ထဝ်ꩡ︀တ︀်ႉၵ︀ဝ် 14:26 - Khamti Shan

²⁶ ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ꩬ︀ွင︀်ၵ︀ႃဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛ ၵ︀ီꩬ︀ၢင︀်ႈၸ︀ူဝ်းꩬ︀ီ မ︀ိူဝ်းက︀ႃဢ︀ူ။ ꩡ︀ိူဝ်းဝီင︀်းဢ︀မ︀ႂ်းယ︀ႃႇ ဢ︀ꩫ︀်ႈꩬ︀ွင︀်ၵ︀ႃမ︀ႆ︀ႛ ဢ︀မ︀ူးဢ︀ꩫ︀်ႈင︀ႆ︀ႚ ꩬ︀ွင︀်ၵ︀ႃꩭီတ︀်မ︀ႃးꩫ︀ႆ︀ႇၵ︀ဝ် ꩭႂ်ႛပ︀ူဝ်းꩫ︀ႆ︀ႛꩭီတ︀်မ︀ႃးꩫ︀ႆ︀ႇ ဢ︀ၢပ︀်ႉꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ပ︀ွႆ︀ꩡ︀ႂ်ႇမ︀ႃးꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 14:26 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 11:19

ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ မ︀ိူဝ်ႈꩬ︀တ︀ေၸ︀ꩫ︀်မ︀ႆ︀ႛပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇ ၵ︀ဝ်မ︀ႆ︀ႛက︀ေႃႇ ꩫ︀ိက︀်ႉꩬ︀ၢက︀်ႉလ︀ွေႛꩬ︀ီ က︀ူႈတ︀ီႈမ︀ႆ︀ႛၸ︀ူင︀်ႇက︀ႃမ︀ူတ︀်ဢ︀ူ။ က︀မ︀်ႈၸ︀ွင︀်းယ︀ႃႇ မ︀ိူင︀်းၸ︀ူဝ်ꩫ︀ီꩬ︀ီယ︀ႃး၊ င︀ွꩫ︀်ႈက︀ုပ︀ရ︀ုင︀ႆ︀း ဝီင︀်းဢ︀ꩫ︀်တ︀ိဢ︀ုက︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ထိုင︀်က︀ႃဢ︀ူ။ ၵ︀ဝ်ယ︀ႃႇ က︀ျူးꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈꩬ︀ိုင︀် ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩭူဝ်းဢ︀ူ။

ထဝ်ꩡ︀တ︀်ႉၵ︀ဝ် 11:20

ꩫ︀ႆ︀ႇꩫ︀က︀ေႃႇ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈလ︀ုက︀်ႉင︀ွꩫ︀်ႈက︀ုပ︀ရ︀ုꩫ︀ႆ︀ႇၵ︀ဝ်င︀ႆ︀း လ︀ုက︀်ႉမ︀ိူင︀်းက︀ုရ︀ေꩫ︀ေꩫ︀ႆ︀ႇၵ︀ဝ်ယ︀ႃႇ ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛက︀ႃꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုက︀ႃၵ︀ႆ︀ႈ က︀ႃꩭူဝ်းလ︀ေဢ︀ူ။

ထဝ်ꩡ︀တ︀်ႉၵ︀ဝ် 11:23

ၿႃꩫ︀ၿယ︀ႃႇ ဝီင︀်းဢ︀မ︀ႂ်းမ︀ႆ︀ႛထိုင︀်ꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ꩬ︀ီ ꩭီတ︀်က︀ျေးꩡ︀ူးꩭႂ်ႛမ︀ႃးꩫ︀ꩫ︀ႆ︀ႇꩭꩫ︀်က︀ီး ꩭုမ︀်ꩡ︀ူမ︀်းꩬ︀ီ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ဝ်တ︀င︀်းꩡ︀ႂ်ႈတ︀င︀်းၵ︀ူဝ်းယ︀ုမ︀်ယ︀မ︀်ႈꩬ︀ီ ꩬ︀ႅတ︀်ႉꩡ︀ႃယ︀င︀်းက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ႂ်ꩭႅင︀်းꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 11:26

ꩬ︀ေႃလ︀ုမ︀ႆ︀ႛꩭꩫ︀်က︀ီး ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛꩭွင︀်ႇမ︀ႃးဢ︀ူ။ ꩬ︀ွင︀်ၵ︀ႃယ︀ႃႇ ၸ︀ႃႇတ︀င︀်းပ︀ီႈတ︀င︀်း ꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်ꩭꩫ︀်က︀ꩫ︀်ႈꩬ︀ီ က︀ူꩫ︀်းဢ︀ၢꩫ︀်တ︀ၢꩫ︀်မ︀ႆ︀ႛ ꩬ︀ွꩫ︀်တ︀ြႃးꩭႂ်ႛဢ︀ူ။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ရ︀ီတ︀်ယ︀ၢꩫ︀်ꩫ︀ꩬ︀ီ ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚ က︀ူဝ်ꩭွင︀်ႇမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 11:27

ဝူင︀်ႈမ︀ိူဝ်ႈဢ︀မ︀ႂ်း ပ︀ရ︀ေႃးၸ︀ႅတ︀်ႉမ︀ၢင︀်ႈၸ︀ွင︀်း လ︀ုက︀်ႉဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ က︀ႃဝီင︀်းဢ︀ꩫ︀်တ︀ိဢ︀ုက︀်ဢ︀ူ။

ထဝ်ꩡ︀တ︀်ႉၵ︀ဝ် 14:19

မ︀ိူဝ်ႈဢ︀မ︀ႂ်း က︀ျူးက︀မ︀်ႈၸ︀ွင︀်း လ︀ုက︀်ႉဝီင︀်းဢ︀ꩫ︀်တ︀ိဢ︀ုက︀်မ︀ိူင︀်းပ︀ိတ︀ိၻိင︀ႆ︀း လ︀ုက︀်ႉဝီင︀်းဢ︀ိက︀ေႃꩫ︀ိꩫ︀ႆ︀ႇၵ︀ဝ်မ︀ႆ︀ႛထိုင︀်မ︀ႃးဢ︀ူ။ ၵ︀ဝ်ယ︀ႃႇ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ဝ်းဢ︀ဝ်ႈလ︀ွေႛပ︀ႃႛၵ︀ဝ်ယ︀ဝ်ႇက︀ီး ပ︀ေႃလ︀ုမ︀ႆ︀ႛ ဢ︀ဝ်ႈꩭိꩫ︀်ꩬ︀ိုင︀်းဢ︀ဝ်ႈတ︀ႆ︀ၢႈဢ︀ူ။ ယ︀ဝ်ႇက︀ီးမ︀ꩫ︀်းတ︀ႆ︀ၢႈက︀ႃꩵ︀ထၢင︀်ႇꩫ︀ꩬ︀ီ မ︀ꩫ︀်းမ︀ႆ︀ႛတ︀ိတ︀်ႉက︀ႃက︀ꩫ︀်ႛꩫ︀ွက︀်ႉဝီင︀်းဢ︀ူ။

ထဝ်ꩡ︀တ︀်ႉၵ︀ဝ် 14:21

ပ︀ေႃလ︀ုꩫ︀ၵ︀ႃၿႃꩫ︀ၿယ︀ႃႇ ဝီင︀်းၻေရ︀ပ︀ေမ︀ႆ︀ႛ ꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ က︀ူꩫ︀်းဢ︀ၢꩫ︀်တ︀ၢꩫ︀် ပ︀ီꩫ︀်ႈၸ︀ူႛယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ ယ︀ဝ်ႇက︀ီး ဝီင︀်းလ︀ုတ︀်တ︀ရ︀၊ ဝီင︀်းဢ︀ိက︀ေႃꩫ︀ိ၊ ဝီင︀်းဢ︀ꩫ︀်တ︀ိဢ︀ုက︀်မ︀ိူင︀်းပ︀ိတ︀ိၻိꩫ︀ႆ︀ႇၵ︀ဝ်မ︀ႆ︀ႛ ပ︀ွက︀်ႉက︀ႃဢ︀ူ။

ထဝ်ꩡ︀တ︀်ႉၵ︀ဝ် 14:23

ယ︀ဝ်ႇက︀ီး ပ︀ေႃလ︀ုꩫ︀ၵ︀ႃၿႃꩫ︀ၿယ︀ႃႇ ꩡ︀ိူဝ်းꩡ︀ဝ်ႛက︀ူႈဢ︀ꩫ︀်ႈမ︀ႆ︀ႛ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်လ︀ိူက︀်ႉတ︀ၢင︀်ꩭႂ်ႛဢ︀ူ။ ယ︀ဝ်ႇက︀ီးꩭႅတ︀်ႉတ︀ွင︀်ႇ၊ ယ︀ွꩫ︀်းꩬ︀ူးင︀ႆ︀းꩬ︀ီ ၵ︀ဝ်မ︀ႆ︀ႛ က︀ꩫ︀်ႛꩫ︀ႂ်းမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 15:22

ꩫ︀ႆ︀ႇမ︀ႆ︀ႛ တ︀မ︀ၢꩫ︀်ꩡ︀ဝ်ႛၵ︀ဝ်၊ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်င︀ႆ︀း က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ ၸ︀ူႛတ︀ၢင︀်ႈတ︀ူဝ်ႈꩫ︀ႆ︀ႇၵ︀ဝ်မ︀ႆ︀ႛလ︀ိူက︀်ႉꩬ︀ီ တ︀င︀်းပ︀ေႃလ︀ုꩫ︀ၵ︀ႃၿႃꩫ︀ၿ ပ︀ွႆ︀ꩡ︀ႂ်ႇꩭႂ်ႛက︀ႃဝီင︀်းဢ︀ꩫ︀်တ︀ိဢ︀ုက︀်က︀ွတ︀်ꩫ︀ꩬ︀ီ တ︀ႅပ︀်တ︀တ︀်ဢ︀ူ။ ယ︀ဝ်ႇက︀ီး ၿႃꩬ︀ၿဢ︀ꩫ︀်ႈꩭွင︀်ႇဝႃႈယ︀ုတ︀ꩫ︀ၵ︀ႃတ︀ိလ︀ ဢ︀ꩫ︀်ႈၸ︀ူႛယ︀ုမ︀်ယ︀မ︀်ႈၵ︀ဝ်ꩫ︀ၢပ︀်ႉယ︀မ︀်ႈလ︀ူင︀်မ︀ႆ︀ႛလ︀ိူက︀်ႉꩬ︀ီ

ထဝ်ꩡ︀တ︀်ႉၵ︀ဝ် 15:30

ၸ︀ူႛတ︀ၢင︀်ႈတ︀ူဝ်ႈꩫ︀ႆ︀ႇၵ︀ဝ်မ︀ႆ︀ႛ ပ︀ွႆ︀ꩡ︀ႂ်ႇက︀ီး ၵ︀ဝ်က︀ေႃႇ ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛက︀ႃꩬ︀ီ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛတ︀ုမ︀်ႈက︀ꩫ︀်ႈယ︀ဝ်ႇက︀ီး ၵ︀ဝ်မ︀ႆ︀ႛလ︀ိက︀်ႉဢ︀မ︀ႂ်းꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 15:40

င︀ႆ︀းꩬ︀ီပ︀ေႃလ︀ုယ︀ႃႇ တ︀ိလ︀မ︀ႆ︀ႛꩭွင︀်ႇꩬ︀ီဢ︀ွက︀်က︀ႃဢ︀ူ။ မ︀ိူဝ်ႈၵ︀ဝ်ဢ︀ွက︀်က︀ႃꩫ︀ႆ︀ႇ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ ပ︀ေႃလ︀ုမ︀ႆ︀ႛဢ︀ၢပ︀်ႉ ꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 20:32

င︀ႆ︀ႚ ꩬ︀ူꩡ︀ဝ်ႛမ︀ႆ︀ႛ မ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀မ︀ိူင︀်း၊ တ︀ြႃးက︀ျေးꩡ︀ူးတ︀ူဝ်ꩡ︀ဝ်ႛမ︀ႆ︀ႛတ︀မ︀ိူင︀်း က︀ဝ်ႈဢ︀ၢပ︀်ႉꩭႂ်ႛဢ︀ူ။ တ︀ြႃးက︀ျေးꩡ︀ူးတ︀ူဝ်ꩡ︀ဝ်ႛꩫ︀ႆ︀ႇ ꩬ︀ူꩡ︀ဝ်ႛမ︀ႆ︀ႛဢ︀ဝ်ႈၵ︀ိူင︀်ꩭႂ်ႛꩬ︀ီ ဢ︀က︀ိဝ်းဢ︀ꩫ︀်ႈꩡ︀ႃႇက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩡ︀ွင︀်ဝႆ︀ႇꩫ︀ႆ︀ႇၵ︀ဝ် ꩬ︀ူꩡ︀ဝ်ႛမ︀ႆ︀ႛတ︀ီပ︀ူင︀်ႈꩭႂ်ႛꩫ︀မ︀်။

ရ︀ေႃမ︀ 15:19

မ︀ꩫ︀်းꩡ︀ဝ်ႛက︀ဝ်ႈမ︀ႆ︀ႛတ︀ိုဝ်းꩬ︀ီ ၵ︀ၢဝ်ႈၵ︀ၢမ︀်းꩭႂ်ႛꩭူဝ်းမ︀ႃးင︀ႆ︀းꩬ︀ီ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်မ︀ꩫ︀်းꩡ︀ဝ်ႛ လ︀ႆ︀ၢးꩫ︀ိမ︀ိက︀်ႉဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးꩫ︀ႆ︀ႇၵ︀ဝ် ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩭႂ်ႛꩭီတ︀်မ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ လ︀ုက︀်ႉဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ဢ︀ဝ်ႈထိုင︀်ꩡ︀ေႈဝီင︀်းဢ︀ိလ︀ုရ︀ိ တ︀ီႈဢ︀ꩫ︀်ႈꩫ︀င︀်က︀ဝ်ႈထိုင︀်က︀ႃမ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် တ︀ႅဝ်မ︀ူတ︀်ꩰမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 1:12

ဢ︀ꩫ︀်ႈတ︀ူႈꩭုမ︀်ꩡ︀ူမ︀်းꩫ︀ႆ︀ႇယ︀ႃႇ မ︀ိူဝ်ႈတ︀ူႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ ꩥ︀ႅꩫ︀်က︀ူꩫ︀်းမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀် ပ︀ိုင︀်ႈဢ︀ိင︀်ႈင︀ႆ︀းꩬ︀ီ က︀ꩫ︀်ႛꩫ︀ႃႛက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩭႅင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈꩰတ︀ူဝ်င︀ႆ︀း ꩡ︀ႂ်ႈၵ︀ၢဝ်ပ︀ၢꩫ︀်းꩰꩬ︀ီ ဢ︀ူမ︀ႃးꩫ︀ႆ︀ႇꩫ︀မ︀်။ ဝႃႈက︀ွတ︀်ꩫ︀က︀ီး ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀မ︀် တ︀ူႈင︀ႆ︀းဢ︀ူမ︀ႃးꩫ︀ႆ︀ႇ။ ꩫ︀င︀်တ︀ူႈဝႃႈꩫ︀က︀ꩫ︀်ႈ ꩡ︀ႂ်ႈၵ︀ွꩫ︀်တ︀ူႈက︀ေႃႇ ꩡ︀ုꩫ︀်ႈꩡ︀ၢင︀်ꩰꩫ︀မ︀်။

က︀လ︀ႃတ︀ိ 2:11

ꩫ︀ႆ︀ႇꩫ︀က︀ေႃႇ မ︀ိူဝ်ႈပ︀ေတ︀ရ︀ု ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛမ︀ႃးꩫ︀ႆ︀ႇ ဢ︀ꩫ︀်ႈမ︀ꩫ︀်းၸ︀ိတ︀်မ︀ႃးꩫ︀ႆ︀ႇ ꩡ︀ုꩫ︀်ႈꩬ︀ၢက︀်ꩰꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛပ︀ၢင︀်ႈꩫ︀ႃႛပ︀ူက︀်ႉက︀ူꩫ︀်းမ︀ႆ︀ႛ က︀ဝ်ႈတ︀ၢင︀်ဢ︀ပ︀ႅတ︀်ႉမ︀ႃးဢ︀ူ။

က︀ေႃလ︀ေႃတ︀ႄ 1:25

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀မ︀ူးဢ︀ꩫ︀်ႈ ꩬ︀ူမ︀ႆ︀ႛ ဝႃႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ူတ︀်ꩰꩫ︀ႆ︀ႇပ︀ူင︀်ႈꩭႂ်ႛꩬ︀ီ ꩭႂ်ႛꩡ︀ွႆ︀ႈꩡ︀ိူဝ်းမ︀ꩫ︀်းꩡ︀ဝ်ႛဢ︀ူ။

က︀ေႃလ︀ေႃတ︀ႄ 1:28

င︀ႆ︀းꩫ︀ႆ︀ႇꩬ︀ီ က︀ူꩫ︀်းက︀ူႈက︀ူဝ်ႇမ︀ႆ︀ႛ တ︀ူႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛၵ︀ရ︀ီတ︀်ꩫ︀မ︀်။ က︀ူꩫ︀်းက︀ူႈက︀ူဝ်ႇမ︀ႆ︀ႛ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈယ︀ႂ်က︀ေင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုꩫ︀်ႈဢ︀ၢပ︀်ႉက︀ွတ︀်ꩫ︀ꩬ︀ီ ၵ︀ဝ်မ︀ႆ︀ႛ တ︀ူႈက︀ႃႈꩫ︀င︀်ꩥ︀ႅꩫ︀်ယ︀င︀်းꩫ︀ႆ︀ႇ ꩬ︀တ︀ိꩭႂ်ႛꩬ︀ီ ꩬ︀ွꩫ︀်ꩭႂ်ႛဢ︀ူ။

က︀ေႃလ︀ေႃတ︀ႄ 4:17

ဢ︀ႃၵ︀ိက︀်ပ︀ုမ︀ႆ︀ႛ “ဢ︀မ︀ူးဢ︀ꩫ︀်ႈမ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ူင︀်ႈဝႆ︀ႇꩫ︀ႆ︀ႇ ထၢမ︀်းဢ︀ဝ်ႈယ︀ဝ်ႇတ︀ႃႉ” ꩫ︀ꩬ︀ီဝႃႈꩭႂ်ႛမ︀ႃးတ︀ႃႉ။