တ︀ႅတ︀်ꩬ︀ႃလ︀ေႃꩫ︀ိက︀် ႒ 3:6 - Khamti Shan

⁶ ပ︀ီႈꩫ︀ွင︀်ႇၵ︀ဝ်ꩴ︀း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ꩬ︀ူမ︀ႆ︀ႛပ︀ꩫ︀်ႈꩬ︀တ︀ိက︀ွတ︀်။ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈၵ︀ၢꩫ︀်ႇ ဢ︀ꩫ︀်ႈတ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်တ︀ူႈꩬ︀ွꩫ︀်ꩬ︀င︀်ꩫ︀က︀ꩫ︀်ႈ မ︀ဝ်ꩡ︀ွမ︀်းက︀ႅင︀်းꩫ︀ႆ︀ႇၵ︀ဝ်မ︀ႆ︀ႛပ︀ီလ︀ွေႛ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:6 ပူးပေါင်းရင်းမြစ်များ

မ︀တ︀်တ︀ႄး 18:17

ꩬ︀င︀်ဝႃႈမ︀ꩫ︀်းမ︀ဝ်ꩬ︀ၢင︀်ဝွေက︀ီး လ︀ွင︀်ႈဢ︀ꩫ︀်ႈမ︀ꩫ︀်းၸ︀ိတ︀်မ︀ႃးꩫ︀ႆ︀ႇ ꩡ︀ိူဝ်းမ︀ႆ︀ႛၵ︀ႆ︀ႈꩭႂ်ႛတ︀ႃႉ။ င︀ႆ︀းꩬ︀ီက︀ေႃႇ မ︀ꩫ︀်းမ︀ဝ်ꩬ︀ၢင︀်ဝွေက︀ီး မ︀ꩫ︀်းမ︀ႆ︀ႛꩫ︀င︀်က︀ူꩫ︀်းက︀ꩫ︀်ႛꩫ︀ွက︀်ႉꩡ︀ိူဝ်းꩫ︀က︀ꩫ︀်ႈ ꩫ︀ႆ︀ႇမ︀ဝ်ꩡ︀ႂ်ႈက︀ီး ꩫ︀င︀်ၸ︀ူႛမ︀ၢပ︀်ႉလ︀ုပ︀်ႉꩫ︀က︀ꩫ︀်ႈမ︀တ︀်ႉၵ︀ွတ︀်တ︀ႃႉ။

ရ︀ေႃမ︀ 16:17

ပ︀ီႈꩫ︀ွင︀်ႇၵ︀ဝ်ꩴ︀း က︀ူꩫ︀်းဢ︀ꩫ︀်ႈ ꩬ︀မ︀်မ︀ႃတ︀ြႃးဢ︀ꩫ︀်ႈꩬ︀ူꩭၢပ︀်ႉဢ︀ဝ်ႈဝႆ︀ႇမ︀ႆ︀ႛ ꩬ︀ၢꩫ︀်တ︀ၢꩫ︀်းꩬ︀ီ ꩬ︀ူမ︀ႆ︀ႛ ဢ︀ဝ်ႈက︀ၢက︀်ႉꩡ︀ႂ်ႈက︀ꩫ︀်ႈ၊ ဢ︀ဝ်ႈပ︀ႅက︀်တ︀ၢင︀်းယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ႅတ︀်ꩬ︀ီင︀ိူင︀်ႇက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 11:2

ꩬ︀ူက︀ဝ်ႈမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ွက︀်ꩡ︀ႂ်ႈင︀ႆ︀း ထုင︀်းၸ︀ိင︀်ႛဢ︀ꩫ︀်ႈက︀ဝ်ႈꩫ︀ေꩭႂ်ႛꩫ︀ႆ︀ႇၵ︀ဝ်မ︀ႆ︀ႛ ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛက︀ဝ်ႈယ︀ူဝ်းယ︀ွင︀်ႛဢ︀ူ။

က︀ေႃရ︀ိꩫ︀်တ︀ု ႑ 5:4

တ︀ီႈဢ︀ꩫ︀်ႈꩬ︀ူတ︀ုမ︀်ႈက︀ꩫ︀်ႈမ︀ႆ︀ႛ ꩡ︀ႂ်ႈက︀ဝ်ႈက︀ေႃႇ ဢ︀ဝ်ႈၸ︀ုင︀်းတ︀ꩫ︀်းၵ︀ူဝ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ထိုင︀်ဢ︀ူꩫ︀မ︀်။

က︀ေႃရ︀ိꩫ︀်တ︀ု ႑ 5:9

လ︀ိက︀်ႉဢ︀ꩫ︀်ႈက︀ဝ်ႈတ︀ႅမ︀်ႛမ︀ႃးမ︀ႆ︀ႛ ꩬ︀ူတ︀င︀်းက︀ူꩫ︀်းဢ︀ꩫ︀်ႈၸ︀ိတ︀်ပ︀ိူင︀်ႈက︀ႃမ︀ꩫ︀ႆ︀ႇၵ︀ဝ် ပ︀ီလ︀ွေႛက︀ꩫ︀်ႈꩫ︀ꩬ︀ီ က︀ဝ်ႈဝႃႈမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 2:10

က︀ူဝ်ႇဢ︀ꩫ︀်ႈꩬ︀ူပ︀ွႆ︀ဢ︀ပ︀ႅတ︀်ႉꩭႂ်ႛမ︀ႆ︀ႛ က︀ဝ်ႈက︀ေႃႇ ပ︀ွႆ︀ꩭႂ်ႛဢ︀ူ။ လ︀ွင︀်ႈဢ︀ွꩫ︀်လ︀ွင︀်ႈဢ︀ႅꩫ︀် ဢ︀ꩫ︀်ႈက︀ႃႈꩡ︀ိုဝ်ႈ က︀ဝ်ႈပ︀ွႆ︀ꩭႂ်ႛမ︀ႃးꩫ︀ႆ︀ႇယ︀ႃႇ ပ︀ၢင︀်ႈꩫ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩡ︀ႃႇဢ︀က︀ိဝ်းꩬ︀ူ ပ︀ွႆ︀ꩭႂ်ႛꩫ︀မ︀်။

ဢ︀ေၸ︀ႅတ︀် 4:17

င︀ႆ︀းꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ၵ︀ၢင︀်းꩭႂ်ႛꩬ︀ီ က︀ဝ်ႈဝႃႈက︀ွတ︀်။ ꩬ︀ူယ︀ႃႇ ꩫ︀င︀်ဢ︀ꩫ︀်ႈက︀ျူးမ︀ဝ်ꩡ︀ႂ်ႈ ဢ︀ꩫ︀်ႈက︀ꩬ︀င︀်မ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛꩫ︀ႆ︀ၢႈꩬ︀င︀် ၵ︀ႂ်ႈꩡ︀ႂ်ႈဢ︀ူꩫ︀ႆ︀ႇၵ︀ဝ်ꩫ︀က︀ꩫ︀်ႈ ပ︀ီဢ︀ူက︀ꩫ︀်ႈယ︀ဝ်ႇ။

က︀ေႃလ︀ေႃတ︀ႄ 3:17

ꩬ︀ူယ︀ႃႇ ပ︀ီꩫ︀်ႈၸ︀ူႛတ︀ၢင︀်ႈတ︀ူဝ်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩭီတ︀်က︀ꩬ︀င︀်၊ ဝႃႈက︀ꩬ︀င︀်ꩫ︀က︀ေႃႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ꩭီတ︀်တ︀ႃႉ။ လ︀ၢႆ︀းပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:1

ပ︀ီႈꩫ︀ွင︀်ႇၵ︀ဝ်ꩴ︀း ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ ꩭိုဝ်လ︀ိုဝ်ဝႃႈဢ︀ူꩫ︀ꩫ︀ႆ︀ႇ ꩬ︀ူမ︀ႆ︀ႛတ︀ူႈꩬ︀ွꩫ︀်ꩭႂ်ႛမ︀ႃးယ︀ဝ်ႇ။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ꩬ︀ူက︀ေႃႇ ꩡ︀ွမ︀်းက︀ႅင︀်းမ︀ႃးယ︀ဝ်ႇ။ ၵ︀ႆ︀ႇမ︀ဝ်က︀ႃး က︀ၢပ︀်ꩬ︀ီꩬ︀ေႈꩡ︀ႃႉက︀ႃတ︀ႃႉꩫ︀ꩬ︀ီ ꩬ︀ူမ︀ႆ︀ႛဢ︀ဝ်ႈဢ︀ၵ︀ၢင︀်းꩡ︀ဝ်ႛယ︀ေꩬ︀ု တ︀ိက︀်ꩬ︀ူꩫ︀်းꩭႂ်ႛဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:11

ꩫ︀င︀်မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ တ︀ူႈꩬ︀ွꩫ︀်ꩬ︀င︀်ဝႆ︀ႇꩫ︀င︀်က︀ꩫ︀်ႈ ꩭီတ︀်ဢ︀ၵ︀ႅက︀်ႉꩬ︀ီ ꩬ︀ေႈꩡ︀ႃႉက︀ꩫ︀်ႈတ︀ႃႉ။ ပ︀ိူꩫ︀်ႈမ︀ႆ︀ႛ မ︀ဝ်ယ︀ုင︀်ႛꩬ︀ီ ဢ︀ူꩫ︀ီႈꩫ︀ီႈ က︀ꩫ︀်ႈတ︀ႃႉ။ တ︀ွင︀်ႇၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ လ︀ီင︀်ႇက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:14

ၸ︀ူႛၵ︀ၢꩫ︀်ႇꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိꩭႂ်ႛတ︀ႃႉ။ က︀ူꩫ︀်းဢ︀ꩫ︀်ႈက︀ူဝ်ႈꩭႆ︀ၢႇꩫ︀ႆ︀ႇၵ︀ဝ်မ︀ႆ︀ႛ ထႅမ︀်ꩭႅင︀်းꩭႂ်ႛတ︀ႃႉ။ ဢ︀ꩫ︀်ႈꩭႅင︀်းꩡ︀ႂ်ႈꩭႅင︀်းၵ︀ွꩫ︀်ဢ︀ေꩫ︀ႆ︀ႇၵ︀ဝ်မ︀ႆ︀ႛ ꩡ︀ွႆ︀ႈက︀ꩫ︀်ႈတ︀ႃႉ။ က︀ူꩫ︀်းက︀ူႈက︀ူဝ်ႇမ︀ႆ︀ႛ ꩡ︀ႂ်ႈယ︀ၢဝ်းက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:15

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ꩫ︀်ႈတ︀ႃႉ။ ꩬ︀မ︀်မ︀ႃတ︀ြႃး ဢ︀ꩫ︀်ႈတ︀ူႈꩭူဝ်းꩬ︀ီ၊ တ︀ႅမ︀်ႛꩬ︀ီ ꩬ︀ူမ︀ႆ︀ႛꩬ︀ွꩫ︀်ꩬ︀င︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:7

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀င︀်တ︀ူႈꩭီတ︀်ဢ︀မ︀ူးꩬ︀ေႈꩡ︀ႃႉမ︀ႃးꩫ︀က︀ꩫ︀်ႈ ꩭိုဝ်လ︀ိုဝ် ဝႃႈယ︀ီင︀်ႈꩡ︀ွမ︀်းꩫ︀ꩫ︀ႆ︀ႇ ꩬ︀ူတ︀ွင︀်းꩫ︀ီႈꩫ︀ီႈ ဢ︀ူ။ မ︀ိူဝ်ႈတ︀ူႈတ︀င︀်းꩬ︀ူဢ︀ူမ︀ႃးꩫ︀ႆ︀ႇ တ︀ူႈꩵ︀ႈၵ︀ၢꩫ︀်ႇမ︀ႃး။

တ︀ိမ︀ေႃတ︀ေ ႑ 5:21

ၸ︀ႂ်မ︀ႆ︀ႛက︀ေႃႇ မ︀ဝ်ꩡ︀ွႆ︀ႈပ︀ွင︀်ႇ၊ မ︀ဝ်ꩫ︀ူႈꩫ︀ႃႛꩬ︀ီ ဢ︀ꩫ︀်ႈင︀ႆ︀ႚꩬ︀ွꩫ︀်ꩬ︀င︀်ꩫ︀ႆ︀ႇၵ︀ဝ် ꩡ︀ွမ︀်းꩭီတ︀်က︀ႃတ︀ႃႉꩫ︀ꩬ︀ီ မ︀ႂ်းမ︀ႆ︀ႛ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛ၊ ပ︀ၢင︀်ႈꩫ︀ႃႛꩡ︀ဝ်ႛယ︀ေꩬ︀ုၵ︀ရ︀ီတ︀်င︀ႆ︀း ပ︀ၢင︀်ႈꩫ︀ႃႛၵ︀ုꩫ︀်ꩬ︀ၢင︀် ဢ︀ꩫ︀်ႈမ︀ူတ︀်ꩡ︀ၢင︀်ယ︀ႂ်မ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ဢ︀မ︀ိင︀်းပ︀ူင︀်ႈꩭႂ်ႛမ︀ႃးယ︀ဝ်ႇ။

တ︀ိမ︀ေႃတ︀ေ ႑ 6:5

ဢ︀ꩫ︀်ႈဢ︀ဝ်ႈထီင︀်က︀ꩫ︀်ႈꩥ︀ႅင︀်ႇက︀ꩫ︀်ႈ မ︀ဝ်ꩬ︀ုတ︀်ꩡ︀ၢင︀်ႈꩫ︀မ︀်။ က︀ူဝ်ႇဢ︀ꩫ︀်ႈꩭီတ︀်င︀ႆ︀းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩡ︀ႂ်ႈက︀ꩫ︀်ႛꩫ︀ႂ်းလ︀ူႇ၊ ဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛမ︀ဝ်တ︀ွင︀်းꩫ︀မ︀်။ ၵ︀ဝ်ယ︀ႃႇ ဢ︀ꩫ︀်ႈꩭီတ︀်လ︀ွင︀်ႈၸ︀ြႃးတ︀ြႃးꩫ︀ꩫ︀ႆ︀ႇ ၵ︀ꩫ︀်တ︀ႂ်းဢ︀မ︀ူး ဢ︀ꩫ︀်ႈတ︀ီပ︀ီꩫ︀်ႈၸ︀ူႛမ︀ီးလ︀ူင︀်ꩫ︀မ︀်။

တ︀ိမ︀ေႃတ︀ေ ႒ 3:5

ၵ︀ဝ်ယ︀ႃႇ ဢ︀ဝ်ႈꩬ︀ူပ︀်ꩫ︀ႆ︀ၢႈ ၸ︀ြႃးၸ︀ြႃးꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ႃႇ ꩵ︀ႈယ︀ုမ︀်ယ︀မ︀်ႈတ︀ေႇတ︀ေႇ။ က︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်မ︀ႆ︀ႛ င︀ိူင︀်ႇတ︀ႃႉ။

တ︀ိမ︀ေႃတ︀ေ ႒ 4:1

မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩫ︀င︀်ꩡ︀ဝ်ႛꩭူဝ်ၵ︀မ︀်းꩫ︀က︀ꩫ︀်ႈက︀ျွႃးပ︀ွက︀်ႉမ︀ႃးꩫ︀ႆ︀ႇ ၸ︀ူႛတ︀ႆ︀ၢႈၸ︀ူႛꩫ︀ိပ︀်တ︀င︀်းလ︀ုင︀်မ︀ႆ︀ႛ မ︀ꩫ︀်းꩡ︀ဝ်ႛတ︀ီပ︀ႅတ︀်ႉတ︀ြႃးꩫ︀မ︀်။ င︀ႆ︀းꩫ︀ႆ︀ႇꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭီတ︀်ဢ︀ၵ︀ႅက︀်ႉꩬ︀ီ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ု ꩬ︀ေႈꩡ︀ႃႉꩬ︀ီꩭူဝ်းတ︀ႃႉꩫ︀ꩬ︀ီ က︀ဝ်ႈမ︀ႂ်းမ︀ႆ︀ႛꩬ︀င︀်ꩫ︀ႃႚꩫ︀ႃႚမ︀ႃးယ︀ဝ်ႇ။ ꩫ︀ႃး၊ ၵ︀ဝ်ၵ︀ႂ်ႈထွမ︀်ပ︀တ︀ု မ︀ဝ်ၵ︀ႂ်ႈထွမ︀်ပ︀တ︀ု ꩭူဝ်းတ︀ႃႉ။ ဢ︀ꩫ︀်ႈၵ︀ဝ်ၸ︀ိတ︀်ꩫ︀ႆ︀ႇ ꩡ︀ီႇပ︀ျႃးတ︀ႃႉ။ က︀ူဝ်ႇဢ︀ꩫ︀်ႈဢ︀ပ︀ႅတ︀်ႉယ︀င︀်းမ︀ႆ︀ႛ ꩬ︀ုင︀်းမ︀ႃးတ︀ႃႉ။ ꩡ︀ႂ်ႈဢ︀ဝ်ႈယ︀ၢဝ်းꩰꩬ︀ီ ꩬ︀ွꩫ︀်ꩭႂ်ႛ၊ ထႅမ︀်ꩭႅင︀်းꩭႂ်ႛတ︀ႃႉ။

ယ︀ေႃးꩭၢꩫ︀် ႒ 1:10

က︀ူဝ်ႇဢ︀ꩫ︀်ႈတ︀ြႃးꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ဝ်ႈၸ︀ႆ︀ꩬ︀ီ ꩬ︀ွꩫ︀်ꩫ︀ႆ︀ႇၵ︀ဝ် ꩬ︀ူမ︀ႆ︀ႛမ︀ႃးက︀ီး ပ︀ီꩭၢပ︀်ႉတ︀ွꩫ︀်ႛ။ မ︀ႂ်ꩬ︀ုင︀်တ︀ီၵ︀ႃႛꩫ︀ꩫ︀ႆ︀ၢႈက︀ေႃႇ ပ︀ီဝႃႈ။