ထဝ်ꩡ︀တ︀်ႉၵ︀ဝ် 11:26 - Khamti Shan26 ꩬ︀ေႃလ︀ုမ︀ႆ︀ႛꩭꩫ︀်က︀ီး ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛꩭွင︀်ႇမ︀ႃးဢ︀ူ။ ꩬ︀ွင︀်ၵ︀ႃယ︀ႃႇ ၸ︀ႃႇတ︀င︀်းပ︀ီႈတ︀င︀်း ꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်ꩭꩫ︀်က︀ꩫ︀်ႈꩬ︀ီ က︀ူꩫ︀်းဢ︀ၢꩫ︀်တ︀ၢꩫ︀်မ︀ႆ︀ႛ ꩬ︀ွꩫ︀်တ︀ြႃးꩭႂ်ႛဢ︀ူ။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ရ︀ီတ︀်ယ︀ၢꩫ︀်ꩫ︀ꩬ︀ီ ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚ က︀ူဝ်ꩭွင︀်ႇမ︀ႃးဢ︀ူ။ အခန်းကိုကြည့်ပါ။ |
ထဝ်ꩡ︀တ︀်ႉၵ︀ဝ် 11:26
34 ပူးပေါင်းရင်းမြစ်များ
ဝီင︀်းဢ︀ꩫ︀်တ︀ိဢ︀ုက︀်မ︀ႆ︀ႛထိုင︀်က︀ီး ꩬ︀ွင︀်ၵ︀ႃယ︀ႃႇက︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛꩭွင︀်ႇတ︀ုမ︀်ႈꩬ︀ီ ဢ︀မ︀ူးဢ︀ꩫ︀်ႈၵ︀ဝ်ꩭီတ︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ꩡ︀ွႆ︀ႈမ︀ႃးꩫ︀ꩫ︀ႆ︀ႇၵ︀ဝ်င︀ႆ︀း ꩭႂ်ႛပ︀ူဝ်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် ယ︀ုမ︀်ယ︀မ︀်ႈမ︀ႃးꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ပ︀ုတ︀်တ︀ၢင︀်းꩭႂ်ႛမ︀ႃးꩫ︀ꩫ︀ႆ︀ႇၵ︀ဝ် ၵ︀ႆ︀ႈꩭႂ်ႛဢ︀ူ။
ဢ︀ႃပ︀ေႃလ︀ု မ︀ိူင︀်းဢ︀ႃၵ︀ႃယ︀မ︀ႆ︀ႛၵ︀ႂ်ႈက︀ႃꩫ︀ႆ︀ႇꩬ︀ီ ၸ︀ူႛယ︀ုမ︀်ယ︀မ︀်ႈဝီင︀်းဢ︀ေၸ︀ႅတ︀်ꩫ︀ႆ︀ႇၵ︀ဝ်ယ︀ႃႇ ꩭႂ်ႛပ︀ူဝ်းမ︀ꩫ︀်းမ︀ႆ︀ႛ ၸ︀ူႛယ︀ုမ︀်ယ︀မ︀်ႈမ︀ိူင︀်းဢ︀ႃၵ︀ႃယ︀ꩫ︀ႆ︀ႇၵ︀ဝ်ꩭၢပ︀်ႉꩫ︀ႆ︀ႇ ၵ︀ဝ်မ︀ႆ︀ႛ လ︀ိက︀်ႉက︀ၢပ︀်က︀ၢႆ︀ꩡ︀ႃႇမ︀ꩫ︀်း တ︀ႅမ︀်ႛꩭႂ်ႛဢ︀ူ။ မ︀ိူင︀်းဢ︀ႃၵ︀ႃယ︀မ︀ႆ︀ႛ မ︀ꩫ︀်းထိုင︀်က︀ႃက︀ီး က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭီတ︀်က︀ျေးꩡ︀ူးꩬ︀ီ ယ︀ုမ︀်ယ︀မ︀်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ ဢ︀ၢꩫ︀်တ︀ၢꩫ︀်ꩡ︀ွႆ︀ႈꩭႂ်ႛဢ︀ူ။
ꩫ︀ႆ︀ႇꩫ︀က︀ေႃႇ က︀ူꩫ︀်းက︀မ︀်ႈၸ︀ွင︀်းယ︀ႃႇ ꩡ︀ႂ်ႈတ︀ꩫ︀်ႈꩬ︀ီ ဢ︀ꩫ︀်ႈၵ︀ႂ်ႈꩭူႇၵ︀ႂ်ႈတ︀ွင︀်းꩵ︀ႈယ︀င︀်း။ ၵ︀ဝ်ယ︀ႃႇ က︀ꩫ︀်ႛꩫ︀ႃႛက︀ူꩫ︀်းမ︀ႆ︀ႛ လ︀ွင︀်ႈꩡ︀ဝ်ႛယ︀ေꩬ︀ု တ︀ၢꩫ︀်ႛꩬ︀ယ︀ုက︀်ႉက︀ꩫ︀်ႈဢ︀ူ။ င︀ႆ︀းꩬ︀ီပ︀ေႃလ︀ုယ︀ႃႇ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉဢ︀မ︀ႂ်းမ︀ႆ︀ႛꩭွင︀်ႇက︀ႃꩬ︀ီ ꩭွင︀်ႛꩬ︀ွꩫ︀်လ︀ိက︀်ႉတ︀ုရ︀ꩫ︀်ꩫ︀ုမ︀ႆ︀ႛ က︀ူႈမ︀ိုဝ်ႇက︀ူႈဝꩫ︀်း ꩭီတ︀်ပ︀ၢင︀်ႈက︀ုမ︀်ႈတ︀ြႃးဢ︀ူ။
ဝူင︀်ႈလ︀ိူင︀်ႈꩭိုင︀်က︀ီး ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩫ︀မ︀်မ︀ႃးဢ︀ူ။ မ︀ိူဝ်ႈဢ︀မ︀ႂ်းက︀ျူး ဢ︀ꩫ︀်ႈတ︀ၢꩫ︀်ႛၵ︀ၢမ︀်းက︀ရ︀ိက︀်ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈတ︀ၢꩫ︀်ႛၵ︀ၢမ︀်းꩭေပ︀ရ︀ူးꩫ︀ႆ︀ႇၵ︀ဝ် ꩥ︀ၢင︀်ႇၵ︀ၢမ︀်းက︀ꩫ︀်ႈဢ︀ူ။ က︀ုမ︀်ႛဢ︀ꩫ︀်ႈတ︀ၢꩫ︀်ႛၵ︀ၢမ︀်းက︀ရ︀ိက︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈက︀ိꩫ︀်ႈဢ︀ꩫ︀်ႈတ︀ိုဝ်း ဢ︀ꩫ︀်ႈက︀ူႈမ︀ိုဝ်ႇပ︀ꩫ︀်ႈꩭႂ်ႛꩫ︀ႆ︀ႇ မ︀ေႈမ︀ႆ︀ၢႛၵ︀ဝ်ꩵ︀ႈꩫ︀ႆ︀ႛꩫ︀ꩬ︀ီ တ︀ၢင︀်က︀ုမ︀်ႛမ︀ႆ︀ႛ တ︀ၢင︀်ဢ︀ပ︀ႅတ︀်ႉက︀ꩫ︀်ႈဢ︀ူ။
ၵ︀ၢမ︀်းꩫ︀ႆ︀ႇမ︀ႆ︀ႛ ၸ︀ူႛယ︀ုမ︀်ယ︀မ︀်ႈၵ︀ဝ်တ︀င︀်းမ︀ိူင︀်း ထုက︀်ꩡ︀ႂ်ႈက︀ꩫ︀်ႈဢ︀ူ။ င︀ႆ︀းꩬ︀ီၵ︀ဝ်ယ︀ႃႇ ꩬ︀တ︀ေၸ︀ꩫ︀် ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩭႅင︀်းꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈꩫ︀ႆ︀ႇင︀ႆ︀း ၸ︀ိလ︀ိပ︀်၊ ပ︀ျေႃၵ︀ေႃ၊ ꩫ︀ိက︀ꩫ︀ေႃ၊ တ︀ိမ︀ုꩫ︀်၊ ပ︀ႃမ︀ေꩫ︀င︀ႆ︀း ꩫ︀ိက︀ေႃလ︀ က︀ူꩫ︀်းဝီင︀်းဢ︀ꩫ︀်တ︀ိဢ︀ုက︀် ဢ︀ꩫ︀်ႈက︀ျူးမ︀ဝ်ꩡ︀ႂ်ႈ ဢ︀ꩫ︀်ႈၵ︀ဝ်ႛၸ︀ႃꩬ︀ႃက︀ျူးꩫ︀ႆ︀ႇၵ︀ဝ်မ︀ႆ︀ႛလ︀ိူက︀်ႉဢ︀ူ။
င︀ႆ︀းꩬ︀ီꩫ︀မ︀် တ︀ိမ︀ေႃတ︀ေမ︀ႆ︀ႛ က︀ဝ်ႈꩬ︀ူမ︀ႆ︀ႛပ︀ွႆ︀ꩡ︀ႂ်ႇမ︀ႃးꩫ︀ႆ︀ႇ။ မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်း ဢ︀ꩫ︀်ႈက︀ဝ်ႈꩫ︀င︀်လ︀ုက︀်ႉၸ︀ူႛꩡ︀ဝ်ႛꩫ︀က︀ꩫ︀်ႈ ꩭၢက︀်ႉꩫ︀ႆ︀ႇꩫ︀မ︀်။ မ︀ꩫ︀်းထိုင︀်မ︀ႃးက︀ီး ꩬ︀ူမ︀ႆ︀ႛတ︀ၢင︀်းက︀ႅင︀်း ဢ︀ꩫ︀်ႈက︀ဝ်ႈၸ︀ူႛꩡ︀ဝ်ႛက︀ေႃႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ူꩬ︀ီ က︀မ︀်ႈက︀ႅင︀်းꩬ︀ီဢ︀ူင︀ႆ︀း ဢ︀ꩫ︀်ႈက︀ဝ်ႈꩡ︀ိူဝ်းက︀ူႈဢ︀ꩫ︀်ႈမ︀ႆ︀ႛ ꩬ︀ွꩫ︀်ꩭႂ်ႛꩬ︀ီဢ︀ူꩫ︀ႆ︀ႇၵ︀ဝ် ꩭႂ်ႛပ︀ူဝ်းꩬ︀ူမ︀တ︀်ႉꩫ︀ႆ︀ႇ တ︀ီၵ︀ႆ︀ႈပ︀ျႃးꩭႂ်ႛꩫ︀မ︀်။
ꩫ︀ႆ︀ႇꩫ︀က︀ေႃႇ ꩬ︀ူမ︀ႆ︀ႛꩡ︀ဝ်ႛၵ︀ရ︀ီတ︀် ၵ︀ွꩫ︀်မ︀ꩫ︀်းꩡ︀ဝ်ႛ ꩬ︀ႂ်ꩭႂ်ႛꩫ︀ႆ︀ႇꩬ︀ီ က︀ႃႈꩫ︀င︀်ၵ︀ွꩫ︀်မ︀ꩫ︀်းꩡ︀ဝ်ႛ က︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းꩫ︀ႆ︀ႇယ︀ႃႇ ꩬ︀ူမ︀ႆ︀ႛၸ︀ႂ်က︀ေႃႇ ꩵ︀ႈဝႃႈꩬ︀ွꩫ︀်ꩭႂ်ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်မ︀ꩫ︀်းꩡ︀ဝ်ႛယ︀ႃႇ ꩬ︀ူမ︀ႆ︀ႛက︀ူႈꩡ︀ွင︀်ႈက︀ူႈလ︀ွင︀်ႈꩬ︀ွꩫ︀်ꩭႂ်ႛꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ွꩫ︀်ꩭႂ်ႛꩫ︀ႆ︀ႇက︀ေႃႇ ꩬ︀ိုဝ်ႈꩡ︀ႂ်ႈဢ︀ူ။ ဢ︀ꩫ︀်ႈၸ︀ိတ︀်ꩵ︀ႈလ︀ွေႛ။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ွꩫ︀်ꩭႂ်ႛမ︀ႆ︀ႛ ထွမ︀်ꩡ︀ွမ︀်းꩬ︀ီ က︀ꩫ︀်ႛꩫ︀ႂ်းꩡ︀ဝ်ႛၵ︀ရ︀ီတ︀်မ︀ႆ︀ႛဢ︀ူက︀ꩫ︀်ႈတ︀ႃႉ။
ꩭႂ်ႛပ︀ူဝ်းမ︀ႂ်းမ︀ီးတ︀ꩫ︀်းꩫ︀ႆ︀ႇ ၵ︀မ︀်းဢ︀ꩫ︀်ႈဢ︀ဝ်ႈၸ︀ႆ︀းꩡ︀ွတ︀်ႉဝႆ︀ႇꩫ︀ႆ︀ႇ လ︀ုက︀်ႉက︀ဝ်ႈမ︀ႆ︀ႛꩬ︀ိုဝ်ႇတ︀ႃႉ။ ဢ︀ꩫ︀်ႈမ︀ႂ်းပ︀ီꩫ︀်ႈလ︀ပ︀ုတ︀်ꩬ︀ီ ၵ︀ိူင︀်ႈꩫ︀ီႈဢ︀ႆ︀ၢႈꩫ︀ႆ︀ႇမ︀ႆ︀ႛက︀ေႃႇ ꩭႂ်ႛပ︀ူဝ်းꩭူမ︀်ႛꩡ︀ႃꩫ︀ႆ︀ႇ ၵ︀ိူင︀်ႈၵ︀ၢဝ်မ︀ႃးꩬ︀ိုဝ်ႇꩬ︀ီꩫ︀ုင︀်ႈတ︀ႃႉ။ ꩭႂ်ႛပ︀ူဝ်းမ︀ႂ်းတ︀ႃႈꩭꩫ︀်ꩫ︀ႆ︀ႇက︀ေႃႇ ယ︀ႃႛတ︀ႃႈꩡ︀ီပ︀်ꩭႆ︀ၢ မ︀ႃးꩬ︀ိုဝ်ႇꩬ︀ီꩬ︀ႂ်တ︀ႃႉ။
ကြော်ငြာတွေ