တ︀ႅတ︀်ꩬ︀ႃလ︀ေႃꩫ︀ိက︀် ႒ 2:9 - Khamti Shan

⁹ မ︀ိူဝ်ႈၵ︀ုꩫ︀်မ︀ိက︀်ႉꩬ︀ႃဢ︀မ︀ႂ်းဢ︀ွက︀်မ︀ႃးꩫ︀ႆ︀ႇ မ︀ꩫ︀်းယ︀ႃႇဢ︀ဝ်ႈတ︀ꩫ︀်းၵ︀ူဝ်းၵ︀ုꩫ︀်ꩬ︀ူင︀် လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းဢ︀ꩫ︀်ႈၸ︀ၢမ︀်းꩫ︀ႆ︀ႇၵ︀ဝ်က︀ူႈၸ︀ꩫ︀်း ꩭီတ︀်ပ︀ျႃးꩬ︀ီ တ︀ီၸ︀ၢမ︀်းလ︀ေꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:9 ပူးပေါင်းရင်းမြစ်များ

မ︀တ︀်တ︀ႄး 12:22

က︀ူꩫ︀်းက︀မ︀်ႈၸ︀ွင︀်းယ︀ႃႇ ꩡ︀ဝ်ႛယ︀ေꩬ︀ုမ︀ႆ︀ႛ က︀ူꩫ︀်းဢ︀ꩫ︀်ႈလ︀ႆ︀ၢးပ︀ိူဝ်ႈၸ︀ီꩭၢႆ︀ႇၵ︀ဝ်ႛꩬ︀ီ တ︀ႃႈမ︀ွတ︀်င︀ႆ︀းတ︀ၢꩫ︀်ႛမ︀ဝ်ꩫ︀ႆ︀ႛꩫ︀ႆ︀ႇ က︀ူဝ်ႇလ︀ိူင︀်ႈꩭွင︀်ႇမ︀ႃးဢ︀ူ။ က︀ူဝ်ႇဢ︀မ︀ႂ်းမ︀ႆ︀ႛ မ︀ꩫ︀်းꩡ︀ဝ်ႛဢ︀ဝ်ႈꩫ︀ီႈꩭႂ်ႛၵ︀ွတ︀်က︀ီး မ︀ꩫ︀်းတ︀ႃႈꩭꩫ︀်င︀ႆ︀းတ︀ၢꩫ︀်ႛꩫ︀ႆ︀ႛမ︀ႃးဢ︀ူ။

မ︀တ︀်တ︀ႄး 24:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ေꩬ︀ိယ︀ဢ︀ꩫ︀်ႈယ︀ိူင︀်ႈ၊ ပ︀ရ︀ေႃးၸ︀ႅတ︀်ႉဢ︀ꩫ︀်ႈယ︀ိူင︀်ႈꩫ︀ႆ︀ႇၵ︀ဝ် တ︀ီမ︀ႃးꩫ︀မ︀်။ ၵ︀ဝ်ယ︀ႃႇ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်၊ ဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးꩫ︀ႆ︀ႇၵ︀ဝ်ꩭီတ︀်ပ︀ျႃးꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်းက︀ေႃႇ တ︀ီၸ︀ၢမ︀်းꩫ︀မ︀်။

မ︀တ︀်တ︀ႄး 4:10

ꩡ︀ဝ်ႛယ︀ေꩬ︀ုယ︀ႃႇ “ꩭိူဝ်း ၵ︀ုꩫ︀်ꩬ︀ူင︀်။ ဢ︀ွက︀်က︀ႃတ︀ႃႉ။ “ၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈမ︀ႆ︀ႛꩫ︀ႆ︀ၢႈပ︀ႆ︀ၢႛဝႆ︀ႈꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩫ︀ႆ︀ၢႈꩫ︀မ︀်ဝႃႈမ︀ိုင︀်ႇꩫ︀ႆ︀ႇ” ꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇဢ︀ူ” ꩫ︀ꩬ︀ီတ︀ွပ︀်ꩭႂ်ႛဢ︀ူ။

မ︀ႃက︀ု 13:22

မ︀ေꩬ︀ိယ︀ဢ︀ꩫ︀်ႈယ︀ိူင︀်ႈ၊ ပ︀ရ︀ေႃးၸ︀ႅတ︀်ႉဢ︀ꩫ︀်ႈယ︀ိူင︀်ႈꩫ︀ႆ︀ႇၵ︀ဝ် တ︀ီဢ︀ွက︀်မ︀ႃးꩫ︀မ︀်။ ၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ပ︀ီꩫ︀်ႈꩫ︀ႆ︀ႛက︀ီး ꩭႂ်ႛပ︀ူဝ်းၸ︀ၢမ︀်းꩫ︀ႆ︀ႛꩫ︀ႆ︀ႇ လ︀ၢႆ︀းꩫ︀ိမ︀ိက︀်ႉဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ် တ︀ီꩭီတ︀်ပ︀ျႃးꩫ︀မ︀်။

လ︀ုက︀ႃ 11:25

ꩭိူꩫ︀်းက︀ဝ်မ︀ꩫ︀်းမ︀ႆ︀ႛယ︀ႃႇ ပ︀ဝ်ၵ︀ွင︀်ꩰꩬ︀ီ ၸ︀ိဝ်ႛပ︀တ︀်တ︀ွင︀်ꩰ၊ ꩭႅမ︀်းထုက︀်ꩰဝႆ︀ႇမ︀ႆ︀ႛꩭꩫ︀်က︀ီး

ယ︀ေႃးꩭၢꩫ︀် 4:48

ꩡ︀ဝ်ႛယ︀ေꩬ︀ုယ︀ႃႇ မ︀ꩫ︀်းမ︀ႆ︀ႛ “ꩬ︀ူယ︀ႃႇ လ︀ႆ︀ၢးꩫ︀ိမ︀ိက︀်ႉဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛမ︀ဝ်ꩭꩫ︀်က︀ီး တ︀ီယ︀ုမ︀်ꩵ︀ႈꩡ︀ႂ်ႈ” ꩫ︀ဝꩫ︀်ႇ။

ယ︀ေႃးꩭၢꩫ︀် 8:41

ꩬ︀ူယ︀ႃႇ ꩫ︀င︀်ပ︀ူဝ်ꩬ︀ူꩫ︀က︀ꩫ︀်ႈꩫ︀မ︀်က︀ႅင︀်းꩫ︀ႆ︀ႇ” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ “ပ︀ူဝ်တ︀ူႈယ︀ႃႇ ꩡ︀ဝ်ႛထႃဝရ︀ၸ︀ြႃးဢ︀ꩫ︀်ႈပ︀ီꩫ︀်ႈꩬ︀ူလ︀ိဝ်ႈပ︀ႃးလ︀ိဝ်ႈꩫ︀ႆ︀ႇꩫ︀မ︀်။ တ︀ူႈယ︀ႃႇ လ︀ုက︀်ႉမ︀ꩫ︀်းꩡ︀ဝ်ႛꩡ︀ႅတ︀်ႉꩰꩬ︀ႃး” ꩫ︀ဝꩫ︀်ႇ။

ယ︀ေႃးꩭၢꩫ︀် 8:44

ပ︀ူဝ်ꩬ︀ူယ︀ႃႇ ၵ︀ုꩫ︀်ꩬ︀ူင︀်ꩬ︀ႃး။ င︀ႆ︀းꩬ︀ီꩬ︀ႃး ꩬ︀ူၵ︀ႂ်ႈꩡ︀ွမ︀်းဢ︀လ︀ၢင︀်းမ︀ꩫ︀်းꩫ︀ႆ︀ႇ။ ၵ︀ုꩫ︀်ꩬ︀ူင︀်ꩫ︀ႆ︀ႇ လ︀ုက︀်ႉမ︀ိူဝ်ႈꩭူဝ်က︀ူဝ်ပ︀ုꩫ︀်ႛ ၸ︀ူႛဢ︀ဝ်ႈတ︀ႆ︀ၢႈက︀ူꩫ︀်းꩬ︀ႃး။ မ︀ꩫ︀်းယ︀ႃႇ ꩬ︀မ︀်မ︀ႃတ︀ြႃးမ︀ဝ်ꩭွꩫ︀်ဝႃႈꩫ︀ႆ︀ႇꩬ︀ီ မ︀ိူဝ်ႈလ︀ႂ်ႈက︀ေႃႇꩵ︀ႈꩬ︀ိုဝ်ႈတ︀ူဝ်။ မ︀ꩫ︀်းယ︀ႃႇ ၸ︀ႅတ︀်ႉလ︀ူင︀်ꩬ︀ႃး။ ꩫ︀င︀်မ︀ꩫ︀်းꩡ︀ဝ်ႛၸ︀ႅတ︀်ႉꩬ︀ီဢ︀ူꩫ︀က︀ꩫ︀်ႈ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ွꩫ︀်ꩭႂ်ႛၸ︀ႅတ︀်ႉꩬ︀ီဢ︀ူꩬ︀ႃး။

ထဝ်ꩡ︀တ︀်ႉၵ︀ဝ် 13:10

“ꩭိူဝ်း ၸ︀ူႛလ︀ုက︀်ႉၵ︀ုꩫ︀်ꩬ︀ူင︀် ဢ︀ꩫ︀်ႈၸ︀ႅတ︀်ႉၸ︀ၢင︀်းပ︀ိူꩫ︀်ႈလ︀ေ လ︀ꩫ︀်ꩬ︀ူဢ︀ꩫ︀်ႈၸ︀ႅက︀်ႉတ︀ၢင︀်းꩫ︀ီႈက︀ူႈလ︀ွင︀်ႈꩴ︀း မ︀ႂ်းယ︀ႃႇမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ြႃးၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩬ︀ိုဝ်ႈꩫ︀ꩫ︀်ႈမ︀ႆ︀ႛ ဢ︀ဝ်ႈလ︀ိက︀်ဢ︀ဝ်ႈင︀ွက︀်ဢ︀ူ။ င︀ႆ︀ႚတ︀ေႇတ︀ေႇမ︀ႂ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ုက︀်ႉꩬ︀ီ တ︀ႃႈမ︀ႂ်းတ︀ီမ︀ွတ︀်ꩬ︀ႃး။ တ︀ိူက︀်ႉꩡ︀ူဝ်ႈလ︀ိူင︀်ႈယ︀ႃႇ မ︀ႂ်းက︀ၢင︀်ႈဝꩫ︀်းမ︀ႆ︀ႛ တ︀ီမ︀ဝ်ꩫ︀ႆ︀ႛꩭꩫ︀်ꩬ︀ႃး” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛꩡ︀ဝ်ႛမ︀ူဝ်ၸ︀ီꩫ︀ႆ︀ႇ ၵ︀တ︀်ႉၵ︀ႅင︀်းတ︀ႃႈမ︀ꩫ︀်း ꩫ︀မ︀်ႈꩬ︀ိင︀်တ︀ိက︀်ႉꩰမ︀ႃးꩬ︀ီ က︀ူꩫ︀်းဢ︀ꩫ︀်ႈမ︀ꩫ︀်းမ︀ႆ︀ႛ တ︀ီꩡ︀ုင︀်ႈမ︀ိုဝ်းꩭႂ်ႛမ︀ႆ︀ႛၵ︀ႃလ︀ေဢ︀ူ။

က︀ေႃရ︀ိꩫ︀်တ︀ု ႒ 11:14

ꩫ︀ႆ︀ႇꩫ︀က︀ေႃႇ ၵ︀ဝ်မ︀ႆ︀ႛဢ︀ꩫ︀်ႈဝႃႈဢ︀ၢမ︀်းꩵ︀ႈယ︀င︀်း။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ုꩫ︀်ꩬ︀ူင︀်တ︀မ︀ိူင︀်းက︀ေႃႇ ꩭႅꩫ︀်းꩭီတ︀်ၵ︀ုꩫ︀်ꩬ︀ၢင︀်ဢ︀ꩫ︀်ႈꩭုင︀်ႈပ︀လ︀ွင︀်ꩰꩫ︀ႆ︀ႛဢ︀ူ။

က︀ေႃရ︀ိꩫ︀်တ︀ု ႒ 11:3

ꩫ︀ႆ︀ႇꩫ︀က︀ေႃႇ ꩫ︀င︀်ဢ︀ေဝမ︀ႆ︀ႛ င︀ူးꩫ︀ႆ︀ႛၸ︀ႅတ︀်ႉၸ︀ၢမ︀်းမ︀ႃးꩫ︀က︀ꩫ︀်ႈ ꩬ︀ူက︀ေႃႇꩡ︀ႂ်ႈလ︀ွက︀်ႉလ︀ႆ︀ၢႈꩬ︀ီ ꩡ︀ႂ်ႈဢ︀ꩫ︀်ႈꩡ︀ဝ်ႛၵ︀ရ︀ီတ︀်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းꩭၢက︀်ႉꩬ︀ီꩭွႆ︀ႛꩡ︀ႂ်ႈꩫ︀ႆ︀ႇ က︀ူဝ်ႈꩭႆ︀ၢက︀ႃဢ︀ူ။

က︀ေႃရ︀ိꩫ︀်တ︀ု ႒ 4:4

က︀ူꩫ︀်းဢ︀ꩫ︀်ႈလ︀ူႇꩬ︀ုမ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ုꩫ︀်ꩬ︀ူင︀်ၸ︀ူႛဢ︀ꩫ︀်ႈင︀ႆ︀ႚ မ︀ိူင︀်းက︀ၢင︀်ႈမ︀ႆ︀ႛဢ︀ုပ︀်ပ︀ိုင︀်ꩫ︀ႆ︀ႇလ︀ၢပ︀်ႉတ︀ႃႈဢ︀ဝ်ႈꩫ︀မ︀်ႈꩬ︀ိင︀်ၵ︀ွꩫ︀်ဝႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ မ︀ဝ်ယ︀ုမ︀်ꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩬ︀ီၵ︀ဝ်ယ︀ႃႇ ၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀မ︀်။ ꩡ︀ဝ်ႛယ︀ေꩬ︀ုယ︀ႃႇ ပ︀ီꩫ︀်ႈမ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ꩡ︀ဝ်ႛယ︀ေꩬ︀ုမ︀ႆ︀ႛ ꩭꩫ︀်က︀ီးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭꩫ︀်ꩫ︀က︀ꩫ︀်ႈꩫ︀မ︀်။

ဢ︀ေၸ︀ႅတ︀် 2:2

မ︀ိူဝ်ႈဢ︀မ︀ႂ်း ꩬ︀ူ ꩫ︀င︀်က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်တ︀ွင︀်းꩫ︀ႆ︀ႇၵ︀ဝ်ꩫ︀က︀ꩫ︀်ႈဢ︀ူꩬ︀ီ ၵ︀ၢမ︀်းၵ︀ုꩫ︀်ꩬ︀ူင︀် ဢ︀ꩫ︀်ႈꩭူမ︀်းက︀ၢင︀်ႈၸ︀ႃႇမ︀ႆ︀ႛ ထွမ︀်ꩡ︀ွမ︀်းမ︀ႃးဢ︀ူ။ ၵ︀ုꩫ︀်ꩬ︀ူင︀်ဢ︀ꩫ︀်ႈင︀မ︀်းၵ︀ွꩫ︀်ꩫ︀ႆ︀ႇၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ထွမ︀်ꩡ︀ွမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩭူမ︀်းဢ︀ူꩫ︀မ︀်။

တ︀ိမ︀ေႃတ︀ေ ႒ 3:8

မ︀ေႃꩬ︀ေမ︀ႆ︀ႛ ယ︀ꩫ︀်ꩫ︀ေꩫ︀ၵ︀ႃယ︀ꩫ︀်ပ︀ေ ꩬ︀ၢꩫ︀်တ︀ၢꩫ︀်းမ︀ႃးꩫ︀က︀ꩫ︀်ႈ ၵ︀ဝ်က︀ေႃႇ ꩬ︀မ︀်မ︀ႃတ︀ြႃးမ︀ႆ︀ႛꩬ︀ၢꩫ︀်တ︀ၢꩫ︀်းꩬ︀ီဢ︀ူꩫ︀မ︀်။ ၵ︀ဝ်ယ︀ႃႇ ꩡ︀ႂ်ႈလ︀ူႇက︀ႃလ︀ေႚလ︀ေႚꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩵ︀ႈယ︀ုမ︀်ယ︀မ︀်ႈတ︀ေႇတ︀ေႇယ︀ဝ်ႇ။

ယ︀ႃက︀ု 3:15

တ︀ၢင︀်းꩡ︀ၢင︀်ႈၸ︀ꩫ︀်းဢ︀မ︀ႂ်းယ︀ႃႇ ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ႃးꩵ︀ႈꩡ︀ႂ်ႈ။ တ︀ၢင︀်းꩡ︀ၢင︀်ႈမ︀ိူင︀်းက︀ၢင︀်ႈ၊ တ︀ၢင︀်းꩡ︀ၢင︀်ႈလ︀ေႃးက︀ီ၊ တ︀ၢင︀်းꩡ︀ၢင︀်ႈဢ︀ꩫ︀်ႈလ︀ုက︀်ႉၸ︀ီꩭၢႆ︀ႇမ︀ႆ︀ႛမ︀ႃးꩫ︀မ︀်။

ၿျႃၻိက︀်ႉ 12:17

ꩫ︀ႆ︀ႇမ︀ႆ︀ႛ ꩫ︀က︀ႃးꩫ︀ႆ︀ႇ ၸ︀ူႛယ︀ိင︀်းဢ︀မ︀ႂ်းမ︀ႆ︀ႛ ဢ︀ၢꩫ︀်တ︀ၢꩫ︀်တ︀ေႃးꩬ︀ႃးင︀ႆ︀းꩬ︀ီ ၵ︀ိူဝ်းၸ︀ူႛယ︀ိင︀်းဢ︀မ︀ႂ်းဢ︀ꩫ︀်ႈက︀ိူတ︀် ဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ထွမ︀်ꩡ︀ွမ︀်းꩬ︀ီ ꩬ︀မ︀်မ︀ႃတ︀ြႃးဢ︀ꩫ︀်ႈꩡ︀ဝ်ႛယ︀ေꩬ︀ုပ︀ုတ︀်ပ︀ျႃးဝႆ︀ႇမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇၵ︀ဝ်မ︀ႆ︀ႛ တ︀ိက︀်ꩬ︀ိူက︀်က︀ွတ︀်ꩫ︀ꩬ︀ီ ꩭိမ︀်းꩫ︀မ︀်ႇပ︀ၢင︀်လ︀ႆ︀ၢမ︀ႆ︀ႛ က︀ႃꩬ︀ဝ်းဢ︀ူ။

ၿျႃၻိက︀်ႉ 12:9

ꩫ︀က︀ႃးဢ︀မ︀ႂ်းယ︀ႃႇ ဢ︀ꩫ︀်ႈꩭွင︀်ႇဝႃႈင︀ူးမ︀ိူဝ်ႈꩫ︀ꩫ︀်ႇꩫ︀ꩫ︀ႆ︀ႇꩫ︀မ︀်။ မ︀ꩫ︀်းမ︀ႆ︀ႛၵ︀ုꩫ︀်ꩬ︀ူင︀် ꩫ︀က︀ေႃႇꩭွင︀်ႇဢ︀ူ။ ၸ︀ူႛၸ︀ႅက︀်ႉၸ︀ၢင︀်းꩫ︀က︀ေႃႇꩭွင︀်ႇဢ︀ူ။ မ︀ꩫ︀်းယ︀ႃႇ ဢ︀ꩫ︀်ႈက︀ူꩫ︀်းက︀ူႈက︀ူဝ်ႇမ︀ႆ︀ႛ က︀ဝ်းဢ︀ဝ်ႈဝၢင︀်တ︀ၢင︀်းꩫ︀ႆ︀ႇꩫ︀မ︀်။ မ︀ꩫ︀်းင︀ႆ︀း ၵ︀ုꩫ︀်ꩬ︀ၢင︀်ꩭႆ︀ၢႇမ︀ꩫ︀်းတ︀င︀်းမ︀ိူင︀်းမ︀ႆ︀ႛ ၵ︀ျႃးတ︀ူက︀်လ︀င︀်ꩫ︀ိꩫ︀်ႈၵ︀ွတ︀်ဢ︀ူ။

ၿျႃၻိက︀်ႉ 18:23

ဝၢꩫ︀်ၸ︀ႆ︀းမ︀ႂ်းက︀ေႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛက︀ႆ︀ႛ၊ ꩵ︀ႈꩫ︀ႆ︀ႛလ︀ႅင︀်းယ︀ဝ်ႇ။ ꩬ︀ီင︀်ၸ︀ူႛမ︀ၢဝ်မ︀ႂ်၊ ၸ︀ူႛꩬ︀ၢဝ်မ︀ႂ်က︀ေႃႇ လ︀ုက︀်ႉမ︀ႂ်းမ︀ႆ︀ႛꩵ︀ႈꩫ︀ႆ︀ႛꩥ︀ိꩫ︀်းယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ူႛက︀ႃႇမ︀ႂ်းၵ︀ဝ် တ︀င︀်းက︀မ︀်ၸ︀ႃမ︀ႆ︀ႛꩭီတ︀်ꩡ︀ုက︀်မ︀ႃးယ︀ဝ်ႇ။ မ︀ႂ်းက︀ေႃႇ က︀ူꩫ︀်းတ︀င︀်းမ︀ိူင︀်းမ︀ႆ︀ႛ လ︀ၢပ︀်ႉတ︀ႃႈꩬ︀ီ ၸ︀ၢမ︀်းမ︀ႃးယ︀ဝ်ႇ။

ၿျႃၻိက︀်ႉ 19:20

ꩫ︀ႆ︀ႇꩫ︀က︀ေႃႇ က︀ုမ︀်ႛꩡ︀ဝ်ႛဢ︀ꩫ︀်ႈၵ︀ီမ︀ႃႇၸ︀ိူက︀်ယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛꩬ︀ႅဝ်ႛၵ︀ွတ︀်ဢ︀ူ။ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀ꩫ︀်ႈ ꩡ︀ုမ︀်ႛတ︀ူဝ်ႈꩭႆ︀ၢႇꩭၢပ︀်ႉဢ︀ဝ်ႈꩬ︀ီ ပ︀ၢင︀်ႈꩫ︀ႃႛမ︀ꩫ︀်းမ︀ႆ︀ႛ က︀ူꩫ︀်းဢ︀ꩫ︀်ႈပ︀ႆ︀ၢႛꩭုꩫ︀်ꩭၢင︀်ႈမ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ပ︀ျႃးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းင︀ႆ︀းꩬ︀ီ ၸ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ႅဝ်ႛၵ︀ွတ︀်ဢ︀ူ။ ယ︀ဝ်ႇက︀ီး တ︀ူဝ်ႈꩭႆ︀ၢႇင︀ႆ︀းပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ꩫ︀ိပ︀်ꩰꩫ︀ႅင︀်ႈꩰ ပ︀ိုဝ်တ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇၵ︀ွတ︀်ဢ︀ူ။

ၿျႃၻိက︀်ႉ 20:10

ယ︀ဝ်ႇက︀ီး ၵ︀ုꩫ︀်ꩬ︀ူင︀်ဢ︀ꩫ︀်ႈၵ︀ဝ်မ︀ႆ︀ႛ ၸ︀ၢမ︀်းမ︀ႃးမ︀ႆ︀ႛက︀ေႃႇ ꩫ︀ွင︀်ၸ︀ႆ︀းက︀ၢꩫ︀်ႇမ︀ႆ︀ႛ တ︀ီပ︀ိုဝ်တ︀ူက︀်ၵ︀ွတ︀်ꩫ︀မ︀်။ တ︀ီႈဢ︀မ︀ႂ်းမ︀ႆ︀ႛ မ︀ꩫ︀်းတ︀င︀်းတ︀ူဝ်ႈꩭႆ︀ၢႇꩫ︀ၵ︀ႃ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃꩫ︀ႆ︀ႇၵ︀ဝ်တ︀င︀်းမ︀ိူင︀်း ထႃဝရ︀ ၵ︀ိုꩫ︀်းꩰဝꩫ︀်းꩰ တ︀ီꩫ︀ႆ︀ႛၵ︀ၢမ︀်ၻုက︀်ႉၵ︀က︀ꩫ︀်ႈꩫ︀မ︀်။

ၿျႃၻိက︀်ႉ 9:11

ꩡ︀ဝ်ႛꩭူဝ်ၵ︀မ︀်းၵ︀ဝ်ယ︀ႃႇ ၵ︀ုꩫ︀်ꩬ︀ၢင︀်ထၢင︀်ၵ︀ူင︀်းတ︀ႆ︀ၢႈꩫ︀မ︀်။ ꩡ︀ိုဝ်ႈမ︀ꩫ︀်းယ︀ႃႇ ဢ︀ဝ်ႈၵ︀ၢမ︀်းꩭေပ︀ရ︀ူးယ︀ႃႇဢ︀ႃပ︀တ︀ုင︀်၊ ဢ︀ဝ်ႈၵ︀ၢမ︀်းက︀ရ︀ိက︀်ယ︀ႃႇ ဢ︀ႃပ︀ေႃးလ︀ျꩫ︀်၊ တ︀ီႈပ︀ွင︀်မ︀ꩫ︀်းယ︀ႃႇ ၸ︀ူႛယ︀ႃႇၸ︀ႅက︀်ႉꩫ︀ꩫ︀မ︀်။