ထဝ်ꩡ︀တ︀်ႉၵ︀ဝ် 1:1 - Khamti Shan

^1-2 ꩡ︀ဝ်ႛတ︀ေႃၸ︀ိလ︀ုꩴ︀း ပ︀ၢပ︀်ႉဢ︀ꩫ︀်ႈက︀ဝ်ႈ ꩭႃပ︀ထမ︀တ︀ႅမ︀်ႛမ︀ႃးမ︀ႆ︀ႛ ဢ︀ꩫ︀်ႈꩡ︀ဝ်ႛယ︀ေꩬ︀ုꩭီတ︀်မ︀ႃး ꩬ︀ွꩫ︀်မ︀ႃးꩫ︀ႆ︀ႇၵ︀ဝ် လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ဢ︀ဝ်ႈထိုင︀်ဝꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈၵ︀ိုꩫ︀်ႛက︀ႃက︀ၢင︀်ႈꩭၢဝ်ꩫ︀ႆ︀ႇ တ︀င︀်းမ︀ိူင︀်းတ︀ႅမ︀်ႛဝႆ︀ႇဢ︀ူ။ ꩡ︀ဝ်ႛယ︀ေꩬ︀ုယ︀ႃႇ မ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩵ︀ႈပ︀ႆ︀ဢ︀ဝ်ႈၵ︀ိုꩫ︀်ႛက︀ႃက︀ၢင︀်ႈꩭၢဝ်ꩫ︀ႆ︀ႇ တ︀မ︀ၢꩫ︀်ꩡ︀ဝ်ႛ ဢ︀ꩫ︀်ႈမ︀ꩫ︀်းꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀င︀်ဝႆ︀ႇမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 1:1 ပူးပေါင်းရင်းမြစ်များ

မ︀တ︀်တ︀ႄး 11:5

ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ် တ︀ႃႈꩭꩫ︀်က︀ꩫ︀်ႈယ︀ဝ်ႇ။ က︀ူꩫ︀်းဢ︀ꩫ︀်ႈတ︀ိꩫ︀်ႈတ︀ႆ︀ၢႈꩫ︀ႆ︀ႇၵ︀ဝ်က︀ေႃႇ ၸ︀ႆ︀ၢႛက︀ꩫ︀်ႈယ︀ဝ်ႇ။ ၸ︀ူႛပ︀ီꩫ︀်ႈတ︀ုတ︀်ႉꩫ︀ႆ︀ႇၵ︀ဝ်က︀ေႃႇ ꩫ︀ီႈꩬ︀ူဝ်းꩰက︀ꩫ︀်ႈယ︀ဝ်ႇ။ ၸ︀ူႛꩭူꩫ︀ႂ်ꩫ︀ႆ︀ႇၵ︀ဝ်က︀ေႃႇ ꩭူꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။ ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်က︀ေႃႇ ꩫ︀ိပ︀်မ︀ႃးက︀ꩫ︀်ႈယ︀ဝ်ႇ။ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်က︀ေႃႇ ၵ︀ၢဝ်ႈၵ︀ၢမ︀်းꩫ︀ီႈ ꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။

လ︀ုက︀ႃ 1:24

ဝႆ︀ၢးဢ︀မ︀ႂ်း ၸ︀ူႛမ︀ေးမ︀ꩫ︀်းဢ︀ေလ︀ိꩡ︀ပ︀ႅတ︀် ပ︀ီꩫ︀်ႈမ︀ဝ်တ︀ူဝ်ႈꩫ︀ႆ︀ၢႈမ︀ႃးꩬ︀ီ ꩭႃႛꩫ︀ိူꩫ︀်ႈတ︀ၢင︀်ႈꩰ မ︀ူက︀်ꩭိူꩫ︀်းꩬ︀ီဢ︀ူဢ︀ူ။

လ︀ုက︀ႃ 1:3

င︀ႆ︀းꩫ︀ႆ︀ႇꩬ︀ီ က︀ဝ်ႈက︀ေႃႇ လ︀ွင︀်ႈꩫ︀ႆ︀ႇတ︀င︀်းမ︀ိူင︀်း လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ꩬ︀ွꩫ︀်ႛၵ︀ႃꩫ︀ီႈꩫ︀ီႈမ︀ႃးꩫ︀ႆ︀ႇꩬ︀ီ ꩫ︀င︀်ဢ︀ꩫ︀်ႈပ︀ီꩫ︀်ႈမ︀ႃးတ︀ေႇတ︀ေႇꩫ︀ႆ︀ႇꩫ︀က︀ꩫ︀်ႈ ꩡ︀ႃႇမ︀ႂ်းꩡ︀ဝ်ႛ တ︀ႅမ︀်ႛꩫ︀ီႈꩫ︀ီႈꩭႂ်ႛက︀ွတ︀်ꩫ︀ꩬ︀ီ ꩬ︀ၢင︀်ဢ︀ူ။

လ︀ုက︀ႃ 14:22

ၸ︀ူႛꩡ︀ႂ်ႇယ︀ႃႇ “ꩡ︀ဝ်ႛꩴ︀း တ︀င︀်းမ︀ိူင︀်းꩭွင︀်ႇမ︀ႃးတ︀ီၵ︀ႃႛယ︀ဝ်ႇꩰ။ ꩫ︀ႆ︀ႇꩫ︀က︀ေႃႇ တ︀ီႈꩫ︀င︀်ႈက︀ိူတ︀်ဢ︀ိက︀်တ︀ီၵ︀ႃႛဢ︀ူ” ꩫ︀ဝꩫ︀်ႇ။

လ︀ုက︀ႃ 24:19

မ︀ꩫ︀်းꩡ︀ဝ်ႛယ︀ႃႇ “လ︀ွင︀်ႈက︀ꩬ︀င︀်က︀ꩬ︀င︀်ꩫ︀ႆ︀” ꩫ︀က︀ီး ꩬ︀ွင︀်ၵ︀ႃက︀ေႃႇ “လ︀ွင︀်ႈꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်ꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ပ︀ရ︀ေႃးၸ︀ႅတ︀်ႉ ဢ︀ꩫ︀်ႈလ︀ွင︀်ႈတ︀ၢꩫ︀်ႛလ︀ွင︀်ႈꩭီတ︀်က︀ူႈလ︀ွင︀်ႈမ︀ႆ︀ႛ တ︀ꩫ︀်းၵ︀ူဝ်းယ︀ႂ်လ︀ူင︀်၊ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛ မ︀ႆ︀ႛတ︀မ︀ိူင︀်း ပ︀ၢင︀်ႈꩫ︀ႃႛက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ꩫ︀ႆ︀ႛꩫ︀ႃႛလ︀ူင︀်ꩫ︀ႆ︀ႇꩫ︀မ︀်။

လ︀ုက︀ႃ 3:23

မ︀ိူဝ်ႈꩡ︀ဝ်ႛယ︀ေꩬ︀ု က︀ူဝ်ꩭီတ︀်ꩬ︀ႃꩬ︀ꩫ︀ႃမ︀ꩫ︀်းꩡ︀ဝ်ႛꩫ︀ႆ︀ႇ ဢ︀ꩬ︀ၢက︀်ႉၵ︀ꩫ︀်ꩬ︀ၢမ︀်ꩬ︀ိပ︀်ပ︀ီႈယ︀င︀်းယ︀ဝ်ႇ။ တ︀ိူက︀်ႉဢ︀ꩫ︀်ႈက︀ူꩫ︀်းꩫ︀ႆ︀ႇၵ︀ဝ်တ︀ွင︀်းꩫ︀ႆ︀ႇယ︀ႃႇ ၸ︀ူႛပ︀ူဝ်ႈꩡ︀ဝ်ႛယ︀ေꩬ︀ုယ︀ႃႇ ယ︀ေႃတ︀ၢတ︀်ꩫ︀မ︀်။ လ︀ုက︀်ႉယ︀ေႃတ︀ၢတ︀်မ︀ႆ︀ႛ က︀ၢပ︀်ꩬ︀ီ ꩬ︀ႆ︀ၢပ︀ူလ︀ီꩫ︀်ယ︀ႃႈမ︀ွꩫ︀် ꩡ︀ဝ်ႛယ︀ေꩬ︀ုၵ︀ဝ်မ︀ႆ︀ႛ တ︀ႆ︀ၵ︀ိုꩫ︀်ႛက︀ႃက︀ီး ꩡ︀ိုဝ်ႈၵ︀ဝ်ယ︀ႃႇ ဢ︀ေလ︀ိ၊

ထဝ်ꩡ︀တ︀်ႉၵ︀ဝ် 2:22

ပ︀ူဝ်မ︀ေပ︀ီꩫ︀ွင︀်ႇ ဢ︀ီတ︀်ꩬ︀ြေးၵ︀ဝ်ꩴ︀း ထွမ︀်က︀ꩫ︀်ႈတ︀ီၵ︀ႃႛမ︀ႃးတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉꩡ︀ဝ်ႛယ︀ေꩬ︀ု က︀ူꩫ︀်းဝီင︀်းꩫ︀ႃꩡ︀ရ︀ႅတ︀်မ︀ႆ︀ႛ လ︀ႆ︀ၢးꩫ︀ိမ︀ိက︀်ႉꩫ︀ႆ︀ႇၵ︀ဝ် ဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် ꩭဝ်းမ︀ႆ︀ႛꩭီတ︀်ပ︀ျႃးꩭႂ်ႛမ︀ႃး ယ︀ဝ်ႇ။ က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ တ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈဢ︀ူꩫ︀ꩫ︀ႆ︀ႇ ꩡ︀ုꩫ︀်ႈꩫ︀ီႈꩫ︀ီႈ တ︀ီၵ︀ႃႛဢ︀ူ။ လ︀ွင︀်ႈꩫ︀ႆ︀ႇၵ︀ဝ်ယ︀ႃႇ ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛ ပ︀ီꩫ︀်ႈမ︀ႃးꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛက︀ေႃႇ တ︀ွင︀်းꩫ︀ီႈꩫ︀ီႈ တ︀ီၵ︀ႃႛဢ︀ူ။