ထဝ်ꩡ︀တ︀်ႉၵ︀ဝ် 13:10 - Khamti Shan10-11 “ꩭိူဝ်း ၸ︀ူႛလ︀ုက︀်ႉၵ︀ုꩫ︀်ꩬ︀ူင︀် ဢ︀ꩫ︀်ႈၸ︀ႅတ︀်ႉၸ︀ၢင︀်းပ︀ိူꩫ︀်ႈလ︀ေ လ︀ꩫ︀်ꩬ︀ူဢ︀ꩫ︀်ႈၸ︀ႅက︀်ႉတ︀ၢင︀်းꩫ︀ီႈက︀ူႈလ︀ွင︀်ႈꩴ︀း မ︀ႂ်းယ︀ႃႇမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ြႃးၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩬ︀ိုဝ်ႈꩫ︀ꩫ︀်ႈမ︀ႆ︀ႛ ဢ︀ဝ်ႈလ︀ိက︀်ဢ︀ဝ်ႈင︀ွက︀်ဢ︀ူ။ င︀ႆ︀ႚတ︀ေႇတ︀ေႇမ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ုက︀်ႉꩬ︀ီ တ︀ႃႈမ︀ႂ်းတ︀ီမ︀ွတ︀်ꩬ︀ႃး။ တ︀ိူက︀်ႉꩡ︀ူဝ်ႈလ︀ိူင︀်ႈယ︀ႃႇ မ︀ႂ်းက︀ၢင︀်ႈဝꩫ︀်းမ︀ႆ︀ႛ တ︀ီမ︀ဝ်ꩫ︀ႆ︀ႛꩭꩫ︀်ꩬ︀ႃး” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛꩡ︀ဝ်ႛမ︀ူဝ်ၸ︀ီꩫ︀ႆ︀ႇ ၵ︀တ︀်ႉၵ︀ႅင︀်းတ︀ႃႈမ︀ꩫ︀်း ꩫ︀မ︀်ႈꩬ︀ိင︀်တ︀ိက︀်ႉꩰမ︀ႃးꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းမ︀ႆ︀ႛ တ︀ီꩡ︀ုင︀်ႈမ︀ိုဝ်းꩭႂ်ႛမ︀ႆ︀ႛၵ︀ႃလ︀ေဢ︀ူ။ အခန်းကိုကြည့်ပါ။ |
“ꩬ︀ြႃတ︀ြႃးၵ︀ဝ်၊ ၸ︀ႃရ︀ိꩬ︀ႄၵ︀ဝ်ꩴ︀း ꩬ︀ူယ︀ႃႇ က︀ႅမ︀်ႛꩫ︀ႃႛလ︀ူင︀်ꩫ︀မ︀်။ ꩡ︀ႃႇꩭၢင︀်းꩬ︀ူယ︀ႃႇ ၵ︀ိူင︀်ႈꩫ︀ီႈက︀ူဝ်ႈလ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူယ︀ႃႇ ပ︀ိူꩫ︀်ႈꩬ︀ၢင︀်တ︀ီၵ︀ဝ်ႛမ︀ိူင︀်းက︀ၢင︀်ႈꩭၢဝ်ꩫ︀ႆ︀ႇမ︀ႆ︀ႛ တ︀ၢင︀်းပ︀တ︀ူႈꩭၢပ︀်ၵ︀ွတ︀်ဢ︀ူ။ ꩬ︀ူၸ︀ူႛꩡ︀ဝ်ႛက︀ေႃႇမ︀ဝ်ၵ︀ဝ်ႛ၊ ပ︀ိူꩫ︀်ႈဢ︀ꩫ︀်ႈၵ︀ႂ်ႈၵ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ူꩵ︀ႈꩭႂ်ႛၵ︀ဝ်ႛ။
ပ︀ူဝ်ꩬ︀ူယ︀ႃႇ ၵ︀ုꩫ︀်ꩬ︀ူင︀်ꩬ︀ႃး။ င︀ႆ︀းꩬ︀ီꩬ︀ႃး ꩬ︀ူၵ︀ႂ်ႈꩡ︀ွမ︀်းဢ︀လ︀ၢင︀်းမ︀ꩫ︀်းꩫ︀ႆ︀ႇ။ ၵ︀ုꩫ︀်ꩬ︀ူင︀်ꩫ︀ႆ︀ႇ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ၸ︀ူႛဢ︀ဝ်ႈတ︀ႆ︀ၢႈက︀ူꩫ︀်းꩬ︀ႃး။ မ︀ꩫ︀်းယ︀ႃႇ ꩬ︀မ︀်မ︀ႃတ︀ြႃးမ︀ဝ်ꩭွꩫ︀်ဝႃႈꩫ︀ႆ︀ႇꩬ︀ီ မ︀ိူဝ်ႈလ︀ႂ်ႈက︀ေႃႇꩵ︀ႈꩬ︀ိုဝ်ႈတ︀ူဝ်။ မ︀ꩫ︀်းယ︀ႃႇ ၸ︀ႅတ︀်ႉလ︀ူင︀်ꩬ︀ႃး။ ꩫ︀င︀်မ︀ꩫ︀်းꩡ︀ဝ်ႛၸ︀ႅတ︀်ႉꩬ︀ီဢ︀ူꩫ︀က︀ꩫ︀်ႈ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ွꩫ︀်ꩭႂ်ႛၸ︀ႅတ︀်ႉꩬ︀ီဢ︀ူꩬ︀ႃး။