ထဝ်ꩡ︀တ︀်ႉၵ︀ဝ် 15:10 - Khamti Shan

¹⁰ င︀ႆ︀းက︀ီးꩭီတ︀်က︀ꩬ︀င︀်ꩫ︀ႆ︀ ꩬ︀ူယ︀ႃႇၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛၵ︀ႂ်ႈꩡ︀ၢမ︀်းꩫ︀ႆ︀ႇ။ က︀ၢꩫ︀်းဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်တ︀မ︀ိူင︀်း၊ ꩭဝ်းတ︀မ︀ိူင︀်းက︀ေႃႇ မ︀ႅက︀်မ︀ဝ်ပ︀ီꩫ︀်ႈꩫ︀ႆ︀ႇ ꩭီတ︀်က︀ꩬ︀င︀်ꩫ︀ႆ︀ၵ︀ဝ်မ︀ႆ︀ႛၵ︀ႂ်ႈꩭႂ်ႛမ︀ႅက︀်ꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 15:10 ပူးပေါင်းရင်းမြစ်များ

မ︀တ︀်တ︀ႄး 23:4

ၵ︀ဝ်ယ︀ႃႇ က︀ၢꩫ︀်းဢ︀ꩫ︀်ႈꩫ︀က︀်ꩬ︀ီမ︀ႅက︀်ယ︀ပ︀်ꩫ︀ႆ︀ႇၵ︀ဝ် ပ︀ိူꩫ︀်ႈမ︀ႆ︀ႛꩭႂ်ႛမ︀ႅက︀်ဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်ၸ︀ူႛꩡ︀ဝ်ႛယ︀ႃႇ က︀ၢꩫ︀်းဢ︀မ︀ႂ်းၵ︀ဝ်မ︀ႆ︀ႛ ဢ︀ဝ်ႈပ︀ႆ︀ၢႈမ︀ိုဝ်းꩫ︀ႆ︀ၢႈက︀ေႃႇꩵ︀ႈၵ︀ႂ်ႈတ︀ႅတ︀်ႉ။

မ︀တ︀်တ︀ႄး 4:7

ꩡ︀ဝ်ႛယ︀ေꩬ︀ုယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ပ︀ီꩡ︀ၢမ︀်းꩫ︀ꩬ︀ီက︀ေႃႇ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇဢ︀ူ” ꩫ︀ꩬ︀ီတ︀ွပ︀်ပ︀ွက︀်ႉဢ︀ူ။

ထဝ်ꩡ︀တ︀်ႉၵ︀ဝ် 5:9

ꩫ︀ႆ︀ႇမ︀ႆ︀ႛ ပ︀ေတ︀ရ︀ုယ︀ႃႇ “ဢ︀ႃးဝႃႇ ꩭီတ︀်က︀ꩬ︀င︀်ꩫ︀ႆ︀ ꩬ︀ွင︀်ၵ︀ိူဝ်ၸ︀ူဝ်မ︀ေးယ︀ႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛၵ︀ႂ်ႈꩡ︀ၢမ︀်းꩫ︀ႆ︀ႇ။ ပ︀လ︀ေႃး က︀ူꩫ︀်းဢ︀ꩫ︀်ႈက︀ႃၸ︀င︀် ၸ︀ူႛၸ︀ူဝ်မ︀ႂ်းꩫ︀ႆ︀ႇၵ︀ဝ်တ︀မ︀ိူင︀်း တ︀ႆ︀ၢႛတ︀ၢင︀်းပ︀တ︀ူႈမ︀ႆ︀ႛထိုင︀်ပ︀ွက︀်ႉမ︀ႃးယ︀ဝ်ႇ။ င︀ႆ︀ႚမ︀ႂ်းမ︀ႆ︀ႛက︀ေႃႇ ၵ︀ဝ်တ︀ီဢ︀ဝ်ႈက︀ႃꩬ︀ႃး” ꩫ︀ဝꩫ︀်ႇ။

က︀လ︀ႃတ︀ိ 4:9

ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀ွင︀်းမ︀တ︀်ႉမ︀ႃးယ︀ဝ်ႇ။ ဢ︀ꩫ︀်ႈတ︀ေႇတ︀ေႇက︀ီး ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀် ꩬ︀ူမ︀ႆ︀ႛတ︀ွင︀်းꩫ︀ႆ︀ႇ။ င︀ႆ︀းꩬ︀ီက︀ေႃႇ ꩭီတ︀်က︀ꩬ︀င︀်ꩫ︀ႆ︀ ꩬ︀ူ ထုင︀်းၸ︀ိင︀်ႛၸ︀ႃꩬ︀ႃလ︀ွင︀်ႈ ဢ︀ꩫ︀်ႈက︀ꩬ︀င︀်မ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ က︀ႃပ︀ီꩫ︀်ႈၵ︀ႃႛပ︀ွက︀်ႉꩫ︀ႆ︀ႇ။

က︀လ︀ႃတ︀ိ 5:1

ꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉဢ︀ꩫ︀်ႈပ︀ီꩫ︀်ႈၵ︀ႃႛမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛမ︀ႃးတ︀ေႇတ︀ေႇယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ ꩫ︀င︀်က︀ူꩫ︀်းလ︀ွတ︀်ႉꩫ︀က︀ꩫ︀်ႈ ꩬ︀ဝ်းၵ︀ိူင︀်ꩰက︀ꩫ︀်ႈတ︀ႃႉ။ ꩫ︀င︀်ၵ︀ႃႛက︀ျမ︀်းꩬ︀ိꩫ︀်ꩫ︀က︀ꩫ︀်ႈ ပ︀ီဢ︀ူပ︀ွက︀်ႉက︀ꩫ︀်ႈယ︀ဝ်ႇ။

ꩭေပ︀ရ︀ူး 3:9

ၵ︀ဝ်ယ︀ႃႇ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈက︀ဝ်ႈꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ꩫ︀ႆ︀ႛꩭꩫ︀်မ︀ႃးꩫ︀က︀ေႃႇ ထိူꩫ︀်ꩭႅင︀်ႛမ︀ႆ︀ႛ ꩬ︀ီꩬ︀ိပ︀်ပ︀ီႈတ︀ၢင︀်ႈꩰ က︀ဝ်ႈမ︀ႆ︀ႛꩡ︀ၢမ︀်းမ︀ႃးဢ︀ူ။

ꩭေပ︀ရ︀ူး 9:9

ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းယ︀ႃႇ ပ︀ီꩫ︀်ႈပ︀ုင︀်ꩭၢင︀်ႈꩡ︀ူဝ်ႈင︀ႆ︀ႚꩫ︀မ︀်။ ၵ︀ိူင︀်ႈလ︀ူꩫ︀ၵ︀ႃၵ︀ႅက︀်ꩫ︀ႆ︀ႇၵ︀ဝ်ယ︀ႃႇ ꩡ︀ႂ်ႈၵ︀ွꩫ︀်ၸ︀ူႛဝႆ︀ႈၸ︀ြႃးꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩡ︀ုꩫ︀်ႈꩡ︀ၢင︀်ꩭႂ်ႛꩵ︀ႈꩫ︀ႆ︀ႛꩫ︀ꩫ︀ႆ︀ႇ ပ︀ုတ︀်ပ︀ျႃးဢ︀ူꩫ︀မ︀်။