ထဝ်ꩡ︀တ︀်ႉၵ︀ဝ် 13:16 - Khamti Shan

¹⁶ ပ︀ေႃလ︀ုယ︀ႃႇလ︀ုက︀်ႉတ︀ီႈꩫ︀င︀်ႈမ︀ႆ︀ႛလ︀ုက︀်ႉꩬ︀ီ ၵ︀ဝ်မ︀ႆ︀ႛမ︀ိုဝ်းယ︀ူက︀်ႉပ︀ျႃးင︀ႆ︀း “ပ︀ူဝ်မ︀ေပ︀ီႈꩫ︀ွင︀်ႇဢ︀ီတ︀်ꩬ︀ြေးၵ︀ဝ်တ︀မ︀ိူင︀်း၊ ပ︀ူဝ်မ︀ေပ︀ီႈꩫ︀ွင︀်ႇဢ︀ꩫ︀်ႈက︀ျူးမ︀ဝ်ꩡ︀ႂ်ႈဢ︀ꩫ︀်ႈပ︀ႆ︀ၢႛဝႆ︀ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်တ︀မ︀ိူင︀်း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။

ထဝ်ꩡ︀တ︀်ႉၵ︀ဝ် 13:16 ပူးပေါင်းရင်းမြစ်များ

မ︀တ︀်တ︀ႄး 11:15

ထွမ︀်ꩫ︀ီႈꩫ︀ီႈ၊ ၵ︀ႂ်ႈꩡ︀ႂ်ႈꩫ︀ီႈꩫ︀ီႈက︀ꩫ︀်ႈတ︀ႃႉ။

လ︀ုက︀ႃ 1:22

ꩡ︀ႃၵ︀ရ︀ိဢ︀ွက︀်မ︀ႃးက︀ီး မ︀ꩫ︀်းၵ︀ၢမ︀်းတ︀ၢꩫ︀်ႛꩵ︀ႈꩫ︀ႆ︀ႛယ︀ဝ်ႇ။ ꩫ︀ႆ︀ႇမ︀ႆ︀ႛ ၵ︀ဝ်က︀ေႃႇ ꩡ︀ႃၵ︀ရ︀ိက︀ꩫ︀်ႛꩫ︀ႂ်းꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ ၿျႃတ︀ိက︀်ႉꩭꩫ︀်မ︀ႃးယ︀ဝ်ႇꩫ︀ꩬ︀ီ တ︀ွင︀်းက︀ႃဢ︀ူ။ မ︀ꩫ︀်းယ︀ႃႇ ၵ︀ၢမ︀်းမ︀ဝ်တ︀ၢꩫ︀်ႛꩬ︀ီ ၵ︀ဝ်မ︀ႆ︀ႛ ဢ︀ဝ်ႈမ︀ိုဝ်းꩫ︀ႆ︀ၢႈꩬ︀ိုင︀် ꩫ︀ၢပ︀်ႉပ︀ျႃးဢ︀ူ။

လ︀ုက︀ႃ 1:50

မ︀ꩫ︀်းꩡ︀ဝ်ႛယ︀ႃႇ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀မ︀်ႈင︀ဝ်းꩫ︀ႆ︀ႇၵ︀ဝ်မ︀ႆ︀ႛ က︀ူႈꩡ︀ူဝ်ႈလ︀ႆ︀ၢၵ︀ႃး ဢ︀ီꩫ︀ူႈꩭႂ်ႛဢ︀ူ။

လ︀ုက︀ႃ 23:40

က︀ူꩫ︀်းꩭႆ︀ၢႇတ︀ၢင︀်က︀ူဝ်ႇယ︀ႃႇ မ︀ꩫ︀်းမ︀ႆ︀ႛ “ꩭေး၊ မ︀ႂ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်က︀ူဝ်ႈက︀ျႃး။ မ︀ႂ်းၸ︀ူႛꩡ︀ဝ်ႛက︀ေႃႇ ꩫ︀င︀်မ︀ꩫ︀်းꩡ︀ဝ်ႛꩫ︀က︀ꩫ︀်ႈ ꩫ︀ႆ︀ႛၵ︀ၢမ︀်တ︀ၢမ︀်တ︀ႆ︀ၢႈꩬ︀ီက︀ေႃႇ ဝႃႈင︀ႆ︀းꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 10:2

မ︀ꩫ︀်းင︀ႆ︀းက︀ူꩫ︀်းꩭိူꩫ︀်းမ︀ꩫ︀်းၵ︀ဝ်ယ︀ႃႇ ꩡ︀ႂ်ႈၸ︀ြႃးတ︀ြႃးတ︀ီမ︀်ႈꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ူဝ်ႈယ︀မ︀်ႈလ︀ူင︀်ꩫ︀မ︀်။ မ︀ꩫ︀်းယ︀ႃႇ က︀ျူးဢ︀ꩫ︀်ႈၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛꩭႂ်ႛꩭႂ်ႛပ︀ꩫ︀်ႈꩰꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ၢꩫ︀်ꩰယ︀ွꩫ︀်းꩬ︀ူးဢ︀ူ။

ထဝ်ꩡ︀တ︀်ႉၵ︀ဝ် 10:35

မ︀ꩫ︀်းꩡ︀ဝ်ႛယ︀ႃႇ က︀ူꩫ︀်းၸ︀ꩫ︀်းလ︀ႂ်ႈမ︀ဝ်ဝႃႈ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩬ︀ီꩬ︀ိုဝ်ႈꩰꩫ︀ꩫ︀်ႈꩰꩫ︀ႆ︀ႇၵ︀ဝ်မ︀ႆ︀ႛ ꩭၢပ︀်ႉဢ︀ူ။

ထဝ်ꩡ︀တ︀်ႉၵ︀ဝ် 12:17

ပ︀ေတ︀ရ︀ုယ︀ႃႇ ၵ︀ဝ်မ︀ႆ︀ႛꩭႂ်ႛတ︀ီတ︀်ꩡ︀ိပ︀်ႉꩰꩬ︀ီ မ︀ꩫ︀်းမ︀ႆ︀ႛꩡ︀ဝ်ႛထဝရ︀ၸ︀ြႃးလ︀ုက︀်ႉထွင︀်မ︀ႆ︀ႛꩭိုဝ်လ︀ိုဝ်ꩬ︀ီ ၵ︀ေꩬ︀ေမ︀ႃးꩫ︀ꩫ︀ႆ︀ႇ ၵ︀ႆ︀ႈꩭႂ်ႛဢ︀ူ။ ယ︀ဝ်ႇက︀ီး “လ︀ွင︀်ႈꩫ︀ႆ︀ႇယ︀ႃက︀ု ၸ︀ူႛင︀မ︀်းꩡ︀ိူဝ်းင︀ႆ︀း ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛ က︀ႃၵ︀ႆ︀ႈꩭႂ်ႛတ︀ႃႉ” ꩫ︀ယ︀ဝ်ႇက︀ီး မ︀ꩫ︀်းဢ︀ွက︀်က︀ႃတ︀ၢင︀်တ︀ီႈဢ︀ူ။

ထဝ်ꩡ︀တ︀်ႉၵ︀ဝ် 13:26

ပ︀ူဝ်မ︀ေပ︀ီႈꩫ︀ွင︀်ႇဢ︀ီတ︀်ꩬ︀ြေး ဢ︀ꩫ︀်ႈၸ︀ူႛပ︀ီꩫ︀်ႈၵ︀ိူဝ်းဢ︀ႃပ︀ြႃꩭၢမ︀်ꩫ︀ႆ︀ႇၵ︀ဝ်င︀ႆ︀း ပ︀ီႈꩫ︀ွင︀်ႇဢ︀ꩫ︀်ႈက︀ျူးမ︀ဝ်ꩡ︀ႂ်ႈ ၸ︀ူႛက︀ူဝ်ႈယ︀မ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်တ︀င︀်းမ︀ိူင︀်း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ ၵ︀ၢဝ်ႈၵ︀ၢမ︀်းလ︀ွင︀်ႈက︀ေႛၵ︀ျွတ︀်ႉꩫ︀ႆ︀ႇယ︀ႃႇ ꩡ︀ႃႇꩭၢင︀်းꩭဝ်းꩫ︀မ︀် ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛမ︀ႃးꩫ︀ႆ︀ႇ။

ထဝ်ꩡ︀တ︀်ႉၵ︀ဝ် 13:46

ꩫ︀ႆ︀ႇမ︀ႆ︀ႛ ꩬ︀ွင︀်ၵ︀ႃယ︀ႃႇ ꩬ︀ီင︀်ဢ︀ေႈၵ︀ႅꩫ︀်းဢ︀ဝ်ႈꩭႅင︀်းꩬ︀ီ “ဢ︀ꩫ︀်ႈတ︀ေႇတ︀ေႇက︀ီး ꩬ︀ူမ︀ႆ︀ႛꩫ︀မ︀် ၵ︀ၢမ︀်းၸ︀ြႃးဝႃႈꩭူဝ်း ဢ︀ွꩫ︀်ႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ ဢ︀ꩬ︀ၢက︀်ႉထႃဝရ︀ꩫ︀ႆ︀ႇ တ︀င︀်းꩬ︀ူꩵ︀ႈထႅက︀်ႉꩫ︀ꩬ︀ီ ꩬ︀ူၸ︀ူႛꩡ︀ဝ်ႛပ︀ႆ︀ၵ︀ွတ︀်ယ︀ဝ်ႇ။ လ︀ႃႉꩫ︀ႆ︀ႇယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် တ︀ူႈတ︀ီက︀ႃꩭူဝ်းꩫ︀မ︀်။

ထဝ်ꩡ︀တ︀်ႉၵ︀ဝ် 19:33

က︀ျူးꩫ︀ႆ︀ႇၵ︀ဝ်ယ︀ႃႇ ဢ︀ႃလ︀ေꩡ︀ꩫ︀်တ︀ြိယ︀မ︀ႆ︀ႛ က︀ꩫ︀်ႛꩫ︀ႃႛပ︀ူက︀်ႉက︀ူꩫ︀်းမ︀ႆ︀ႛꩭႂ်ႛက︀ႃက︀ီး က︀ူꩫ︀်းဢ︀ꩫ︀်ႈလ︀ုက︀်ႉက︀ꩫ︀်ႛꩫ︀ႂ်းပ︀ူက︀်ႉက︀ူꩫ︀်းꩫ︀ႆ︀ႇၵ︀ဝ်ယ︀ႃႇ မ︀ꩫ︀်းမ︀ႆ︀ႛမ︀တ︀်ႉၸ︀ူႛဢ︀ꩫ︀်ႈဢ︀ဝ်ႈယ︀ုင︀်ႛဢ︀ူ။ ဢ︀ႃလ︀ေꩡ︀ꩫ︀်တ︀ြိယ︀ယ︀ႃႇ ၸ︀ုင︀်က︀ူꩫ︀်းမ︀ႆ︀ႛမ︀ိုဝ်းပ︀ျႃးꩬ︀ီ ꩭႂ်ႛတ︀ီတ︀်ယ︀ဝ်ႇက︀ီး က︀ေႛၵ︀ၢမ︀်းက︀ွတ︀်ꩫ︀ꩬ︀ီ ꩬ︀ေႈꩡ︀ႃႉဢ︀ူ။

ထဝ်ꩡ︀တ︀်ႉၵ︀ဝ် 2:14

ယ︀ဝ်ႇက︀ီးပ︀ေတ︀ရ︀ုယ︀ႃႇ တ︀င︀်းတ︀မ︀ၢꩫ︀်ꩡ︀ဝ်ႛ ꩬ︀ိပ︀်ဢ︀ီတ︀်က︀ူဝ်ႇ ꩭူမ︀်ႈလ︀ုက︀်ႉယ︀ဝ်ႇက︀ီး ꩬ︀ီင︀်ဢ︀ဝ်ႈꩭႅင︀်းꩬ︀ီ “ပ︀ူဝ်မ︀ေပ︀ီꩫ︀ွင︀်ႇယ︀ုတ︀ၵ︀ဝ်၊ က︀ူꩫ︀်းဝီင︀်းယ︀ေရ︀ုꩬ︀လ︀ိမ︀်ၵ︀ဝ်တ︀င︀်းမ︀ိူင︀်း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ လ︀ွင︀်ႈꩫ︀ႆ︀ႇပ︀ီꩫ︀်ႈꩭိုဝ်ꩫ︀ꩫ︀ႆ︀ႇ က︀ဝ်ႈၵ︀ႃႛၵ︀ႆ︀ႈꩭႂ်ႛတ︀ီၵ︀ႃႛက︀ွတ︀်။

ထဝ်ꩡ︀တ︀်ႉၵ︀ဝ် 2:22

ပ︀ူဝ်မ︀ေပ︀ီꩫ︀ွင︀်ႇ ဢ︀ီတ︀်ꩬ︀ြေးၵ︀ဝ်ꩴ︀း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ် ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩭဝ်းမ︀ႆ︀ႛꩭီတ︀်ပ︀ျႃးꩭႂ်ႛမ︀ႃး ယ︀ဝ်ႇ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈဢ︀ူꩫ︀ꩫ︀ႆ︀ႇ ꩡ︀ုꩫ︀်ႈꩫ︀ီႈꩫ︀ီႈ တ︀ီၵ︀ႃႛဢ︀ူ။ လ︀ွင︀်ႈꩫ︀ႆ︀ႇၵ︀ဝ်ယ︀ႃႇ ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛ ပ︀ီꩫ︀်ႈမ︀ႃးꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛက︀ေႃႇ တ︀ွင︀်းꩫ︀ီႈꩫ︀ီႈ တ︀ီၵ︀ႃႛဢ︀ူ။

ထဝ်ꩡ︀တ︀်ႉၵ︀ဝ် 21:40

ꩡ︀ဝ်ႛꩭူဝ်ꩬ︀ိူက︀်ꩫ︀ႆ︀ႇ ဢ︀ၵ︀ၢင︀်းꩭႂ်ႛက︀ီး ပ︀ေႃလ︀ုယ︀ႃႇ ꩭုက︀်က︀လ︀ႆ︀ႈမ︀ႆ︀ႛꩬ︀ဝ်းꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛမ︀ိုဝ်းပ︀ျႃးဢ︀ူ။ က︀ူꩫ︀်းꩫ︀ႆ︀ႇၵ︀ဝ်တ︀ီတ︀်က︀ႃက︀ီး မ︀ꩫ︀်းဢ︀ဝ်ႈၵ︀ၢမ︀်းꩭေပ︀ရ︀ူးဝႃႈꩫ︀ႆ︀ႇ၊

ထဝ်ꩡ︀တ︀်ႉၵ︀ဝ် 22:22

က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ဢ︀ဝ်ႈထိုင︀်ꩫ︀ႆ︀ႇ တ︀ိင︀်ꩬ︀ီထွမ︀်က︀ꩫ︀်ႈယ︀ဝ်ႇက︀ီး “မ︀ꩫ︀်းမ︀ႆ︀ႛ ၵ︀ွတ︀်တ︀ႃႉ။ ဢ︀ဝ်ႈတ︀ၢႆ︀ႈတ︀ႃႉ။ မ︀ꩫ︀်းယ︀ႃႇ ဢ︀ူမ︀ိူင︀်းက︀ၢင︀်ႈꩵ︀ႈထႅက︀်ႉ” ꩫ︀ꩬ︀ီ တ︀င︀်းမ︀ိူင︀်းဢ︀ိဝ်ꩬ︀ႅꩫ︀်က︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 3:12

ပ︀ေတ︀ရ︀ုယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩭꩫ︀်က︀ီး “ဢ︀ီတ︀်ꩬ︀ြေးၵ︀ဝ် ꩭီတ︀်က︀ꩬ︀င︀်ꩫ︀ႆ︀တ︀ူႈမ︀ႆ︀ႛ တ︀ႃႈလ︀ိူက︀်ꩬ︀ီꩫ︀ူႈက︀ꩫ︀်ႈꩫ︀ႆ︀ႇ။ ၵ︀ꩫ︀်တ︀ႂ်းဢ︀ဝ်ႈတ︀ꩫ︀်းၵ︀ူဝ်းတ︀ူႈ၊ ဢ︀ဝ်ႈꩬ︀ိꩫ︀်တ︀ူႈက︀ျႃး မ︀ꩫ︀်းမ︀ႆ︀ႛ ဢ︀ဝ်ႈၸ︀ႆ︀ၢႛပ︀ီꩫ︀်ႈꩫ︀ႆ︀ႇ။ ꩵ︀ႈꩡ︀ႂ်ႈ။ ထွမ︀်က︀ꩫ︀်ႈတ︀ႃႉ။ က︀ဝ်ႈၵ︀ႆ︀ႈက︀ွတ︀်။

ၿျႃၻိက︀်ႉ 2:11

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်ယ︀ႃႇ တ︀ၢင︀်းတ︀ႆ︀ၢႈၵ︀ွꩫ︀်မ︀ႆ︀ႛꩫ︀ႆ︀ႛလ︀ွတ︀်ႉဢ︀ူ” ꩫ︀ဝꩫ︀်ႇ။

ၿျႃၻိက︀်ႉ 2:17

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ ၵ︀ဝ်ႛမ︀ုꩫ︀်းမ︀ၢꩫ︀်ꩫ︀ဢ︀ꩫ︀်ႈဢ︀ဝ်ႈပ︀ႆ︀ၢႈမ︀ႅပ︀်ဝႆ︀ႇꩫ︀ႆ︀ႇ တ︀ီꩭႂ်ႛꩫ︀မ︀်။ ၵ︀ဝ်မ︀ႆ︀ႛ ꩭိꩫ︀်ၸ︀ိူက︀်ဢ︀ꩫ︀်ႈꩡ︀ိုဝ်ႈမ︀ႂ်တ︀ႅမ︀်ႛဝႆ︀ႇ ဢ︀ꩫ︀်ႈၸ︀ႂ်က︀ေႃႇဢ︀ၢꩫ︀်မ︀ဝ်ꩡ︀ၢင︀်ႈꩫ︀ႆ︀ႇ တ︀ီꩭႂ်ႛꩫ︀မ︀်။ ꩡ︀ိုဝ်ႈဢ︀မ︀ႂ်းယ︀ႃႇ ၵ︀ဝ်က︀ူဝ်ႇဢ︀ꩫ︀်ႈꩭိꩫ︀်ဢ︀မ︀ႂ်းꩭၢပ︀်ႉဢ︀ဝ်ႈꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် ဢ︀ၢꩫ︀်ꩡ︀ၢင︀်ႈꩫ︀ႆ︀ႇ” ꩫ︀ဝꩫ︀်ႇ။

ၿျႃၻိက︀်ႉ 2:29

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ” ꩫ︀ဝꩫ︀်ႇ။

ၿျႃၻိက︀်ႉ 2:7

ꩭူယ︀င︀်းက︀ီး ၵ︀ၢမ︀်းဢ︀ꩫ︀်ႈꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဝႃႈꩫ︀ႆ︀ႇ ထွမ︀်က︀ꩫ︀်ႈတ︀ႃႉ။ က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ က︀ဝ်ႈမ︀က︀်ဢ︀ꩬ︀ၢက︀်ႉဢ︀ꩫ︀်ႈꩬ︀ူꩫ︀်ဢ︀ေတ︀ီꩫ︀်မ︀ႆ︀ႛယ︀င︀်းꩫ︀ႆ︀ႇ တ︀ီꩭႂ်ႛꩫ︀ႆ︀ႛက︀ိꩫ︀်ႈꩫ︀မ︀်” ꩫ︀ဝꩫ︀်ႇ။