ထဝ်ꩡ︀တ︀်ႉၵ︀ဝ် 13:30 - Khamti Shan

³⁰ ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 13:30 ပူးပေါင်းရင်းမြစ်များ

မ︀တ︀်တ︀ႄး 28:6

မ︀ႆ︀ႛ မ︀ꩫ︀်းꩡ︀ဝ်ႛ ꩵ︀ႈယ︀င︀်း။ ꩫ︀င︀်မ︀ꩫ︀်းꩡ︀ဝ်ႛဝႃႈဝႆ︀ႇꩫ︀က︀ꩫ︀်ႈ ꩫ︀ိပ︀်ပ︀ွက︀်ႉယ︀ဝ်ႇ။ ပ︀လ︀ေႃး တ︀ီႈဝႆ︀ႇꩭၢင︀်ႈမ︀ꩫ︀်းꩡ︀ဝ်ႛမ︀ႆ︀ႛမ︀ႃးလ︀ႅမ︀်းလ︀ႃး။

ယ︀ေႃးꩭၢꩫ︀် 10:17

က︀ဝ်ႈယ︀ႃႇ ꩭႂ်ႛပ︀ူဝ်းဢ︀ꩬ︀ၢက︀်ႉꩫ︀ႆ︀ႛပ︀ွက︀်ႉꩫ︀ႆ︀ႇ ၵ︀ွတ︀်ဢ︀ꩬ︀ၢက︀်ႉပ︀ီꩫ︀်ႈꩫ︀ႆ︀ႇꩬ︀ီ က︀ဝ်ႈမ︀ႆ︀ႛ ပ︀ူဝ်က︀ဝ်ႈꩭၢက︀်ႉဢ︀ူ။

ယ︀ေႃးꩭၢꩫ︀် 2:19

င︀ႆ︀းက︀ီးမ︀ꩫ︀်းꩡ︀ဝ်ႛယ︀ႃႇ “ꩡ︀ွင︀်းၿိက︀်ႉမ︀ၢꩫ︀်ꩫ︀ႆ︀ႇမ︀ႆ︀ႛ ယ︀ႃႇၵ︀ွတ︀်လ︀ႃး၊ ꩫ︀ႂ်းꩬ︀ၢမ︀်ဝꩫ︀်းမ︀ႆ︀ႛ က︀ဝ်ႈပ︀ူက︀်ပ︀ွက︀်ႉက︀ွတ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 10:40

ꩫ︀ႆ︀ႇꩫ︀က︀ေႃႇ တ︀ၢင︀်ꩬ︀ၢမ︀်ဝꩫ︀်းမ︀ႆ︀ႛ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ တ︀ူဝ်ႈမ︀ꩫ︀်းꩡ︀ဝ်ႛပ︀ျႃးꩭႂ်ႛမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 13:34

ယ︀ဝ်ႇက︀ီး လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုမ︀ႆ︀ႛ က︀ꩫ︀်ႛꩫ︀ႂ်းပ︀ႃꩡ︀ႃႇမ︀ႆ︀ႛ မ︀ဝ်ဢ︀ဝ်ႈꩫ︀ဝ်ႈꩬ︀ီ လ︀ုက︀်ႉက︀ꩫ︀်ႛꩫ︀ႂ်းပ︀ႃꩡ︀ႃႇမ︀ႆ︀ႛ တ︀ီဢ︀ဝ်ႈꩫ︀ိပ︀်ပ︀ွက︀်ႉꩫ︀ႆ︀ႇက︀ေႃႇ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇဢ︀ူ။ “က︀ျေးꩡ︀ူးတ︀ူဝ်ꩡ︀ဝ်ႛ ဢ︀ꩫ︀်ႈက︀ဝ်ႈꩭႂ်ႛက︀ွတ︀်ꩫ︀ꩬ︀ီ ၻႃဝိမ︀ႆ︀ႛဝႆ︀ႇက︀တ︀ိꩫ︀ႆ︀ႇ ꩬ︀ူမ︀ႆ︀ႛတ︀ီꩭႂ်ႛꩫ︀မ︀်” ꩫ︀ꩬ︀ီၸ︀ြႃးပ︀ီꩫ︀်ႈꩡ︀ဝ်ႛဝႃႈဝႆ︀ႇဢ︀ူ။

ထဝ်ꩡ︀တ︀်ႉၵ︀ဝ် 13:37

ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈꩡ︀ဝ်ႛၸ︀ြႃး ဢ︀ဝ်ႈꩫ︀ိပ︀်ပ︀ွက︀်ႉꩫ︀ႆ︀ႇယ︀ႃႇ ပ︀ႃꩡ︀ႃႇမ︀ႆ︀ႛꩵ︀ႈꩫ︀ဝ်ႈ။

ထဝ်ꩡ︀တ︀်ႉၵ︀ဝ် 17:31

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဝꩫ︀်းဢ︀ꩫ︀်ႈက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩡ︀ဝ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇ ꩬ︀ိုဝ်ႈꩰꩫ︀ꩫ︀်ႈꩰတ︀ီꩡ︀ႅပ︀်ႉတ︀ြႃးꩫ︀ႆ︀ႇ ꩡ︀ွင︀်ဝႆ︀ႇယ︀ဝ်ႇꩰꩬ︀ီꩫ︀မ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈတ︀ီပ︀ီꩫ︀်ႈမ︀ႃးꩫ︀မ︀်ꩫ︀ꩫ︀ႆ︀ႇက︀ေႃႇ ꩡ︀ဝ်ႛဢ︀မ︀ႂ်းမ︀ႆ︀ႛ လ︀ုက︀်ႉတ︀ၢင︀်းတ︀ၢႆ︀ႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩬ︀ီ ꩬ︀ၢက︀်ႉꩬ︀ေပ︀ျႃးမ︀ႃးယ︀ဝ်ႇ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 2:24

ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛၵ︀ုꩫ︀်တ︀ႆ︀ၢႈꩫ︀ႆ︀ႇ ၸ︀ုက︀်ဝႆ︀ႇလ︀ေႚလ︀ေႚꩵ︀ႈပ︀ီꩫ︀်ႈ။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ လ︀ုက︀်ႉတ︀ꩫ︀်းၵ︀ူဝ်းၵ︀ုꩫ︀်တ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉဢ︀ွက︀်ꩬ︀ီ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 2:32

ꩡ︀ဝ်ႛယ︀ေꩬ︀ု ꩡ︀ဝ်ႛမ︀ေꩬ︀ိယ︀ꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇꩫ︀ꩫ︀ႆ︀ႇ တ︀ူႈတ︀င︀်းမ︀ိူင︀်း ꩬ︀ၢက︀်ႉꩬ︀ေꩫ︀မ︀်။

ထဝ်ꩡ︀တ︀်ႉၵ︀ဝ် 3:13

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ ဢ︀ႃပ︀ြႃꩭၢမ︀်၊ ဢ︀ေꩬ︀က︀်၊ ယ︀ႃက︀ုၵ︀ဝ်င︀ႆ︀း ဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်တ︀င︀်းမ︀ိူင︀်း ပ︀ၢႆ︀ႛဝႆ︀ႈမ︀ႃးꩫ︀ႆ︀ႇယ︀ႃႇ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုမ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩭႂ်ႛမ︀ႃးယ︀ဝ်ႇ။ ꩬ︀ူယ︀ႃႇꩡ︀ဝ်ႛဢ︀မ︀ႂ်းမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းꩡ︀ဝ်ႛၵ︀ုꩫ︀်ၵ︀ဝ်ꩬ︀ီ က︀ꩫ︀်ႛꩫ︀ႃႛၵ︀ုꩫ︀်ပ︀ိလ︀ၢတ︀်မ︀ႆ︀ႛ ၵ︀ွတ︀်မ︀ႃးယ︀ဝ်ႇ။ ၵ︀ုꩫ︀်ပ︀ိလ︀ၢတ︀်ယ︀ႃႇ ꩡ︀ဝ်ႛဢ︀မ︀ႂ်းမ︀ႆ︀ႛ ၵ︀ႂ်ႈပ︀ွႆ︀လ︀ွတ︀်ႉꩫ︀က︀ေႃႇ ꩬ︀ူ ꩵ︀ႈꩭၢပ︀်ႉဢ︀ဝ်ႈမ︀ႃး။

ထဝ်ꩡ︀တ︀်ႉၵ︀ဝ် 3:15

ꩡ︀ဝ်ႛဢ︀ꩬ︀ၢက︀်ႉမ︀ႆ︀ႛ ꩬ︀ူꩭႂ်ႛဢ︀ဝ်ႈတ︀ႆ︀ၢႈမ︀ႃးꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇꩡ︀ဝ်ႛဢ︀မ︀ႂ်းမ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ လ︀ွင︀်ႈꩫ︀ႆ︀ႇမ︀ႆ︀ႛ တ︀ူႈယ︀ႃႇꩬ︀ၢက︀်ႉꩬ︀ေꩫ︀မ︀်။

ထဝ်ꩡ︀တ︀်ႉၵ︀ဝ် 3:26

င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းꩬ︀ူက︀ူႈက︀ူဝ်ႇ ဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်ၵ︀ွတ︀်ꩬ︀ီ ꩫ︀ႆ︀ႛဢ︀က︀ိဝ်းꩫ︀ႆ︀ႇ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛမ︀ႆ︀ႛ ပ︀ွႆ︀ꩡ︀ႂ်ႇဢ︀ွꩫ︀်ႈတ︀ၢင︀်းမ︀ႃးꩫ︀မ︀်” ꩫ︀ꩬ︀ီပ︀ေတ︀ရ︀ုꩭူဝ်းဢ︀ူ။

ထဝ်ꩡ︀တ︀်ႉၵ︀ဝ် 4:10

မ︀ꩫ︀်းတ︀ိꩫ︀်ႈꩫ︀ီႈမ︀ႃးꩬ︀ီ င︀ႆ︀ႚက︀ꩫ︀်ႛꩫ︀ႃႛꩬ︀ူꩡ︀ဝ်ႛမ︀ႆ︀ႛ ꩬ︀ဝ်းꩬ︀ီဢ︀ူꩫ︀ႆ︀ႇ ဢ︀ဝ်ႈတ︀ꩫ︀်းၵ︀ူဝ်းꩡ︀ိုဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ူꩫ︀်းꩫ︀ႃꩡ︀ရ︀ႅတ︀်ꩫ︀မ︀်ꩫ︀ꩫ︀ႆ︀ႇ ꩬ︀ူꩡ︀ဝ်ႛတ︀မ︀ိူင︀်း ဢ︀ီတ︀်ꩬ︀ြေးၵ︀ဝ်တ︀င︀်းမ︀ိူင︀်းတ︀မ︀ိူင︀်း တ︀ွင︀်းမ︀တ︀်ႉက︀ꩫ︀်ႈတ︀ႃႉ။ ꩡ︀ဝ်ႛယ︀ေꩬ︀ုꩫ︀ꩫ︀ႆ︀ႇယ︀ႃႇ ꩡ︀ဝ်ႛဢ︀ꩫ︀်ႈꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ွက︀်တ︀ႆ︀ၢႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩫ︀မ︀်။

ꩭေပ︀ရ︀ူး 13:20

ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃယ︀ႃႇ ꩡ︀ဝ်ႛယ︀ေꩬ︀ုꩭဝ်း ၸ︀ူႛလ︀ီင︀်ႇပ︀ူႇလ︀ူင︀် ဢ︀ꩫ︀်ႈဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ တ︀ွက︀်ꩡ︀ုမ︀်ႛလ︀ိက︀်ႉၵ︀တ︀်ႉထႃဝရ︀မ︀ႆ︀ႛ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။