ထဝ်ꩡ︀တ︀်ႉၵ︀ဝ် 10:38 - Khamti Shan

³⁸ ꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ွꩫ︀်မ︀ꩫ︀်းꩡ︀ဝ်ႛꩫ︀ၵ︀ႃ တ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛဢ︀ၢပ︀်ႉꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ိင︀်းလ︀ွေႛꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛက︀ူႈတ︀ီႈမ︀ႆ︀ႛပ︀ꩫ︀်လ︀ေင︀ႆ︀း က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛꩭီတ︀်က︀ျေးꩡ︀ူးꩭႂ်ႛမ︀ႃးယ︀ဝ်ႇ။ က︀ူꩫ︀်းဢ︀ꩫ︀်ႈၵ︀ုꩫ︀်ꩬ︀ူင︀်ꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀ꩫ︀်းꩡ︀ဝ်ႛဢ︀ဝ်ႈꩫ︀ီႈꩭႂ်ႛမ︀ႃးယ︀ဝ်ႇ။

ထဝ်ꩡ︀တ︀်ႉၵ︀ဝ် 10:38 ပူးပေါင်းရင်းမြစ်များ

မ︀တ︀်တ︀ႄး 12:15

လ︀ွင︀်ႈဢ︀ꩫ︀်ႈၸ︀ႃရ︀ိꩬ︀ႄꩫ︀ႆ︀ႇၵ︀ဝ်က︀ႅမ︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုတ︀ွင︀်းက︀ီး လ︀ုက︀်ႉဢ︀မ︀ႂ်းမ︀ႆ︀ႛဢ︀ွက︀်က︀ႃဢ︀ူ။ ၸ︀ုင︀်က︀ူꩫ︀်းꩫ︀ႆ︀ႇၵ︀ဝ်က︀ေႃႇ က︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛ ꩡ︀ွမ︀်းက︀ႃက︀ꩫ︀်ႈꩬ︀ီ ၸ︀ူႛၵ︀ႆ︀ႛတ︀င︀်းမ︀ိူင︀်းမ︀ႆ︀ႛ မ︀ꩫ︀်းꩡ︀ဝ်ႛဢ︀ဝ်ႈꩫ︀ီႈꩭႂ်ႛဢ︀ူ။

မ︀တ︀်တ︀ႄး 12:28

က︀ဝ်ႈမ︀ႆ︀ႛတ︀ꩫ︀်းၵ︀ူဝ်းဢ︀ꩫ︀်ႈꩭူဝ်ႛၸ︀ီꩭၢႆ︀ႇꩭႂ်ႛꩫ︀ႆ︀ႇ ပ︀ေလ︀ꩡ︀ေပ︀ုလ︀ꩵ︀ႈꩡ︀ႂ်ႈ။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ င︀ႆ︀းꩫ︀ႆ︀ႇꩬ︀ီ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇ င︀ႆ︀ႚတ︀ႆ︀ၢႛꩬ︀ူမ︀ႆ︀ႛမ︀ႃးယ︀ဝ်ႇꩫ︀ꩫ︀ႆ︀ႇ တ︀ွင︀်းက︀ꩫ︀်ႈတ︀ႃႉ။

မ︀တ︀်တ︀ႄး 9:19

ꩡ︀ဝ်ႛယ︀ေꩬ︀ုက︀ေႃႇ လ︀ုက︀်ႉꩬ︀ီတ︀င︀်းမ︀ꩫ︀်းꩡ︀ွမ︀်းက︀ႃဢ︀ူ။ တ︀ပ︀ေးꩡ︀ဝ်ႛၵ︀ဝ်က︀ေႃႇ ꩡ︀ွမ︀်းလ︀ွေႛက︀ႃဢ︀ူ။

မ︀တ︀်တ︀ႄး 9:35

ꩡ︀ဝ်ႛယ︀ေꩬ︀ု မ︀ၢꩫ︀်ႛ၊ ဝီင︀်းတ︀င︀်းမ︀ိူင︀်းမ︀ႆ︀ႛ ပ︀ꩫ︀်လ︀ေꩬ︀ီ ꩡ︀ွင︀်းꩬ︀ွꩫ︀်တ︀ြႃးꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛꩭူဝ်းꩰꩬ︀ွꩫ︀်ꩰဢ︀ူ။ ၸ︀ူႛၵ︀ႆ︀ႛၸ︀ူႛꩡ︀ီပ︀်က︀ူႈၸ︀ꩫ︀်းမ︀ႆ︀ႛက︀ေႃႇ ဢ︀ဝ်ႈꩫ︀ီႈꩭႂ်ႛဢ︀ူ။

မ︀ႃက︀ု 6:6

က︀ူꩫ︀်းꩫ︀ႆ︀ႇၵ︀ဝ် မ︀ဝ်ယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛဢ︀ၢမ︀်းဢ︀ူ။ ဝၢႆ︀ႈဢ︀မ︀ႂ်း ꩡ︀ဝ်ႛယ︀ေꩬ︀ု မ︀ၢꩫ︀်ႛဢ︀ꩫ︀်ႈက︀ႂ်ႛꩫ︀ႆ︀ႇၵ︀ဝ်မ︀ႆ︀ႛ က︀ႃꩬ︀ီ ꩬ︀ွꩫ︀်တ︀ြႃးꩭႂ်ႛဢ︀ူ။

လ︀ုက︀ႃ 3:22

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩫ︀င︀်ꩭၢင︀်ႈꩫ︀ူက︀်ႉတ︀ူႛꩫ︀က︀ꩫ︀်ႈ က︀ꩫ︀်ႛꩫ︀ိူဝ်ꩡ︀ဝ်ႛယ︀ေꩬ︀ုမ︀ႆ︀ႛ လ︀ူင︀်းမ︀ႃးဢ︀ူ။ လ︀ုက︀်ႉက︀ၢင︀်ႈꩭၢဝ်မ︀ႆ︀ႛက︀ေႃႇ “မ︀ႂ်းယ︀ႃႇ လ︀ုက︀်ႉꩭၢက︀်ႉက︀ဝ်ႈ ဢ︀ꩫ︀်ႈက︀ဝ်ႈမ︀ႃးꩡ︀ႂ်ႈလ︀ူင︀်ꩫ︀မ︀်” ꩫ︀ꩬ︀ီꩬ︀ီင︀်တ︀ၢꩫ︀်ႛဢ︀ွက︀်မ︀ႃးဢ︀ူ။

လ︀ုက︀ႃ 4:18

“ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ က︀ꩫ︀်ႛꩫ︀ိူဝ်က︀ဝ်ႈမ︀ႆ︀ႛ ၵ︀ိင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛ က︀ဝ်ႈမ︀ႆ︀ႛ ꩭၢင︀်းက︀ူꩫ︀်းၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ၵ︀ႆ︀ႈၵ︀ၢဝ်ႈၵ︀ၢမ︀်းꩫ︀ီႈ လ︀ိူက︀်ႉဝႆ︀ႇယ︀ဝ်ႇ။ မ︀ꩫ︀်းꩡ︀ဝ်ႛ က︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩫ︀ႆ︀ႇယ︀ႃႇ ꩭၢင︀်းက︀ူꩫ︀်းထွင︀်ꩫ︀ႆ︀ႇၵ︀ဝ်မ︀ႆ︀ႛ တ︀ႅဝ်တ︀ၢင︀်းလ︀ွတ︀်ႉဢ︀ွက︀်ꩭႂ်ႛ၊ ꩭၢင︀်းဢ︀ꩫ︀်ႈတ︀ႃႈမ︀ွတ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩭꩫ︀်ꩭႂ်ႛ၊ ꩭၢင︀်းဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛင︀ႆ︀း

လ︀ုက︀ႃ 9:42

မ︀ိူဝ်ႈꩡ︀ႆ︀ၢးဢ︀ွꩫ︀်ဢ︀မ︀ႂ်းမ︀ႆ︀ႛ ၵ︀ဝ်ဢ︀ဝ်ႈမ︀ႃးꩫ︀ႆ︀ႇ ၸ︀ီꩭၢႆ︀ႇꩫ︀ႆ︀ႇ မ︀ꩫ︀်းမ︀ႆ︀ႛဢ︀ဝ်ႈလ︀ူမ︀်ႇꩬ︀ီ ဢ︀ဝ်ႈꩫ︀ၢင︀်ႛဢ︀ဝ်ႈတ︀ိတ︀်ႉဢ︀ူ။ ꩡ︀ဝ်ႛယ︀ေꩬ︀ုက︀ေႃႇ ၸ︀ီꩭၢႆ︀ႇမ︀ႆ︀ႛ ꩬ︀ုင︀်းမ︀ႃးꩭႂ်ႛꩬ︀ီ ꩡ︀ႆ︀ၢးဢ︀ွꩫ︀်ဢ︀မ︀ႂ်းမ︀ႆ︀ႛ ဢ︀ဝ်ႈဢ︀ူꩫ︀ီႈꩭႂ်ႛင︀ႆ︀း ၸ︀ူႛပ︀ူဝ်ႈမ︀ႆ︀ႛဢ︀ၢပ︀်ႉꩭႂ်ႛဢ︀ူ။

လ︀ုက︀ႃ 9:56

င︀ႆ︀းꩬ︀ီ ၵ︀ဝ်ꩡ︀ဝ်ႛ တ︀ၢင︀်မ︀ၢꩫ︀်ႛမ︀ႆ︀ႛဢ︀ွက︀်က︀ႃဢ︀ူ။

ယ︀ေႃးꩭၢꩫ︀် 10:32

ꩡ︀ဝ်ႛယ︀ေꩬ︀ုယ︀ႃႇ “ပ︀ူဝ်က︀ဝ်ႈꩡ︀ႂ်ႇꩬ︀ီ လ︀ွင︀်ႈꩫ︀ီႈꩫ︀ႆ︀ႇၵ︀ဝ် က︀ဝ်ႈꩭီတ︀်မ︀ႃးယ︀ဝ်ႇ။ ꩫ︀ႂ်းဢ︀မ︀ႂ်းၵ︀ဝ်မ︀ႆ︀ႛ လ︀ႆ︀ၢးပ︀ိူဝ်ႈလ︀ွင︀်ႈဢ︀လ︀ႂ်ႈꩫ︀ႆ︀ ꩬ︀ူက︀ဝ်ႈမ︀ႆ︀ႛ ꩭိꩫ︀်ၵ︀ႂ်ႈꩬ︀ိင︀်းꩫ︀ႆ︀ႇ” ꩫ︀ဝꩫ︀်ႇ။

ယ︀ေႃးꩭၢꩫ︀် 16:32

မ︀ဝ်ꩭိုင︀်က︀ꩬ︀င︀် ꩬ︀ူတ︀င︀်းမ︀ိူင︀်း က︀ဝ်ႈၸ︀ူႛꩡ︀ဝ်ႛမ︀ႆ︀ႛꩫ︀ႆ︀ၢႈ ၵ︀ွတ︀်ဝႆ︀ႇꩬ︀ီ တ︀ီၸ︀ူင︀်ႇပ︀ႆ︀ၢႈမ︀ိူဝ်းꩭိူꩫ︀်းၸ︀ႂ်ꩭိူꩫ︀်းမ︀ꩫ︀်းက︀ꩫ︀်ႈယ︀ဝ်ႇ။ ꩫ︀ႆ︀ႇꩫ︀က︀ေႃႇ က︀ဝ်ႈယ︀ႃႇက︀ဝ်ႈၸ︀ူႛꩡ︀ဝ်ႛꩫ︀ႆ︀ၢႈꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်က︀ဝ်ႈယ︀ႃႇ တ︀င︀်းက︀ဝ်ႈၵ︀ိင︀်းလ︀ွေႛꩬ︀ီဢ︀ူꩫ︀မ︀်။

ယ︀ေႃးꩭၢꩫ︀် 3:2

မ︀ꩫ︀်းယ︀ႃႇ ၵ︀မ︀်ႈလ︀ိူင︀်ႈ ꩡ︀ဝ်ႛယ︀ေꩬ︀ုမ︀ႆ︀ႛ မ︀ႃးꩬ︀ီ “ꩬ︀ြႃꩴ︀း မ︀ႂ်းꩡ︀ဝ်ႛယ︀ႃႇ ꩬ︀ြႃဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇ တ︀ူႈၵ︀ႃႛတ︀င︀်းမ︀ိူင︀်းတ︀ွင︀်းတ︀ီၵ︀ႃႛဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးꩫ︀ိမ︀ိက︀်ႉ ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်း ဢ︀ꩫ︀်ႈမ︀ႂ်းꩡ︀ဝ်ႛꩭီတ︀်ꩫ︀ႆ︀ႇၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ဝ်လ︀ွေႛက︀ီး ၸ︀ႂ်က︀ေႃႇꩭီတ︀်ꩵ︀ႈꩫ︀ႆ︀ႛတ︀ီၵ︀ႃႛ” ꩫ︀ဝꩫ︀်ႇ။

ယ︀ေႃးꩭၢꩫ︀် 3:34

ꩡ︀ဝ်ႛဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇယ︀ႃႇ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ပ︀ုတ︀်ၵ︀ႆ︀ႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ွꩫ︀်မ︀ꩫ︀်းꩡ︀ဝ်ႛတ︀င︀်းမ︀ိူင︀်း ပ︀ူင︀်ႈꩭႂ်ႛꩬ︀ီꩫ︀မ︀်။

ယ︀ေႃးꩭၢꩫ︀် 6:27

ꩬ︀ူ ꩡ︀ႃႇၵ︀ဝ်ႛဢ︀ꩫ︀်ႈꩫ︀ဝ်ႈꩫ︀ွက︀်ꩡ︀ၢင︀်ႈꩫ︀ႆ︀ႇ ပ︀ီꩭီတ︀်၊ ꩡ︀ႃႇၵ︀ဝ်ႛဢ︀ꩫ︀်ႈꩭႂ်ႛဢ︀ꩬ︀ၢက︀်ႉထႃဝရ︀ꩫ︀ႆ︀ႇꩬ︀ိုင︀် ꩭီတ︀်က︀ꩫ︀်ႈတ︀ႃႉ။ ၵ︀ဝ်ႛဢ︀မ︀ႂ်းယ︀ႃႇ ဢ︀ꩫ︀်ႈꩬ︀ူမ︀ႆ︀ႛ က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းတ︀ီꩭႂ်ႛꩫ︀ႆ︀ႇꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉက︀ူꩫ︀်းမ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇ ꩭၢင︀်းꩭီတ︀်လ︀ွင︀်ႈꩫ︀ႆ︀ႇꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 10:37

က︀ꩫ︀်ႛလ︀င︀်ꩬ︀ြႃယ︀ေႃးꩭၢꩫ︀် ꩭူဝ်းတ︀ြႃးလ︀ွင︀်ႈမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ႆ︀ႇ ဢ︀ꩫ︀်ႈတ︀ိူင︀်းက︀ႃလ︀ိလ︀ႄးꩫ︀ၵ︀ႃ တ︀ိူင︀်းယ︀ုတ︀တ︀င︀်းမ︀ိူင︀်းမ︀ႆ︀ႛ ပ︀ီꩫ︀်ႈက︀ႃꩫ︀ႆ︀ႇၵ︀ဝ်တ︀င︀်းမ︀ိူင︀်းꩬ︀ူတ︀ွင︀်းဢ︀ူ။

ထဝ်ꩡ︀တ︀်ႉၵ︀ဝ် 2:22

ပ︀ူဝ်မ︀ေပ︀ီꩫ︀ွင︀်ႇ ဢ︀ီတ︀်ꩬ︀ြေးၵ︀ဝ်ꩴ︀း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ် ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩭဝ်းမ︀ႆ︀ႛꩭီတ︀်ပ︀ျႃးꩭႂ်ႛမ︀ႃး ယ︀ဝ်ႇ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈဢ︀ူꩫ︀ꩫ︀ႆ︀ႇ ꩡ︀ုꩫ︀်ႈꩫ︀ီႈꩫ︀ီႈ တ︀ီၵ︀ႃႛဢ︀ူ။ လ︀ွင︀်ႈꩫ︀ႆ︀ႇၵ︀ဝ်ယ︀ႃႇ ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛ ပ︀ီꩫ︀်ႈမ︀ႃးꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛက︀ေႃႇ တ︀ွင︀်းꩫ︀ီႈꩫ︀ီႈ တ︀ီၵ︀ႃႛဢ︀ူ။

ꩭေပ︀ရ︀ူး 1:9

ၵ︀ိင︀်းတ︀ူဝ်ꩡ︀ဝ်ႛယ︀ႃႇ ဢ︀ꩫ︀်ႈꩬ︀ိုဝ်ႈတ︀ူဝ်မ︀ႆ︀ႛ ထုက︀်ꩡ︀ႂ်ႈꩬ︀ီ ဢ︀ꩫ︀်ႈမ︀ဝ်တ︀ြႃးမ︀ႆ︀ႛꩡ︀င︀်းဢ︀ူ။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ၊ ၸ︀ြႃးၵ︀ိင︀်းတ︀ူဝ်ꩡ︀ဝ်ႛယ︀ႃႇ ၵ︀ိင︀်းတ︀ူဝ်ꩡ︀ဝ်ႛမ︀ႆ︀ႛ လ︀ိူက︀်ႉဝႆ︀ႇင︀ႆ︀း က︀ꩫ︀်ႛꩫ︀ိူဝ်ၸ︀ူႛလ︀ွမ︀်ႇလ︀ၢမ︀်ၵ︀ိင︀်းတ︀ူဝ်ꩡ︀ဝ်ႛ တ︀င︀်းမ︀ိူင︀်းမ︀ႆ︀ႛ ယ︀ွင︀်ႛꩭႂ်ႛꩬ︀ီ ဢ︀ဝ်ႈꩡ︀ူမ︀်းꩭုမ︀်ꩬ︀ႃꩭႂ်ႛဢ︀ူ” ꩫ︀ဝꩫ︀်ႇ။

ပ︀ေတ︀ရ︀ု ႑ 5:8

ၵ︀ႅတ︀်ꩰꩫ︀ီမ︀်ꩰꩬ︀ီဢ︀ူက︀ꩫ︀်ႈတ︀ႃႉ။ လ︀ꩫ︀်ꩬ︀ူꩬ︀ူ ၵ︀ုꩫ︀်ꩬ︀ူင︀်မ︀ႆ︀ႛ ꩬ︀တ︀ိက︀ꩫ︀်ႈတ︀ႃႉ။ မ︀ꩫ︀်းယ︀ႃႇ ꩫ︀င︀်ၵ︀ၢင︀်ꩬ︀ီႛꩬ︀ႅꩫ︀်ဢ︀ူꩫ︀က︀ꩫ︀်ႈ ၸ︀ႂ်မ︀ႆ︀ႛတ︀ီက︀ၢပ︀်ႉက︀ိꩫ︀်ႈꩫ︀ꩫ︀ႆ︀ႇ ပ︀ꩫ︀်ၵ︀ႃꩬ︀ီဢ︀ူꩫ︀မ︀်။

ယ︀ေႃးꩭၢꩫ︀် ႑ 2:20

ꩫ︀ႆ︀ႇꩫ︀က︀ေႃႇ ꩬ︀ူယ︀ႃႇင︀ႆ︀းꩵ︀ႈꩡ︀ႂ်ႈ။ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ လ︀ူဝ်ꩬ︀ႂ်ꩭႂ်ႛမ︀ႃးꩫ︀ႆ︀ႇꩬ︀ီ ꩬ︀ူတ︀င︀်းမ︀ိူင︀်း ꩬ︀မ︀်မ︀ႃတ︀ြႃးမ︀ႆ︀ႛတ︀ွင︀်းက︀ꩫ︀်ႈယ︀ဝ်ႇ။

ယ︀ေႃးꩭၢꩫ︀် ႑ 3:8

က︀ူဝ်ႇဢ︀ꩫ︀်ႈက︀ၢပ︀်ꩭီတ︀်ဢ︀ပ︀ႅတ︀်ႉꩫ︀ႆ︀ႇယ︀ႃႇ က︀ူꩫ︀်းၵ︀ုꩫ︀်ꩬ︀ူင︀်ꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ုꩫ︀်ꩬ︀ူင︀်ယ︀ႃႇ ဢ︀ꩫ︀်ႈလ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ꩭီတ︀်ဢ︀ပ︀ႅတ︀်ႉမ︀ႃးꩫ︀မ︀်။ လ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛ က︀ျွႃးမ︀ႃးꩫ︀ႆ︀ႇယ︀ႃႇ မ︀ႃးယ︀ႃႇဢ︀မ︀ူးၵ︀ုꩫ︀်ꩬ︀ူင︀်ꩫ︀မ︀်။