ထဝ်ꩡ︀တ︀်ႉၵ︀ဝ် 14:23 - Khamti Shan

²³ ယ︀ဝ်ႇက︀ီး ပ︀ေႃလ︀ုꩫ︀ၵ︀ႃၿႃꩫ︀ၿယ︀ႃႇ ꩡ︀ိူဝ်းꩡ︀ဝ်ႛက︀ူႈဢ︀ꩫ︀်ႈမ︀ႆ︀ႛ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်လ︀ိူက︀်ႉတ︀ၢင︀်ꩭႂ်ႛဢ︀ူ။ ယ︀ဝ်ႇက︀ီးꩭႅတ︀်ႉတ︀ွင︀်ႇ၊ ယ︀ွꩫ︀်းꩬ︀ူးင︀ႆ︀းꩬ︀ီ ၵ︀ဝ်မ︀ႆ︀ႛ က︀ꩫ︀်ႛꩫ︀ႂ်းမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 14:23 ပူးပေါင်းရင်းမြစ်များ

မ︀တ︀်တ︀ႄး 17:21

ၸ︀ီꩭၢႆ︀ႇၸ︀ꩫ︀်းꩫ︀င︀်င︀ႆ︀းမ︀ႆ︀ႛယ︀ႃႇ ယ︀ွꩫ︀်းꩬ︀ူးꩬ︀ီ၊ ꩭႅတ︀်ႉတ︀ွင︀်ႇꩬ︀ီ ꩭူဝ်ႛꩫ︀ႆ︀ႇမ︀ဝ်ꩡ︀ႂ်ႈက︀ီး ꩵ︀ႈပ︀ေႇ” ꩫ︀ဝꩫ︀်ႇ။

မ︀ႃက︀ု 3:14

ၵ︀ဝ်မ︀ႃးက︀ီး မ︀ꩫ︀်းꩡ︀ဝ်ႛယ︀ႃႇ တ︀ပ︀ေးꩡ︀ဝ်ႛꩬ︀ိပ︀်ꩬ︀ွင︀်ပ︀ႃးမ︀ႆ︀ႛ လ︀ိူက︀်ႉꩬ︀ီ ၵ︀ဝ်မ︀ႆ︀ႛ “တ︀မ︀ၢꩫ︀်ꩡ︀ဝ်ႛ” ꩫ︀ꩬ︀ီꩬ︀ႂ်ꩡ︀ိုဝ်းꩭႂ်ႛဢ︀ူ။ ယ︀ဝ်ႇက︀ီး “က︀ဝ်ႈꩬ︀ူမ︀ႆ︀ႛ လ︀ိူက︀်ႉꩭွင︀်ႇꩫ︀ႆ︀ႇ ꩭၢင︀်းဢ︀ူလ︀ွေႛက︀ဝ်ႈꩫ︀မ︀်။ ꩬ︀ူမ︀ႆ︀ႛ တ︀ီပ︀ွႆ︀ꩡ︀ႂ်ႇꩭႂ်ႛက︀ႃꩭူဝ်းတ︀ြႃးꩫ︀မ︀်။

လ︀ုက︀ႃ 2:37

တ︀ူဝ်ထိုဝ် ပ︀ႅတ︀်ꩬ︀ိပ︀်ꩬ︀ီပ︀ီႈ ပ︀ီꩫ︀်ႈမ︀ေႈမ︀ႆ︀ၢႛဢ︀ူꩫ︀မ︀်။ ၵ︀ိုꩫ︀်းꩰဝꩫ︀်းꩰ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛꩫ︀ႆ︀ၢႈဢ︀ူꩬ︀ီ မ︀ိုင︀်ႇၸ︀ြႃး၊ဝႆ︀ႈၸ︀ြႃး၊ ယ︀ွꩫ︀်းꩬ︀ူး၊ ꩭႅတ︀်ႉတ︀ွင︀်ႇင︀ႆ︀းဢ︀ူꩫ︀မ︀်။

လ︀ုက︀ႃ 23:46

ꩡ︀ဝ်ႛယ︀ေꩬ︀ုယ︀ႃႇ “ပ︀ူဝ်ꩴ︀း ꩫ︀ႂ်းမ︀ိုဝ်းမ︀ႂ်းꩡ︀ဝ်ႛမ︀ႆ︀ႛ ဢ︀ꩬ︀ၢက︀်ႉက︀ဝ်ႈၵ︀ႃႛ ဢ︀ၢပ︀်ႉမ︀ႃးတ︀ီၵ︀ႃႛယ︀ဝ်ႇ” ꩫ︀ꩬ︀ီက︀ႃႈꩭႅင︀်းဢ︀ိဝ်ꩬ︀ီ ꩡ︀ႂ်ႈၵ︀တ︀်က︀ႃဢ︀ူ။

ထဝ်ꩡ︀တ︀်ႉၵ︀ဝ် 1:24

ယ︀ဝ်ႇက︀ီး ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်ယ︀ႃႇ “ꩡ︀ဝ်ႛထႃဝရ︀ၸ︀ြႃး တ︀ီၵ︀ႃႛ ၵ︀ိင︀်းတ︀ူဝ်ꩡ︀ဝ်ႛယ︀ႃႇ ꩡ︀ႂ်ႈက︀ူꩫ︀်းတ︀င︀်းမ︀ိူင︀်းမ︀ႆ︀ႛ တ︀ွင︀်းတ︀ီၵ︀ႃႛဢ︀ူ။ ယ︀ုတ︀ယ︀ႃႇ ဢ︀ယ︀ႃတ︀မ︀ၢꩫ︀်ꩡ︀ဝ်ႛမ︀ꩫ︀်းမ︀ႆ︀ႛ ၵ︀ွတ︀်ꩬ︀ီ တ︀ီႈဢ︀ꩫ︀်ႈမ︀ꩫ︀်းထႅက︀်ႉမ︀ႆ︀ႛက︀ႃယ︀ဝ်ႇ။ င︀ႆ︀းꩬ︀ီ ဢ︀ယ︀ႃꩫ︀ႆ︀ႇမ︀ႆ︀ႛ ၸ︀ႂ်ထုက︀်တ︀ၢင︀်ႈꩫ︀ꩫ︀ႆ︀ႇ လ︀ုက︀်ႉက︀ူꩫ︀်းꩬ︀ွင︀်က︀ူဝ်ႇꩫ︀ႆ︀ႇမ︀ႆ︀ႛ လ︀ိူက︀်ႉꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 11:30

ယ︀ဝ်ႇက︀ီး င︀ိူꩫ︀်းဢ︀ꩫ︀်ႈꩡ︀ွႆ︀ႈဢ︀မ︀ႂ်း ၿႃꩫ︀ၿꩫ︀ၵ︀ႃ ꩬ︀ေႃလ︀ုမ︀ႆ︀ႛၸ︀ၢက︀်ꩬ︀ီ ၸ︀ူႛမ︀ိုင︀်ႇꩡ︀ိူဝ်းꩡ︀ဝ်ႛဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ူင︀်ꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 14:26

ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ꩬ︀ွင︀်ၵ︀ႃဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛ ၵ︀ီꩬ︀ၢင︀်ႈၸ︀ူဝ်းꩬ︀ီ မ︀ိူဝ်းက︀ႃဢ︀ူ။ ꩡ︀ိူဝ်းဝီင︀်းဢ︀မ︀ႂ်းယ︀ႃႇ ဢ︀ꩫ︀်ႈꩬ︀ွင︀်ၵ︀ႃမ︀ႆ︀ႛ ဢ︀မ︀ူးဢ︀ꩫ︀်ႈင︀ႆ︀ႚ ꩬ︀ွင︀်ၵ︀ႃꩭီတ︀်မ︀ႃးꩫ︀ႆ︀ႇၵ︀ဝ် ꩭႂ်ႛပ︀ူဝ်းꩫ︀ႆ︀ႛꩭီတ︀်မ︀ႃးꩫ︀ႆ︀ႇ ဢ︀ၢပ︀်ႉꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ပ︀ွႆ︀ꩡ︀ႂ်ႇမ︀ႃးꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 15:23

မ︀ိုဝ်းꩬ︀ွင︀်ၵ︀ႃမ︀ႆ︀ႛ လ︀ိက︀်ႉၸ︀ၢက︀်ꩭႂ်ႛဢ︀ူ။ လ︀ိက︀်ႉဢ︀မ︀ႂ်းမ︀ႆ︀ႛ “ပ︀ီႈꩫ︀ွင︀်ႇဢ︀ꩫ︀်ႈက︀ျူးမ︀ဝ်ꩡ︀ႂ်ႈ ဢ︀ꩫ︀်ႈဢ︀ူဝီင︀်းဢ︀ꩫ︀်တ︀ိဢ︀ုက︀်၊ မ︀ိူင︀်းꩬ︀ီရ︀ီယ︀ႃး၊ မ︀ိူင︀်းက︀ိလ︀ိက︀ိꩫ︀ႆ︀ႇၵ︀ဝ်ꩴ︀း ꩬ︀ူꩡ︀ဝ်ႛမ︀ႆ︀ႛ တ︀ူႈတ︀မ︀ၢꩫ︀်ꩡ︀ဝ်ႛၵ︀ဝ်၊ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ် ၸ︀ူႛပ︀ီꩫ︀်ႈပ︀ီႈꩫ︀ွင︀်ႇꩬ︀ူꩡ︀ဝ်ႛၵ︀ဝ် ꩬ︀င︀်ၵ︀ၢမ︀်းမ︀ႂ်ꩬ︀ုင︀်တ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 15:4

ပ︀ေႃလ︀ုꩫ︀ၵ︀ႃၿႃꩫ︀ၿ ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛထိုင︀်က︀ီး ꩡ︀ိူဝ်းꩡ︀ဝ်ႛ၊ တ︀မ︀ၢꩫ︀်ꩡ︀ဝ်ႛၵ︀ဝ်င︀ႆ︀း ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်ယ︀ႃႇ ꩬ︀ွင︀်ၵ︀ႃမ︀ႆ︀ႛꩭၢပ︀်ႉတ︀ွꩫ︀်ႛက︀ꩫ︀်ႈဢ︀ူ။ ꩬ︀ွင︀်ၵ︀ႃက︀ေႃႇ ꩬ︀ွင︀်ၵ︀ႃမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်တ︀ိုဝ်းမ︀ႃးꩫ︀ꩫ︀ႆ︀ႇၵ︀ဝ် တ︀ၢင︀်ပ︀ျႃးဢ︀ူ။

ထဝ်ꩡ︀တ︀်ႉၵ︀ဝ် 15:6

င︀ႆ︀းꩫ︀ႆ︀ႇꩬ︀ီ တ︀မ︀ၢꩫ︀်ꩡ︀ဝ်ႛꩫ︀ႆ︀ႇၵ︀ဝ်င︀ႆ︀း ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်ယ︀ႃႇ လ︀ွင︀်ႈꩫ︀ႆ︀ႇတ︀ႅပ︀်တ︀တ︀်က︀ွတ︀်ꩫ︀ꩬ︀ီ တ︀ုမ︀်ႈက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 20:17

ပ︀ေႃလ︀ုဝီင︀်းမ︀ိလ︀ႅတ︀်မ︀ႆ︀ႛထိုင︀်က︀ီး ၸ︀ူႛမ︀ိုင︀်ႇꩡ︀ိူဝ်းဝီင︀်းဢ︀ေၸ︀ႅတ︀်ꩫ︀ႆ︀ႇၵ︀ဝ်မ︀ႆ︀ႛ က︀ူꩫ︀်းပ︀ွႆ︀ꩡ︀ႂ်ႇင︀ႆ︀း မ︀ꩫ︀်းမ︀ႆ︀ႛꩭႂ်ႛမ︀ႃးꩭꩫ︀်ဢ︀ူ။

ထဝ်ꩡ︀တ︀်ႉၵ︀ဝ် 20:32

င︀ႆ︀ႚ ꩬ︀ူꩡ︀ဝ်ႛမ︀ႆ︀ႛ မ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀မ︀ိူင︀်း၊ တ︀ြႃးက︀ျေးꩡ︀ူးတ︀ူဝ်ꩡ︀ဝ်ႛမ︀ႆ︀ႛတ︀မ︀ိူင︀်း က︀ဝ်ႈဢ︀ၢပ︀်ႉꩭႂ်ႛဢ︀ူ။ တ︀ြႃးက︀ျေးꩡ︀ူးတ︀ူဝ်ꩡ︀ဝ်ႛꩫ︀ႆ︀ႇ ꩬ︀ူꩡ︀ဝ်ႛမ︀ႆ︀ႛဢ︀ဝ်ႈၵ︀ိူင︀်ꩭႂ်ႛꩬ︀ီ ဢ︀က︀ိဝ်းဢ︀ꩫ︀်ႈꩡ︀ႃႇက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩡ︀ွင︀်ဝႆ︀ႇꩫ︀ႆ︀ႇၵ︀ဝ် ꩬ︀ူꩡ︀ဝ်ႛမ︀ႆ︀ႛတ︀ီပ︀ူင︀်ႈꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႒ 8:19

ꩫ︀ႆ︀ႇꩬ︀ေႇမ︀ဝ်က︀ႃး မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈꩡ︀ိူဝ်းတ︀င︀်းမ︀ိူင︀်း လ︀ိူက︀်ႉတ︀ၢင︀်ဝႆ︀ႇ ꩭၢင︀်းတ︀င︀်းတ︀ူႈꩭူမ︀်ႈက︀ႃ ယ︀ုင︀်းၵ︀ွင︀်လ︀ူက︀ေႃႇꩡ︀ႂ်ႈဢ︀ူ။ တ︀ူႈယ︀ုင︀်းၵ︀ွင︀်လ︀ူꩫ︀ႆ︀ႇယ︀ႃႇ ꩭႂ်ႛပ︀ူဝ်းမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭိူဝ်ႈꩭိုင︀်းꩬ︀ီ ꩡ︀ေတ︀ꩫ︀ႃတ︀ူႈမ︀ႆ︀ႛက︀ေႃႇ ပ︀ိူꩫ︀်ႈတ︀ွင︀်းꩡ︀ုꩫ︀်ႈꩰမ︀ႃးꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 5:1

က︀ူꩫ︀်းꩡ︀ႆ︀ၢးဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛ ဢ︀ꩬ︀ၢက︀်ႉယ︀ႂ်ꩬ︀ႃꩫ︀ႆ︀ႇၵ︀ဝ်မ︀ႆ︀ႛ ပ︀ီꩭိူတ︀်ပ︀ီထႃးဢ︀ဝ်ႈ၊ ꩫ︀င︀်ပ︀ူဝ်ၸ︀ူႛꩡ︀ဝ်ႛꩫ︀က︀ꩫ︀်ႈ ၵ︀ႅꩫ︀်းဝွꩫ︀်းꩬ︀ီဝႃႈတ︀ႃႉ။ ဢ︀ꩫ︀်ႈၸ︀ူႛꩡ︀ဝ်ႛမ︀ႆ︀ႛ ဢ︀ွꩫ︀်ꩬ︀ႃꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀တ︀်ႉꩫ︀ွင︀်ႇၸ︀ူႛꩡ︀ဝ်ႛတ︀ႃႉ။

တ︀ိမ︀ေႃတ︀ေ ႑ 5:22

မ︀ိူဝ်ႈလ︀ိူက︀်ႉတ︀ၢင︀်ၸ︀ူႛင︀မ︀်းꩡ︀ိူဝ်းꩫ︀ႆ︀ႇ ꩬ︀တ︀ိꩫ︀ီႈꩫ︀ီႈ တ︀ႃႉ။ ပ︀ီၸ︀ိဝ်းၸ︀ဝ်းဝၢင︀်။ ဢ︀ပ︀ႅတ︀်ႉပ︀ိူꩫ︀်ႈမ︀ႆ︀ႛ မ︀ႂ်းမ︀ဝ်ꩭႂ်ႛလ︀ွေႛꩬ︀ီ ဢ︀ပ︀ႅတ︀်ႉဢ︀ဝ်ႈက︀ၢင︀်းတ︀ႃႉ။

တ︀ိမ︀ေႃတ︀ေ ႒ 1:12

င︀ႆ︀းꩫ︀ႆ︀ႇꩬ︀ီ င︀ႆ︀ႚက︀ဝ်ႈထွင︀်မ︀ႆ︀ႛ ꩫ︀ႆ︀ႛၻုက︀်ႉၵ︀ꩫ︀မ︀်။ ꩫ︀ႆ︀ႇꩫ︀က︀ေႃႇ က︀ဝ်ႈꩵ︀ႈဢ︀ႆ︀ၢႈပ︀ိူင︀်ႈလ︀ူင︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုဢ︀ꩫ︀်ႈက︀ဝ်ႈတ︀ွင︀်းမ︀ႆ︀ႛꩫ︀မ︀် က︀ဝ်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ။ ယ︀ဝ်ႇက︀ီး ဢ︀ꩫ︀်ႈက︀ဝ်ႈမ︀ႆ︀ႛ မ︀ꩫ︀်းꩡ︀ဝ်ႛဢ︀ၢပ︀်ႉဝႆ︀ႇꩫ︀ႆ︀ႇက︀ေႃႇ တ︀ူဝ်ထိုင︀်ဝꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛက︀ုမ︀်ႇꩭႂ်ႛဢ︀ူꩫ︀ꩫ︀ႆ︀ႇက︀ေႃႇ က︀ဝ်ႈတ︀ွင︀်းဢ︀ူ။

တ︀ိမ︀ေႃတ︀ေ ႒ 2:2

တ︀ြႃးဢ︀ꩫ︀်ႈက︀ဝ်ႈ မ︀ႂ်းမ︀ႆ︀ႛ ပ︀ၢင︀်ႈꩫ︀ႃႛက︀ူꩫ︀်းꩬ︀ၢက︀်ႉꩬ︀ေဢ︀ၢꩫ︀်တ︀ၢꩫ︀်မ︀ႆ︀ႛ ꩬ︀ွꩫ︀်ꩭႂ်ႛမ︀ႃးꩫ︀ႆ︀ႇ က︀ူꩫ︀်းဢ︀ꩫ︀်ႈဢ︀က︀မ︀်ꩫ︀ႆ︀ႛ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛပ︀ွက︀်ႉပ︀ီꩫ︀်ႈꩫ︀ႆ︀ႇၵ︀ဝ်မ︀ႆ︀ႛ က︀ၢပ︀်ꩬ︀ီꩬ︀ွꩫ︀်ꩭႂ်ႛတ︀ႃႉ။

တ︀ိတ︀ု 1:5

မ︀ႂ်းမ︀ႆ︀ႛက︀ဝ်ႈင︀ွꩫ︀်ႈက︀ရ︀ေတ︀ေမ︀ႆ︀ႛ ꩭႂ်ႛဢ︀ူꩫ︀ႆ︀ႇ ဢ︀မ︀ူးဢ︀ꩫ︀်ႈဢ︀မ︀ႂ်းမ︀ႆ︀ႛက︀ိူတ︀်ꩫ︀ႆ︀ႇၵ︀ဝ် ꩭႂ်ႛꩭီတ︀်က︀ွတ︀်ꩫ︀ꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩫ︀င︀်က︀ဝ်ႈဝႃႈꩫ︀က︀ꩫ︀်ႈ က︀ူႈဝီင︀်းမ︀ႆ︀ႛ ၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ် လ︀ိူက︀်ႉတ︀ၢင︀်ꩭႂ်ႛတ︀ႃႉ။

ယ︀ႃက︀ု 5:14

ၸ︀ူႛဢ︀ꩫ︀်ႈပ︀ီꩫ︀်ႈၵ︀ႆ︀ႛပ︀ီꩫ︀်ႈꩡ︀ီပ︀်ယ︀င︀်းက︀ီး ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛပ︀ၢင︀်းတ︀ႃႉ။ ၸ︀ူမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်ယ︀ႃႇ ယ︀ွꩫ︀်းꩬ︀ူးꩭႂ်ႛင︀ႆ︀း ꩡ︀ိုဝ်ႈꩡ︀ဝ်ႛယ︀ေꩬ︀ုမ︀ႆ︀ႛက︀ၢဝ်ꩬ︀ီ ၸ︀ူႛၵ︀ႆ︀ႛမ︀ႆ︀ႛ ꩫ︀မ︀်ႇမ︀ꩫ︀်းတ︀ၢက︀်ႉꩭႂ်ႛက︀ꩫ︀်ႈတ︀ႃႉ။

ပ︀ေတ︀ရ︀ု ႑ 5:1

ꩬ︀ူꩡ︀ဝ်ႛဢ︀ꩫ︀်ႈꩫ︀င︀်က︀ဝ်ႈꩫ︀က︀ꩫ︀်ႈ ပ︀ီꩫ︀်ႈၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈဝွꩫ︀်းၵ︀ႅꩫ︀်းဢ︀ူ။ က︀ဝ်ႈယ︀ႃႇၸ︀ူႛဢ︀ꩫ︀်ႈ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ႉ ꩫ︀ႆ︀ႛၵ︀ၢမ︀်ၻုက︀်ႉၵ︀မ︀ႆ︀ႛ ꩭူပ︀်ႉꩭꩫ︀်မ︀ႃးꩬ︀ီ မ︀ိူဝ်ႈမ︀ꩫ︀်းꩡ︀ဝ်ႛ မ︀ိူင︀်းက︀ၢင︀်ႈမ︀ႆ︀ႛက︀ျွႃးပ︀ွက︀်ႉမ︀ႃးꩫ︀ႆ︀ႇ တ︀ီꩫ︀ႆ︀ႛꩭၢပ︀်ႉမ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႇꩫ︀မ︀်။

ပ︀ေတ︀ရ︀ု ႑ 5:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူမ︀ႆ︀ႛဢ︀ီꩫ︀ူႈꩬ︀ီ မ︀ူꩫ︀်ႈထႃဝရ︀မ︀ꩫ︀်းꩡ︀ဝ်ႛမ︀ႆ︀ႛ ၵ︀ႂ်ႈꩭႂ်ႛꩫ︀ႆ︀ႛꩭၢပ︀်ႉဢ︀ူ။ င︀ႆ︀းꩬ︀ီ ꩬ︀ူဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛꩭွင︀်ႇဢ︀ဝ်ႈမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ င︀ႆ︀ႚ ꩬ︀ူက︀ိုမ︀်ႇလ︀ိူင︀်ႈꩫ︀ႆ︀ႛၵ︀ၢမ︀်ၻုက︀်ႉၵ︀ယ︀ဝ်ႇက︀ီး မ︀ꩫ︀်းꩡ︀ဝ်ႛꩬ︀ူမ︀ႆ︀ႛ မ︀ေးထႅမ︀်ဢ︀ဝ်ႈတ︀ီမ︀်ႈက︀ုမ︀်ꩭႂ်ႛ၊ က︀မ︀်ႇထွက︀်ႉꩭႂ်ႛ၊ ꩭႅင︀်းꩬ︀ႂ်ꩭႂ်ႛꩬ︀ီ တ︀ီဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။

ယ︀ေႃးꩭၢꩫ︀် ႒ 1:1

ꩡ︀ွႆ︀ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ ꩴ︀း ꩬ︀ူꩡ︀ဝ်ႛမ︀ေႈလ︀ုက︀်ႉမ︀ႆ︀ႛ က︀ဝ်ႈၸ︀ူႛပ︀ီꩫ︀်ႈꩭူဝ်က︀ေꩡ︀ိူဝ်း လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩬ︀ူꩡ︀ဝ်ႛမ︀ႆ︀ႛ က︀ဝ်ႈတ︀မ︀ိူင︀်း က︀ူꩫ︀်းဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛ တ︀ွင︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭၢက︀်ႉꩭွမ︀်ဢ︀ူ။

ယ︀ေႃးꩭၢꩫ︀် ႓ 1:1

က︀ူဝ်ႇꩬ︀ေႛက︀ႃယ︀ုꩴ︀း က︀ဝ်ႈၸ︀ူႛပ︀ီꩫ︀်ႈꩭူဝ်က︀ေꩡ︀ိူဝ်း လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ မ︀ႂ်းꩡ︀ဝ်ႛမ︀ႆ︀ႛ က︀ဝ်ႈꩭၢက︀်ႉတ︀ေႇတ︀ေႇဢ︀ူ။