ထဝ်ꩡ︀တ︀်ႉၵ︀ဝ် 13:36 - Khamti Shan

³⁶ ၻႃဝိယ︀ႃႇ ꩡ︀ူဝ်ႈပ︀ၢꩫ︀်ႈမ︀ꩫ︀်းမ︀ႆ︀ႛ ဢ︀ꩫ︀်ႈꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ၢင︀်ꩭႂ်ႛꩫ︀ႆ︀ႇꩭီတ︀်ယ︀ဝ်ႇက︀ီး တ︀ႆ︀ၢႈက︀ႃꩬ︀ီ မ︀ꩫ︀်းမ︀ႆ︀ႛပ︀ႃꩡ︀ႃႇပ︀ူလ︀ီꩫ︀်မ︀ꩫ︀်းၵ︀ဝ်မ︀ႆ︀ႛ ꩬ︀ၢင︀်းၵ︀ိဝ်ဝႆ︀ႇဢ︀ူ။ ꩭၢင︀်ႈတ︀ၢႆ︀ႈမ︀ꩫ︀်း ပ︀ႃꩡ︀ႃႇမ︀ႆ︀ႛꩫ︀ဝ်ႈက︀ႃယ︀ဝ်ႇ။

ထဝ်ꩡ︀တ︀်ႉၵ︀ဝ် 13:36 ပူးပေါင်းရင်းမြစ်များ

မ︀တ︀်တ︀ႄး 25:16

က︀ူဝ်ႇဢ︀ꩫ︀်ႈၵ︀မ︀်းꩭႃႛꩡ︀ွႆ︀ႇꩫ︀ႆ︀ႛꩭၢပ︀်ႉꩫ︀ႆ︀ႇ ဢ︀ဝ်ႈၵ︀မ︀်းဢ︀မ︀ႂ်း က︀ꩡ︀ူးက︀ႃက︀ႃႇꩬ︀ီ ၵ︀မ︀်းꩭႃႛꩡ︀ွႆ︀ႇဢ︀ဝ်ႈꩫ︀ႆ︀ႛဢ︀ိက︀်မ︀ႃးဢ︀ူ။

ယ︀ေႃးꩭၢꩫ︀် 11:39

မ︀ꩫ︀်းꩡ︀ဝ်ႛယ︀ႃႇ “ꩭိꩫ︀်ဢ︀မ︀ႂ်းက︀ိင︀်ႛၵ︀ွတ︀်လ︀ႃး” ꩫ︀ꩬ︀ီ ဢ︀မ︀ိင︀်းꩭႂ်ႛဢ︀ူ။ ꩫ︀ႆ︀ႇမ︀ႆ︀ႛ မ︀ႃႈထႃးၸ︀ူႛပ︀ီႈꩬ︀ၢဝ်ၸ︀ူႛတ︀ႆ︀ၢႈꩫ︀ႆ︀ႇယ︀ႃႇ “ꩡ︀ဝ်ႛꩴ︀း ၵ︀ႆ︀ႇꩬ︀လ︀ႂ်ႈ မ︀ီꩫ︀်တ︀ီၵ︀ႃႛယ︀ဝ်ႇ။ မ︀ꩫ︀်းမ︀ႆ︀ႛၸ︀င︀်ဝႆ︀ႇꩫ︀ႆ︀ႇ ꩬ︀ီဝꩫ︀်းတ︀မ︀ိူင︀်းထူꩫ︀်ႛက︀ႃတ︀ီၵ︀ႃႛယ︀ဝ်ႇ” ꩫ︀ꩬ︀ီꩬ︀ွက︀်ႉဢ︀ူ။

ထဝ်ꩡ︀တ︀်ႉၵ︀ဝ် 13:22

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛꩭူဝ်ၵ︀မ︀်းꩬ︀ေႃလ︀ုမ︀ႆ︀ႛ ဢ︀ဝ်ႈလ︀ူင︀်းယ︀ဝ်ႇက︀ီး ၻႃဝိမ︀ႆ︀ႛတ︀ၢင︀်ꩭူဝ်ၵ︀မ︀်းဝႆ︀ႇဢ︀ူ။ “ၻႃဝိၸ︀ူႛလ︀ုက︀်ႉယ︀ေꩬ︀ႄးယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩥ︀ႃးꩡ︀ႂ်ႈ က︀ူဝ်ႇဢ︀ꩫ︀်ႈတ︀ီꩭီတ︀် ꩡ︀ွမ︀်းꩡ︀ႂ်ႈက︀ဝ်ႈꩫ︀မ︀်ꩫ︀ꩫ︀ႆ︀ႇ က︀ဝ်ႈꩭꩫ︀်ယ︀ဝ်ႇ” ꩫ︀ꩬ︀ီၸ︀ြႃးပ︀ီꩫ︀်ႈꩡ︀ဝ်ႛ လ︀ွင︀်ႈၻႃဝိဝႃႈဝႆ︀ႇဢ︀ူ။

ထဝ်ꩡ︀တ︀်ႉၵ︀ဝ် 2:29

ပ︀ူဝ်မ︀ေပ︀ီႈꩫ︀ွင︀်ႇၵ︀ဝ်ꩴ︀း လ︀ွင︀်ႈပ︀ူလ︀ီꩫ︀်ၻႃဝိꩭဝ်းဢ︀ꩫ︀်ႈက︀ူꩫ︀်းတ︀ွင︀်းꩫ︀မ︀်ꩫ︀ႆ︀ႇ က︀ဝ်ႈၵ︀ႃႛ ၵ︀ႆ︀ႈꩡ︀ုꩫ︀်ႈꩰလ︀ႅင︀်းꩰꩭႂ်ႛတ︀ီၵ︀ႃႛက︀ွတ︀်။ မ︀ꩫ︀်းယ︀ႃႇတ︀ႆ︀ၢႈက︀ႃꩬ︀ီ ပ︀ႃꩡ︀ႃႇမ︀ႆ︀ႛၸ︀င︀်ဝႆ︀ႇဢ︀ူ။ ထမ︀်ႛပ︀ႃꩡ︀ႃႇမ︀ꩫ︀်းမ︀ႆ︀ႛ တ︀ူက︀်ꩡ︀ိူမ︀်ႈင︀ႆ︀ႚက︀ေႃႇ ꩭဝ်းꩭꩫ︀်ဢ︀ူ။

ထဝ်ꩡ︀တ︀်ႉၵ︀ဝ် 20:27

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛတ︀င︀်းမ︀ိူင︀်း ꩬ︀ူꩡ︀ဝ်ႛမ︀ႆ︀ႛက︀ဝ်ႈပ︀ုတ︀်ၵ︀ႆ︀ႈယ︀ဝ်ႇꩰꩬ︀ီꩫ︀မ︀်။

ထဝ်ꩡ︀တ︀်ႉၵ︀ဝ် 7:60

ယ︀ဝ်ႇက︀ီး ၵ︀ုပ︀်ႉၵ︀ဝ်ꩬ︀ီ “ၵ︀ိင︀်းတ︀ူဝ်ꩡ︀ဝ်ႛꩴ︀း ဢ︀ပ︀ႅတ︀်ႉၵ︀ဝ်မ︀ႆ︀ႛ ပ︀ွႆ︀လ︀ွတ︀်ႉꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီ ဢ︀ိဝ်ꩬ︀ႅꩫ︀်င︀ႆ︀း ꩡ︀ႂ်ႈၵ︀တ︀်က︀ႃယ︀ဝ်ႇ။

ထဝ်ꩡ︀တ︀်ႉၵ︀ဝ် 8:1

လ︀ွင︀်ႈဢ︀ဝ်ႈတ︀ႆ︀ၢႈက︀ူꩫ︀်းဢ︀မ︀ႂ်းမ︀ႆ︀ႛ ꩬ︀ေႃလ︀ု က︀ေႃႇၸ︀ွမ︀်ႇလ︀ွေႛဢ︀ူ။ လ︀ုက︀်ႉမ︀ိူဝ်ႈဢ︀မ︀ႂ်းက︀ူဝ်ꩬ︀ီ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈဝီင︀်းယ︀ေရ︀ုꩬ︀လ︀ိမ︀်ꩫ︀ႆ︀ႇၵ︀ဝ်မ︀ႆ︀ႛ ပ︀ိူꩫ︀်ႈꩫ︀ီင︀်ၵ︀ႅပ︀်ႉꩰဢ︀ူ။ င︀ႆ︀းꩬ︀ီၵ︀ဝ်ယ︀ႃႇ တ︀ိူင︀်းယ︀ုတ︀၊ တ︀ိူင︀်းꩬ︀မ︀ႃရ︀ိꩫ︀ႆ︀ႇၵ︀ဝ်မ︀ႆ︀ႛၸ︀ူင︀်ႇပ︀ႆ︀ၢႈက︀ႃမ︀ူတ︀်ꩬ︀ီ တ︀မ︀ၢꩫ︀်ꩡ︀ဝ်ႛၵ︀ဝ်ꩫ︀ႆ︀ၢႈꩬ︀ိုင︀်က︀ိူတ︀်ဢ︀ူ။

က︀ေႃရ︀ိꩫ︀်တ︀ု ႑ 15:18

င︀ႆ︀းꩬ︀ီက︀ူꩫ︀်းဢ︀ꩫ︀်ႈꩡ︀ဝ်ႛၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ တ︀ႆ︀ၢႈက︀ႃꩫ︀ႆ︀ႇၵ︀ဝ်ꩫ︀က︀ီးယ︀ႃႇ လ︀ူႇꩬ︀ုမ︀်းလ︀ေႚလ︀ေႚယ︀ဝ်ႇ။

က︀ေႃရ︀ိꩫ︀်တ︀ု ႑ 15:6

ဝႆ︀ၢးဢ︀မ︀ႂ်း ပ︀ၢင︀်ႈꩫ︀ႃႛတ︀ပ︀ေးꩡ︀ဝ်ႛꩭႃႛပ︀ၢက︀်မ︀ဝ်က︀ႃးမ︀ႆ︀ႛ ပ︀ျႃးတ︀ူဝ်ႈꩭႂ်ႛမ︀ႃးဢ︀ူ။ တ︀ပ︀ေးꩡ︀ဝ်ႛဢ︀မ︀ႂ်းၵ︀ဝ် က︀မ︀်ႈၸ︀ွင︀်းယ︀ႃႇ တ︀ူက︀်ꩡ︀ိူမ︀်ႈင︀ႆ︀ႚက︀ေႃႇယ︀င︀်းဢ︀ူ။ က︀မ︀်ႈၸ︀ွင︀်းယ︀ႃႇတ︀ႆ︀ၢႈက︀ႃယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:13

ပ︀ီႈꩫ︀ွင︀်ႇၵ︀ဝ်ꩴ︀း က︀ူꩫ︀်းတ︀ႆ︀ၢႈယ︀ဝ်ႇက︀ီး ꩭိုဝ်လ︀ိုဝ်တ︀ီပ︀ီꩫ︀်ႈက︀ႃꩫ︀ꩫ︀ႆ︀ႇ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းꩬ︀ိုဝ်ႈꩰဢ︀ူ။ ꩫ︀င︀်က︀ူꩫ︀်းဢ︀ꩫ︀်ႈတ︀ၢင︀်းတ︀ႂ်းထႃႛမ︀ဝ်ယ︀င︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈ မ︀ိူဝ်ႈက︀ူꩫ︀်းတ︀ႆ︀ၢႈꩫ︀ႆ︀ႇ ꩬ︀ူမ︀ႆ︀ႛၵ︀ၢꩫ︀်ႇꩭႂ်ႛၵ︀ီၵ︀ုမ︀်က︀ꩫ︀်ႈဢ︀ူ။