ယ︀ေႃးꩭၢꩫ︀် ႓ 1:5 - Khamti Shan

⁵ က︀ူဝ်ႇꩬ︀ေႛꩴ︀း မ︀ႂ်းꩡ︀ဝ်ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩬ︀ႅတ︀်ႉꩡ︀ႃယ︀င︀်းꩬ︀ီ ၸ︀ူႛယ︀ုမ︀်ယ︀မ︀်ႈ ဢ︀ꩫ︀်ႈပ︀ꩫ︀်ꩬ︀ီꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇၵ︀ဝ်မ︀ႆ︀ႛ ဢ︀ၢꩫ︀်တ︀ၢꩫ︀်ꩡ︀ွႆ︀ႈမ︀ႃးယ︀ဝ်ႇ။ က︀ူဝ်ႇဢ︀ꩫ︀်ႈမ︀ႂ်းမ︀ဝ်တ︀ွင︀်းꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်းက︀ေႃႇ ꩡ︀ွႆ︀ႈလ︀ူင︀်မ︀ႃးယ︀ဝ်ႇ။

ယ︀ေႃးꩭၢꩫ︀် ႓ 1:5 ပူးပေါင်းရင်းမြစ်များ

မ︀တ︀်တ︀ႄး 24:45

ၸ︀ူႛꩡ︀ႂ်ႇဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းꩬ︀ီ ပ︀ိင︀်ꩥ︀ႃယ︀င︀်း ꩫ︀ꩫ︀ႆ︀ႇ ꩫ︀င︀်ꩭိုဝ်ꩫ︀ႆ︀။ က︀ူဝ်ႇဢ︀မ︀ႂ်းယ︀ႃႇ က︀ူဝ်ႇဢ︀ꩫ︀်ႈꩡ︀ဝ်ႛမ︀ꩫ︀်း ယ︀ုမ︀်ꩬ︀ီꩬ︀ူဝ်းꩭိူꩫ︀်းဢ︀ၢပ︀်ႉဝႆ︀ႇင︀ႆ︀း ၸ︀ူႛꩡ︀ႂ်ႇတ︀ၢင︀်က︀ူဝ်ႇꩫ︀ႆ︀ႇၵ︀ဝ်တ︀ွင︀်ႇမ︀ႆ︀ႛမ︀ႃးက︀ီး ဢ︀ꩫ︀်ႈက︀ိꩫ︀်ႈပ︀ꩫ︀်ႈꩭႂ်ႛꩫ︀ႆ︀ႇꩫ︀မ︀်။

မ︀တ︀်တ︀ႄး 25:16

က︀ူဝ်ႇဢ︀ꩫ︀်ႈၵ︀မ︀်းꩭႃႛꩡ︀ွႆ︀ႇꩫ︀ႆ︀ႛꩭၢပ︀်ႉꩫ︀ႆ︀ႇ ဢ︀ဝ်ႈၵ︀မ︀်းဢ︀မ︀ႂ်း က︀ꩡ︀ူးက︀ႃက︀ႃႇꩬ︀ီ ၵ︀မ︀်းꩭႃႛꩡ︀ွႆ︀ႇဢ︀ဝ်ႈꩫ︀ႆ︀ႛဢ︀ိက︀်မ︀ႃးဢ︀ူ။

လ︀ုက︀ႃ 12:42

ꩡ︀ဝ်ႛယ︀ေꩬ︀ုယ︀ႃႇ “ၸ︀ူႛꩡ︀ႂ်ႇ ဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်းꩬ︀ီ ပ︀ိင︀်ꩥ︀ႃယ︀င︀်း ꩫ︀ꩫ︀ႆ︀ႇယ︀ႃႇ င︀ႆ︀းꩫ︀မ︀်။ က︀ူꩫ︀်းက︀ူဝ်ႇလ︀ိူင︀်ႈ ၸ︀ူႛꩫ︀မ︀်းꩫ︀ႂ်းမ︀ꩫ︀်းက︀ူဝ်ႇလ︀ိူင︀်ႈမ︀ႆ︀ႛ ၵ︀ူဝ်းလ︀ိင︀်းꩫ︀ႆ︀ႇၵ︀ဝ်ဢ︀ၢပ︀်ႉဝႆ︀ႇꩬ︀ီ ၸ︀ူႛꩡ︀ႂ်ႇဢ︀မ︀ႂ်း မ︀ိူဝ်ႈယ︀ၢမ︀်းထိုင︀်ꩫ︀ႆ︀ႇ ၸ︀ူႛꩡ︀ႂ်ႇတ︀ၢင︀်က︀ူဝ်ႇꩫ︀ႆ︀ႇၵ︀ဝ်မ︀ႆ︀ႛ ဢ︀ꩫ︀်ႈက︀ိꩫ︀်ႈꩭႂ်ႛꩬ︀ီ မ︀ိုင︀်ႇပ︀ွင︀်ႈလ︀ီင︀်ႇဢ︀ွႆ︀ဢ︀ူꩫ︀က︀တ︀ႃႉ။

ထဝ်ꩡ︀တ︀်ႉၵ︀ဝ် 1:15

ꩬ︀ွင︀်ꩬ︀ၢမ︀်ဝꩫ︀်းꩭိုင︀်က︀ီး ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ၵ︀ꩫ︀်ပ︀ၢက︀်ꩬ︀ၢဝ်းက︀ူဝ်ႇလ︀ိူင︀်ႈ တ︀ုမ︀်ႈက︀ꩫ︀်ႈꩬ︀ီ ꩭီတ︀်ပ︀ၢင︀်ႈက︀ုမ︀်ႈဢ︀ူ။ မ︀ိူဝ်ႈဢ︀မ︀ႂ်း ပ︀ေတ︀ရ︀ုလ︀ုက︀်ႉꩬ︀ီ

ရ︀ေႃမ︀ 12:13

ၵ︀ရ︀ီတ︀်ယ︀ၢꩫ︀်ဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ူဝ်းလ︀ိင︀်းꩬ︀ူပ︀ꩫ︀်ႈꩭႂ်ႛက︀ꩫ︀်ႈတ︀ႃႉ။ ꩭိူꩫ︀်းꩬ︀ူမ︀ႆ︀ႛ ပ︀ီႈꩫ︀ွင︀်ႇထိုင︀်မ︀ႃးက︀ီး က︀ွင︀်ꩰဝႆ︀ၢꩰꩭၢပ︀်ႉတ︀ွꩫ︀်ႛက︀ꩫ︀်ႈတ︀ႃႉ။

က︀လ︀ႃတ︀ိ 6:10

င︀ႆ︀းꩫ︀ႆ︀ႇꩬ︀ီ က︀ႃႈꩫ︀င︀်တ︀ၢင︀်းတ︀ူဝ်ꩫ︀ႆ︀ႇ က︀ူႈက︀ူဝ်ႇမ︀ႆ︀ႛ ꩭီတ︀်လ︀ွင︀်ႈꩫ︀ီႈꩭႂ်ႛတ︀ႃႉ။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ေႈၵ︀ႅꩫ︀်းꩭီတ︀်ꩭႂ်ႛတ︀ႃႉ။

က︀ေႃလ︀ေႃတ︀ႄ 3:17

ꩬ︀ူယ︀ႃႇ ပ︀ီꩫ︀်ႈၸ︀ူႛတ︀ၢင︀်ႈတ︀ူဝ်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩭီတ︀်က︀ꩬ︀င︀်၊ ဝႃႈက︀ꩬ︀င︀်ꩫ︀က︀ေႃႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ꩭီတ︀်တ︀ႃႉ။ လ︀ၢႆ︀းပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

ꩭေပ︀ရ︀ူး 13:2

ပ︀ီႈꩫ︀ွင︀်ႇဢ︀ꩫ︀်ႈမ︀ႃးꩭိူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭီတ︀်ဢ︀ၵ︀ႅက︀်ႉꩬ︀ီ ꩭၢပ︀်ႉꩫ︀ီႈꩫ︀ီႈ မ︀ိုင︀်ႇꩫ︀ီႈꩫ︀ီႈက︀ꩫ︀်ႈတ︀ႃႉ။ က︀ူꩫ︀်းက︀မ︀်ႈၸ︀ွင︀်းယ︀ႃႇ လ︀ွင︀်ႈမ︀ိုင︀်ႇပ︀ီႈꩫ︀ွင︀်ႇမ︀ႆ︀ႛꩭီတ︀်ဢ︀ၵ︀ႅက︀်ႉꩫ︀ႆ︀ႇꩬ︀ီ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း မ︀ဝ်ထိူပ︀်မ︀ဝ်တ︀ႂ်း ꩫ︀ႆ︀ႛမ︀ိုင︀်ႇမ︀ႃးယ︀ဝ်ႇ။

ယ︀ေႃးꩭၢꩫ︀် ႓ 1:10

င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈမ︀ႃးꩫ︀ႆ︀ႇ ဢ︀ꩫ︀်ႈမ︀ꩫ︀်းꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီက︀ုꩥ︀်ႇဢ︀ွက︀်ꩭႂ်ႛꩫ︀မ︀်။ ဢ︀ꩫ︀်ႈမ︀ꩫ︀်းတ︀ူႈမ︀ႆ︀ႛ က︀ေးလ︀ေးꩫ︀ႆ︀ႇၵ︀ဝ် ဢ︀ꩫ︀်ႈမ︀ꩫ︀်းၸ︀ႅတ︀်ႉꩫ︀ႆ︀ႇၵ︀ဝ်က︀ေႃႇ တ︀ီယ︀ႃးပ︀ွက︀်ႉꩫ︀မ︀်။ ဢ︀ꩫ︀်ႈမ︀ꩫ︀်းမ︀ဝ်ꩫ︀ီႈမ︀ႃးꩫ︀ႆ︀ႇယ︀ႃႇ ၵ︀ႆ︀ႇလ︀ိူင︀်ႈꩫ︀ႆ︀ၢႈꩵ︀ႈက︀ႃး။ မ︀ꩫ︀်းယ︀ႃႇ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႃးꩫ︀က︀ေႃႇ မ︀ဝ်ꩭၢပ︀်ႉတ︀ွꩫ︀်ႛ။ က︀ူဝ်ႇဢ︀ꩫ︀်ႈၵ︀ႂ်ႈꩭၢပ︀်ႉတ︀ွꩫ︀်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩡ︀တ︀်ꩬ︀ီ လ︀ုက︀်ႉꩡ︀ိူဝ်းꩡ︀ဝ်ႛမ︀ႆ︀ႛ ꩭူဝ်ႛဢ︀ွက︀်ၵ︀ွတ︀်င︀ႆ︀းꩫ︀မ︀်။

ယ︀ေႃးꩭၢꩫ︀် ႓ 1:3

လ︀ွင︀်ႈဢ︀ꩫ︀်ႈမ︀ႂ်းꩡ︀ဝ်ႛ ꩡ︀ွမ︀်းꩬ︀မ︀်မ︀ႃတ︀ြႃးꩬ︀ီဢ︀ူꩫ︀ႆ︀ႇ ပ︀ီႈꩫ︀ွင︀်ႇꩭဝ်းꩫ︀ႆ︀ႇၵ︀ဝ် က︀ဝ်ႈမ︀ႆ︀ႛမ︀ႃးၵ︀ႆ︀ႈꩬ︀ီ က︀ဝ်ႈꩡ︀ူမ︀်းꩭုမ︀်လ︀ူင︀်ꩫ︀မ︀်။