ပ︀ေတ︀ရ︀ု ႒ 1:7 - Khamti Shan

⁷ က︀ꩫ︀်ႛꩫ︀ိူဝ်ဢ︀ꩫ︀်ႈၵ︀ႂ်ႈꩡ︀ွမ︀်းဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ꩫ︀်ႈꩫ︀င︀်ပ︀ီႈꩫ︀ွင︀်ႇꩫ︀က︀ꩫ︀်ႈꩭၢက︀်ႉက︀ꩫ︀်ႈ၊ က︀ꩫ︀်ႛꩫ︀ိူဝ်ဢ︀ꩫ︀်ႈꩫ︀င︀်ပ︀ီႈꩫ︀ွင︀်ႇꩫ︀က︀ꩫ︀်ႈꩭၢက︀်ႉက︀ꩫ︀်ႈမ︀ႆ︀ႛ ဢ︀ꩫ︀်ႈက︀ူႈက︀ူဝ်ႇမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇၵ︀ဝ် က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ꩬ︀ေႈꩡ︀ႃႉꩬ︀ီထႅမ︀်ဢ︀ိက︀်က︀ꩫ︀်ႈက︀ႃတ︀ႃႉ။

ပ︀ေတ︀ရ︀ု ႒ 1:7 ပူးပေါင်းရင်းမြစ်များ

ရ︀ေႃမ︀ 12:10

ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩫ︀င︀်ပ︀ီႈꩫ︀ွင︀်ႇက︀ꩫ︀်ႈꩫ︀က︀ꩫ︀်ႈ ꩭၢက︀်ႉက︀ꩫ︀်ႈတ︀ႃႉ။ ၸ︀ူႛꩡ︀ဝ်ႛမ︀ႆ︀ႛမ︀ဝ်ယ︀ွင︀်ႛꩬ︀ီ ပ︀ိူꩫ︀်ႈမ︀ႆ︀ႛꩬ︀ိုင︀် ယ︀ူဝ်းယ︀ွင︀်ႛက︀ꩫ︀်ႈတ︀ႃႉ။

က︀လ︀ႃတ︀ိ 6:10

င︀ႆ︀းꩫ︀ႆ︀ႇꩬ︀ီ က︀ႃႈꩫ︀င︀်တ︀ၢင︀်းတ︀ူဝ်ꩫ︀ႆ︀ႇ က︀ူႈက︀ူဝ်ႇမ︀ႆ︀ႛ ꩭီတ︀်လ︀ွင︀်ႈꩫ︀ီႈꩭႂ်ႛတ︀ႃႉ။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ေႈၵ︀ႅꩫ︀်းꩭီတ︀်ꩭႂ်ႛတ︀ႃႉ။

က︀ေႃလ︀ေႃတ︀ႄ 3:14

ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉယ︀ႃႇ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈꩭၢက︀်ႉက︀ꩫ︀်ႈတ︀ႃႉ။ ꩬ︀ူꩭၢက︀်ႉက︀ꩫ︀်ႈက︀ီး ꩬ︀ူတ︀င︀်းမ︀ိူင︀်း ꩫ︀င︀်က︀ူဝ်ႇလ︀ိူင︀်ႈꩫ︀ႆ︀ၢႈꩫ︀က︀ꩫ︀်ႈ ၸ︀ွမ︀်ႇလ︀ွမ︀်ႈက︀ꩫ︀်ႈလ︀ေႚလ︀ေႚမ︀ႃးဢ︀ူ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 3:12

ꩫ︀င︀်တ︀ူႈꩬ︀ူမ︀ႆ︀ႛ ꩭၢက︀်ႉꩭွမ︀်ꩫ︀က︀ꩫ︀်ႈ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈတ︀မ︀ိူင︀်း ပ︀ိူꩫ︀်ႈတ︀င︀်းမ︀ိူင︀်းမ︀ႆ︀ႛတ︀မ︀ိူင︀်း ꩭႂ်ႛပ︀ူဝ်းꩭၢက︀်ႉꩭွမ︀်ဢ︀ိက︀်က︀ꩫ︀်ႈꩫ︀ႆ︀ႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛꩡ︀ွႆ︀ႈꩭႂ်ႛက︀ႃတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:15

ၸ︀ႂ်မ︀ႆ︀ႛက︀ေႃႇ ပ︀ီတ︀ွပ︀်ꩬ︀ူꩫ︀်ႇက︀ꩫ︀်ႈ။ ꩫ︀ႂ်းꩡ︀ိူဝ်းꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀က︀ေႃႇယ︀ႃ ပ︀ိူꩫ︀်ႈၸ︀ႂ်မ︀ႆ︀ႛꩫ︀က︀ေႃႇယ︀ႃ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭီတ︀်လ︀ွင︀်ႈꩫ︀ီႈဢ︀ၵ︀ႅက︀်ႉဢ︀ၵ︀ျႃက︀ꩫ︀်ႈတ︀ႃႉ။

ꩭေပ︀ရ︀ူး 13:1

ꩬ︀ူ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩫ︀င︀်ပ︀ီႈꩫ︀ွင︀်ႇက︀ꩫ︀်ႈꩫ︀က︀ꩫ︀်ႈ က︀ၢပ︀်ꩬ︀ီꩭၢက︀်ႉက︀ꩫ︀်ႈက︀ႃတ︀ႃႉ။

ပ︀ေတ︀ရ︀ု ႑ 1:22

ꩬ︀ူ ꩬ︀မ︀်မ︀ႃတ︀ြႃးမ︀ႆ︀ႛ ထွမ︀်းꩡ︀ွမ︀်းꩫ︀ႆ︀ႇꩬ︀ီ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ လ︀ုက︀်ႉတ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈတ︀ေႇတ︀ေႇမ︀ႃးယ︀ဝ်ႇ။ က︀ၢပ︀်ꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉက︀ꩫ︀်ႈက︀ႃတ︀ႃႉ။

ပ︀ေတ︀ရ︀ု ႑ 2:17

က︀ူꩫ︀်းက︀ူႈက︀ူဝ်ႇမ︀ႆ︀ႛ ꩫ︀ၢပ︀်ႉယ︀မ︀်ႈꩬ︀ီ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ ꩭၢက︀်ႉꩭွမ︀်က︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူဝ်ႈယ︀မ︀်ႈꩬ︀ီ ꩡ︀ဝ်ႛꩭူဝ်ၵ︀မ︀်းမ︀ႆ︀ႛ ယ︀မ︀်ႈင︀ဝ်းက︀ꩫ︀်ႈတ︀ႃႉ။

ပ︀ေတ︀ရ︀ု ႑ 3:8

ပ︀ႆ︀ၢႈꩭၢင︀်လ︀ေႚလ︀ေႚမ︀ႆ︀ႛၵ︀ႂ်ႈဝႃႈꩫ︀ႆ︀ႇယ︀ႃႇ ꩬ︀ူတ︀င︀်းမ︀ိူင︀်ႈ ꩡ︀ႂ်ႈၵ︀ူမ︀်က︀ꩫ︀်ႈတ︀ႃႉ။ ꩫ︀င︀်ပ︀ီႈꩫ︀ွင︀်ႇက︀ꩫ︀်ႈꩫ︀က︀ꩫ︀်ႈ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈ၊ လ︀ႅင︀်ႇက︀ꩫ︀်ႈ၊ ဢ︀ီꩫ︀ူႈက︀ꩫ︀်ႈꩬ︀ီ က︀ွမ︀်းꩫ︀ွမ︀်းက︀ꩫ︀်ႈတ︀ႃႉ။

ယ︀ေႃးꩭၢꩫ︀် ႑ 3:14

ꩭဝ်းယ︀ႃႇပ︀ိူꩫ︀်ႈမ︀ႆ︀ႛ ꩭၢက︀်ႉꩫ︀ႆ︀ႇꩬ︀ီ ꩭဝ်းလ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ လ︀ွတ︀်ႉမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ မ︀ဝ်ꩭၢက︀်ႉꩫ︀ႆ︀ႇယ︀ႃႇ ဢ︀ူက︀ꩫ︀်ႛတ︀ႂ်ႛ တ︀ꩫ︀်းၵ︀ူဝ်းၵ︀ုꩫ︀်တ︀ႆ︀ၢႈမ︀ႆ︀ႛꩫ︀မ︀်။

ယ︀ေႃးꩭၢꩫ︀် ႑ 3:16

ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇꩭဝ်းၵ︀ၢမ︀်တ︀ႆ︀ၢႈꩭႂ်ႛꩫ︀ႆ︀ႇꩬ︀ီ မ︀ႅတ︀်ႉတ︀ႃယ︀ႃႇ ꩫ︀င︀်ꩭိုဝ်ꩫ︀ꩫ︀ႆ︀ႇ ꩭဝ်းတ︀ွင︀်းမ︀ႃးက︀ꩫ︀်ႈယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭဝ်းက︀ေႃႇ ꩡ︀ႃႇပ︀ိူꩫ︀်ႈထုက︀်ꩫ︀ီႈၵ︀ွတ︀်ဢ︀ꩬ︀ၢက︀်ႉꩫ︀မ︀်။

ယ︀ေႃးꩭၢꩫ︀် ႑ 4:21

ꩬ︀ိꩫ︀်ဢ︀ꩫ︀်ႈꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ꩭႂ်ႛမ︀ႃးꩫ︀ႆ︀ႇယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩭၢက︀်ႉက︀ီး ပ︀ိူꩫ︀်ႈမ︀ႆ︀ႛက︀ေႃႇ ဝႃႈꩭၢက︀်ႉဢ︀ူ” ꩫ︀ꩫ︀ႆ︀ႇꩫ︀မ︀်။