ထဝ်ꩡ︀တ︀်ႉၵ︀ဝ် 13:25 - Khamti Shan

²⁵ မ︀ိူဝ်ႈꩬ︀ြႃယ︀ေႃးꩭၢꩫ︀်ꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛတ︀ီယ︀ဝ်ႇꩫ︀ႆ︀ႇ မ︀ꩫ︀်းယ︀ႃႇက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ “ꩬ︀ူက︀ဝ်ႈမ︀ႆ︀ႛၵ︀ꩫ︀်တ︀ႂ်းၸ︀ႂ်ꩫ︀ႆ︀၊ ၵ︀ꩫ︀်တ︀ႂ်းꩡ︀ဝ်ႛမ︀ေꩬ︀ိယ︀ဢ︀ꩫ︀်ႈꩬ︀ူတ︀ႂ်းꩫ︀ႆ︀ႇက︀ျႃး။ ꩵ︀ႈꩡ︀ႂ်ႈ၊ မ︀ꩫ︀်းꩡ︀ဝ်ႛယ︀ႃႇက︀ꩫ︀်ႛလ︀င︀်က︀ဝ်ႈမ︀ႆ︀ႛꩫ︀မ︀်တ︀ီမ︀ႃးꩫ︀ႆ︀ႇ၊ က︀ဝ်ႈယ︀ႃႇက︀ူမ︀်ႛꩬ︀ီ ꩬ︀ႆ︀ၢၵ︀ႅပ︀်တ︀ိꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ တ︀ီက︀ေႛလ︀ွꩫ︀်ႛꩭႂ်ႛꩫ︀ႆ︀ၢႈက︀ေႃႇꩵ︀ႈထႅက︀်ႉ။

ထဝ်ꩡ︀တ︀်ႉၵ︀ဝ် 13:25 ပူးပေါင်းရင်းမြစ်များ

မ︀တ︀်တ︀ႄး 3:11

က︀ဝ်ႈယ︀ႃႇ ꩬ︀ူꩬ︀ၢင︀်ဝွေယ︀ဝ်ႇꩫ︀က︀ီး ꩬ︀ူမ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛဢ︀ူ။ ꩫ︀ႆ︀ႇꩫ︀က︀ေႃႇ ꩡ︀ဝ်ႛဢ︀ꩫ︀်ႈက︀ꩫ︀်ႛလ︀င︀်က︀ဝ်ႈမ︀ႆ︀ႛမ︀ႃးꩫ︀ႆ︀ႇယ︀ႃႇ ꩬ︀ူမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃၸ︀ႆ︀းမ︀ႆ︀ႛꩡ︀ူမ︀်ႈꩬ︀ီ မ︀ၢင︀်က︀လ︀ႃတ︀ီꩭႂ်ႛꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ၢꩫ︀်တ︀ၢꩫ︀်ယ︀ႂ်မ︀ႅတ︀်ႉꩬ︀ႃဢ︀ူ။ က︀ဝ်ႈယ︀ႃႇ တ︀ိုဝ်းၵ︀ႅပ︀်တ︀ိꩫ︀်ႈမ︀ꩫ︀်းꩡ︀ဝ်ႛꩭႂ်ႛꩫ︀ႆ︀ၢႈက︀ေႃႇ ꩵ︀ႈထႅက︀်ႉ။

မ︀ႃက︀ု 1:7

ၵ︀ၢဝ်ႈၵ︀ၢမ︀်းဢ︀ꩫ︀်ႈမ︀ꩫ︀်းတ︀ႅဝ်ꩫ︀ႆ︀ႇယ︀ႃႇ “က︀ꩫ︀်ႛလ︀င︀်က︀ဝ်ႈမ︀ႆ︀ႛ ၸ︀ူႛဢ︀ꩫ︀်ႈက︀ဝ်ႈမ︀ႆ︀ႛယ︀ႂ်ꩬ︀ႃꩫ︀ႆ︀ႇ တ︀ီက︀ျွႃးမ︀ႃးꩫ︀မ︀်။ က︀ဝ်ႈယ︀ႃႇ ꩬ︀ၢႆ︀ၵ︀ႅပ︀်တ︀ိꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ က︀ူမ︀်ႛꩬ︀ီ တ︀ီက︀ေႛလ︀ွꩫ︀်ႛꩭႂ်ႛꩫ︀ၢႆ︀ႈက︀ေႃႇꩵ︀ႈထႅက︀်ႉ။

ယ︀ေႃးꩭၢꩫ︀် 1:29

ꩫ︀င︀်မ︀ိူဝ်ႈꩭုက︀်ႉ ꩡ︀ဝ်ႛယ︀ေꩬ︀ုက︀ျွႃးမ︀ႃးꩫ︀ႆ︀ႇမ︀ႆ︀ႛ ꩬ︀ြႃယ︀ေႃးꩭၢꩫ︀်ꩭꩫ︀်က︀ီး “ပ︀ူႇဢ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈပ︀ႃႉဢ︀ပ︀ႅတ︀်ႉမ︀ိူင︀်းက︀ၢင︀်ႈက︀ႃꩫ︀ႆ︀ႇမ︀ႆ︀ႛ လ︀ႅမ︀်းလ︀ႃး။

ယ︀ေႃးꩭၢꩫ︀် 1:34

ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇꩫ︀က︀ꩫ︀်ႈ က︀ဝ်ႈꩭꩫ︀်မ︀ႃးယ︀ဝ်ႇ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛယ︀ႃႇ ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 1:36

ꩡ︀ဝ်ႛယ︀ေꩬ︀ု က︀ျွႃးမ︀ႃးꩫ︀ႆ︀ႇမ︀ႆ︀ႛꩭꩫ︀်က︀ီး ꩬ︀ြႃယ︀ေႃးꩭၢꩫ︀်ယ︀ႃႇ “ပ︀လ︀ေႃး ꩡ︀ဝ်ႛဢ︀မ︀ႂ်းꩬ︀ႃး ပ︀ူႇဢ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ” ꩫ︀ဝꩫ︀်ႇ။

ယ︀ေႃးꩭၢꩫ︀် 4:34

င︀ႆ︀းက︀ီး ꩡ︀ဝ်ႛယ︀ေꩬ︀ုယ︀ႃႇ “ဢ︀ꩫ︀်ႈက︀ိꩫ︀်ႈက︀ဝ်ႈယ︀ႃႇ ဢ︀လ︀ၢင︀်းꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛပ︀ွႆ︀ꩡ︀ႂ်ႇꩫ︀ႆ︀ႇ ꩭီတ︀်ꩡ︀ွမ︀်းꩬ︀ီ ဢ︀မ︀ူးဢ︀ꩫ︀်ႈမ︀ꩫ︀်းꩡ︀ဝ်ႛꩡ︀ႂ်ႇꩫ︀ႆ︀ႇမ︀ႆ︀ႛ ဢ︀ဝ်ႈယ︀ဝ်ႇꩫ︀ႆ︀ႇꩫ︀မ︀်။

ယ︀ေႃးꩭၢꩫ︀် 7:18

က︀ူဝ်ႇဢ︀ꩫ︀်ႈဝႃႈၵ︀ၢမ︀်းပ︀ၢင︀်ႈꩫ︀ႆ︀ႇယ︀ႃႇ ꩡ︀ႃႇၸ︀ူႛꩡ︀ဝ်ႛဢ︀မ︀်ꩫ︀ႆ︀ၢႈꩫ︀မ︀်ဝႃႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈၵ︀ႃမ︀ူꩫ︀်ႈၸ︀ုင︀်း ၸ︀ူႛပ︀ွႆ︀ꩡ︀ႂ်ႇၸ︀ူႛꩡ︀ဝ်ႛꩫ︀ႆ︀ႇယ︀ႃႇ ꩬ︀ိုဝ်ႈꩰတ︀ူဝ်ꩰ ဝႃႈဢ︀ူ။ ꩵ︀ႈၸ︀ႅတ︀်ႉꩵ︀ႈၸ︀ၢင︀်း။

ထဝ်ꩡ︀တ︀်ႉၵ︀ဝ် 13:36

ၻႃဝိယ︀ႃႇ ꩡ︀ူဝ်ႈပ︀ၢꩫ︀်ႈမ︀ꩫ︀်းမ︀ႆ︀ႛ ဢ︀ꩫ︀်ႈꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ၢင︀်ꩭႂ်ႛꩫ︀ႆ︀ႇꩭီတ︀်ယ︀ဝ်ႇက︀ီး တ︀ႆ︀ၢႈက︀ႃꩬ︀ီ မ︀ꩫ︀်းမ︀ႆ︀ႛပ︀ႃꩡ︀ႃႇပ︀ူလ︀ီꩫ︀်မ︀ꩫ︀်းၵ︀ဝ်မ︀ႆ︀ႛ ꩬ︀ၢင︀်းၵ︀ိဝ်ဝႆ︀ႇဢ︀ူ။ ꩭၢင︀်ႈတ︀ၢႆ︀ႈမ︀ꩫ︀်း ပ︀ႃꩡ︀ႃႇမ︀ႆ︀ႛꩫ︀ဝ်ႈက︀ႃယ︀ဝ်ႇ။

ထဝ်ꩡ︀တ︀်ႉၵ︀ဝ် 19:4

င︀ႆ︀းက︀ီး ပ︀ေႃလ︀ုယ︀ႃႇ “မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇ ꩬ︀ြႃယ︀ေႃးꩭၢꩫ︀်ယ︀ႃႇ ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈꩬ︀ၢင︀်ဝွေမ︀ႃးꩫ︀ႆ︀ႇၵ︀ဝ်ꩫ︀မ︀်။ ꩬ︀ြႃယ︀ေႃးꩭၢꩫ︀်ယ︀ႃႇ ၸ︀ူႛဢ︀ꩫ︀်ႈက︀ꩫ︀်ႛလ︀င︀်မ︀ꩫ︀်းမ︀ႆ︀ႛ က︀ျွႃးမ︀ႃးမ︀ႆ︀ႛ ဝႃႈယ︀ုမ︀်ယ︀မ︀်ႈဢ︀ူꩫ︀ꩬ︀ီ ဢ︀ီတ︀်ꩬ︀ြေးၵ︀ဝ်မ︀ႆ︀ႛ ꩭူဝ်းမ︀ႃးဢ︀ူ။ ꩡ︀ဝ်ႛဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုꩫ︀မ︀်” ꩫ︀ဢ︀ူ။

ထဝ်ꩡ︀တ︀်ႉၵ︀ဝ် 20:24

ꩫ︀ႆ︀ႇꩫ︀က︀ေႃႇ ဢ︀ꩬ︀ၢက︀်ႉက︀ဝ်ႈမ︀ႆ︀ႛ က︀ဝ်ႈꩵ︀ႈꩬ︀ီꩫ︀ၢႆ︀ႈ။ တ︀ီႈဢ︀ꩫ︀်ႈက︀ဝ်ႈမ︀ႆ︀ႛꩡ︀ဝ်ႛယ︀ေꩬ︀ုꩡ︀ႂ်ႇမ︀ႆ︀ႛက︀ႃꩬ︀ီ ꩭႂ်ႛပ︀ူဝ်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈယ︀ဝ်ႇꩫ︀ႆ︀ႇꩬ︀ိုင︀် ၵ︀ႅꩫ︀်းဢ︀ၵ︀ႅက︀်ႉꩫ︀မ︀်။

က︀ေႃရ︀ိꩫ︀်တ︀ု ႒ 4:5

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ၢဝ်ႈၵ︀ၢမ︀်းဢ︀ꩫ︀်ႈတ︀ူႈꩭူဝ်းꩫ︀ႆ︀ႇယ︀ႃႇ လ︀ွင︀်ႈတ︀ူႈၸ︀ူႛꩡ︀ဝ်ႛꩵ︀ႈꩡ︀ႂ်ႈ။ လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ု ပ︀ီꩫ︀်ႈꩡ︀ဝ်ႛꩫ︀ိူဝ်ꩭူဝ်တ︀င︀်းမ︀ိူင︀်းꩫ︀ႆ︀ႇꩫ︀မ︀်။ တ︀ူႈၸ︀ူႛꩡ︀ဝ်ႛယ︀ႃႇ ၸ︀ူႛꩡ︀ႂ်ႇꩬ︀ူ ဢ︀ꩫ︀်ႈဢ︀ဝ်ႈတ︀ီမ︀်ႈက︀ုမ︀်ဢ︀မ︀ိင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

တ︀ိမ︀ေႃတ︀ေ ႒ 4:7

ဢ︀ꩫ︀်ႈက︀ဝ်ႈဝႃႈတ︀ိက︀်တ︀ူဝ်းမ︀ႆ︀ႛ က︀ဝ်ႈတ︀ိက︀်တ︀ူဝ်းꩫ︀ီႈꩫ︀ီႈ မ︀ႃးယ︀ဝ်ႇ။ ꩡ︀ူဝ်ႈတ︀ၢင︀်းဢ︀ꩫ︀်ႈက︀ဝ်ႈဝႃႈလ︀ႅꩫ︀်ႈမ︀ႆ︀ႛ ဢ︀ဝ်ႈꩬ︀ုတ︀်တ︀ိက︀် လ︀ႅꩫ︀်ႈမ︀ႃးꩬ︀ီ ဢ︀ဝ်ႈထိုင︀်ပ︀ႆ︀ၢႈꩭၢင︀်လ︀ေႚလ︀ေႚ ꩬ︀ႅတ︀်ႉꩡ︀ႃယ︀င︀်းမ︀ႃးယ︀ဝ်ႇ။

ၿျႃၻိက︀်ႉ 11:7

ꩬ︀ွင︀်ၵ︀ႃ တ︀ႅဝ်ၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀ဝ်ႇက︀ီး တ︀ူဝ်ႈꩭႆ︀ၢႇလ︀ူင︀် ဢ︀ꩫ︀်ႈလ︀ုက︀်ႉထၢင︀်ၵ︀ူင︀်းတ︀ႆ︀ၢႈမ︀ႆ︀ႛ ဢ︀ွက︀်မ︀ႃးꩫ︀ႆ︀ႇ ꩬ︀ွင︀်ၵ︀ႃမ︀ႆ︀ႛ တ︀ီတ︀ိက︀်ꩫ︀မ︀်။ တ︀ူဝ်ႈꩭၢႆ︀ႇဢ︀မ︀ႂ်းပ︀ေႇꩬ︀ီ ꩬ︀ွင︀်ၵ︀ႃမ︀ႆ︀ႛ တ︀ီဢ︀ဝ်ႈတ︀ႆ︀ၢႈꩫ︀မ︀်။