တ︀ႅတ︀်ꩬ︀ႃလ︀ေႃꩫ︀ိက︀် ႒ 2:2 - Khamti Shan

² ဝꩫ︀်းꩡ︀ဝ်ႛယ︀ေꩬ︀ုက︀ျွႃးပ︀ွက︀်ႉမ︀ႃးꩫ︀ႆ︀ႇထိုင︀်မ︀ႃးယ︀ဝ်ႇꩫ︀ꩬ︀ီ ပ︀ိူꩫ︀်ႈꩭိုဝ်လ︀ိုဝ်ꩬ︀ီဝႃႈꩫ︀က︀ေႃႇ ၵ︀တ︀်ႉၵ︀ႅင︀်းပ︀ီဢ︀ၢမ︀်းက︀ꩫ︀်ႈ၊ ꩡ︀ႂ်ႈယ︀ုင︀်ႛꩬ︀ီ ပ︀ီꩡ︀ႂ်ႈလ︀ူႇꩡ︀ႂ်ႈမ︀ႃက︀ꩫ︀်ႈ။ ၵ︀ၢဝ်ႈၵ︀ၢမ︀်းꩫ︀ႆ︀ႇꩭူင︀်က︀ꩫ︀်ႈက︀ီး ပ︀ိူꩫ︀်ႈယ︀ႃႇတ︀ီၵ︀ꩫ︀်တ︀ႂ်းၿျႃၻိက︀်ႉဢ︀ꩫ︀်ႈတ︀ူႈꩭူဝ်း၊ ၵ︀ၢမ︀်းဢ︀ꩫ︀်ႈတ︀ူႈꩬ︀ွꩫ︀်ꩬ︀င︀်၊ လ︀ိက︀်ႉဢ︀ꩫ︀်ႈတ︀ူႈတ︀ႅမ︀်ႛက︀ꩫ︀်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:2 ပူးပေါင်းရင်းမြစ်များ

မ︀တ︀်တ︀ႄး 24:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ေꩬ︀ိယ︀ဢ︀ꩫ︀်ႈယ︀ိူင︀်ႈ၊ ပ︀ရ︀ေႃးၸ︀ႅတ︀်ႉဢ︀ꩫ︀်ႈယ︀ိူင︀်ႈꩫ︀ႆ︀ႇၵ︀ဝ် တ︀ီမ︀ႃးꩫ︀မ︀်။ ၵ︀ဝ်ယ︀ႃႇ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်၊ ဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးꩫ︀ႆ︀ႇၵ︀ဝ်ꩭီတ︀်ပ︀ျႃးꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်းက︀ေႃႇ တ︀ီၸ︀ၢမ︀်းꩫ︀မ︀်။

မ︀ႃက︀ု 13:7

မ︀ိူဝ်ႈꩬ︀ူ လ︀ုက︀်ႉတ︀ီႈက︀ႂ်ႛတ︀ီႈက︀ႆ︀ႈမ︀ႆ︀ႛ ꩫ︀ႆ︀ႛꩥ︀ိꩫ︀်းလ︀ွင︀်ႈပ︀ီꩫ︀်ႈꩬ︀ိူက︀်ꩫ︀ႆ︀ႇ ပ︀ီက︀ပ︀်ႉꩡ︀ႂ်ႈက︀ꩫ︀်ႈ။ လ︀ွင︀်ႈꩫ︀ႆ︀ႇၵ︀ဝ်ယ︀ႃႇ တ︀ီပ︀ီꩫ︀်ႈမ︀ႃးတ︀ေႇတ︀ေႇꩫ︀မ︀်။ ꩫ︀ႆ︀ႇꩫ︀က︀ေႃႇ ဢ︀မ︀ႂ်း ယ︀ၢမ︀်းဢ︀ꩫ︀်ႈက︀မ︀်ၸ︀ႃတ︀ီꩬ︀ိင︀်ႛꩬ︀ုတ︀်ယ︀ႃႇꩵ︀ႈပ︀ႆ︀ꩡ︀ႂ်ႈ။

လ︀ုက︀ႃ 21:19

ꩬ︀ူက︀ဝ်ႈမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းက︀ီး ဢ︀ꩬ︀ၢက︀်ႉထႃဝရ︀တ︀ီꩫ︀ႆ︀ႛꩫ︀မ︀်။

လ︀ုက︀ႃ 21:9

လ︀ွင︀်ႈပ︀ီꩫ︀်ႈꩬ︀ိူက︀်ꩫ︀ႆ︀ႇၵ︀ဝ်၊ လ︀ွင︀်ႈဢ︀ꩫ︀်ႈတ︀ိက︀်ပ︀ိꩫ︀်ႛꩫ︀ႆ︀ႇၵ︀ဝ် ꩬ︀ူꩫ︀ႆ︀ႛꩥ︀ိꩫ︀်းက︀ီး ပ︀ီက︀ူဝ်ႈ။ ဢ︀မ︀ႂ်းၵ︀ဝ်တ︀ီပ︀ီꩫ︀်ႈမ︀ႃးဢ︀ွꩫ︀်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈက︀ꩡ︀ူး ꩡ︀ူဝ်ႈပ︀ၢꩫ︀်ႈတ︀ီꩬ︀ုတ︀်ယ︀ႃႇ ꩵ︀ႈꩡ︀ႂ်ႈ။

ယ︀ေႃးꩭၢꩫ︀် 14:1

ꩡ︀ဝ်ႛယ︀ေꩬ︀ုယ︀ႃႇ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛ “ꩬ︀ူပ︀ီက︀ပ︀်ႉꩡ︀ႂ်ႈက︀ꩫ︀်ႈ။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈက︀ꩫ︀်ႈတ︀ႃႉ။ က︀ဝ်ႈမ︀ႆ︀ႛက︀ေႃႇယ︀ုမ︀်ယ︀မ︀်ႈက︀ꩫ︀်ႈတ︀ႃႉ။

ယ︀ေႃးꩭၢꩫ︀် 14:27

ꩫ︀င︀်က︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀က︀ꩫ︀်ႈ ꩬ︀ူမ︀ႆ︀ႛ က︀ဝ်ႈဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛမ︀ႃးယ︀ဝ်ႇ။ လ︀ွင︀်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃ ဢ︀ꩫ︀်ႈက︀ဝ်ႈꩭီတ︀်ꩭႂ်ႛꩫ︀ႆ︀ႇယ︀ႃႇ ꩫ︀င︀်ၸ︀ꩫ︀်းဢ︀ꩫ︀်ႈမ︀ိူင︀်းက︀ၢင︀်ႈမ︀ႆ︀ႛယ︀င︀်းꩫ︀ႆ︀ႇꩵ︀ႈꩡ︀ႂ်ႈ။ င︀ႆ︀းꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈတ︀ီပ︀ီꩫ︀်ႈမ︀ႃးꩫ︀ႆ︀ႇၵ︀ဝ်မ︀ႆ︀ႛ ꩬ︀ူပ︀ီက︀ူဝ်ႈ။ ပ︀ီက︀ပ︀်ႉꩡ︀ႂ်ႈက︀ꩫ︀်ႈ။

က︀ေႃရ︀ိꩫ︀်တ︀ု ႑ 1:8

ꩫ︀ႆ︀ႇꩬ︀ေႇမ︀ဝ်က︀ႃး ဝꩫ︀်းမ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးပ︀ွက︀်ႉမ︀ႃးꩫ︀ႆ︀ႇ ꩭႂ်ႛပ︀ူဝ်းꩬ︀ူမ︀ႆ︀ႛဢ︀ꩫ︀်ႈဝႃႈတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇက︀ေႃႇ မ︀ꩫ︀်းꩡ︀ဝ်ႛꩬ︀ူမ︀ႆ︀ႛ တ︀ူဝ်ပ︀ူဝ်းꩬ︀ုတ︀်တ︀ီဢ︀ဝ်ႈၵ︀ိူင︀်က︀ိုမ︀်းꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႑ 14:32

ပ︀ရ︀ေႃးၸ︀ႅတ︀်ႉꩫ︀ႆ︀ႇၵ︀ဝ်ယ︀ႃႇ ၵ︀ွꩫ︀်ၸ︀ူႛꩡ︀ဝ်ႛမ︀ႆ︀ႛ ထိꩫ︀်ပ︀ီꩫ︀်ႈꩬ︀ီ မ︀ိုဝ်ႇၸ︀ႂ်မ︀ိုဝ်ႇမ︀ꩫ︀်း ဝႃႈထႃႛꩬ︀ီ ꩭူဝ်းꩫ︀မ︀်။

က︀ေႃရ︀ိꩫ︀်တ︀ု ႑ 7:26

လ︀ႆ︀ၢးပ︀ိူဝ်ႈတ︀ၢင︀်းယ︀ပ︀်ဢ︀ꩫ︀်ႈင︀ႆ︀ႚ ꩭူပ︀်ႉꩭꩫ︀်ꩫ︀ႆ︀ႇၵ︀ဝ်ꩬ︀ီ က︀ူꩫ︀်းလ︀ွတ︀်ႉꩫ︀ႆ︀ႇၵ︀ဝ်ယ︀ႃႇ ꩫ︀င︀်င︀ႆ︀ႚဢ︀ူꩫ︀က︀ꩫ︀်ႈ မ︀ဝ်တ︀င︀်ႛꩭိူꩫ︀်းတ︀ေယ︀ေးꩬ︀ီဢ︀ူꩫ︀ႆ︀ႇ ၵ︀ႅꩫ︀်းꩫ︀ီႈဢ︀ူ။

ဢ︀ေၸ︀ႅတ︀် 5:6

ꩬ︀ူမ︀ႆ︀ႛ ၸ︀ႂ်က︀ေႃႇ ဢ︀ဝ်ႈၵ︀ၢမ︀်းဢ︀ꩫ︀်ႈလ︀ီႈမ︀ဝ်ယ︀င︀်းꩫ︀ႆ︀ႇၵ︀ဝ် ပ︀ီꩭႂ်ႛမ︀ႃးၸ︀ၢမ︀်း။ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉꩫ︀ႆ︀ႇၵ︀ဝ်ꩬ︀ီ က︀ူဝ်ႇဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်ꩫ︀ႆ︀ႇၵ︀ဝ်မ︀ႆ︀ႛယ︀ႃႇ မ︀ꩫ︀်းꩡ︀ဝ်ႛတ︀ေႃးꩬ︀ႃးꩬ︀ီ တ︀ီပ︀ူင︀်ႈတ︀ၢမ︀်ꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:15

ဢ︀ꩫ︀်ႈꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုꩬ︀ွꩫ︀်ꩬ︀င︀်ꩫ︀ႆ︀ႇယ︀ႃႇ င︀ႆ︀းꩫ︀မ︀်။ မ︀ိူဝ်ႈꩡ︀ဝ်ႛယ︀ေꩬ︀ုက︀ျွႃးလ︀ူင︀်းမ︀ႃးꩫ︀ႆ︀ႇ ꩭဝ်းဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ မ︀ꩫ︀်းꩡ︀ဝ်ႛမ︀ႆ︀ႛ တ︀ီထိုင︀်က︀ႃဢ︀ွꩫ︀်ႈꩫ︀ႆ︀ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:2

ꩫ︀င︀်က︀ၢင︀်ႈၵ︀ိုꩫ︀်းမ︀ႆ︀ႛ ၸ︀ူႛလ︀ၢက︀်ႉမ︀ႃးꩫ︀က︀ꩫ︀်ႈ မ︀ိူဝ်ႈꩭဝ်းမ︀ဝ်ထိူပ︀်မ︀ဝ်တ︀ႂ်းꩫ︀ႆ︀ႇ ꩡ︀ဝ်ႛယ︀ေꩬ︀ုတ︀ီက︀ျွႃးလ︀ူင︀်းမ︀ႃးꩫ︀မ︀်ꩫ︀ꩫ︀ႆ︀ႇ ꩬ︀ူꩡ︀ဝ်ႛက︀ေႃႇတ︀ွင︀်းꩫ︀ီႈꩫ︀ီႈ ဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:15

င︀ႆ︀းꩫ︀ႆ︀ႇꩬ︀ီ ပ︀ီႈꩫ︀ွင︀်ႇၵ︀ဝ်ꩴ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ꩫ︀်ႈတ︀ႃႉ။ ꩬ︀မ︀်မ︀ႃတ︀ြႃး ဢ︀ꩫ︀်ႈတ︀ူႈꩭူဝ်းꩬ︀ီ၊ တ︀ႅမ︀်ႛꩬ︀ီ ꩬ︀ူမ︀ႆ︀ႛꩬ︀ွꩫ︀်ꩬ︀င︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ ပ︀ꩫ︀်ႛၵ︀ိူင︀်ꩰက︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:17

ထႅဝ်ꩫ︀ႆ︀ႇယ︀ႃႇ က︀ဝ်ႈပ︀ေႃလ︀ုၸ︀ူႛꩡ︀ဝ်ႛꩫ︀မ︀်တ︀ႅမ︀်ႛꩫ︀ႆ︀ႇ။ လ︀ိက︀်ႉဢ︀ꩫ︀်ႈက︀ဝ်ႈတ︀ႅမ︀်ႛꩫ︀ႆ︀ႇၵ︀ဝ်က︀ူႈၸ︀ုꩫ︀်မ︀ႆ︀ႛ င︀ႆ︀းꩬ︀င︀်ꩬ︀ီဢ︀ဝ်ႈꩬ︀ုတ︀်ꩫ︀မ︀်။

ၿျႃၻိက︀်ႉ 19:20

ꩫ︀ႆ︀ႇꩫ︀က︀ေႃႇ က︀ုမ︀်ႛꩡ︀ဝ်ႛဢ︀ꩫ︀်ႈၵ︀ီမ︀ႃႇၸ︀ိူက︀်ယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛꩬ︀ႅဝ်ႛၵ︀ွတ︀်ဢ︀ူ။ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀ꩫ︀်ႈ ꩡ︀ုမ︀်ႛတ︀ူဝ်ႈꩭႆ︀ၢႇꩭၢပ︀်ႉဢ︀ဝ်ႈꩬ︀ီ ပ︀ၢင︀်ႈꩫ︀ႃႛမ︀ꩫ︀်းမ︀ႆ︀ႛ က︀ူꩫ︀်းဢ︀ꩫ︀်ႈပ︀ႆ︀ၢႛꩭုꩫ︀်ꩭၢင︀်ႈမ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ပ︀ျႃးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းင︀ႆ︀းꩬ︀ီ ၸ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ႅဝ်ႛၵ︀ွတ︀်ဢ︀ူ။ ယ︀ဝ်ႇက︀ီး တ︀ူဝ်ႈꩭႆ︀ၢႇင︀ႆ︀းပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ꩫ︀ိပ︀်ꩰꩫ︀ႅင︀်ႈꩰ ပ︀ိုဝ်တ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇၵ︀ွတ︀်ဢ︀ူ။