ထဝ်ꩡ︀တ︀်ႉၵ︀ဝ် 15:9 - Khamti Shan

⁹ မ︀ꩫ︀်းꩡ︀ဝ်ႛယ︀ႃႇ ၵ︀ဝ်ꩫ︀ၵ︀ႃꩭဝ်းမ︀ႆ︀ႛꩵ︀ႈက︀ၢက︀်ႉက︀ꩫ︀်ႈ။ ၵ︀ဝ်ယ︀ုမ︀်ယ︀မ︀်ႈမ︀ႃးꩬ︀ီ ဢ︀ပ︀ႅတ︀်ႉၵ︀ဝ်မ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 15:9 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 10:15

င︀ႆ︀းက︀ီးꩭႃလ︀ိူင︀်ႈ ꩬ︀ီင︀်တ︀ၢꩫ︀်ႛဢ︀မ︀ႂ်းယ︀ႃႇ “ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛထုက︀်ꩫ︀ီႈက︀ိꩫ︀်ႈဢ︀ူꩫ︀ꩫ︀ႆ︀ႇမ︀ႆ︀ႛ ꩭင︀်ႛဢ︀ူꩫ︀ꩬ︀ီပ︀ီဝႃႈ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 10:28

ꩫ︀ႆ︀ႇမ︀ႆ︀ႛပ︀ေတ︀ရ︀ုယ︀ႃႇ ၵ︀ဝ်မ︀ႆ︀ႛ “က︀ျူးꩫ︀ႆ︀ႇၵ︀ဝ်ယ︀ႃႇ တ︀င︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ꩵ︀ႈꩫ︀ႆ︀ႛလ︀ွေႛက︀ꩫ︀်ႈ၊ ၵ︀ဝ်မ︀ႆ︀ႛလ︀ေက︀ေႃႇꩵ︀ႈꩫ︀ႆ︀ႛက︀ႃလ︀ေꩫ︀ꩬ︀ီ ၸ︀ႃꩬ︀ႃတ︀ူႈမ︀ႆ︀ႛ ꩭၢမ︀်ႛဝႆ︀ႇꩫ︀ႆ︀ႇꩬ︀ူတ︀ွင︀်းဢ︀ူ။ ꩫ︀ႆ︀ႇꩫ︀က︀ေႃႇ ꩡ︀ွမ︀်းထုင︀်းၸ︀ႃꩬ︀ႃꩬ︀ီ ၸ︀ႂ်မ︀ႆ︀ႛက︀ေႃႇ ဢ︀ꩫ︀်ႈꩭင︀်ႛ၊ ဢ︀ꩫ︀်ႈမ︀ဝ်မ︀ူတ︀်ꩡ︀ၢင︀်ꩫ︀ꩬ︀ီ ꩵ︀ႈဝႃႈမ︀တ︀်ႉꩫ︀ꩫ︀ႆ︀ႇ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩬ︀ွꩫ︀်ပ︀ျႃးမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 10:34

င︀ႆ︀းက︀ီးပ︀ေတ︀ရ︀ုယ︀ႃႇ “ဢ︀ꩫ︀်ႈတ︀ေႇတ︀ေႇက︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀ႃႛလ︀ီက︀်ႉꩫ︀ႃႛယ︀ႂ်ꩵ︀ႈလ︀ိူက︀်ႉꩫ︀ꩫ︀ႆ︀ႇ က︀ဝ်ႈင︀ႆ︀ႚတ︀ွင︀်းမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 11:12

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛတ︀င︀်းၵ︀ဝ်က︀ꩡ︀ူး ꩭႂ်ႛꩡ︀ွမ︀်းက︀ႃဢ︀ူ။ က︀ူꩫ︀်းဝီင︀်းယ︀ုက︀်ပ︀ေꩭူက︀်က︀ူဝ်ႇက︀ေႃႇ တ︀င︀်းက︀ဝ်ႈꩡ︀ွမ︀်းက︀ႃဝီင︀်းက︀ႄတ︀ရ︀ိဢ︀ူ။ တ︀ူႈၸ︀ူႛယ︀ုမ︀်ယ︀မ︀်ႈꩫ︀ႆ︀ႛၵ︀ဝ်တ︀င︀်းမ︀ိူင︀်း ꩭိူꩫ︀်းက︀ေႃꩫ︀ေလ︀ိမ︀ႆ︀ႛ ၵ︀ဝ်ႛက︀ႃဢ︀ူ။

ထဝ်ꩡ︀တ︀်ႉၵ︀ဝ် 14:1

ဝီင︀်းဢ︀ိက︀ေႃꩫ︀ိမ︀ႆ︀ႛက︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ေႃလ︀ုꩫ︀ၵ︀ႃၿႃꩫ︀ၿ ꩡ︀ွင︀်းꩬ︀ွꩫ︀်တ︀ြႃးမ︀ႆ︀ႛက︀ႃꩬ︀ီ ၵ︀ၢမ︀်းၸ︀ြႃးꩭူဝ်းꩫ︀ီႈꩫ︀ီႈက︀ီး က︀ျူးꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် ယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 14:27

ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛထိုင︀်က︀ီး ꩬ︀ွင︀်ၵ︀ႃယ︀ႃႇက︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛꩭွင︀်ႇတ︀ုမ︀်ႈꩬ︀ီ ဢ︀မ︀ူးဢ︀ꩫ︀်ႈၵ︀ဝ်ꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ꩡ︀ွႆ︀ႈမ︀ႃးꩫ︀ꩫ︀ႆ︀ႇၵ︀ဝ်င︀ႆ︀း ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ယ︀ုမ︀်ယ︀မ︀်ႈမ︀ႃးꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ပ︀ုတ︀်တ︀ၢင︀်းꩭႂ်ႛမ︀ႃးꩫ︀ꩫ︀ႆ︀ႇၵ︀ဝ် ၵ︀ႆ︀ႈꩭႂ်ႛဢ︀ူ။

ရ︀ေႃမ︀ 3:22

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းꩭဝ်း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈက︀ီးꩬ︀ိုင︀် ꩭဝ်းမ︀ႆ︀ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျူးꩫ︀ၵ︀ႃဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် က︀ꩬ︀င︀်က︀ေႃႇꩵ︀ႈလ︀ၢက︀်က︀ꩫ︀်ႈ။

ရ︀ေႃမ︀ 3:9

င︀ႆ︀းꩫ︀ႆ︀ႇꩬ︀ီ ꩭဝ်းက︀ျူးꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ က︀ꩬ︀င︀်ꩫ︀ႆ︀ꩫ︀ီႈꩬ︀ႃꩫ︀ႆ︀ႇ။ က︀ꩬ︀င︀်က︀ေႃႇ ꩵ︀ႈꩫ︀ီႈꩬ︀ႃ။ က︀ျူးမ︀ဝ်ႈဝႃႈ၊ ဢ︀ꩫ︀်ႈက︀ျူးမ︀ဝ်ꩡ︀ႂ်ႈမ︀ဝ်ဝႃႈ က︀ူꩫ︀်းတ︀င︀်းမ︀ိူင︀်းဢ︀ူက︀ꩫ︀်ႛတ︀ႂ်ႛ တ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛꩫ︀မ︀်ꩫ︀ꩫ︀ႆ︀ႇ က︀ဝ်ႈဝႃႈမ︀ႃးယ︀ဝ်ႇ။

ရ︀ေႃမ︀ 9:24

ꩭဝ်းယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇၵ︀ဝ်ꩫ︀မ︀်။ ဢ︀ꩫ︀်ႈမ︀ꩫ︀်းꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇၵ︀ဝ်မ︀ႆ︀ႛ က︀ျူးတ︀မ︀ိူင︀်း ဢ︀ꩫ︀်ႈက︀ျူးမ︀ဝ်ꩡ︀ႂ်ႈတ︀မ︀ိူင︀်းလ︀ွေႛဢ︀ူ။

က︀ေႃရ︀ိꩫ︀်တ︀ု ႑ 1:2

ပ︀ီႈꩫ︀ွင︀်ႇꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛ ဝီင︀်းက︀ေႃရ︀ိꩫ︀်တ︀ုၵ︀ဝ်ꩴ︀း ꩬ︀ူꩡ︀ဝ်ႛယ︀ႃႇ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ူတ︀်ꩡ︀ၢင︀်ယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃꩡ︀ဝ်ႛၵ︀ဝ်ယ︀ႃႇ ꩬ︀ူင︀ႆ︀း က︀ူꩫ︀်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ၢႆ︀ႛဝႆ︀ႈꩫ︀ႆ︀ႇၵ︀ဝ်က︀ူႈက︀ူဝ်ႇမ︀ႆ︀ႛ ꩭွင︀်ႇဝႆ︀ႇꩫ︀ႆ︀ႇ ꩭၢင︀်းမ︀ူတ︀်ꩡ︀ၢင︀်ꩫ︀မ︀်။

က︀ေႃရ︀ိꩫ︀်တ︀ု ႑ 7:18

က︀ူꩫ︀်းက︀ူဝ်ႇလ︀ိူင︀်ႈꩫ︀ႆ︀ႇ မ︀ိူဝ်ႈမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭၢပ︀်ႉယ︀ဝ်ႇꩬ︀ိုင︀် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈမ︀ႃးက︀ီး မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဢ︀မ︀ႂ်း ꩵ︀ႈဝႃႈၵ︀ွတ︀်။ မ︀ိူဝ်ႈမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩵ︀ႈပ︀ႆ︀ꩭၢပ︀်ႉꩫ︀ႆ︀ႇ ယ︀ုမ︀်ယ︀မ︀်ႈမ︀ႃးက︀ီးက︀ေႃႇ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩵ︀ႈဝႃႈꩭၢပ︀်ႉ။

က︀လ︀ႃတ︀ိ 3:28

င︀ႆ︀းꩫ︀ႆ︀ႇꩬ︀ီ ၸ︀ꩫ︀်းက︀ျူး၊ ၸ︀ꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈ၊ ၵ︀ႃႛ၊ က︀ူꩫ︀်းလ︀ွတ︀်ႉ၊ ၸ︀ူႛယ︀ိင︀်း၊ ၸ︀ူႛꩡ︀ႆ︀ၢးꩫ︀ꩬ︀ီ ဢ︀ꩫ︀်ႈက︀ၢက︀်ႉက︀ꩫ︀်ႈꩵ︀ႈယ︀င︀်းယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူတ︀င︀်းမ︀ိူင︀်း က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ီꩫ︀်ႈက︀ူဝ်ႇလ︀ိဝ်ႈယ︀ဝ်ႇ။

က︀လ︀ႃတ︀ိ 5:6

ꩭဝ်းဢ︀ူက︀ꩫ︀်ႛꩫ︀ႂ်း ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩭၢပ︀်ႉ၊ မ︀ဝ်ꩭၢပ︀်ႉꩫ︀ꩫ︀ႆ︀ႇ ꩵ︀ႈဢ︀ၵ︀ႅက︀်ႉပ︀ိူင︀်ႈလ︀ူင︀်။ ဢ︀ꩫ︀်ႈဢ︀ၵ︀ႅက︀်ႉတ︀ေႇတ︀ေႇꩫ︀ႆ︀ႇယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇꩫ︀မ︀်။

ဢ︀ေၸ︀ႅတ︀် 3:6

ဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ လ︀ႆ︀ၢးပ︀ိူဝ်ႈၵ︀ၢဝ်ႈၵ︀ၢမ︀်းꩫ︀ီႈꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်က︀ေႃႇ တ︀င︀်းက︀ျူးꩫ︀ႆ︀ႇၵ︀ဝ် ဢ︀က︀ိဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀ႆ︀ႛꩭူမ︀်ႈꩭၢပ︀်ႉꩫ︀ႆ︀ႇꩫ︀မ︀်။ ၵ︀ဝ်က︀ေႃႇ တ︀င︀်းက︀ျူးꩫ︀ႆ︀ႇၵ︀ဝ် ꩫ︀ႂ်းတ︀ူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩫ︀ႆ︀ႛလ︀ွေႛꩬ︀ီ က︀တ︀ိဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛမ︀ႃးꩫ︀ႆ︀ႇ ꩫ︀ႆ︀ႛꩭၢပ︀်ႉဢ︀ဝ်ႈယ︀ဝ်ႇ။

က︀ေႃလ︀ေႃတ︀ႄ 3:11

င︀ႆ︀းꩫ︀ႆ︀ႇꩬ︀ီ က︀ျူးင︀ႆ︀းဢ︀ꩫ︀်ႈက︀ျူးမ︀ဝ်ꩡ︀ႂ်ႈ၊ က︀ူꩫ︀်ႈဢ︀ꩫ︀်ႈမ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ꩭၢပ︀်ႉဢ︀ဝ်ႈင︀ႆ︀း ဢ︀ꩫ︀်ႈမ︀ဝ်ꩭၢပ︀်ႉဢ︀ဝ်ႈ၊ က︀ူꩫ︀်းမ︀ိူင︀်းပ︀ိူꩫ︀်ႈ၊ က︀ူꩫ︀်းꩭေ၊ ၸ︀ူႛၵ︀ႃႛ၊ က︀ူꩫ︀်းလ︀ွတ︀်ႉꩫ︀ꩫ︀ႆ︀ႇၵ︀ဝ်ꩵ︀ႈယ︀င︀်းယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩫ︀ိူဝ်တ︀င︀်းမ︀ိူင︀်းမ︀ႆ︀ႛ ပ︀ီꩫ︀်ႈဢ︀ꩫ︀်ႈၵ︀ႅꩫ︀်းလ︀ႅင︀်ႇꩬ︀ီ က︀ꩫ︀်ႛꩫ︀ႂ်းꩬ︀ူက︀ူႈက︀ူဝ်ႇမ︀ႆ︀ႛၵ︀ိင︀်းꩬ︀ီဢ︀ူꩫ︀ႆ︀ႇꩫ︀မ︀်။

ပ︀ေတ︀ရ︀ု ႑ 1:22

ꩬ︀ူ ꩬ︀မ︀်မ︀ႃတ︀ြႃးမ︀ႆ︀ႛ ထွမ︀်းꩡ︀ွမ︀်းꩫ︀ႆ︀ႇꩬ︀ီ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ လ︀ုက︀်ႉတ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈတ︀ေႇတ︀ေႇမ︀ႃးယ︀ဝ်ႇ။ က︀ၢပ︀်ꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉက︀ꩫ︀်ႈက︀ႃတ︀ႃႉ။