ထဝ်ꩡ︀တ︀်ႉၵ︀ဝ် 17:28 - Khamti Shan

²⁸ “က︀ူꩫ︀်းꩭဝ်းယ︀ႃႇလ︀ႆ︀ၢးပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် ဢ︀ꩬ︀ၢက︀်ႉꩫ︀ိပ︀်ꩬ︀ီ ꩫ︀ိင︀်ၵ︀ွꩫ︀်းꩬ︀ီဢ︀ူꩫ︀ႆ︀ႇ” ꩫ︀ꩬ︀ီꩡ︀ဝ်ႛမ︀ူဝ်က︀ူဝ်ႇလ︀ိူင︀်ႈဝႃႈꩫ︀ႆ︀ႇꩫ︀က︀ꩫ︀်ႈꩫ︀မ︀်။ ၵ︀ိုꩫ︀်းꩫ︀က︀ဝ် ꩡ︀ဝ်ႛမ︀ူဝ်က︀မ︀်ႈၸ︀ွင︀်းယ︀ႃႇ “ꩭဝ်းက︀ေႃႇ လ︀ုက︀်ႉလ︀ၢꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်” ꩫ︀ꩬ︀ီက︀ေႃႇဝႃႈဢ︀ူ။

ထဝ်ꩡ︀တ︀်ႉၵ︀ဝ် 17:28 ပူးပေါင်းရင်းမြစ်များ

လ︀ုက︀ႃ 20:38

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ြႃးၸ︀ူႛတ︀ႆ︀ၢႈꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။ ၸ︀ြႃးၸ︀ူႛꩫ︀ိပ︀်ꩫ︀ႆ︀ႇၵ︀ဝ်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းတ︀င︀်းမ︀ိူင︀်း ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀မ︀်” ꩫ︀ဝꩫ︀်ႇ။

လ︀ုက︀ႃ 3:38

ဢ︀ေꩫ︀ူက︀်၊ ꩬ︀ေတ︀င︀ႆ︀း ဢ︀ႃတ︀ၢမ︀်ၵ︀ဝ်ꩫ︀မ︀်။ ဢ︀ႃတ︀ၢမ︀်ယ︀ႃႇ လ︀ုက︀်ႉꩡ︀ႆ︀ၢးၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။

ယ︀ေႃးꩭၢꩫ︀် 11:25

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ꩡ︀ဝ်ႛဢ︀ꩬ︀ၢက︀်ႉꩫ︀မ︀်။ ꩡ︀ဝ်ႛဢ︀ꩫ︀်ႈဢ︀ဝ်ႈꩫ︀ိပ︀်ပ︀ွက︀်ႉက︀ေႃႇꩡ︀ႂ်ႈဢ︀ူ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇယ︀ႃႇ တ︀ႆ︀ၢႈက︀ႃꩫ︀က︀ေႃႇꩫ︀ိပ︀်ပ︀ွက︀်ႉဢ︀ူ။

ယ︀ေႃးꩭၢꩫ︀် 5:26

ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ပ︀ီꩫ︀်ႈꩡ︀ဝ်ႛဢ︀ꩬ︀ၢက︀်ႉꩫ︀က︀ꩫ︀်ႈ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ဢ︀ဝ်ႈပ︀ီꩫ︀်ႈꩡ︀ဝ်ႛဢ︀ꩬ︀ၢက︀်ႉဝႆ︀ႇဢ︀ူ။

က︀ေႃလ︀ေႃတ︀ႄ 1:17

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ မ︀ိူဝ်ႈက︀ꩬ︀င︀်က︀ေႃႇꩵ︀ႈပ︀ႆ︀ယ︀င︀်းꩫ︀ႆ︀ႇ ယ︀င︀်းမ︀ႃးဢ︀ွꩫ︀်ႈꩬ︀ီ တ︀င︀်းလ︀ုင︀်တ︀င︀်းမ︀ိူင︀်းမ︀ႆ︀ႛ တ︀ီႈၸ︀ႂ်တ︀ီႈမ︀ꩫ︀်းမ︀ႆ︀ႛ ဢ︀ဝ်ႈယ︀င︀်းဝႆ︀ႇထုက︀်ꩰက︀ꩫ︀်ႈဢ︀ူ။

တ︀ိတ︀ု 1:12

ꩬ︀ြႃလ︀ူင︀်ၵ︀ဝ်ၸ︀ူႛꩡ︀ဝ်ႛ က︀ူဝ်ႇလ︀ိူင︀်ႈဝႃႈဝႆ︀ႇꩫ︀ႆ︀ႇယ︀ႃႇ “က︀ူꩫ︀်းင︀ွꩫ︀်ႈက︀ရ︀ေတ︀ေꩫ︀ႆ︀ႇၵ︀ဝ်ယ︀ႃႇ ၸ︀ႅတ︀်ႉꩭႆ︀ၢႇလ︀ူင︀်ꩫ︀မ︀်။ ꩫ︀င︀်ၵ︀ွင︀်ထိူꩫ︀်ꩫ︀ႆ︀ႇၵ︀ဝ်ꩫ︀က︀ꩫ︀်ႈ ၵ︀ၢꩫ︀်ႇလ︀ူင︀်၊ က︀ိꩫ︀်ႈက︀ေႃႇꩭႆ︀ၢႇလ︀ူင︀်ꩫ︀မ︀်” ꩫ︀ဝꩫ︀်ႇ။

ꩭေပ︀ရ︀ူး 1:3

လ︀ုက︀်ႉမ︀ꩫ︀်းꩡ︀ဝ်ႛယ︀ႃႇ မ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃတ︀ိႉၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈက︀ုမ︀်င︀ႆ︀း ဢ︀ဝ်ႈဢ︀မ︀ိင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈတ︀ꩫ︀်းၵ︀ူဝ်းတ︀ီမ︀်ႈက︀ုမ︀်ꩫ︀ႆ︀ႇ တ︀င︀်းလ︀ုင︀်မ︀ႆ︀ႛ ဢ︀ဝ်ႈမ︀ꩫ︀်ႛဢ︀ဝ်ႈၵ︀ိူင︀်ဢ︀ူꩫ︀မ︀်။ မ︀ꩫ︀်းꩡ︀ဝ်ႛ ဢ︀ပ︀ႅတ︀်ႉက︀ူꩫ︀်းꩭဝ်းမ︀ႆ︀ႛ ꩬ︀ုက︀်ႉꩬ︀ီဢ︀ဝ်ႈတ︀ွင︀်ꩭႂ်ႛယ︀ဝ်ႇက︀ီး က︀ꩫ︀်ႛꩫ︀ိူဝ်က︀ၢင︀်ႈꩭၢဝ် ပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်လ︀ူင︀်မ︀ႆ︀ႛ ꩫ︀င︀်ႈဢ︀ူဢ︀ူ။

ꩭေပ︀ရ︀ူး 12:9

ꩡ︀ႃႇလ︀ိူင︀်ႈ ပ︀ူဝ်မ︀ိူင︀်းက︀ၢင︀်ႈ ဢ︀ꩫ︀်ႈꩭဝ်းမ︀ႆ︀ႛ ꩬ︀ွꩫ︀်ꩬ︀ုင︀်းမ︀ႃးမ︀ႆ︀ႛꩭဝ်းꩫ︀ၢပ︀်ႉယ︀မ︀်ႈမ︀ဝ်ꩡ︀ႂ်ႈ။ င︀ႆ︀းက︀ီး ꩭႂ်ႛပ︀ူဝ်းꩭဝ်း ဢ︀ꩬ︀ၢက︀်ႉꩫ︀ိပ︀်တ︀ေႇတ︀ေႇက︀ႃꩫ︀ႆ︀ႇ ပ︀ူဝ်က︀ၢင︀်ႈꩭၢဝ် ဢ︀ꩫ︀်ႈꩭဝ်းမ︀ႆ︀ႛ ꩬ︀ွꩫ︀်ꩬ︀ုင︀်းမ︀ႃးမ︀ႆ︀ႛ ဢ︀ေႈၵ︀ႅꩫ︀်းမ︀ဝ်ထုက︀်ꩫ︀ီႈက︀ွမ︀်းဢ︀ၢပ︀်ႉက︀ျႃး။

ꩭေပ︀ရ︀ူး 2:11

ꩡ︀ဝ်ႛယ︀ေꩬ︀ုဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈမ︀ူတ︀်ꩡ︀ၢင︀်ꩫ︀ၵ︀ႃ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛ ဢ︀ဝ်ႈမ︀ူတ︀်ꩡ︀ၢင︀်ꩭႂ်ႛဢ︀မ︀ႂ်းၵ︀ဝ်ယ︀ႃႇ ပ︀ီꩫ︀်ႈꩡ︀ုမ︀်ႛꩭိူꩫ︀်းလ︀ိဝ်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛ ၵ︀ဝ်မ︀ႆ︀ႛꩭွင︀်ႇပ︀ီႈꩫ︀ွင︀်ႇမ︀ꩫ︀်းꩡ︀ဝ်ႛၵ︀ဝ်ꩫ︀ႆ︀ႇ ꩵ︀ႈဢ︀ႆ︀ၢႈ။