တ︀ႅတ︀်ꩬ︀ႃလ︀ေႃꩫ︀ိက︀် ႒ 3:15 - Khamti Shan

¹⁵ ꩫ︀ႆ︀ႇꩫ︀က︀ေႃႇ ꩫ︀င︀်လ︀ꩫ︀်ꩬ︀ူꩫ︀က︀ꩫ︀်ႈမ︀ဝ်ꩡ︀ႂ်ႈꩬ︀ီ ꩫ︀င︀်ပ︀ီႈꩫ︀ွင︀်ႇꩫ︀က︀ꩫ︀်ႈ ပ︀ꩫ︀်ႈꩬ︀တ︀ိꩭႂ်ႛတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:15 ပူးပေါင်းရင်းမြစ်များ

မ︀တ︀်တ︀ႄး 18:15

ꩬ︀ူမ︀ႆ︀ႛၸ︀ူႛယ︀ုမ︀်ယ︀မ︀်ႈက︀ူဝ်ႇလ︀ိူင︀်ႈၸ︀ိတ︀်မ︀ႃးက︀ီး မ︀ꩫ︀်းမ︀ႆ︀ႛက︀ႃꩬ︀ီ ဢ︀ပ︀ႅတ︀်ႉမ︀ꩫ︀်းꩡ︀ိုဝ်ႇပ︀ျႃးတ︀ႃႉ။ ꩫ︀ႆ︀ႇꩫ︀က︀ေႃႇ ၸ︀ႂ်မ︀ႆ︀ႛက︀ေႃႇပ︀ီꩭႂ်ႛတ︀ွင︀်း။ ꩬ︀ွင︀်ၵ︀ိူဝ်ၸ︀ူႛꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈတ︀ႃႉ။ မ︀ꩫ︀်းꩬ︀ၢင︀်ဝွေမ︀ႃးက︀ီး တ︀င︀်းမ︀ꩫ︀်းထုက︀်က︀ꩫ︀်ႈပ︀ွက︀်ႉယ︀ဝ်ႇ။

က︀ေႃရ︀ိꩫ︀်တ︀ု ႑ 4:14

က︀ဝ်ႈင︀ႆ︀းꩬ︀ီတ︀ႅမ︀်ႛꩫ︀ႆ︀ႇ ꩭႂ်ႛꩬ︀ူဢ︀ႆ︀ၢႈက︀ွတ︀်ꩫ︀ꩬ︀ီꩵ︀ႈꩡ︀ႂ်ႈ။ ꩭႂ်ႛꩬ︀ူပ︀ွင︀်ꩡ︀ႂ်ႈက︀ွတ︀်ꩫ︀ꩬ︀ီ ꩬ︀ူမ︀ႆ︀ႛ ꩫ︀င︀်လ︀ုက︀်ႉꩭၢက︀်ႉၸ︀ူႛꩡ︀ဝ်ႛꩫ︀က︀ꩫ︀်ႈ ꩬ︀တ︀ိꩭႂ်ႛꩫ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႑ 5:5

င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀မ︀ႂ်းမ︀ႆ︀ႛꩫ︀ႂ်းမ︀ိုဝ်းၵ︀ုꩫ︀်ꩬ︀ူင︀်မ︀ႆ︀ႛ ဢ︀ၢပ︀်ႉၵ︀ွတ︀်တ︀ႃႉ။ င︀ႆ︀းက︀ီး ဝꩫ︀်းမ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ပ︀ႅတ︀်ႉတ︀ြႃးꩫ︀ႆ︀ႇ ꩡ︀ႂ်ႈꩫ︀ိူဝ်ႇꩫ︀ိူတ︀်ႉမ︀ꩫ︀်းလ︀ူႇꩬ︀ုမ︀်းက︀ႃꩫ︀က︀ေႃႇ ၵ︀ွꩫ︀်မ︀ꩫ︀်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ေꩬ︀ေꩭႂ်ႛဢ︀ူ။

က︀ေႃရ︀ိꩫ︀်တ︀ု ႒ 10:8

ꩬ︀င︀်ဝႃႈလ︀ွင︀်ႈဢ︀ႃꩫ︀ႃဢ︀ꩫ︀်ႈတ︀ူႈမ︀ႆ︀ႛ ꩡ︀ဝ်ႛယ︀ေꩬ︀ုꩭႂ်ႛꩫ︀ႆ︀ႇ က︀ဝ်ႈက︀မ︀်ႇလ︀ွင︀်ႛပ︀ူꩫ︀်ႇမ︀ႃးက︀ီးက︀ေႃႇ က︀ဝ်ႈꩵ︀ႈဢ︀ႆ︀ၢႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ႃꩫ︀ႃဢ︀မ︀ႂ်းယ︀ႃႇ တ︀ၢင︀်းယ︀ုမ︀်ယ︀မ︀်ႈꩬ︀ူမ︀ႆ︀ႛ ꩡ︀ႃႇဢ︀ဝ်ႈယ︀ွမ︀်းꩵ︀ႈꩡ︀ႂ်ႈ။ ꩡ︀ႃႇဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႒ 13:10

မ︀ိူဝ်ႈက︀ဝ်ႈꩵ︀ႈပ︀ႆ︀မ︀ႃးပ︀ုꩫ︀်ႛ လ︀ွင︀်ႈꩫ︀ႆ︀ႇၵ︀ဝ်က︀ဝ်ႈတ︀ႅမ︀်ႛမ︀ႃးꩫ︀ႆ︀ႇယ︀ႃႇ မ︀ိူဝ်ႈက︀ဝ်ႈထိုင︀်မ︀ႃးꩫ︀ႆ︀ႇ ဢ︀ႃꩫ︀ႃဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛပ︀ူင︀်ႈꩭႂ်ႛꩫ︀ႆ︀ႇ ꩭႂ်ႛပ︀ူဝ်းꩬ︀ူမ︀ႆ︀ႛ မ︀ဝ်ဝႃႈတ︀ိုဝ်းꩫ︀က︀်ꩰꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛက︀ဝ်ႈမ︀ႆ︀ႛ ဢ︀ႃꩫ︀ႃဢ︀မ︀ႂ်းပ︀ူင︀်ႈꩭႂ်ႛꩫ︀ႆ︀ႇယ︀ႃႇ ꩭၢင︀်းယ︀ႃႇꩬ︀ူꩵ︀ႈꩡ︀ႂ်ႈ။ ꩭၢင︀်းꩬ︀ူမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။

က︀လ︀ႃတ︀ိ 6:1

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀င︀်ဝႃႈၸ︀ူႛယ︀ုမ︀်ယ︀မ︀်ႈက︀ူဝ်ႇလ︀ိူင︀်ႈ ꩭီတ︀်ဢ︀ပ︀ႅတ︀်ႉꩫ︀ႆ︀ႇမ︀ႆ︀ႛꩬ︀ူတ︀ွင︀်းက︀ီး က︀ူဝ်ႇဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ေꩭႂ်ႛꩫ︀ႆ︀ႇၵ︀ဝ်ယ︀ႃႇ ဢ︀ူꩫ︀်ႛဢ︀ူꩫ︀်ႛꩥ︀ေႈꩰꩬ︀ီ မ︀ꩫ︀်းမ︀ႆ︀ႛမ︀ေးꩭႂ်ႛက︀ꩫ︀်ႈတ︀ႃႉ။ ꩬ︀ူၸ︀ူႛꩡ︀ဝ်ႛက︀ေႃႇ ဢ︀ꩫ︀်ႈၵ︀ုꩫ︀်ꩬ︀ူင︀်က︀ဝ်းမ︀ႆ︀ႛ ꩭႂ်ႛပ︀ူဝ်းမ︀ဝ်လ︀ွေႛက︀ႃꩫ︀ႆ︀ႇ ꩬ︀တ︀ိက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:14

ၸ︀ူႛၵ︀ၢꩫ︀်ႇꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိꩭႂ်ႛတ︀ႃႉ။ က︀ူꩫ︀်းဢ︀ꩫ︀်ႈက︀ူဝ်ႈꩭႆ︀ၢႇꩫ︀ႆ︀ႇၵ︀ဝ်မ︀ႆ︀ႛ ထႅမ︀်ꩭႅင︀်းꩭႂ်ႛတ︀ႃႉ။ ဢ︀ꩫ︀်ႈꩭႅင︀်းꩡ︀ႂ်ႈꩭႅင︀်းၵ︀ွꩫ︀်ဢ︀ေꩫ︀ႆ︀ႇၵ︀ဝ်မ︀ႆ︀ႛ ꩡ︀ွႆ︀ႈက︀ꩫ︀်ႈတ︀ႃႉ။ က︀ူꩫ︀်းက︀ူႈက︀ူဝ်ႇမ︀ႆ︀ႛ ꩡ︀ႂ်ႈယ︀ၢဝ်းက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:13

ပ︀ီႈꩫ︀ွင︀်ႇၵ︀ဝ်ꩴ︀း ပ︀ီꩫ︀်ႈꩭိုဝ်ꩫ︀က︀ေႃႇ ꩡ︀ႂ်ႈမ︀ဝ်ၸ︀ေႛမ︀ဝ်မ︀ိူဝ်ꩬ︀ီ တ︀ၢင︀်းက︀ႅင︀်းဢ︀ꩫ︀်ႈꩫ︀ီႈꩫ︀ႆ︀ႇၵ︀ဝ် ꩡ︀ွမ︀်းက︀ႅင︀်းက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:6

ပ︀ီႈꩫ︀ွင︀်ႇၵ︀ဝ်ꩴ︀း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ꩬ︀ူမ︀ႆ︀ႛပ︀ꩫ︀်ႈꩬ︀တ︀ိက︀ွတ︀်။ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈၵ︀ၢꩫ︀်ႇ ဢ︀ꩫ︀်ႈတ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်တ︀ူႈꩬ︀ွꩫ︀်ꩬ︀င︀်ꩫ︀က︀ꩫ︀်ႈ မ︀ဝ်ꩡ︀ွမ︀်းက︀ႅင︀်းꩫ︀ႆ︀ႇၵ︀ဝ်မ︀ႆ︀ႛပ︀ီလ︀ွေႛ။

တ︀ိတ︀ု 3:10

က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ ဢ︀ဝ်ႈက︀ၢက︀်ႉꩡ︀ႂ်ႈက︀ꩫ︀်ႈမ︀ႆ︀ႛယ︀ႃႇ ဢ︀ဝ်ႈထိုင︀်ꩬ︀ွင︀်ပ︀ၢꩫ︀်ႈꩡ︀တ︀်တ︀ႃႉ။ ယ︀ဝ်ႇက︀ီး က︀ူဝ်ႇဢ︀မ︀ႂ်းမ︀ႆ︀ႛ ပ︀ီꩡ︀ၢပ︀်ႉပ︀ိူင︀်ႈလ︀ူင︀်ယ︀ဝ်ႇ။