ဝ်ꩴ︀း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈꩡ︀ဝ်ႛ၊ ဢ︀ဝ်ႈပ︀ီꩫ︀်ႈမ︀ေꩬ︀ိယ︀ဝႆ︀ႇꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုဢ︀ꩫ︀်ႈꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီ ဢ︀ဝ်ႈတ︀ႆ︀ၢႈမ︀ႃးꩫ︀ႆ︀ႇꩫ︀မ︀်ꩫ︀ꩫ︀ႆ︀ႇ တ︀ွင︀်းမ︀တ︀်ႉက︀ꩫ︀်ႈတ︀ေႇတ︀ေႇတ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 3:18

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ေꩬ︀ိယ︀ဝႃႈၵ︀ၢမ︀်တ︀ႆ︀ၢႈဢ︀ူꩫ︀ꩬ︀ီ ပ︀ရ︀ေႃးၸ︀ႅတ︀်ႉတ︀င︀်းမ︀ိူင︀်းမ︀ႆ︀ႛꩭႂ်ႛꩭူဝ်းဝႆ︀ႇမ︀ႃးဢ︀ူ။ ဢ︀ꩫ︀်ႈင︀ႆ︀ႚပ︀ီꩫ︀်ႈမ︀ႃးꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈၿျႃၻိက︀်ႉဝႆ︀ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛဢ︀ဝ်ႈပ︀ီꩫ︀်ႈမ︀ႃးꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 4:28

ၵ︀ဝ်င︀ႆ︀းꩬ︀ီတ︀ုမ︀်ႈက︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈဢ︀ဝ်ႈတ︀ꩫ︀်းၵ︀ူဝ်းꩡ︀ဝ်ႛ၊ ဢ︀ဝ်ႈဢ︀လ︀ၢင︀်းꩡ︀ဝ်ႛ ꩬ︀ၢင︀်ဝႆ︀ႇꩫ︀ႆ︀ႇၵ︀ဝ် ꩭႂ်ႛပ︀ူဝ်းပ︀ီꩫ︀်ႈမ︀ႃးꩫ︀ႆ︀ႇတ︀ီၵ︀ႃႛꩫ︀မ︀်။

ထဝ်ꩡ︀တ︀်ႉၵ︀ဝ် 5:28

“ဢ︀ဝ်ႈꩡ︀ိုဝ်ႈꩡ︀ဝ်ႛယ︀ေꩬ︀ု ပ︀ီꩭူဝ်းတ︀ြႃးꩫ︀ꩬ︀ီ ꩬ︀ူမ︀ႆ︀ႛဢ︀မ︀ိင︀်းပ︀ူင︀်ႈ ꩫ︀က︀်ꩰဝႆ︀ႇယ︀ဝ်ႇ။ ပ︀လ︀ေႃးင︀ႆ︀ႚယ︀ႃႇ ဝီင︀်းယ︀ေရ︀ုꩬ︀လ︀ိမ︀် က︀ူႈတ︀ီႈမ︀ႆ︀ႛꩬ︀ူꩭူဝ်းလ︀ေဢ︀ူ။ မ︀ꩫ︀်းတ︀ႆ︀ၢႈက︀ႃꩫ︀ႆ︀ႇ လ︀ႆ︀ၢးပ︀ိူဝ်ႈတ︀ူႈꩫ︀မ︀်ꩫ︀ꩬ︀ီ ꩬ︀ူၵ︀ႂ်ႈတ︀ၢင︀်ဢ︀ပ︀ႅတ︀်ႉမ︀ဝ်ꩡ︀ႂ်ႈ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 5:30

ၸ︀ြႃးပ︀ူလ︀ီꩫ︀်ꩭဝ်းၵ︀ဝ်ယ︀ႃႇ ꩡ︀ဝ်ႛယ︀ေꩬ︀ု ဢ︀ꩫ︀်ႈꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈမ︀ႃးꩫ︀ႆ︀ႇမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 7:52

ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀ႃႇ လ︀ွင︀်ႈၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈမ︀ူတ︀်ꩡ︀ၢင︀် ဢ︀ꩫ︀်ႈတ︀ီက︀ျွႃးမ︀ႃးꩫ︀ႆ︀ႇ ꩭူဝ်းꩬ︀ီ ၵ︀ဝ်မ︀ႆ︀ႛꩬ︀ူဢ︀ဝ်ႈတ︀ၢႆ︀ႈမ︀ူတ︀်မ︀ႃးယ︀ဝ်ႇ။ မ︀ဝ်ꩡ︀ႂ်ႈက︀ျႃး။ ပ︀လ︀ေႃး င︀ႆ︀ႚꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်ဢ︀မ︀ႂ်းမ︀ႆ︀ႛက︀ေႃႇ ꩬ︀ူၸ︀ုꩫ︀်ႇꩬ︀ႅတ︀်ႉꩡ︀ႃꩬ︀ီ ဢ︀ဝ်ႈတ︀ႆ︀ၢႈၵ︀ွတ︀်ယ︀ဝ်ႇ။

ရ︀ေႃမ︀ 2:12

က︀ူꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် က︀ျမ︀်းꩬ︀ိꩫ︀်မ︀ဝ်ယ︀င︀်းꩫ︀က︀ေႃႇ ꩭီတ︀်ဢ︀ပ︀ႅတ︀်ႉက︀ီး ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီဢ︀ဝ်ႈလ︀ူႇꩬ︀ုမ︀်းꩫ︀မ︀်။ က︀ျူးဢ︀ꩫ︀်ႈက︀ျမ︀်းꩬ︀ိꩫ︀်ယ︀င︀်းꩬ︀ီ ꩭီတ︀်ဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛက︀ီးယ︀ႃႇ ꩫ︀င︀်ဢ︀ꩫ︀်ႈက︀ျမ︀်းꩬ︀ိꩫ︀်မ︀ႆ︀ႛလ︀ွေႛꩫ︀ႆ︀ႇꩫ︀က︀ꩫ︀်ႈ ၵ︀ဝ်မ︀ႆ︀ႛတ︀ီပ︀ႅတ︀်ႉတ︀ြႃးꩫ︀မ︀်။

ရ︀ေႃမ︀ 4:17

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ႃပ︀ြႃꩭၢမ︀်မ︀ႆ︀ႛ “မ︀ႂ်းမ︀ႆ︀ႛ က︀ဝ်ႈတ︀ီဢ︀ဝ်ႈပ︀ီꩫ︀်ႈ ပ︀ူပ︀ူဝ် ၸ︀ꩫ︀်းက︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀ꩭႂ်ႛꩫ︀မ︀်” ꩫ︀ꩬ︀ီ က︀တ︀ိꩭႂ်ႛဝႆ︀ႇဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ ၸ︀ူႛတ︀ႆ︀ၢႈမ︀ႆ︀ႛဢ︀ဝ်ႈꩫ︀ိပ︀်ꩭႂ်ႛ၊ ဢ︀ꩫ︀်ႈက︀ꩬ︀င︀်က︀ေႃႇမ︀ဝ်ယ︀င︀်းမ︀ႆ︀ႛ ၸ︀ၢꩫ︀်ꩬ︀ၢင︀်းဢ︀ဝ်ႈယ︀င︀်းꩭႂ်ႛꩫ︀ႆ︀ႇယ︀ႃႇ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ဢ︀ႃပ︀ြႃꩭၢမ︀်ယ︀ုမ︀်ယ︀မ︀်ႈꩫ︀ႆ︀ႇꩬ︀ီ ꩫ︀င︀်မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩫ︀က︀ꩫ︀်ႈ ဢ︀ဝ်ႈပ︀ီꩫ︀်ႈꩭႂ်ႛမ︀ႃးယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:15

က︀ျူးꩫ︀ႆ︀ႇၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛတ︀မ︀ိူင︀်း ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ဢ︀ဝ်ႈတ︀ႆ︀ၢႈꩬ︀ီ ꩭဝ်းမ︀ႆ︀ႛက︀ေႃႇ က︀ေးလ︀ေးꩫ︀ိက︀်ႉꩬ︀ၢက︀်ႉမ︀ႃးယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ ၸ︀ိတ︀်လ︀ူင︀်၊ ပ︀ိူꩫ︀်ႈတ︀င︀်းမ︀ိူင︀်းမ︀ႆ︀ႛက︀ေႃႇ ꩭီတ︀်ꩭႆ︀ၢႇလ︀ူင︀်မ︀ႃးယ︀ဝ်ႇ။

ပ︀ေတ︀ရ︀ု ႑ 1:2

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈဢ︀လ︀ၢင︀်းမ︀ꩫ︀်းꩡ︀ဝ်ႛ မ︀ႆ︀ၢလ︀ိူက︀်ႉဝႆ︀ႇꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ဢ︀ဝ်ႈပ︀ီꩫ︀်ႈၸ︀ꩫ︀်းဢ︀ꩫ︀်ႈမ︀ူတ︀်ꩡ︀ၢင︀်ꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩬ︀ူ ၵ︀ၢမ︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ထွမ︀်ꩡ︀ွမ︀်းꩬ︀ီ ဢ︀ပ︀ႅတ︀်ႉꩬ︀ူမ︀ႆ︀ႛ ဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ ꩬ︀ုက︀်ႉꩬ︀ေၸ︀ေလ︀ွႆ︀းꩭႂ်ႛꩫ︀ႆ︀ႇꩫ︀မ︀်။ ꩬ︀ူမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ၢꩫ︀်တ︀ၢꩫ︀်ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃတ︀ီမ︀်ႈꩰက︀ႃတ︀ႃႉ။

ပ︀ေတ︀ရ︀ု ႑ 1:20

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛꩫ︀မ︀် လ︀ိူက︀်ႉဢ︀ဝ်ႈပ︀ီꩫ︀်ႈက︀ႃႈꩬ︀ေထွတ︀်ꩬ︀ူမ︀ႃးꩫ︀ႆ︀ႇ။ င︀ႆ︀ႚက︀ၢပ︀်ႉပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛꩬ︀ိုင︀် မ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃႇꩭၢင︀်းꩬ︀ူ ဢ︀ဝ်ႈပ︀ူဝ်မ︀ႃးꩫ︀မ︀်။

ပ︀ေတ︀ရ︀ု ႑ 2:8

ယ︀ဝ်ႇက︀ီး “ꩭိꩫ︀်ဢ︀မ︀ႂ်းယ︀ႃႇ ꩭိꩫ︀်ဢ︀ꩫ︀်ႈပ︀ိူꩫ︀်ႈမ︀ႆ︀ႛဢ︀ဝ်ႈတ︀ွင︀်ႛ ဢ︀ဝ်ႈလ︀ူမ︀်ႇꩫ︀မ︀်” ꩫ︀က︀ေႃႇဝႃႈဝႆ︀ႇဢ︀ူ။ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇၵ︀ဝ်ယ︀ႃႇꩭိꩫ︀်ဢ︀မ︀ႂ်းမ︀ႆ︀ႛ တ︀ွင︀်ႛလ︀ူမ︀်ႇက︀ꩫ︀်ႈဢ︀ူ။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇၵ︀ဝ်ꩬ︀ၢင︀်ဝႆ︀ႇꩫ︀ႆ︀ႇꩫ︀မ︀်။

ယ︀ုတ︀ 1:4

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀ႂ်းꩡ︀ိူဝ်းꩬ︀ူမ︀ႆ︀ႛ က︀ူꩫ︀်းဢ︀ꩫ︀်ႈꩭႅꩫ︀်းꩭီတ︀်က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် လ︀ၢက︀်ႉꩬ︀ွတ︀်ႉꩬ︀ီၵ︀ဝ်ႛမ︀ႃးယ︀ဝ်ႇ။ ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ၸ︀ူႛပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈမ︀ႆ︀ႛ ပ︀ႆ︀ၵ︀ွတ︀်ꩬ︀ေႇမ︀ဝ်က︀ႃး က︀ူꩫ︀်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ီꩫ︀ူႈꩭၢက︀်ႉꩭွမ︀်ၸ︀ႅဝ်ꩫ︀ႆ︀ႇꩬ︀ီ ꩭဝ်းက︀ၢပ︀်ꩬ︀ီၸ︀ိတ︀်က︀ႃႛမ︀ဢ︀ူꩫ︀က︀ေႃႇ မ︀ꩫ︀်းꩡ︀ဝ်ႛပ︀ွႆ︀လ︀ွတ︀်ႉꩭႂ်ႛဢ︀ူꩫ︀ꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛ ဢ︀ဝ်ႈၸ︀ႆ︀ꩬ︀ီꩬ︀ွꩫ︀်လ︀ေဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်ꩫ︀ꩫ︀ႆ︀ႇ လ︀ုက︀်ႉမ︀ိူဝ်ႈင︀ႃးပ︀ုꩫ︀်ႛ တ︀ႅမ︀်ႛဝႆ︀ႇယ︀ဝ်ႇꩰ။

ၿျႃၻိက︀်ႉ 13:8

က︀ူꩫ︀်းဢ︀ꩫ︀်ႈပ︀ၢပ︀်ႉဢ︀ꩬ︀ၢက︀်ႉပ︀ူႇဢ︀ွꩫ︀် ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈက︀ႃမ︀ႆ︀ႛ ဢ︀ꩫ︀်ႈလ︀ုက︀်ႉမ︀ိူဝ်ႈက︀မ︀်ၸ︀ႃတ︀ေပ︀ုꩫ︀်ႛ ꩡ︀ိုဝ်ႈမ︀ဝ်လ︀ွေႛꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။