Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ထဝ်ꩡ︀တ︀်ႉၵ︀ဝ် 14:5 - Khamti Shan

5 ဢ︀ꩫ︀်ႈက︀ျူးမ︀ဝ်ꩡ︀ႂ်ႈက︀မ︀်ႈၸ︀ွင︀်းင︀ႆ︀း က︀ျူးꩫ︀ႆ︀ႇၵ︀ဝ်ယ︀ႃႇ တ︀မ︀ၢꩫ︀်ꩡ︀ဝ်ႛၵ︀ဝ်မ︀ႆ︀ႛꩫ︀ိက︀်ႉꩬ︀ၢက︀်ႉင︀ႆ︀း ဢ︀ဝ်ႈꩭိꩫ︀်ꩬ︀ိင︀်းက︀ွတ︀်ꩫ︀ꩬ︀ီ တ︀င︀်းꩭူဝ်က︀ေၵ︀ဝ် ꩭူမ︀်ႈꩬ︀ၢင︀်ꩬ︀ေႈꩡ︀ႃႉက︀ꩫ︀်ႈဢ︀ူ။

အခန်းကိုကြည့်ပါ။ ကော်ပီ




ထဝ်ꩡ︀တ︀်ႉၵ︀ဝ် 14:5
16 ပူးပေါင်းရင်းမြစ်များ  

ꩫ︀ႆ︀ႇꩫ︀က︀ေႃႇ က︀ဝ်ႈဝႃႈက︀ွတ︀်။ လ︀ꩫ︀်ꩬ︀ူမ︀ႆ︀ႛꩭၢက︀်ႉတ︀ႃႉ။ ꩬ︀ူမ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉက︀ီး က︀ူဝ်ႇဢ︀မ︀ႂ်းမ︀ႆ︀ႛ ယ︀ွꩫ︀်းꩬ︀ူးꩭႂ်ႛတ︀ႃႉ။


က︀ူꩫ︀်းဢ︀ꩫ︀်ႈꩬ︀ူမ︀ႆ︀ႛက︀ိꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀က︀ိဝ်းပ︀ူင︀်ႈꩭႂ်ႛတ︀ႃႉ။ က︀ူꩫ︀်းဢ︀ꩫ︀်ႈꩡ︀ူဝ်က︀ႃးမ︀ႃးꩫ︀ႆ︀ႇၵ︀ဝ်မ︀ႆ︀ႛက︀ေႃႇ ယ︀ွꩫ︀်းꩬ︀ူးꩭႂ်ႛတ︀ႃႉ။


ꩭူဝ်က︀ေက︀ျူးꩫ︀ႆ︀ႇၵ︀ဝ်ယ︀ႃႇ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩭꩫ︀်က︀ီး တ︀ႃႈꩫ︀ႅင︀်ႈက︀ꩫ︀်ႈꩬ︀ီ ပ︀ေႃလ︀ုꩫ︀ၵ︀ႃၿႃꩫ︀ၿမ︀ႆ︀ႛ ထီင︀်ၵ︀ၢမ︀်းင︀ႆ︀း တ︀ၢꩫ︀်ႛပ︀ုက︀်ႉꩬ︀ုက︀်ႉပ︀က︀်ႉꩬ︀က︀်ႉက︀ꩫ︀်ႈဢ︀ူ။


ꩫ︀ႆ︀ႇမ︀ႆ︀ႛ က︀ျူးꩫ︀ႆ︀ႇၵ︀ဝ်ယ︀ႃႇ ၸ︀ူႛယ︀ိင︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈၵ︀ဝ်ႛၸ︀ႃꩬ︀ႃက︀ျူး ဢ︀ꩫ︀်ႈꩫ︀ႃႛယ︀ႂ်ꩫ︀ႆ︀ႇၵ︀ဝ်င︀ႆ︀း က︀ူꩫ︀်းꩫ︀ႃႛဝီင︀်းꩫ︀ႆ︀ႇၵ︀ဝ်မ︀ႆ︀ႛယ︀ူဝ်ႇꩬ︀ီ ပ︀ေႃလ︀ုꩫ︀ၵ︀ႃၿႃꩫ︀ၿမ︀ႆ︀ႛ ꩭႂ်ႛꩫ︀ိက︀်ႉꩬ︀ၢက︀်ႉဢ︀ူ။ ၵ︀ဝ်ယ︀ႃႇ ꩬ︀ွင︀်ၵ︀ႃမ︀ႆ︀ႛ လ︀ုက︀်ႉꩫ︀ႅꩫ︀်ႈၵ︀ဝ်မ︀ႆ︀ႛ ꩭူဝ်ႛဢ︀ွက︀်ၵ︀ွတ︀်ဢ︀ူ။


မ︀ိူဝ်ႈဢ︀မ︀ႂ်း က︀ျူးက︀မ︀်ႈၸ︀ွင︀်း လ︀ုက︀်ႉဝီင︀်းဢ︀ꩫ︀်တ︀ိဢ︀ုက︀်မ︀ိူင︀်းပ︀ိတ︀ိၻိင︀ႆ︀း လ︀ုက︀်ႉဝီင︀်းဢ︀ိက︀ေႃꩫ︀ိꩫ︀ႆ︀ႇၵ︀ဝ်မ︀ႆ︀ႛထိုင︀်မ︀ႃးဢ︀ူ။ ၵ︀ဝ်ယ︀ႃႇ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ဝ်းဢ︀ဝ်ႈလ︀ွေႛပ︀ႃႛၵ︀ဝ်ယ︀ဝ်ႇက︀ီး ပ︀ေႃလ︀ုမ︀ႆ︀ႛ ဢ︀ဝ်ႈꩭိꩫ︀်ꩬ︀ိုင︀်းဢ︀ဝ်ႈတ︀ႆ︀ၢႈဢ︀ူ။ ယ︀ဝ်ႇက︀ီးမ︀ꩫ︀်းတ︀ႆ︀ၢႈက︀ႃꩵ︀ထၢင︀်ႇꩫ︀ꩬ︀ီ မ︀ꩫ︀်းမ︀ႆ︀ႛတ︀ိတ︀်ႉက︀ႃက︀ꩫ︀်ႛꩫ︀ွက︀်ႉဝီင︀်းဢ︀ူ။


ꩫ︀ႆ︀ႇꩫ︀က︀ေႃႇ က︀ျူးဢ︀ꩫ︀်ႈမ︀ဝ်ယ︀ုမ︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛယ︀ူဝ်ႇꩬ︀ူꩫ︀်းꩬ︀ီ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛꩬ︀ၢꩫ︀်တ︀ၢꩫ︀်းက︀ꩫ︀်ႈဢ︀ူ။


က︀ူꩫ︀်းဢ︀ꩫ︀်ႈက︀ꩫ︀်ႛꩫ︀ႂ်းဝီင︀်းဢ︀မ︀ႂ်းꩫ︀ႆ︀ႇၵ︀ဝ် ပ︀ီꩫ︀်ႈꩬ︀ွင︀်က︀ုမ︀်ႛက︀ႃꩬ︀ီ က︀မ︀်ႈၸ︀ွင︀်းယ︀ႃႇ လ︀ွေႛပ︀ႃႛတ︀မ︀ၢꩫ︀်ꩡ︀ဝ်ႛၵ︀ဝ်င︀ႆ︀း၊ က︀မ︀်ႈၸ︀ွင︀်းယ︀ႃႇ လ︀ွေႛပ︀ႃႛက︀ျူးꩫ︀ႆ︀ႇၵ︀ဝ်ဢ︀ူ။


ꩫ︀ႆ︀ႇꩫ︀က︀ေႃႇ က︀ျူးꩫ︀ႆ︀ႇၵ︀ဝ်ယ︀ႃႇ ပ︀ေႃလ︀ုၵ︀ဝ်မ︀ႆ︀ႛတ︀ႃႈꩫ︀ႅင︀်ႈꩬ︀ီ က︀ူꩫ︀်းယ︀ုက︀်ႉဢ︀ꩫ︀်ႈထိူဝ်ႇလ︀ိူဝ်ႇထႃႇလ︀ႃႇꩫ︀ႆ︀ႇၵ︀ဝ်မ︀ႆ︀ႛ ꩭွင︀်ႇတ︀ုမ︀်ႈဢ︀ဝ်ႈပ︀ီꩫ︀်ႈၸ︀ုင︀်က︀ူꩫ︀်းလ︀ူင︀်ꩬ︀ီ တ︀င︀်းဝီင︀်းမ︀ႆ︀ႛ ဢ︀ဝ်ႈဢ︀ုက︀်ꩰဢ︀ဝ်ꩰက︀ꩫ︀်ႈဢ︀ူ။ ၵ︀ဝ်ယ︀ႃႇ ꩭိူꩫ︀်းယ︀ႃတ︀ုင︀်မ︀ႆ︀ႛၵ︀ဝ်ႛꩬ︀ီ ပ︀ေႃလ︀ုꩫ︀ၵ︀ႃတ︀ိလ︀မ︀ႆ︀ႛ ꩡ︀ꩫ︀်ႈဢ︀ဝ်ႈက︀ႃက︀ꩫ︀်ႛꩫ︀ႃႛပ︀ူက︀်ႉက︀ူꩫ︀်းက︀ွတ︀်ꩫ︀ꩬ︀ီ ၵ︀ႃက︀ꩫ︀်ႈဢ︀ူ။


က︀ဝ်ႈက︀ီလ︀ႆ︀ၢပ︀ၢꩫ︀်ႈꩫ︀ႆ︀ႛဢ︀ွက︀်တ︀ၢင︀်းꩬ︀ီ ၸ︀ေးꩫ︀မ︀်ႇယ︀ႂ်၊ ၸ︀ေးက︀ူꩫ︀်းꩡ︀ူꩫ︀်ႈ၊ ၸ︀ေးပ︀ီႈꩫ︀ွင︀်ႇက︀ျူးꩫ︀ႆ︀ႇၵ︀ဝ်င︀ႆ︀း ၸ︀ေးဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်၊ ၸ︀ေးဢ︀ꩫ︀်ႈꩫ︀ႂ်းဝီင︀်းလ︀ူင︀်မ︀ႆ︀ႛယ︀င︀်း၊ ၸ︀ေးဢ︀ꩫ︀်ႈထိူꩫ︀်ꩭႅင︀်ႛမ︀ႆ︀ႛယ︀င︀်း၊ ၸ︀ေးဢ︀ꩫ︀်ႈပ︀ၢင︀်လ︀ႆ︀ၢမ︀ႆ︀ႛယ︀င︀်းꩫ︀ႆ︀ႇၵ︀ဝ်င︀ႆ︀း ၸ︀ေးၸ︀ူႛဢ︀ꩫ︀်ႈꩭႅꩫ︀်းꩭီတ︀်က︀ူဝ်ႇꩬ︀ေႛꩫ︀ႆ︀ႇၵ︀ဝ် ꩫ︀ႆ︀ႛꩭူပ︀်ႉꩭꩫ︀်မ︀ႃးဢ︀ူ။


ပ︀ီႈꩫ︀ွင︀်ႇၵ︀ဝ်ꩴ︀း ဢ︀ꩫ︀်ႈꩬ︀ူꩭူပ︀်ႉꩭꩫ︀်ꩫ︀ႆ︀ႇ ꩫ︀င︀်ဢ︀ꩫ︀်ႈၸ︀ူႛယ︀ုမ︀်ယ︀မ︀်ႈ တ︀ိူင︀်းယ︀ုတ︀ၵ︀ဝ် ꩭူပ︀်ႉꩭꩫ︀်ꩫ︀က︀ꩫ︀်ႈꩫ︀မ︀်။ ꩫ︀င︀်ꩬ︀ူမ︀ႆ︀ႛ ၸ︀ꩫ︀်းၸ︀ူႛꩡ︀ဝ်ႛꩫ︀ႆ︀ႇၵ︀ဝ်က︀ေးလ︀ေးꩫ︀ိက︀်ႉꩬ︀ၢက︀်ႉꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇ က︀ျူးꩫ︀ႆ︀ႇၵ︀ဝ် က︀ေးလ︀ေးꩫ︀ိက︀်ႉꩬ︀ၢက︀်ႉမ︀ႃးယ︀ဝ်ႇ။


တ︀ူႈမ︀ႆ︀ႛတ︀မ︀ိူင︀်းက︀ေႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေက︀ူꩫ︀်းꩭဝ်း ꩭႂ်ႛပ︀ူဝ်းက︀ႃꩭူဝ်းမ︀ဝ်ꩫ︀ႆ︀ႛꩫ︀ႆ︀ႇꩭၢမ︀်ႛမ︀ႃးဢ︀ူ။ ၵ︀ဝ်ꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ က︀ꩫ︀်ႛမ︀ဝ်ꩫ︀ႆ︀ႛꩬ︀ီပ︀ူင︀်ႈတ︀ၢမ︀်ꩫ︀ႆ︀ႇꩫ︀မ︀်။ င︀ႆ︀းꩬ︀ီမ︀ဝ်ꩭိုင︀်က︀ꩬ︀င︀်မ︀ႆ︀ႛ မ︀ꩫ︀်းꩡ︀ဝ်ႛတ︀ီပ︀ူင︀်ႈတ︀ၢမ︀်ယ︀ဝ်ႇ။


ꩫ︀င︀်ꩬ︀ူၸ︀ူႛꩡ︀ဝ်ႛတ︀ွင︀်းꩫ︀က︀ꩫ︀်ႈ မ︀ိူဝ်ႈတ︀ူႈꩬ︀ူမ︀ႆ︀ႛ ꩵ︀ႈပ︀ႆ︀ထိုင︀်မ︀ႃးꩫ︀ႆ︀ႇ ဝီင︀်းၸ︀ိလ︀ိပ︀်ပ︀ၢႆ︀မ︀ႆ︀ႛ တ︀ူႈမ︀ႆ︀ႛပ︀ိူꩫ︀်ႈ က︀ေးလ︀ေးꩫ︀ိက︀်ႉꩬ︀ၢက︀်ႉလ︀ူင︀်မ︀ႃးꩫ︀မ︀်။ င︀ႆ︀းꩬ︀ီ ပ︀ိူꩫ︀်ႈꩭၢမ︀်ႛꩭေႇ ၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛꩫ︀ႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ မ︀ႃးꩫ︀ႆ︀ႇꩬ︀ူမ︀ႆ︀ႛတ︀ူႈ ꩭတ︀်ꩰꩭၢꩫ︀်ꩰꩫ︀ႆ︀ႛꩭူဝ်းမ︀ႃးဢ︀ူ။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ