ထဝ်ꩡ︀တ︀်ႉၵ︀ဝ် 13:2 - Khamti Shan

² မ︀ိူဝ်ႈၵ︀ဝ် ဝႆ︀ႈၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း ꩭႅတ︀်ႉတ︀ွင︀်ႇင︀ႆ︀း ယ︀ွꩫ︀်းꩬ︀ူးꩬ︀ီဢ︀ူꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “ꩬ︀ေႃလ︀ုꩫ︀ၵ︀ႃၿႃꩫ︀ၿၵ︀ဝ်မ︀ႆ︀ႛ ꩡ︀ႃႇꩭၢင︀်းꩭီတ︀်ဢ︀မ︀ူးက︀ဝ်ႈ က︀ွႆ︀းက︀ွႆ︀းလ︀ိူက︀်ႉမ︀ႆ︀ၢဝႆ︀ႇတ︀ႃႉ” ꩫ︀ꩬ︀ီဝႃႈဢ︀ူ။

ထဝ်ꩡ︀တ︀်ႉၵ︀ဝ် 13:2 ပူးပေါင်းရင်းမြစ်များ

မ︀တ︀်တ︀ႄး 17:21

ၸ︀ီꩭၢႆ︀ႇၸ︀ꩫ︀်းꩫ︀င︀်င︀ႆ︀းမ︀ႆ︀ႛယ︀ႃႇ ယ︀ွꩫ︀်းꩬ︀ူးꩬ︀ီ၊ ꩭႅတ︀်ႉတ︀ွင︀်ႇꩬ︀ီ ꩭူဝ်ႛꩫ︀ႆ︀ႇမ︀ဝ်ꩡ︀ႂ်ႈက︀ီး ꩵ︀ႈပ︀ေႇ” ꩫ︀ဝꩫ︀်ႇ။

မ︀တ︀်တ︀ႄး 6:16

မ︀ိူဝ်ႈꩬ︀ူꩭႅတ︀်ႉတ︀ွင︀်ႇꩫ︀ႆ︀ႇ ꩫ︀င︀်ၸ︀ူႛက︀ႅမ︀်ႛꩫ︀ႃႛꩫ︀ႆ︀ႇၵ︀ဝ်ꩭီတ︀်ꩫ︀က︀ꩫ︀်ႈ ꩫ︀ႃႛဢ︀ꩫ︀်ႈꩭိဝ်ပ︀ီပ︀ျႃး။ ၵ︀ဝ်ယ︀ႃႇ ၵ︀ဝ်ꩭႅတ︀်ႉတ︀ွင︀်ႇဢ︀ူꩫ︀ꩫ︀ႆ︀ႇ ꩭႂ်ႛပ︀ူဝ်းပ︀ိူꩫ︀်ႈတ︀ွင︀်းꩫ︀ႆ︀ႇ ꩫ︀ႃႛꩭိဝ်ပ︀ျႃးꩬ︀ီဢ︀ူꩫ︀မ︀်။ က︀ဝ်ႈဝႃႈက︀ွတ︀်။ ၵ︀ဝ်ယ︀ႃႇ ꩬ︀ူးဢ︀ꩫ︀်ႈၵ︀ဝ်ထႅက︀်ႉꩫ︀ႆ︀ႇတ︀င︀်းမ︀ိူင︀်း လ︀ုက︀်ႉက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈယ︀ဝ်ႇꩰꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛꩬ︀ူးꩵ︀ႈပ︀ူင︀်ႈꩭႂ်ႛယ︀ဝ်ႇ။

မ︀တ︀်တ︀ႄး 9:38

ꩫ︀င︀်ꩡ︀ဝ်ႛꩫ︀ႃးမ︀ႆ︀ႛ က︀ူꩫ︀်းꩭၢင︀်းပ︀တ︀်ၵ︀ဝ်ႛ ယ︀ွꩫ︀်းဢ︀ိက︀်ꩫ︀က︀ꩫ︀်ႈ က︀ူꩫ︀်းꩭၢင︀်းၵ︀ႆ︀ႈၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇၵ︀ဝ် ꩭႂ်ႛပ︀ူဝ်းပ︀ွႆ︀ꩡ︀ႂ်ႇဢ︀ိက︀်ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ွꩫ︀်းꩬ︀ူးက︀ꩫ︀်ႈတ︀ႃႉ” ꩫ︀ဝꩫ︀်ႇ။

လ︀ုက︀ႃ 10:1

ယ︀ဝ်ႇက︀ီး ꩡ︀ဝ်ႛယ︀ေꩬ︀ု တ︀ပ︀ေးꩡ︀ဝ်ႛတ︀ၢင︀်ပ︀ႃး ꩡ︀ီတ︀်ꩬ︀ိပ︀်ꩬ︀ွင︀်ပ︀ႃးမ︀ႆ︀ႛလ︀ိူက︀်ႉꩬ︀ီ မ︀ၢꩫ︀်ႛဝီင︀်းဢ︀ꩫ︀်ႈမ︀ꩫ︀်းꩡ︀ဝ်ႛ တ︀ီက︀ႃꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ꩬ︀ွင︀်က︀ူဝ်ႇꩬ︀ွင︀်က︀ူဝ်ႇ ဢ︀ေႈပ︀ွႆ︀ꩡ︀ႂ်ႇဢ︀ူ။

လ︀ုက︀ႃ 2:37

တ︀ူဝ်ထိုဝ် ပ︀ႅတ︀်ꩬ︀ိပ︀်ꩬ︀ီပ︀ီႈ ပ︀ီꩫ︀်ႈမ︀ေႈမ︀ႆ︀ၢႛဢ︀ူꩫ︀မ︀်။ ၵ︀ိုꩫ︀်းꩰဝꩫ︀်းꩰ ꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛꩫ︀ႆ︀ၢႈဢ︀ူꩬ︀ီ မ︀ိုင︀်ႇၸ︀ြႃး၊ဝႆ︀ႈၸ︀ြႃး၊ ယ︀ွꩫ︀်းꩬ︀ူး၊ ꩭႅတ︀်ႉတ︀ွင︀်ႇင︀ႆ︀းဢ︀ူꩫ︀မ︀်။

ထဝ်ꩡ︀တ︀်ႉၵ︀ဝ် 10:19

မ︀ိူဝ်ႈပ︀ေတ︀ရ︀ုလ︀ွင︀်ႈၿျႃၻိက︀်ႉꩫ︀ႆ︀ႇ ၵ︀ႂ်ႈꩡ︀ႂ်ႈꩬ︀ီဢ︀ူꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းမ︀ႆ︀ႛ “ပ︀လ︀ေႃး မ︀ႂ်းမ︀ႆ︀ႛက︀ူꩫ︀်းꩬ︀ၢမ︀်က︀ူဝ်ႇၵ︀ႃက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 10:30

င︀ႆ︀းက︀ီးက︀ေႃꩫ︀ေလ︀ိယ︀ႃႇ “ပ︀ူꩫ︀်ႇမ︀ႃးꩬ︀ၢမ︀်ဝꩫ︀်း ၸ︀ႆ︀ၢက︀ၢင︀်ႈဝꩫ︀်းꩬ︀ၢမ︀်မ︀ွင︀်းမ︀ႆ︀ႛ မ︀ိူဝ်ႈက︀ဝ်ႈယ︀ွꩫ︀်းꩬ︀ူးꩬ︀ီဢ︀ူꩫ︀ႆ︀ႇ က︀ူꩫ︀်းဢ︀ꩫ︀်ႈꩫ︀ုင︀်ႈꩬ︀ိူဝ်ႛတ︀ွင︀်လ︀ိပ︀်ႉꩰꩫ︀ႆ︀ႇက︀ူဝ်ႇလ︀ိူင︀်ႈ ၵ︀တ︀်ႉၵ︀ႅင︀်း ဢ︀ွက︀်မ︀ႃးꩬ︀ီက︀ꩫ︀်ႛꩫ︀ႃႛက︀ဝ်ႈမ︀ႆ︀ႛ မ︀ႃးꩬ︀ဝ်းဢ︀ူ။

ထဝ်ꩡ︀တ︀်ႉၵ︀ဝ် 13:3

ၵ︀ဝ်က︀ေႃႇ ꩭႅတ︀်ႉတ︀ွင︀်ႇꩬ︀ီ ယ︀ွꩫ︀်းꩬ︀ူးပ︀ွက︀်ႉယ︀ဝ်ႇက︀ီး ၿႃꩫ︀ၿꩫ︀ၵ︀ႃꩬ︀ေႃလ︀ုၵ︀ဝ်မ︀ႆ︀ႛ မ︀ိုဝ်းတ︀ၢင︀်ꩭႂ်ႛဢ︀ူ။ ယ︀ဝ်ႇက︀ီးꩬ︀ွင︀်ၵ︀ႃမ︀ႆ︀ႛ ပ︀ွႆ︀ꩡ︀ႂ်ႇꩭႂ်ႛက︀ႃꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛဢ︀ူ။

ထဝ်ꩡ︀တ︀်ႉၵ︀ဝ် 13:4

ၿႃꩫ︀ၿꩫ︀ၵ︀ႃꩬ︀ေႃလ︀ုက︀ေႃႇ ဢ︀ꩫ︀်ႈꩫ︀င︀်ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩫ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈ ဝီင︀်းတ︀ေလ︀ုက︀ိမ︀ႆ︀ႛက︀ႃဢ︀ူ။ လ︀ုက︀်ႉဝီင︀်းဢ︀မ︀ႂ်းမ︀ႆ︀ႛ ၵ︀ီꩬ︀ၢင︀်ႈၸ︀ူဝ်းꩬ︀ီ က︀ႃင︀ွꩫ︀်ႈက︀ုပ︀ရ︀ုဢ︀ူ။

ထဝ်ꩡ︀တ︀်ႉၵ︀ဝ် 14:26

ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛ ꩬ︀ွင︀်ၵ︀ႃဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛ ၵ︀ီꩬ︀ၢင︀်ႈၸ︀ူဝ်းꩬ︀ီ မ︀ိူဝ်းက︀ႃဢ︀ူ။ ꩡ︀ိူဝ်းဝီင︀်းဢ︀မ︀ႂ်းယ︀ႃႇ ဢ︀ꩫ︀်ႈꩬ︀ွင︀်ၵ︀ႃမ︀ႆ︀ႛ ဢ︀မ︀ူးဢ︀ꩫ︀်ႈင︀ႆ︀ႚ ꩬ︀ွင︀်ၵ︀ႃꩭီတ︀်မ︀ႃးꩫ︀ႆ︀ႇၵ︀ဝ် ꩭႂ်ႛပ︀ူဝ်းꩫ︀ႆ︀ႛꩭီတ︀်မ︀ႃးꩫ︀ႆ︀ႇ ဢ︀ၢပ︀်ႉꩫ︀ႂ်းက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ပ︀ွႆ︀ꩡ︀ႂ်ႇမ︀ႃးꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 20:28

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း၊ ၸ︀ုင︀်ပ︀ူႇꩡ︀ဝ်ႛဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛဢ︀ၢပ︀်ႉꩭႂ်ႛꩫ︀ႆ︀ႇမ︀ႆ︀ႛတ︀မ︀ိူင︀်းမ︀ိုင︀်ႇက︀ꩫ︀်ႈတ︀ႃႉ။ ꩡ︀ိူဝ်းꩡ︀ဝ်ႛမ︀ႆ︀ႛ ꩫ︀င︀်ၸ︀ူႛလ︀ီင︀်ႇပ︀ူႇꩫ︀က︀ꩫ︀်ႈမ︀ိုင︀်ႇက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ꩬ︀ၢက︀်ႉ လ︀ုက︀်ႉမ︀ꩫ︀်းꩡ︀ဝ်ႛထွတ︀်ꩬ︀ီ ဢ︀ဝ်ႈပ︀ီꩫ︀်ႈၵ︀ွင︀်မ︀ꩫ︀်းꩡ︀ဝ်ႛယ︀ဝ်ႇ။

ထဝ်ꩡ︀တ︀်ႉၵ︀ဝ် 22:21

င︀ႆ︀းက︀ီး ꩡ︀ဝ်ႛယ︀ေꩬ︀ုယ︀ႃႇ “က︀ႃတ︀ႃႉ။ က︀ဝ်ႈမ︀ႂ်းမ︀ႆ︀ႛ တ︀ီႈက︀ႆ︀ႈ ပ︀ႃႛဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ပ︀ွႆ︀ꩡ︀ႂ်ႇက︀ွတ︀်” ꩫ︀ဝꩫ︀်ႇ”။

ထဝ်ꩡ︀တ︀်ႉၵ︀ဝ် 4:36

က︀ုမ︀်ႛဢ︀မ︀ႂ်းမ︀ႆ︀ႛ ယ︀ေႃတ︀ၢတ︀်ꩫ︀ꩫ︀ႆ︀ႇ ဢ︀ꩫ︀်ႈတ︀မ︀ၢꩫ︀်ꩡ︀ဝ်ႛၵ︀ဝ်ꩭွင︀်ႇၿႃꩫ︀ၿꩫ︀ꩫ︀ႆ︀ႇ က︀ူꩫ︀်းက︀ူဝ်ႇလ︀ိူင︀်ႈ ယ︀င︀်းဢ︀ူ။ ၿႃꩫ︀ၿꩫ︀ꩫ︀ႆ︀ႇယ︀ႃႇ ၸ︀ူႛဢ︀ꩫ︀်ႈပ︀ိူꩫ︀်ႈမ︀ႆ︀ႛꩬ︀ႂ်ꩭႅင︀်းꩭႂ်ႛꩫ︀ꩫ︀မ︀်။ မ︀ꩫ︀်းယ︀ႃႇက︀ူꩫ︀်းမ︀ိူင︀်းက︀ုပ︀ရ︀ု၊ ꩡ︀ိူဝ်ႇၸ︀ꩫ︀်းလ︀ေဝိꩫ︀မ︀်။

ထဝ်ꩡ︀တ︀်ႉၵ︀ဝ် 6:4

တ︀ူႈၸ︀ူႛꩡ︀ဝ်ႛယ︀ႃႇ ဢ︀မ︀ူးဢ︀ꩫ︀်ႈꩭူဝ်းတ︀ြႃးꩫ︀ႆ︀ႇၵ︀ဝ်၊ ဢ︀ꩫ︀်ႈယ︀ွꩫ︀်းꩬ︀ူးꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈꩬ︀င︀် ꩬ︀ေႈꩡ︀ႃႉက︀ွတ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 8:29

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ိလ︀ိပ︀်မ︀ႆ︀ႛ “တ︀ႆ︀ၢႛၵ︀ၢင︀်ႛလ︀ႅင︀်မ︀ႃႇမ︀ႆ︀ႛက︀ႃတ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 9:15

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “က︀ႃတ︀ႃႉ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈက︀ဝ်ႈꩡ︀ဝ်ႛလ︀ိူက︀်ႉဝႆ︀ႇ ꩭၢင︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်၊ ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ်င︀ႆ︀း ဢ︀ီတ︀်ꩬ︀ြေးꩫ︀ႆ︀ႇၵ︀ဝ်မ︀ႆ︀ႛ ꩭူဝ်းလ︀ွင︀်ႈက︀ဝ်ႈꩫ︀မ︀်။

ရ︀ေႃမ︀ 1:1

ပ︀ီႈꩫ︀ွင︀်ႇၵ︀ဝ်ꩴ︀း က︀ဝ်ႈပ︀ေႃလ︀ု ၸ︀ူႛꩡ︀ႂ်ႇꩡ︀ဝ်ႛယ︀ေꩬ︀ုၵ︀ရ︀ီတ︀်၊ တ︀မ︀ၢꩫ︀်ꩡ︀ဝ်ႛ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ ꩭၢင︀်းꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ꩫ︀်းꩡ︀ဝ်ႛꩫ︀ႆ︀ႇ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

ရ︀ေႃမ︀ 10:15

ၸ︀ူႛꩭူဝ်းၵ︀ၢဝ်ႈၵ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛ မ︀ဝ်ပ︀ွႆ︀ꩡ︀ႂ်ႇက︀ီးက︀ေႃႇ ၸ︀ႂ်က︀ေႃႇ ꩵ︀ႈက︀ႃၵ︀ႆ︀ႈ။ င︀ႆ︀းꩫ︀ႆ︀ႇꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ “ၸ︀ူႛꩭူဝ်းၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႃးꩫ︀ႆ︀ႇ မ︀ၢင︀်က︀လ︀ႃယ︀င︀်းလ︀ူင︀်ꩫ︀မ︀်” ꩫ︀ဝꩫ︀်ႇ။

က︀ေႃရ︀ိꩫ︀်တ︀ု ႑ 12:11

ꩫ︀ႆ︀ႇꩫ︀က︀ေႃႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူလ︀ိဝ်ႈꩫ︀ႆ︀ၢႈꩫ︀မ︀် ꩬ︀ူးꩫ︀ႆ︀ႇၵ︀ဝ်တ︀င︀်းမ︀ိူင︀်းꩭႂ်ႛꩬ︀ီ က︀ူꩫ︀်းက︀ူႈက︀ူဝ်ႇမ︀ႆ︀ႛ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ပ︀ꩫ︀်ႈꩭႂ်ႛꩫ︀ႆ︀ႇ။

က︀ေႃရ︀ိꩫ︀်တ︀ု ႑ 7:5

က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ လ︀ွင︀်ႈၸ︀ူဝ်မ︀ေးပ︀ီင︀ိူင︀်ႇက︀ꩫ︀်ႈ။ ꩫ︀ႆ︀ႇꩫ︀က︀ေႃႇ ꩬ︀ူတ︀ီယ︀ွꩫ︀်းꩬ︀ူးက︀ီး ꩭႂ်ႛပ︀ူဝ်းတ︀င︀်းꩡ︀ႂ်ႈတ︀င︀်းၵ︀ူဝ်းꩫ︀ႆ︀ႛယ︀ွꩫ︀်းꩬ︀ူးꩫ︀ႆ︀ႇ လ︀ွင︀်ႈၸ︀ူဝ်မ︀ေးၵ︀ႂ်ႈလ︀ႂ်ႈတ︀ီင︀ိူင︀်ႇꩫ︀ꩫ︀ႆ︀ႇ တ︀င︀်းꩬ︀ွင︀်က︀ူဝ်ႇ ꩡ︀ႂ်ႈဢ︀ဝ်ႈၵ︀ူမ︀်က︀ꩫ︀်ႈဢ︀ွꩫ︀်ႈတ︀ၢင︀်းတ︀ႃႉ။ ꩫ︀ႆ︀ႇꩫ︀က︀ေႃႇ ယ︀ွꩫ︀်းꩬ︀ူးယ︀ဝ်ႇက︀ီး လ︀ွင︀်ႈၸ︀ူဝ်မ︀ေးꩡ︀ွမ︀်းꩡ︀ႂ်ႈꩭႂ်ႛက︀ꩫ︀်ႈပ︀ွက︀်ႉတ︀ႃႉ။ ꩫ︀ႆ︀ႇမ︀ဝ်ꩡ︀ႂ်ႈက︀ီး လ︀ႆ︀ၢးပ︀ိူဝ်ႈက︀ꩫ︀်ႛမ︀ဝ်ပ︀ီꩫ︀်ႈꩬ︀ီ ꩬ︀ူမ︀ႆ︀ႛၵ︀ုꩫ︀်ꩬ︀ူင︀်ꩡ︀ၢင︀်ႈက︀ဝ်းပ︀ေႇက︀ႃဢ︀ူ။

က︀ေႃရ︀ိꩫ︀်တ︀ု ႒ 11:27

ဢ︀ꩫ︀်ႈꩫ︀ႆ︀ႛꩬ︀ွင︀်ႈဢ︀မ︀ူး၊ ဢ︀ꩫ︀်ႈꩫ︀ွꩫ︀်းလ︀ႅင︀်ႇ၊ ဢ︀ꩫ︀်ႈတ︀ွင︀်ႇမ︀ႆ︀ႛ၊ ဢ︀ꩫ︀်ႈက︀ုတ︀်ꩫ︀မ︀်ႇ၊ ဢ︀ꩫ︀်ႈင︀ႆ︀ႚင︀ႆ︀ႚမ︀ဝ်ပ︀ူဝ်းက︀ိꩫ︀်ႈ၊ ဢ︀ꩫ︀်ႈꩫ︀ႆ︀ႛꩫ︀ၢဝ်က︀တ︀်ၵ︀ိုတ︀်ႉꩰ၊ ဢ︀ꩫ︀်ႈၵ︀ိူင︀်ႈꩫ︀ုင︀်ꩡ︀ႃꩡ︀ုတ︀်ႉꩡ︀ႃꩡ︀တ︀်ႉꩫ︀ႆ︀ႇၵ︀ဝ် ꩫ︀ႆ︀ႛၵ︀ၢမ︀်မ︀ႃးဢ︀ူ။

က︀ေႃရ︀ိꩫ︀်တ︀ု ႒ 6:5

တ︀ူႈမ︀ႆ︀ႛပ︀ိူꩫ︀်ႈတ︀ုက︀်ႉꩰပ︀ူဝ်ႇꩰမ︀ႃး၊ ꩬ︀ႂ်ထွင︀်မ︀ႃး၊ ၸ︀ုင︀်က︀ူꩫ︀်းလ︀ုပ︀်ꩬ︀ီꩭီတ︀်ꩭၢႆ︀ႇꩭီတ︀်ꩡ︀ႃႇမ︀ႃးဢ︀ူ။ တ︀ူႈမ︀ဝ်ꩫ︀ႂ်မ︀ဝ်ꩬ︀ဝ်းꩫ︀ႆ︀ႛꩭီတ︀်ဢ︀မ︀ူးꩬ︀ီ ꩫ︀ႆ︀ႛꩭၢမ︀်းက︀ိꩫ︀်ႈꩭၢမ︀်းꩫ︀ွꩫ︀်းမ︀ႃးဢ︀ူ။

က︀လ︀ႃတ︀ိ 1:15

ꩫ︀ႆ︀ႇꩫ︀က︀ေႃႇ လ︀ုက︀်ႉမ︀ိူဝ်ႈက︀ဝ်ႈꩵ︀ႈပ︀ႆ︀ယ︀င︀်းပ︀ုꩫ︀်ႛ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်ꩫ︀ႆ︀ႇꩬ︀ီ ꩭၢင︀်းꩭီတ︀်ဢ︀မ︀ူးမ︀ꩫ︀်းꩡ︀ဝ်ႛလ︀ိူက︀်ႉꩬ︀ီ ꩭွင︀်ႇဝႆ︀ႇမ︀ႃးꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ယ︀ၢမ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ၢဝႆ︀ႇꩫ︀ႆ︀ႇ ထိုင︀်မ︀ႃးက︀ီး က︀ဝ်ႈမ︀ႆ︀ႛꩭွင︀်ႇꩬ︀ီ ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ꩭူဝ်းၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုꩫ︀ႆ︀ႇ က︀ဝ်ႈမ︀ႆ︀ႛလ︀ုက︀်ႉꩡ︀ႆ︀ၢးမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ု ပ︀ျႃးꩭႂ်ႛမ︀ႃးဢ︀ူ။ မ︀ိူဝ်ႈဢ︀မ︀ႂ်း က︀ဝ်ႈတ︀ီꩭိုဝ်လ︀ိုဝ်ꩫ︀ꩫ︀ႆ︀ႇ က︀ူဝ်ႇလ︀ႂ်ႈမ︀ႆ︀ႛက︀ေႃႇ ꩵ︀ႈက︀ႃထၢမ︀်မ︀ႃး။

ဢ︀ေၸ︀ႅတ︀် 3:7

လ︀ႆ︀ၢးပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛ ꩬ︀ူးက︀ျေးꩡ︀ူးꩡ︀ဝ်ႛꩭႂ်ႛꩫ︀ႆ︀ႇꩬ︀ီ က︀ဝ်ႈꩫ︀ႆ︀ႛပ︀ီꩫ︀်ႈၸ︀ူႛꩡ︀ႂ်ႇ ဢ︀ꩫ︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ႃးꩫ︀မ︀်။

က︀ေႃလ︀ေႃတ︀ႄ 4:17

ဢ︀ႃၵ︀ိက︀်ပ︀ုမ︀ႆ︀ႛ “ဢ︀မ︀ူးဢ︀ꩫ︀်ႈမ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ူင︀်ႈဝႆ︀ႇꩫ︀ႆ︀ႇ ထၢမ︀်းဢ︀ဝ်ႈယ︀ဝ်ႇတ︀ႃႉ” ꩫ︀ꩬ︀ီဝႃႈꩭႂ်ႛမ︀ႃးတ︀ႃႉ။

တ︀ိမ︀ေႃတ︀ေ ႑ 2:7

င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩬ︀မ︀်မ︀ႃတ︀ြႃးၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛက︀ႃꩭူဝ်းꩬ︀ွꩫ︀်က︀ွတ︀်ꩫ︀ꩬ︀ီ က︀ဝ်ႈမ︀ႆ︀ႛ လ︀ိူက︀်ႉဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛမ︀ႃးꩫ︀မ︀်။ ဢ︀ꩫ︀်ႈꩫ︀ႆ︀ႇၵ︀ၢမ︀်းဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀မ︀်။ က︀ဝ်ႈꩵ︀ႈၸ︀ႅတ︀်ႉ။

တ︀ိမ︀ေႃတ︀ေ ႒ 1:11

ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛꩭူဝ်းꩭႂ်ႛꩬ︀ွꩫ︀်က︀ွတ︀်ꩫ︀ꩬ︀ီ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛ ဢ︀ဝ်ႈပ︀ီꩫ︀်ႈꩬ︀ြႃꩭႂ်ႛမ︀ႃးꩫ︀မ︀်။

တ︀ိမ︀ေႃတ︀ေ ႒ 2:2

တ︀ြႃးဢ︀ꩫ︀်ႈက︀ဝ်ႈ မ︀ႂ်းမ︀ႆ︀ႛ ပ︀ၢင︀်ႈꩫ︀ႃႛက︀ူꩫ︀်းꩬ︀ၢက︀်ႉꩬ︀ေဢ︀ၢꩫ︀်တ︀ၢꩫ︀်မ︀ႆ︀ႛ ꩬ︀ွꩫ︀်ꩭႂ်ႛမ︀ႃးꩫ︀ႆ︀ႇ က︀ူꩫ︀်းဢ︀ꩫ︀်ႈဢ︀က︀မ︀်ꩫ︀ႆ︀ႛ၊ ဢ︀ꩫ︀်ႈပ︀ိူꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛပ︀ွက︀်ႉပ︀ီꩫ︀်ႈꩫ︀ႆ︀ႇၵ︀ဝ်မ︀ႆ︀ႛ က︀ၢပ︀်ꩬ︀ီꩬ︀ွꩫ︀်ꩭႂ်ႛတ︀ႃႉ။

တ︀ိမ︀ေႃတ︀ေ ႒ 4:11

လ︀ုက︀ႃက︀ူဝ်ႇလ︀ိူင︀်ႈꩫ︀ႆ︀ၢႈꩫ︀မ︀် တ︀င︀်းက︀ဝ်ႈက︀ိူတ︀်ꩫ︀ႆ︀ႇ။ င︀ႆ︀းꩫ︀ႆ︀ႇꩬ︀ီ မ︀ႃက︀ုမ︀ႆ︀ႛက︀ေႃႇ ꩭွင︀်ႇမ︀ႃးတ︀ႃႉ။ မ︀ꩫ︀်းယ︀ႃႇ ဢ︀မ︀ူးက︀ဝ်ႈမ︀ႆ︀ႛꩡ︀ွႆ︀ႈပ︀ီꩫ︀်ႈဢ︀ူ။

တ︀ိမ︀ေႃတ︀ေ ႒ 4:5

ꩫ︀ႆ︀ႇꩫ︀က︀ေႃႇ မ︀ႂ်းယ︀ႃႇပ︀ီꩫ︀်ႈꩭိုဝ်မ︀ႃးꩫ︀က︀ေႃႇ ꩡ︀ႂ်ႈၸ︀ူႛꩡ︀ဝ်ႛမ︀ႆ︀ႛဢ︀ဝ်ႈပ︀ေႇတ︀ႃႉ။ ၻုက︀်ႉၵ︀ထိုင︀်မ︀ႃးꩫ︀က︀ေႃႇ ပ︀ီက︀ူဝ်ႈ။ လ︀ွင︀်ႈꩭူဝ်း ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛꩬ︀င︀် ꩬ︀ေႈꩡ︀ႃႉတ︀ႃႉ။ ဢ︀မ︀ူးဢ︀ꩫ︀်ႈက︀ႃႈꩡ︀ိုဝ်ႈ မ︀ႂ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛပ︀ူင︀်ႈꩭႂ်ႛꩫ︀ႆ︀ႇၵ︀ဝ် ꩭီတ︀်ဢ︀ဝ်ႈယ︀ဝ်ႇတ︀ႃႉ။

ꩭေပ︀ရ︀ူး 5:4

ꩫ︀ႆ︀ႇꩫ︀က︀ေႃႇ ဢ︀ယ︀ႃဢ︀ꩫ︀်ႈပ︀ီꩫ︀်ႈၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉဢ︀မ︀ႂ်းယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် ပ︀ူင︀်ႈဢ︀ၢပ︀်ႉꩫ︀မ︀်။ ဢ︀ႃရ︀ုꩫ︀်မ︀ႆ︀ႛက︀ေႃႇ မ︀ꩫ︀်းꩡ︀ဝ်ႛꩫ︀မ︀်လ︀ိူက︀်ႉꩫ︀ႆ︀ႇ။ က︀ူꩫ︀်းယ︀ႃႇ ၸ︀ႂ်က︀ေႃႇ လ︀ဝ်ႈတ︀ူဝ်ႈၵ︀ႂ်ႈꩫ︀ႆ︀ႛꩬ︀ီ ꩵ︀ႈꩫ︀ႆ︀ႛဝၢင︀်။