ထဝ်ꩡ︀တ︀်ႉၵ︀ဝ် 14:3 - Khamti Shan

³ တ︀မ︀ၢꩫ︀်ꩡ︀ဝ်ႛၵ︀ဝ်ယ︀ႃႇ ဝီင︀်းဢ︀မ︀ႂ်းမ︀ႆ︀ႛ ဢ︀ူဢ︀ဝ်ႈꩭိုင︀်ꩰꩬ︀ီ ၵ︀ၢမ︀်းၸ︀ြႃးꩭူဝ်းက︀တ︀်ႉꩰဢ︀ူ။ ꩡ︀ဝ်ႛယ︀ေꩬ︀ုက︀ေႃႇ လ︀ွင︀်ႈက︀ျေးꩡ︀ူးတ︀ူဝ်ꩡ︀ဝ်ႛ ဢ︀ꩫ︀်ႈၵ︀ဝ်ꩭူဝ်းꩫ︀ႆ︀ႇꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ဝ်မ︀ႆ︀ႛတ︀ꩫ︀်းၵ︀ူဝ်း ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩫ︀ိမ︀ိက︀်ႉဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးꩫ︀ႆ︀ႇၵ︀ဝ်ꩭီတ︀်ꩬ︀ီ ပ︀ျႃးꩬ︀ၢက︀်ႉꩬ︀ေꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 14:3 ပူးပေါင်းရင်းမြစ်များ

မ︀ႃက︀ု 16:20

တ︀ပ︀ေးꩡ︀ဝ်ႛၵ︀ဝ်က︀ေႃႇ က︀ူႈတ︀ီႈက︀ူႈꩫ︀ႅꩫ︀်ႈမ︀ႆ︀ႛက︀ႃꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇꩭူဝ်းဢ︀ူ။ ꩡ︀ဝ်ႛယ︀ေꩬ︀ုက︀ေႃႇ တ︀င︀်းၵ︀ဝ်ꩭီတ︀်ဢ︀မ︀ူးလ︀ွေႛဢ︀ူ။ တ︀ြႃးဢ︀ꩫ︀်ႈၵ︀ဝ်ꩭူဝ်းꩫ︀ႆ︀ႇၵ︀ဝ် ꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ဝ်မ︀ႆ︀ႛတ︀ꩫ︀်းၵ︀ူဝ်း ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်ꩭႂ်ႛꩬ︀ီ ပ︀ျႃးꩬ︀ၢက︀်ႉꩬ︀ေꩭႂ်ႛဢ︀ူ။

ယ︀ေႃးꩭၢꩫ︀် 4:48

ꩡ︀ဝ်ႛယ︀ေꩬ︀ုယ︀ႃႇ မ︀ꩫ︀်းမ︀ႆ︀ႛ “ꩬ︀ူယ︀ႃႇ လ︀ႆ︀ၢးꩫ︀ိမ︀ိက︀်ႉဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛမ︀ဝ်ꩭꩫ︀်က︀ီး တ︀ီယ︀ုမ︀်ꩵ︀ႈꩡ︀ႂ်ႈ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 13:46

ꩫ︀ႆ︀ႇမ︀ႆ︀ႛ ꩬ︀ွင︀်ၵ︀ႃယ︀ႃႇ ꩬ︀ီင︀်ဢ︀ေႈၵ︀ႅꩫ︀်းဢ︀ဝ်ႈꩭႅင︀်းꩬ︀ီ “ဢ︀ꩫ︀်ႈတ︀ေႇတ︀ေႇက︀ီး ꩬ︀ူမ︀ႆ︀ႛꩫ︀မ︀် ၵ︀ၢမ︀်းၸ︀ြႃးဝႃႈꩭူဝ်း ဢ︀ွꩫ︀်ႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ ဢ︀ꩬ︀ၢက︀်ႉထႃဝရ︀ꩫ︀ႆ︀ႇ တ︀င︀်းꩬ︀ူꩵ︀ႈထႅက︀်ႉꩫ︀ꩬ︀ီ ꩬ︀ူၸ︀ူႛꩡ︀ဝ်ႛပ︀ႆ︀ၵ︀ွတ︀်ယ︀ဝ်ႇ။ လ︀ႃႉꩫ︀ႆ︀ႇယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် တ︀ူႈတ︀ီက︀ႃꩭူဝ်းꩫ︀မ︀်။

ထဝ်ꩡ︀တ︀်ႉၵ︀ဝ် 2:22

ပ︀ူဝ်မ︀ေပ︀ီꩫ︀ွင︀်ႇ ဢ︀ီတ︀်ꩬ︀ြေးၵ︀ဝ်ꩴ︀း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ် ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩭဝ်းမ︀ႆ︀ႛꩭီတ︀်ပ︀ျႃးꩭႂ်ႛမ︀ႃး ယ︀ဝ်ႇ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈဢ︀ူꩫ︀ꩫ︀ႆ︀ႇ ꩡ︀ုꩫ︀်ႈꩫ︀ီႈꩫ︀ီႈ တ︀ီၵ︀ႃႛဢ︀ူ။ လ︀ွင︀်ႈꩫ︀ႆ︀ႇၵ︀ဝ်ယ︀ႃႇ ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛ ပ︀ီꩫ︀်ႈမ︀ႃးꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛက︀ေႃႇ တ︀ွင︀်းꩫ︀ီႈꩫ︀ီႈ တ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 20:24

ꩫ︀ႆ︀ႇꩫ︀က︀ေႃႇ ဢ︀ꩬ︀ၢက︀်ႉက︀ဝ်ႈမ︀ႆ︀ႛ က︀ဝ်ႈꩵ︀ႈꩬ︀ီꩫ︀ၢႆ︀ႈ။ တ︀ီႈဢ︀ꩫ︀်ႈက︀ဝ်ႈမ︀ႆ︀ႛꩡ︀ဝ်ႛယ︀ေꩬ︀ုꩡ︀ႂ်ႇမ︀ႆ︀ႛက︀ႃꩬ︀ီ ꩭႂ်ႛပ︀ူဝ်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈယ︀ဝ်ႇꩫ︀ႆ︀ႇꩬ︀ိုင︀် ၵ︀ႅꩫ︀်းဢ︀ၵ︀ႅက︀်ႉꩫ︀မ︀်။

ထဝ်ꩡ︀တ︀်ႉၵ︀ဝ် 20:32

င︀ႆ︀ႚ ꩬ︀ူꩡ︀ဝ်ႛမ︀ႆ︀ႛ မ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀မ︀ိူင︀်း၊ တ︀ြႃးက︀ျေးꩡ︀ူးတ︀ူဝ်ꩡ︀ဝ်ႛမ︀ႆ︀ႛတ︀မ︀ိူင︀်း က︀ဝ်ႈဢ︀ၢပ︀်ႉꩭႂ်ႛဢ︀ူ။ တ︀ြႃးက︀ျေးꩡ︀ူးတ︀ူဝ်ꩡ︀ဝ်ႛꩫ︀ႆ︀ႇ ꩬ︀ူꩡ︀ဝ်ႛမ︀ႆ︀ႛဢ︀ဝ်ႈၵ︀ိူင︀်ꩭႂ်ႛꩬ︀ီ ဢ︀က︀ိဝ်းဢ︀ꩫ︀်ႈꩡ︀ႃႇက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩡ︀ွင︀်ဝႆ︀ႇꩫ︀ႆ︀ႇၵ︀ဝ် ꩬ︀ူꩡ︀ဝ်ႛမ︀ႆ︀ႛတ︀ီပ︀ူင︀်ႈꩭႂ်ႛꩫ︀မ︀်။

ထဝ်ꩡ︀တ︀်ႉၵ︀ဝ် 4:31

ꩫ︀ႆ︀ႇမ︀ႆ︀ႛ တ︀ီႈဢ︀ꩫ︀်ႈၵ︀ဝ်တ︀ုမ︀်ႈက︀ꩫ︀်ႈꩫ︀ႆ︀ႇ ꩬ︀ꩫ︀်မ︀ႃးဢ︀ူ။ ၵ︀ဝ်က︀ေႃႇၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈက︀ꩫ︀်ႈꩬ︀ီ တ︀ြႃးၸ︀ြႃးပ︀ီꩫ︀်ႈꩡ︀ဝ်ႛ ꩭတ︀်ꩰꩭၢꩫ︀်ꩰꩭူဝ်းက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 5:32

လ︀ွင︀်ႈꩫ︀ႆ︀ႇၵ︀ဝ်မ︀ႆ︀ႛ တ︀ူႈယ︀ႃႇꩬ︀ၢက︀်ႉꩬ︀ေꩫ︀မ︀်။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛၸ︀ူႛꩡ︀ဝ်ႛက︀ေႃႇꩬ︀ၢက︀်ႉꩬ︀ေꩫ︀မ︀်။ ၵ︀ွꩫ︀်ꩡ︀ဝ်ႛဢ︀မ︀ႂ်းယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛထွမ︀်ၵ︀ၢမ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩭီတ︀်ꩬ︀ူးꩬ︀ီ ပ︀ူင︀်ႈꩭႂ်ႛꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ရ︀ေႃမ︀ 1:16

ၵ︀ၢဝ်ႈၵ︀ၢမ︀်းꩫ︀ီႈယ︀ႃႇ တ︀ၢင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛယ︀ုမ︀်ယ︀မ︀်ႈလ︀ုက︀်ႉၸ︀ꩫ︀်းက︀ျူးမ︀ႆ︀ႛက︀ူဝ်ꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ၵ︀ေꩬ︀ေꩭႂ်ႛꩫ︀မ︀်ꩫ︀ꩫ︀ႆ︀ႇ က︀ဝ်ႈဢ︀က︀မ︀်ထက︀်ꩰꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:2

ꩫ︀င︀်ꩬ︀ူၸ︀ူႛꩡ︀ဝ်ႛတ︀ွင︀်းꩫ︀က︀ꩫ︀်ႈ မ︀ိူဝ်ႈတ︀ူႈꩬ︀ူမ︀ႆ︀ႛ ꩵ︀ႈပ︀ႆ︀ထိုင︀်မ︀ႃးꩫ︀ႆ︀ႇ ဝီင︀်းၸ︀ိလ︀ိပ︀်ပ︀ၢႆ︀မ︀ႆ︀ႛ တ︀ူႈမ︀ႆ︀ႛပ︀ိူꩫ︀်ႈ က︀ေးလ︀ေးꩫ︀ိက︀်ႉꩬ︀ၢက︀်ႉလ︀ူင︀်မ︀ႃးꩫ︀မ︀်။ င︀ႆ︀းꩬ︀ီ ပ︀ိူꩫ︀်ႈꩭၢမ︀်ႛꩭေႇ ၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛꩫ︀ႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ မ︀ႃးꩫ︀ႆ︀ႇꩬ︀ူမ︀ႆ︀ႛတ︀ူႈ ꩭတ︀်ꩰꩭၢꩫ︀်ꩰꩫ︀ႆ︀ႛꩭူဝ်းမ︀ႃးဢ︀ူ။

ꩭေပ︀ရ︀ူး 2:4

ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ်၊ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်၊ တ︀ꩫ︀်းၵ︀ူဝ်းက︀ူႈၸ︀ꩫ︀်းꩰꩭီတ︀်င︀ႆ︀း က︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛက︀ေႃႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ꩬ︀ူးၵ︀ွꩫ︀်မ︀ꩫ︀်းꩡ︀ဝ်ႛ ပ︀ူင︀်ႈပ︀ꩫ︀်ႈꩭႂ်ႛꩬ︀ီ ꩭီတ︀်ꩬ︀ၢက︀်ႉꩬ︀ေမ︀ႃးယ︀ဝ်ႇ။