ထဝ်ꩡ︀တ︀်ႉၵ︀ဝ် 14:15 - Khamti Shan

¹⁵ “က︀လ︀ုက︀်က︀ူꩥ︀်း ꩭီတ︀်က︀ꩬ︀င︀်ꩫ︀ႆ︀ ꩭီတ︀်င︀ႆ︀းꩫ︀ႆ︀ႇ။ ပ︀ီꩭီတ︀်မ︀ႃႉ၊ ၵ︀ႅꩫ︀်းꩫ︀က︀ေႃႚ၊ တ︀ူႈက︀ေႃႇꩫ︀င︀်ꩬ︀ူꩫ︀က︀ꩫ︀်ႈက︀ူꩫ︀်းꩫ︀ႆ︀ၢႈꩫ︀မ︀်။ တ︀ူႈ မ︀ႆ︀ႛမ︀ႃးꩫ︀ႆ︀ႇ ꩭႂ်ႛပ︀ူဝ်းꩬ︀ူ ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ်မ︀ႆ︀ႛၵ︀ွတ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉယ︀င︀်းမ︀ႆ︀ႛ ပ︀ိုင︀်ဢ︀ိင︀်ႈꩫ︀ႆ︀ႇ မ︀ႃးꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈက︀ၢင︀်ႈꩭၢဝ်၊ လ︀င︀်ꩫ︀ိꩫ︀်ႈ၊ ပ︀ၢင︀်လ︀ႆ︀ၢင︀ႆ︀း ဢ︀ꩫ︀်ႈက︀ႃႈꩡ︀ိုဝ်ႈက︀ꩫ︀်ႛꩫ︀ႂ်းဢ︀မ︀ႂ်းၵ︀ဝ်မ︀ႆ︀ႛ ယ︀င︀်းꩫ︀ႆ︀ႇၵ︀ဝ်မ︀ႆ︀ႛ ၸ︀ၢꩫ︀်ꩬ︀ၢင︀်းꩫ︀မ︀်။

ထဝ်ꩡ︀တ︀်ႉၵ︀ဝ် 14:15 ပူးပေါင်းရင်းမြစ်များ

မ︀တ︀်တ︀ႄး 16:16

ꩬ︀ႅင︀်မ︀ုꩫ︀်ပ︀ေတ︀ရ︀ုယ︀ႃႇ “မ︀ႂ်းꩡ︀ဝ်ႛယ︀ႃႇ ꩡ︀ဝ်ႛမ︀ေꩬ︀ိယ︀ ၸ︀ူႛပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉꩫ︀ိပ︀်တ︀ီၵ︀ႃႛꩫ︀မ︀်” ꩫ︀ꩬ︀ီꩬ︀ွက︀်ႉဢ︀ူ။

ယ︀ေႃးꩭၢꩫ︀် 5:26

ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ပ︀ီꩫ︀်ႈꩡ︀ဝ်ႛဢ︀ꩬ︀ၢက︀်ႉꩫ︀က︀ꩫ︀်ႈ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ဢ︀ဝ်ႈပ︀ီꩫ︀်ႈꩡ︀ဝ်ႛဢ︀ꩬ︀ၢက︀်ႉဝႆ︀ႇဢ︀ူ။

ယ︀ေႃးꩭၢꩫ︀် 7:18

က︀ူဝ်ႇဢ︀ꩫ︀်ႈဝႃႈၵ︀ၢမ︀်းပ︀ၢင︀်ႈꩫ︀ႆ︀ႇယ︀ႃႇ ꩡ︀ႃႇၸ︀ူႛꩡ︀ဝ်ႛဢ︀မ︀်ꩫ︀ႆ︀ၢႈꩫ︀မ︀်ဝႃႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈၵ︀ႃမ︀ူꩫ︀်ႈၸ︀ုင︀်း ၸ︀ူႛပ︀ွႆ︀ꩡ︀ႂ်ႇၸ︀ူႛꩡ︀ဝ်ႛꩫ︀ႆ︀ႇယ︀ႃႇ ꩬ︀ိုဝ်ႈꩰတ︀ူဝ်ꩰ ဝႃႈဢ︀ူ။ ꩵ︀ႈၸ︀ႅတ︀်ႉꩵ︀ႈၸ︀ၢင︀်း။

ထဝ်ꩡ︀တ︀်ႉၵ︀ဝ် 10:26

ꩫ︀ႆ︀ႇꩫ︀က︀ေႃႇပ︀ေတ︀ရ︀ုယ︀ႃႇ “လ︀ုက︀်ႉတ︀ႃႉ၊ က︀ဝ်ႈၸ︀ူႛꩡ︀ဝ်ႛက︀ေႃႇက︀ူꩫ︀်းꩫ︀မ︀်” ꩫ︀ꩬ︀ီဝႃႈꩬ︀ီ မ︀ꩫ︀်းမ︀ႆ︀ႛꩭႂ်ႛလ︀ုက︀်ႉဢ︀ူ။

ထဝ်ꩡ︀တ︀်ႉၵ︀ဝ် 13:32

က︀ျမ︀်းꩬ︀ႃလ︀ၢံၵ︀ွက︀်ႉꩬ︀ွင︀်မ︀ႆ︀ႛ “မ︀ႂ်းယ︀ႃႇလ︀ုက︀်ႉꩡ︀ႆ︀ၢးက︀ဝ်ႈꩫ︀မ︀်။ မ︀ိူဝ်ႈꩫ︀ႆ︀ႇတ︀ေႇတ︀ေႇ မ︀ႂ်းမ︀ႆ︀ႛဢ︀ဝ်ႈပ︀ီꩫ︀်ႈလ︀ုက︀်ႉက︀ဝ်ႈယ︀ဝ်ႇ” ꩫ︀ꩬ︀ီဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛဢ︀ဝ်ႈꩫ︀ိပ︀်ပ︀ွက︀်ႉꩬ︀ီ က︀တ︀ိဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်မ︀ႆ︀ႛꩭႂ်ႛဝႆ︀ႇꩫ︀ႆ︀ႇ ꩭဝ်းၸ︀ူႛပ︀ီꩫ︀်ႈလ︀ုက︀်ႉလ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈပ︀ီꩫ︀်ႈꩭႂ်ႛမ︀ႃးယ︀ဝ်ႇ။ တ︀ူႈယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ꩬ︀ူꩡ︀ဝ်ႛမ︀ႆ︀ႛ ၵ︀ႆ︀ႈꩭႂ်ႛက︀ွတ︀်ꩫ︀ꩬ︀ီ ထိုင︀်မ︀ႃးꩫ︀မ︀်။

ထဝ်ꩡ︀တ︀်ႉၵ︀ဝ် 14:21

ပ︀ေႃလ︀ုꩫ︀ၵ︀ႃၿႃꩫ︀ၿယ︀ႃႇ ဝီင︀်းၻေရ︀ပ︀ေမ︀ႆ︀ႛ ꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩬ︀ီ က︀ူꩫ︀်းဢ︀ၢꩫ︀်တ︀ၢꩫ︀် ပ︀ီꩫ︀်ႈၸ︀ူႛယ︀ုမ︀်ယ︀မ︀်ႈမ︀ႃးက︀ꩫ︀်ႈဢ︀ူ။ ယ︀ဝ်ႇက︀ီး ဝီင︀်းလ︀ုတ︀်တ︀ရ︀၊ ဝီင︀်းဢ︀ိက︀ေႃꩫ︀ိ၊ ဝီင︀်းဢ︀ꩫ︀်တ︀ိဢ︀ုက︀်မ︀ိူင︀်းပ︀ိတ︀ိၻိꩫ︀ႆ︀ႇၵ︀ဝ်မ︀ႆ︀ႛ ပ︀ွက︀်ႉက︀ႃဢ︀ူ။

ထဝ်ꩡ︀တ︀်ႉၵ︀ဝ် 16:30

ယ︀ဝ်ႇက︀ီး ꩬ︀ွင︀်ၵ︀ႃမ︀ႆ︀ႛꩭွင︀်ႇဢ︀ွက︀်မ︀ႃးꩬ︀ီ “ꩡ︀ဝ်ႛၵ︀ဝ်ꩴ︀း ꩭႂ်ႛပ︀ူဝ်းက︀ဝ်ႈၵ︀ႃႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩫ︀ႆ︀ႇဝႃႈꩭိုဝ်လ︀ိုဝ်တ︀ီၵ︀ႃꩫ︀ႆ︀” ꩫ︀ꩬ︀ီထၢမ︀်ဢ︀ူ။

ထဝ်ꩡ︀တ︀်ႉၵ︀ဝ် 27:10

င︀ႆ︀းꩬ︀ီ ပ︀ေႃလ︀ုယ︀ႃႇ “ပ︀ီႈꩫ︀ွင︀်ႇၵ︀ဝ်ꩴ︀း င︀ႆ︀ႚꩭဝ်းဢ︀ွက︀်တ︀ၢင︀်းပ︀ၢင︀်လ︀ၢႆ︀က︀ီး ꩬ︀ၢင︀်ႈၸ︀ူဝ်းꩫ︀ၵ︀ႃ ၵ︀ိူင︀်ႈက︀ႃႇꩫ︀ႆ︀ႇၵ︀ဝ်ꩬ︀ုမ︀်းက︀ႃꩫ︀ႆ︀ႇꩬ︀ေႇမ︀ဝ်က︀ႃး ဢ︀ꩬ︀ၢက︀်ႉꩭဝ်းတ︀မ︀ိူင︀်းꩡ︀ၢင︀်ႈလ︀ူႇတ︀ႆ︀ၢႈꩭႆ︀ၢꩬ︀ုမ︀်းက︀ႃဢ︀ူꩫ︀ꩫ︀ႆ︀ႇ က︀ဝ်ႈꩭꩫ︀်ဢ︀ူ” ꩫ︀ꩬ︀ီꩬ︀တ︀ိꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 27:21

က︀ူꩫ︀်းꩫ︀ႆ︀ႇၵ︀ဝ်ယ︀ႃႇ က︀ီလ︀ႆ︀ၢဝꩫ︀်း ဢ︀ꩫ︀်ႈက︀ိꩫ︀်ႈမ︀ဝ်က︀ိꩫ︀်ႈꩬ︀ီ ဢ︀ူမ︀ႃးက︀ီး ပ︀ေႃလ︀ုယ︀ႃႇ ၵ︀ိူင︀်းက︀ၢင︀်ႈၵ︀ဝ်မ︀ႆ︀ႛꩬ︀ဝ်းꩬ︀ီ “ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူၵ︀ၢမ︀်းက︀ဝ်ႈမ︀ႆ︀ႛထွမ︀်ꩬ︀ီ င︀ွꩫ︀်ႈက︀ရ︀ေတ︀ေမ︀ႆ︀ႛ ထုက︀်ဢ︀ူ မ︀ႃးꩫ︀မ︀်။ ꩬ︀င︀်ဝႃႈၵ︀ၢမ︀်းက︀ဝ်ႈထွမ︀်မ︀ႃးက︀ီး ꩫ︀င︀်င︀ႆ︀ႚꩫ︀က︀ꩫ︀်ႈ ꩵ︀ႈꩫ︀ႆ︀ႛလ︀ူႇꩬ︀ုမ︀်း။

ထဝ်ꩡ︀တ︀်ႉၵ︀ဝ် 27:25

င︀ႆ︀းꩬ︀ီ ꩡ︀ႂ်ႈပ︀ီဢ︀ွꩫ︀်က︀ꩫ︀်ႈ။ က︀ဝ်ႈယ︀ႃႇ ၸ︀ူႛဢ︀ꩫ︀်ႈယ︀ုမ︀်ယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩫ︀င︀်ဢ︀ꩫ︀်ႈက︀ဝ်ႈမ︀ႆ︀ႛ ၵ︀ုꩫ︀်ꩬ︀ၢင︀်ꩡ︀ဝ်ႛဝႃႈꩫ︀က︀ꩫ︀်ႈ တ︀ီပ︀ီꩫ︀်ႈမ︀ႃးꩫ︀မ︀်။

ထဝ်ꩡ︀တ︀်ႉၵ︀ဝ် 4:24

ၵ︀ဝ်ယ︀ႃႇလ︀ွင︀်ႈဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး ၸ︀ွမ︀်ႇက︀ꩫ︀်ႈလ︀မ︀်းက︀ꩫ︀်ႈꩬ︀ီꩭူမ︀်ႈယ︀ွꩫ︀်းꩬ︀ူးဢ︀ူ။ “ꩡ︀ဝ်ႛဢ︀ꩫ︀်ႈ က︀ၢင︀်ႈꩭၢဝ်၊ ꩫ︀ိꩫ︀်ႈ၊ ပ︀ၢင︀်လ︀ၢႆ︀င︀ႆ︀း ဢ︀ꩫ︀်ႈꩫ︀င︀်ယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ၸ︀ၢꩫ︀်ꩬ︀ၢင︀်းꩬ︀ီဢ︀ုပ︀်ႉပ︀ိုင︀်ꩫ︀ႆ︀ႇတ︀ီၵ︀ႃႛ

ထဝ်ꩡ︀တ︀်ႉၵ︀ဝ် 7:26

ꩫ︀င︀်ဝꩫ︀်းလ︀ိူင︀်ႈ ဢ︀ီတ︀်ꩬ︀ြေးꩬ︀ွင︀်က︀ူဝ်ႇ ꩫ︀ꩫ︀်းက︀ꩫ︀်ႈꩫ︀ႆ︀ႇမ︀ႆ︀ႛꩭꩫ︀်က︀ီး မ︀ꩫ︀်းယ︀ႃႇ ꩭႂ်ႛꩬ︀ွင︀်ၵ︀ႃꩫ︀ီႈက︀ꩫ︀်ႈပ︀ွက︀်ႉက︀ွတ︀်ꩫ︀ꩬ︀ီ “ꩭီတ︀်က︀ꩬ︀င︀်ꩫ︀ႆ︀ ပ︀ီႈꩫ︀ွင︀်ႇၸ︀ူႛꩡ︀ဝ်ႛꩫ︀ႆ︀ၢႈꩫ︀ꩫ︀်းက︀ꩫ︀်ႈꩫ︀ႆ︀ႇ” ꩫ︀ꩬ︀ီ က︀ႃၵ︀ေꩭႂ်ႛဢ︀ူ။

က︀ေႃရ︀ိꩫ︀်တ︀ု ႑ 8:4

င︀ႆ︀းꩫ︀ႆ︀ႇꩬ︀ီ လ︀ွင︀်ႈက︀ိꩫ︀်ႈဢ︀ꩫ︀်ႈက︀ိꩫ︀်ႈ ဢ︀ꩫ︀်ႈꩭုꩫ︀်ꩭၢင︀်ႈမ︀ႆ︀ႛပ︀ုက︀်ႉꩡ︀ူဝ်ဝႆ︀ႇꩫ︀ႆ︀ႇမ︀ႆ︀ႛ က︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ “ꩭုꩫ︀်ꩭၢင︀်ႈꩫ︀ꩫ︀ႆ︀ႇ မ︀ိူင︀်းက︀ၢင︀်ႈမ︀ႆ︀ႛက︀ꩬ︀င︀်က︀ေႃႇꩵ︀ႈꩡ︀ႂ်ႈ” ꩫ︀ꩫ︀ႆ︀ႇလ︀ိူင︀်ႈ “ꩡ︀ဝ်ႛထႃဝရ︀ၸ︀ြႃးမ︀ႆ︀ႛလ︀ိူဝ်ꩬ︀ီ ၸ︀ြႃးတ︀ၢင︀်ပ︀ႃး ꩵ︀ႈယ︀င︀်း” ꩫ︀ꩫ︀ႆ︀ႇလ︀ိူင︀်ႈ ꩭဝ်းတ︀ွင︀်းဢ︀ူ။

ဢ︀ေၸ︀ႅတ︀် 4:17

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ၵ︀ၢင︀်းꩭႂ်ႛꩬ︀ီ က︀ဝ်ႈဝႃႈက︀ွတ︀်။ ꩬ︀ူယ︀ႃႇ ꩫ︀င︀်ဢ︀ꩫ︀်ႈက︀ျူးမ︀ဝ်ꩡ︀ႂ်ႈ ဢ︀ꩫ︀်ႈက︀ꩬ︀င︀်မ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈꩬ︀င︀် ၵ︀ႂ်ႈꩡ︀ႂ်ႈဢ︀ူꩫ︀ႆ︀ႇၵ︀ဝ်ꩫ︀က︀ꩫ︀်ႈ ပ︀ီဢ︀ူက︀ꩫ︀်ႈယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:9

က︀ူꩫ︀်းတ︀င︀်းမ︀ိူင︀်းယ︀ႃႇ တ︀ူႈမ︀ႆ︀ႛ ꩬ︀ူꩭိုဝ်လ︀ိုဝ်ꩭၢပ︀်ႉတ︀ွꩫ︀်ႛမ︀ႃးꩫ︀ꩫ︀ႆ︀ႇၵ︀ဝ်င︀ႆ︀း ꩬ︀ူꩭိုဝ်လ︀ိုဝ်ꩬ︀ီ ꩭုꩫ︀်ꩭၢင︀်ႈꩫ︀ႆ︀ႇၵ︀ဝ်မ︀ႆ︀ႛၵ︀ွတ︀်ꩬ︀ီ ꩡ︀ဝ်ႛၸ︀ြႃးဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀် ဢ︀ꩫ︀်ႈꩬ︀ိုဝ်ႈꩡ︀ႂ်ႈမ︀ႆ︀ႛ ပ︀ႆ︀ၢႛဝႆ︀ႈမ︀ႃး၊

ꩭေပ︀ရ︀ူး 3:12

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛꩭူဝ်ꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈ ဢ︀ꩫ︀်ႈမ︀ဝ်ယ︀ုမ︀်ယ︀မ︀်ႈꩫ︀ႆ︀ႇယ︀င︀်းမ︀ႃးꩬ︀ီ ꩭႂ်ႛပ︀ူဝ်းလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်မ︀ႆ︀ႛ မ︀ဝ်ဢ︀ွက︀်က︀ႃꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

ယ︀ႃက︀ု 5:17

ဢ︀ေလ︀ိယ︀ꩫ︀ꩫ︀ႆ︀ႇယ︀ႃႇ က︀ူꩫ︀်းꩭူဝ်ꩫ︀မ︀်ႈꩫ︀င︀်ꩭဝ်းꩫ︀မ︀်။ ꩫ︀ႆ︀ႇꩫ︀က︀ေႃႇ ꩭႂ်ႛပ︀ူဝ်းၸ︀ူꩫ︀်မ︀ဝ်တ︀ူက︀်ꩫ︀ႆ︀ႇ မ︀ꩫ︀်းတ︀င︀်းꩡ︀ႂ်ႈတ︀င︀်းၵ︀ူဝ်း ယ︀ွꩫ︀်းꩬ︀ူးꩫ︀ႆ︀ႇꩬ︀ီ မ︀ိူင︀်းဢ︀ီတ︀်ꩬ︀ြေးမ︀ႆ︀ႛ ꩬ︀ၢမ︀်ပ︀ီႈပ︀ႆ︀ၢႈတ︀ၢင︀်ႈꩰၸ︀ူꩫ︀်ꩵ︀ႈတ︀ူက︀်မ︀ႃး။

ၿျႃၻိက︀်ႉ 14:7

ၵ︀ုꩫ︀်ꩬ︀ၢင︀်ဢ︀မ︀ႂ်းယ︀ႃႇ “ယ︀ၢမ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းက︀ူႈက︀ူဝ်ႇမ︀ႆ︀ႛ ပ︀ႅတ︀်ႉတ︀ြႃးꩫ︀ႆ︀ႇထိုင︀်မ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩬ︀ီ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။ ꩡ︀ဝ်ႛဢ︀ꩫ︀်ႈက︀ၢင︀်ႈꩭၢဝ်၊ လ︀င︀်ꩫ︀ိꩫ︀်ႈ၊ ꩫ︀မ︀်ႇꩬ︀မ︀်မ︀ုက︀်ႉတ︀ြႃင︀ႆ︀း ꩫ︀မ︀်ႇꩭွေႛꩫ︀ႆ︀ႇၵ︀ဝ်မ︀ႆ︀ႛ ၸ︀ၢꩫ︀်ꩬ︀ၢင︀်းꩫ︀ႆ︀ႇမ︀ႆ︀ႛ ပ︀ႆ︀ၢႛဝႆ︀ႈက︀ꩫ︀်ႈတ︀ႃႉ” ꩫ︀ꩬ︀ီတ︀ႅဝ်ဢ︀ူ။

ၿျႃၻိက︀်ႉ 19:10

ꩫ︀ႆ︀ႇမ︀ႆ︀ႛ က︀ဝ်ႈယ︀ႃႇ တ︀ႆ︀ၢႛတ︀ိꩫ︀်ႈမ︀ꩫ︀်းမ︀ႆ︀ႛ ပ︀ႅပ︀်ႉၵ︀ုပ︀်ႉꩬ︀ီ ပ︀ႆ︀ၢႛဝႆ︀ႈက︀ွတ︀်ꩫ︀က︀ီး မ︀ꩫ︀်းယ︀ႃႇ “က︀ဝ်ႈမ︀ႆ︀ႛ ပ︀ီပ︀ႆ︀ၢႛ။ က︀ဝ်ႈက︀ေႃႇ ꩫ︀င︀်မ︀ႂ်းꩫ︀က︀ꩫ︀်ႈꩫ︀မ︀်။ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်၊ ၸ︀ူႛဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛ ပ︀ꩫ︀်ႛဝႆ︀ႇꩫ︀ႆ︀ႇၵ︀ဝ်င︀ႆ︀း ꩭဝ်းတ︀င︀်းမ︀ိူင︀်းယ︀ႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ၢႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀် ပ︀ႆ︀ၢႛဝႆ︀ႈတ︀ႃႉ” ꩫ︀ဝꩫ︀်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀မ︀်မ︀ႃတ︀ြႃး ဢ︀ꩫ︀်ႈꩡ︀ဝ်ႛယ︀ေꩬ︀ုပ︀ုတ︀်ပ︀ျႃးꩫ︀ႆ︀ႇယ︀ႃႇ ဢ︀ꩫ︀်ႈပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ꩫ︀ေꩭႂ်ႛမ︀ႃးꩫ︀ႆ︀ႇꩫ︀မ︀်။

ၿျႃၻိက︀်ႉ 19:19

ꩫ︀ႆ︀ႇမ︀ႆ︀ႛ တ︀ူဝ်ႈꩭႆ︀ၢႇင︀ႆ︀း ꩡ︀ဝ်ႛꩭူဝ်ၵ︀မ︀်းက︀မ︀်ၸ︀ႃꩫ︀ႆ︀ႇၵ︀ဝ်၊ လ︀ုက︀်ႉꩬ︀ိူက︀်ၵ︀ဝ်ꩫ︀ႆ︀ႇၵ︀ဝ်ယ︀ႃႇ တ︀ုမ︀်ႈက︀ꩫ︀်ႈင︀ႆ︀းꩬ︀ီ ꩡ︀ဝ်ႛဢ︀ꩫ︀်ႈၵ︀ီမ︀ႃႇၸ︀ိူက︀်ꩫ︀ၵ︀ႃ တ︀ၢပ︀်ႉꩬ︀ိူက︀်မ︀ꩫ︀်းꩡ︀ဝ်ႛမ︀ႆ︀ႛ ꩬ︀ၢင︀်တ︀ိက︀်ꩬ︀ိူက︀်က︀ꩫ︀်ႈꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ဢ︀ူ။

ၿျႃၻိက︀်ႉ 22:9

ꩫ︀ႆ︀ႇမ︀ႆ︀ႛ ၵ︀ုꩫ︀်ꩬ︀ၢင︀်ယ︀ႃႇ “က︀ဝ်ႈမ︀ႆ︀ႛပ︀ီပ︀ႆ︀ၢႛ။ က︀ဝ်ႈက︀ေႃႇ ၸ︀ူႛꩡ︀ႂ်ႇၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩫ︀င︀်မ︀ႂ်း၊ ꩫ︀င︀်ပ︀ရ︀ေႃးၸ︀ႅတ︀်ႉ ပ︀ီႈꩫ︀ွင︀်ႇမ︀ႂ်းꩫ︀ႆ︀ႇၵ︀ဝ်၊ ꩫ︀င︀်က︀ူꩫ︀်းဢ︀ꩫ︀်ႈၵ︀ၢမ︀်းၿျႃၻိက︀်ႉꩫ︀ႆ︀ႇမ︀ႆ︀ႛ ထွမ︀်ꩡ︀ွမ︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈꩫ︀ႆ︀ၢႈꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ိုင︀်ပ︀ႆ︀ၢႛတ︀ႃႉ” ꩫ︀ဝꩫ︀်ႇ။

ၿျႃၻိက︀်ႉ 4:11

“ꩡ︀ဝ်ႛထႃဝရ︀ၸ︀ြႃးတ︀ီၵ︀ႃႛ ၵ︀ိင︀်းတ︀ူဝ်ꩡ︀ဝ်ႛယ︀ႃႇ တ︀င︀်းလ︀ုင︀်တ︀င︀်းမ︀ိူင︀်း ၸ︀ၢꩫ︀်ꩬ︀ၢင︀်းဝႆ︀ႇတ︀ီၵ︀ႃႛယ︀ဝ်ႇ။ ဢ︀ꩫ︀်ႈယ︀င︀်းဢ︀ူꩫ︀ႆ︀ႇၵ︀ဝ်တ︀င︀်းမ︀ိူင︀်းယ︀ႃႇ လ︀ႆ︀ၢးပ︀ိူဝ်ႈဢ︀လ︀ၢင︀်းၵ︀ိင︀်းတ︀ူဝ်ꩡ︀ဝ်ႛꩬ︀ီ ယ︀င︀်းက︀ꩫ︀်ႈ၊ ဢ︀ꩬ︀ၢက︀်ႉꩫ︀ိပ︀်က︀ꩫ︀်ႈတ︀ီၵ︀ႃႛꩫ︀မ︀်။ င︀ႆ︀းꩫ︀ႆ︀ႇꩬ︀ီ ၵ︀ိင︀်းတ︀ူဝ်ꩡ︀ဝ်ႛယ︀ႃႇ မ︀ူꩫ︀်ႈ၊ ၸ︀ုင︀်း၊ တ︀ꩫ︀်းၵ︀ူဝ်းꩫ︀ႆ︀ႇၵ︀ဝ် ꩭၢပ︀်ႉထႅက︀်ႉတ︀ီၵ︀ႃႛဢ︀ူ” ꩫ︀ဝꩫ︀်ႇ။