ပ︀ေတ︀ရ︀ု ႒ 2:10 - Khamti Shan

¹⁰ လ︀ိူမ︀်တ︀ီꩫ︀ႆ︀ႇယ︀ႃႇ ꩬ︀ြႃမ︀ိက︀်ႉꩬ︀ႃဢ︀ꩫ︀်ႈꩡ︀ွမ︀်းꩡ︀ႂ်ႈက︀ႃမ︀ဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀် ဢ︀ꩫ︀်ႈၵ︀ၢꩫ︀်ႇထွမ︀်ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ တ︀ီပ︀ူင︀်ႈတ︀ၢမ︀်ꩫ︀မ︀်။ ꩬ︀ြႃမ︀ိက︀်ႉꩬ︀ႃဢ︀မ︀ႂ်း ၵ︀ဝ်ယ︀ႃႇ ꩡ︀ႂ်ႈꩭတ︀်ꩡ︀ႂ်ႈꩡ︀ꩫ︀်းင︀ႆ︀းမ︀ႃꩫ︀ယ︀ႂ်ꩬ︀ီ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း မ︀ိတ︀်ႉလ︀ိူင︀်ႈꩫ︀ႆ︀ၢႈက︀ေႃႇ မ︀ဝ်က︀ူဝ်ႈꩬ︀ီ က︀ေးလ︀ေးင︀ႆ︀းꩫ︀မ︀်။

ပ︀ေတ︀ရ︀ု ႒ 2:10 ပူးပေါင်းရင်းမြစ်များ

လ︀ုက︀ႃ 11:25

ꩭိူꩫ︀်းက︀ဝ်မ︀ꩫ︀်းမ︀ႆ︀ႛယ︀ႃႇ ပ︀ဝ်ၵ︀ွင︀်ꩰꩬ︀ီ ၸ︀ိဝ်ႛပ︀တ︀်တ︀ွင︀်ꩰ၊ ꩭႅမ︀်းထုက︀်ꩰဝႆ︀ႇမ︀ႆ︀ႛꩭꩫ︀်က︀ီး

လ︀ုက︀ႃ 19:14

ꩫ︀ႆ︀ႇꩫ︀က︀ေႃႇ က︀ူꩫ︀်းမ︀ိူင︀်းမ︀ꩫ︀်းၵ︀ဝ်ယ︀ႃႇ က︀ꩫ︀်ႛလ︀င︀်ꩡ︀ဝ်ႛက︀ႅမ︀်ႈမ︀ိူင︀်းဢ︀မ︀ႂ်း ဢ︀ွက︀်က︀ႃမ︀ႆ︀ႛ ၸ︀ူႛꩡ︀ႂ်ႇပ︀ွႆ︀ꩬ︀ီ “ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇမ︀ႆ︀ႛ တ︀ူႈꩵ︀ႈꩭၢပ︀်ႉ” ꩫ︀ꩬ︀ီ ꩡ︀ဝ်ႛꩭူဝ်ꩬ︀ႅင︀်မ︀ႆ︀ႛ ꩭႂ်ႛက︀ႃဝႃႈဢ︀ူ။

ထဝ်ꩡ︀တ︀်ႉၵ︀ဝ် 23:5

မ︀ꩫ︀်းယ︀ႃႇ “ပ︀ူဝ်မ︀ေပ︀ီႈꩫ︀ွင︀်ႇၵ︀ဝ်ꩴ︀း မ︀ꩫ︀်းပ︀ီꩫ︀်ႈၵ︀ုꩫ︀်ယ︀ီတ︀်ႉပ︀ရ︀ေႃးꩭိက︀်ႉꩫ︀ꩫ︀ႆ︀ႇ က︀ဝ်ႈꩵ︀ႈတ︀ွင︀်း၊ က︀ျမ︀်းလ︀ိက︀်ႉမ︀ႆ︀ႛယ︀ႃႇ ၸ︀ူႛဢ︀ꩫ︀်ႈꩬ︀ူမ︀ႆ︀ႛ ဢ︀ုပ︀်ႉပ︀ိုင︀်မ︀ႆ︀ႛ ဢ︀ꩫ︀်ႈမ︀ဝ်ꩫ︀ီႈꩵ︀ႈꩫ︀ႆ︀ႛဝႃႈ ꩫ︀ꩬ︀ီဝႃႈဝႆ︀ႇဢ︀ူ” ꩫ︀ဝꩫ︀်ႇ။

ရ︀ေႃမ︀ 8:1

င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ၢမ︀်ဢ︀ပ︀ႅတ︀်ႉꩵ︀ႈပ︀ူင︀်ႈယ︀ဝ်ႇ။

က︀ေႃရ︀ိꩫ︀်တ︀ု ႑ 6:9

က︀ူꩫ︀်းဢ︀ꩫ︀်ႈမ︀ဝ်တ︀ြႃးꩫ︀ႆ︀ႇၵ︀ဝ် ဢ︀မ︀ွေမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈꩫ︀ႆ︀ႛꩫ︀ꩫ︀ႆ︀ႇ ꩬ︀ူမ︀ဝ်တ︀ွင︀်းက︀ျႃး။ ꩬ︀ူမ︀ႆ︀ႛပ︀ီꩭႂ်ႛၸ︀ၢမ︀်း။ က︀ူꩫ︀်းဢ︀ꩫ︀်ႈၸ︀ိတ︀်က︀ႃႛမ︀ꩭင︀်ႛ၊ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ꩫ︀်ႈၸ︀ိတ︀်ၸ︀ူဝ်မ︀ေးပ︀ိူꩫ︀်ႈ၊ ဢ︀ꩫ︀်ႈၸ︀ူႛꩡ︀ႆ︀ၢးꩫ︀ႆ︀ၢႈၸ︀ူႛꩡ︀ႆ︀ၢး ၸ︀ူႛယ︀ိင︀်းꩫ︀ႆ︀ၢႈၸ︀ူႛယ︀ိင︀်း ꩭီတ︀်မ︀ေထုင︀်က︀ꩫ︀်ႈ၊

က︀ေႃရ︀ိꩫ︀်တ︀ု ႒ 10:3

ꩫ︀င︀်ꩡ︀ႂ်ႈꩫ︀ိူဝ်ႇꩫ︀ိူတ︀်ႉꩫ︀က︀ꩫ︀်ႈယ︀ႃႇ တ︀ူႈꩵ︀ႈတ︀ိက︀်တ︀ူဝ်း။

ဢ︀ေၸ︀ႅတ︀် 4:19

ၵ︀ဝ်ယ︀ႃႇ တ︀ၢင︀်းဢ︀ႆ︀ၢႈꩵ︀ႈယ︀င︀်းပ︀ိူင︀်ႈလ︀ူင︀်ယ︀ဝ်ႇ။ ꩡ︀ႂ်ႈꩫ︀ိူဝ်ႇꩫ︀ိူတ︀်ႉꩭႅင︀်းၸ︀ႅဝ်ꩬ︀ီ ၵ︀ဝ်ယ︀ႃႇ လ︀ွင︀်ႈꩭီတ︀်ဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်က︀ူႈၸ︀ꩫ︀်းမ︀ႆ︀ႛ လ︀မ︀်ၵ︀ွတ︀်ႉꩰဢ︀ူꩫ︀မ︀်။

ဢ︀ေၸ︀ႅတ︀် 5:5

က︀ူꩫ︀်းဢ︀ꩫ︀်ႈၸ︀ိတ︀်က︀ႃႛမ︀၊ ဢ︀ꩫ︀်ႈꩭီတ︀်ꩭင︀်ႛꩭီတ︀်ꩭိုက︀်က︀ူႈၸ︀ꩫ︀်းင︀ႆ︀း ဢ︀ꩫ︀်ႈꩡ︀ႂ်ႈတ︀ိင︀်ႈက︀ုပ︀်ꩫ︀ႆ︀ႇၵ︀ဝ်ယ︀ႃႇ မ︀ိူင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ုပ︀်ႉပ︀ိုင︀်မ︀ႆ︀ႛ ꩵ︀ႈꩫ︀ႆ︀ႛၵ︀ဝ်ႛꩫ︀ꩫ︀ႆ︀ႇ ꩬ︀ူတ︀ွင︀်းတ︀ေႇတ︀ေႇဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဢ︀ꩫ︀်ႈꩡ︀ႂ်ႈတ︀ိင︀်ႈက︀ုပ︀်ယ︀င︀်းꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈပ︀ႆ︀ၢႛꩭုꩫ︀်ꩭၢင︀်ႈꩫ︀က︀ꩫ︀်ႈꩫ︀မ︀်။

က︀ေႃလ︀ေႃတ︀ႄ 3:5

င︀ႆ︀းꩫ︀ႆ︀ႇꩬ︀ီ လ︀ုက︀်ႉꩫ︀ႂ်းꩬ︀ူမ︀ႆ︀ႛ တ︀ၢင︀်းက︀ႅင︀်းမ︀ိူင︀်းက︀ၢင︀်ႈ ဢ︀ꩫ︀်ႈꩭွင︀်က︀ႃမ︀က︀ုင︀်၊ ဢ︀ꩫ︀်ႈꩫ︀င︀်ꩫ︀ိူဝ်ႇမ︀ိူဝ်ႛꩫ︀က︀ꩫ︀်ႈꩭီတ︀်မ︀ေထုင︀်၊ ဢ︀ꩫ︀်ႈက︀ႃႛမ︀ပ︀ူꩫ︀်ႇၸ︀ိင︀်ႛ၊ ဢ︀ꩫ︀်ႈၵ︀ႂ်ႈꩭီတ︀်ဢ︀ꩫ︀်ႈမ︀ဝ်ꩫ︀ီႈ၊ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ႆ︀ႇၵ︀ဝ် ဢ︀ဝ်ႈၵ︀ွတ︀်မ︀ူတ︀်ꩰက︀ꩫ︀်ႈတ︀ႃႉ။ ဢ︀ꩫ︀်ႈလ︀ေႃးၸ︀ႃးယ︀ႂ်ꩫ︀ꩫ︀ႆ︀ႇ ဢ︀ꩫ︀်ႈပ︀ႆ︀ၢႛဝႆ︀ႈꩭုꩫ︀်ꩭၢင︀်ႈၸ︀ꩫ︀်းလ︀ိူင︀်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:7

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇ ꩭၢင︀်းၸ︀ိတ︀်မ︀ေးလ︀ုက︀်ႉပ︀ိူꩫ︀်ႈꩵ︀ႈꩡ︀ႂ်ႈ။ ꩭၢင︀်းဢ︀ူမ︀ူတ︀်ꩰꩡ︀ၢင︀်ꩰꩫ︀မ︀်။

တ︀ိမ︀ေႃတ︀ေ ႒ 3:2

မ︀ိူဝ်ႈဢ︀မ︀ႂ်း က︀ူꩫ︀်းꩫ︀ႆ︀ႇၵ︀ဝ် ꩡ︀ႂ်ႈတ︀ိင︀်ႈက︀ုပ︀်၊ ꩡ︀ႂ်ႈလ︀ေႃးၸ︀ႃး၊ ဢ︀ꩫ︀်ႈက︀မ︀်ႇလ︀ွင︀်ႛ၊ ဢ︀ꩫ︀်ႈဢ︀လ︀ွေႛပ︀ိူꩫ︀်ႈꩫ︀ႆ︀ႇၵ︀ဝ်ယ︀င︀်းမ︀ႃးꩬ︀ီ ဢ︀ꩫ︀်ႈတ︀ၢꩫ︀်ႛꩭတ︀်တ︀ၢꩫ︀်ႛꩡ︀ꩫ︀်း၊ ဢ︀ꩫ︀်ႈၵ︀ၢမ︀်းပ︀ူဝ်မ︀ေမ︀ဝ်ထွမ︀်၊ ဢ︀ꩫ︀်ႈက︀ျေးꩡ︀ူးမ︀ဝ်တ︀ွင︀်း၊ ဢ︀ꩫ︀်ႈၸ︀ြႃးတ︀ြႃးမ︀ဝ်ယ︀င︀်းꩫ︀ႆ︀ႇၵ︀ဝ် တ︀ီပ︀ီꩫ︀်ႈမ︀ႃးꩫ︀မ︀်။

တ︀ိတ︀ု 1:7

ၸ︀ူႛင︀မ︀်းꩡ︀ိူဝ်းꩫ︀ꩫ︀ႆ︀ႇ ၸ︀ူႛဢ︀ꩫ︀်ႈꩭီတ︀်ꩭူဝ်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ဝႃႈယ︀င︀်းꩫ︀မ︀်။ မ︀ꩫ︀်းယ︀ႃႇ ဢ︀ꩫ︀်ႈမ︀ႃꩫ︀ယ︀ႂ်၊ ဢ︀ꩫ︀်ႈꩡ︀ႂ်ႈပ︀ွတ︀်၊ ဢ︀ꩫ︀်ႈက︀ိꩫ︀်ႈလ︀ဝ်ႛမ︀ဝ်ႇက︀မ︀်ႈ၊ ဢ︀ꩫ︀်ႈꩭီတ︀်ꩭႆ︀ၢႇꩭီတ︀်ꩡ︀ႃႇ၊ ဢ︀ꩫ︀်ႈလ︀ေႃးၸ︀ႃးင︀ိူꩫ︀်းꩫ︀ႆ︀ႇၵ︀ဝ် ꩵ︀ႈဝႃႈယ︀င︀်း။

ꩭေပ︀ရ︀ူး 13:4

လ︀ွင︀်ႈတ︀င︀်ႛꩭိူꩫ︀်းတ︀ေယ︀ေးမ︀ႆ︀ႛ က︀ူႈက︀ူဝ်ႇဝႆ︀ႇၵ︀ꩫ︀်ꩫ︀ၢပ︀်ႉယ︀မ︀်ႈ က︀ꩫ︀်ႈတ︀ႃႉ။ ပ︀ူဝ်ႈꩭိူꩫ︀်းမ︀ေႈꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းက︀ꩫ︀်ႈတ︀ႃႉ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဢ︀ꩫ︀်ႈၸ︀ိတ︀်မ︀ေထုင︀် ဢ︀ꩫ︀်မ︀ဝ်တ︀ြႃးꩫ︀ၵ︀ႃ ဢ︀ꩫ︀်ႈၸ︀ိတ︀်ၸ︀ူဝ်ပ︀ိူꩫ︀်ႈမ︀ေးပ︀ိူꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်။

ပ︀ေတ︀ရ︀ု ႒ 3:3

ဢ︀ꩫ︀်ႈꩬ︀ူမ︀ႆ︀ႛꩭီတ︀်ဢ︀ၵ︀ႅက︀်ႉꩬ︀ီ ၵ︀ႂ်ႈꩭႂ်ႛတ︀ွင︀်းꩫ︀ႆ︀ႇယ︀ႃႇ က︀ၢပ︀်ႉပ︀ႆ︀ၢႈꩭၢင︀်မ︀ႆ︀ႛ က︀ူꩫ︀်းဢ︀ꩫ︀်ႈꩡ︀ွမ︀်းꩡ︀ႂ်ႈꩫ︀ိပ︀်ꩡ︀ႂ်ႈၵ︀ိဝ်ꩫ︀ႆ︀ၢႈꩫ︀ႆ︀ႇၵ︀ဝ် ဢ︀ွက︀်မ︀ႃးꩬ︀ီ ꩬ︀ူမ︀ႆ︀ႛတ︀ီꩭီတ︀်ꩬ︀ွင︀်းၸ︀ိူက︀်ႉက︀ꩫ︀်ႈꩫ︀မ︀်။

ယ︀ုတ︀ 1:10

ꩫ︀ႆ︀ႇꩫ︀က︀ေႃႇ က︀ူꩫ︀်းဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈၵ︀ဝ်မ︀ဝ်ပ︀ွင︀်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ေးလ︀ေးင︀ႆ︀းꩬ︀ီ ꩫ︀င︀်ꩫ︀ိူဝ်ႇမ︀ိူဝ်ႛဢ︀ꩫ︀်ႈၵ︀ႂ်ႈꩡ︀ႂ်ႈမ︀ဝ်ꩡ︀ၢင︀်ႈꩫ︀ႆ︀ႇၵ︀ဝ်ꩫ︀က︀ꩫ︀်ႈ ဢ︀ꩫ︀်ႈꩫ︀င︀်ၵ︀ဝ်တ︀ွင︀်းꩫ︀က︀ꩫ︀်ႈꩫ︀ႆ︀ၢႈꩬ︀ိုင︀်ꩭီတ︀်ꩬ︀ီ ၵ︀ဝ်ၸ︀ူႛꩡ︀ဝ်ႛမ︀ႆ︀ႛ ဢ︀ဝ်ႈလ︀ူႇပ︀ႅက︀်ႉက︀ႃက︀ꩫ︀်ႈဢ︀ူ။

ယ︀ုတ︀ 1:16

က︀ူꩫ︀်းဢ︀မ︀ႂ်းၵ︀ဝ်ယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ၵ︀င︀်းꩰꩫ︀ၢႆ︀ꩫ︀ၢႆ︀င︀ႆ︀း၊ ပ︀ိူꩫ︀်ႈမ︀ႆ︀ႛတ︀ၢင︀်ဢ︀ပ︀ႅတ︀်ႉလ︀ေင︀ႆ︀း၊ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀်ꩡ︀ွမ︀်းင︀ႆ︀း၊ က︀မ︀်ႇလ︀ွင︀်ႛင︀ႆ︀း၊ ပ︀ိူꩫ︀်ႈမ︀ႆ︀ႛၵ︀ၢမ︀်းဝၢꩫ︀်ဝၢꩫ︀်တ︀ၢꩫ︀်ႛင︀ႆ︀း ဢ︀က︀ိဝ်းၸ︀ူႛꩡ︀ဝ်ႛꩫ︀ႆ︀ၢႈꩬ︀ိုင︀်ၵ︀ႃဢ︀ူꩫ︀မ︀်။

ယ︀ုတ︀ 1:18

က︀ၢပ︀်ႉပ︀ႆ︀ၢႈꩭၢင︀်မ︀ႆ︀ႛ က︀ူꩫ︀်းဢ︀ꩫ︀်ႈꩬ︀ူမ︀ႆ︀ႛ ꩭီတ︀်ꩬ︀ွင︀်းၵ︀ူဝ်၊ ဢ︀ꩫ︀်ႈꩡ︀ွမ︀်းꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛꩫ︀ႆ︀ၢႈꩫ︀ႆ︀ႇၵ︀ဝ် တ︀ီဢ︀ွက︀်မ︀ႃးꩫ︀မ︀်ꩫ︀ꩬ︀ီ ၵ︀ဝ်ဝႃႈမ︀ႃးဢ︀ူ။

ယ︀ုတ︀ 1:4

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀ႂ်းꩡ︀ိူဝ်းꩬ︀ူမ︀ႆ︀ႛ က︀ူꩫ︀်းဢ︀ꩫ︀်ႈꩭႅꩫ︀်းꩭီတ︀်က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် လ︀ၢက︀်ႉꩬ︀ွတ︀်ႉꩬ︀ီၵ︀ဝ်ႛမ︀ႃးယ︀ဝ်ႇ။ ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ၸ︀ူႛပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈမ︀ႆ︀ႛ ပ︀ႆ︀ၵ︀ွတ︀်ꩬ︀ေႇမ︀ဝ်က︀ႃး က︀ူꩫ︀်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ီꩫ︀ူႈꩭၢက︀်ႉꩭွမ︀်ၸ︀ႅဝ်ꩫ︀ႆ︀ႇꩬ︀ီ ꩭဝ်းက︀ၢပ︀်ꩬ︀ီၸ︀ိတ︀်က︀ႃႛမ︀ဢ︀ူꩫ︀က︀ေႃႇ မ︀ꩫ︀်းꩡ︀ဝ်ႛပ︀ွႆ︀လ︀ွတ︀်ႉꩭႂ်ႛဢ︀ူꩫ︀ꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛ ဢ︀ဝ်ႈၸ︀ႆ︀ꩬ︀ီꩬ︀ွꩫ︀်လ︀ေဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်ꩫ︀ꩫ︀ႆ︀ႇ လ︀ုက︀်ႉမ︀ိူဝ်ႈင︀ႃးပ︀ုꩫ︀်ႛ တ︀ႅမ︀်ႛဝႆ︀ႇယ︀ဝ်ႇꩰ။