ယ︀ေႃးꩭၢꩫ︀် ႒ 1:3 - Khamti Shan

³ ꩭဝ်းဢ︀ꩫ︀်ႈꩫ︀င︀်ꩬ︀မ︀်မ︀ႃတ︀ြႃးꩫ︀က︀ꩫ︀်ႈဢ︀ူꩬ︀ီ ꩭၢက︀်ႉꩰꩭွမ︀်ꩰက︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃလ︀ုက︀်ႉမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀က︀ိဝ်းꩭႂ်ႛပ︀ူင︀်ႈက︀တ︀ႃႉ။ ၵ︀ဝ်ꩡ︀ဝ်ႛ ꩭဝ်းမ︀ႆ︀ႛဢ︀ီꩫ︀ူႈꩬ︀ီ က︀ျေးꩡ︀ူးတ︀ူဝ်ꩡ︀ဝ်ႛပ︀ူင︀်ႈꩭႂ်ႛင︀ႆ︀း ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃက︀တ︀ႃႉ။

ယ︀ေႃးꩭၢꩫ︀် ႒ 1:3 ပူးပေါင်းရင်းမြစ်များ

ရ︀ေႃမ︀ 1:7

င︀ႆ︀းꩫ︀ႆ︀ႇꩬ︀ီ ꩬ︀ူꩡ︀ဝ်ႛက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭၢက︀်ႉꩬ︀ီ ꩭွင︀်ႇဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ က︀ဝ်ႈလ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈ က︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ႃတ︀ႃႉ။

က︀လ︀ႃတ︀ိ 5:6

ꩭဝ်းဢ︀ူက︀ꩫ︀်ႛꩫ︀ႂ်း ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀် ꩭၢပ︀်ႉ၊ မ︀ဝ်ꩭၢပ︀်ႉꩫ︀ꩫ︀ႆ︀ႇ ꩵ︀ႈဢ︀ၵ︀ႅက︀်ႉပ︀ိူင︀်ႈလ︀ူင︀်။ ဢ︀ꩫ︀်ႈဢ︀ၵ︀ႅက︀်ႉတ︀ေႇတ︀ေႇꩫ︀ႆ︀ႇယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ ပ︀ိူꩫ︀်ႈမ︀ႆ︀ႛꩭၢက︀်ႉꩭွမ︀်ꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 1:14

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ က︀ဝ်ႈမ︀ႆ︀ႛꩭၢက︀်ႉꩭွမ︀်ဢ︀ီꩫ︀ူႈလ︀ူင︀်မ︀ႃးꩫ︀မ︀်။ က︀ဝ်ႈယ︀ႃႇဢ︀ူက︀ꩫ︀်ႛꩫ︀ႂ်းမ︀ꩫ︀်းꩡ︀ဝ်ႛꩫ︀ႆ︀ႇꩬ︀ီ ꩭႂ်ႛပ︀ူဝ်း မ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ပ︀ိူꩫ︀်ႈမ︀ႆ︀ႛက︀ေႃႇꩭၢက︀်ႉꩭွမ︀်ပ︀ီꩫ︀်ႈꩫ︀ႆ︀ႇ မ︀ꩫ︀်းꩡ︀ဝ်ႛက︀ဝ်ႈမ︀ႆ︀ႛꩡ︀ွႆ︀ႈꩭႂ်ႛမ︀ႃးယ︀ဝ်ႇ။

တ︀ိမ︀ေႃတ︀ေ ႒ 1:13

ꩬ︀မ︀်မ︀ႃတ︀ြႃး ဢ︀ꩫ︀်ႈက︀ဝ်ႈꩬ︀ွꩫ︀်ꩭႂ်ႛꩫ︀ႆ︀ႇမ︀ႆ︀ႛ ꩭီတ︀်ပ︀ိူင︀်ႈꩬ︀ီ ပ︀ꩫ︀်ႛၵ︀ိူင︀်ꩰတ︀ႃႉ။ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ူꩬ︀ီ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၵ︀ိူင︀်ꩰက︀ႃတ︀ႃႉ။ ပ︀ိူꩫ︀်ႈမ︀ႆ︀ႛက︀ေႃႇ ꩭၢက︀်ႉꩭွမ︀်တ︀ႃႉ။

ယ︀ေႃးꩭၢꩫ︀် ႑ 4:10

ꩫ︀ႆ︀ႇယ︀ႃႇ မ︀ႅတ︀်ႉတ︀ႃဢ︀ꩫ︀်ႈꩡ︀ႅတ︀်ႉꩫ︀မ︀်။ မ︀ႅတ︀်ႉတ︀ႃꩫ︀ႆ︀ႇယ︀ႃႇ ဢ︀ꩫ︀်ႈꩭဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢက︀်ႉꩵ︀ႈꩡ︀ႂ်ႈ။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛꩭၢက︀်ႉꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းဢ︀ပ︀ႅတ︀်ႉꩭဝ်းမ︀ႆ︀ႛ တ︀ၢင︀်ႈတ︀ူဝ်ႈꩭဝ်းꩬ︀ီၵ︀ၢမ︀်ꩭႂ်ႛꩫ︀ႆ︀ႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်တ︀ူဝ်ႈၵ︀ႅက︀်ꩬ︀ီ ပ︀ွႆ︀ꩡ︀ႂ်ႇမ︀ႃးယ︀ဝ်ႇ။

ယ︀ေႃးꩭၢꩫ︀် ႒ 1:1

ꩡ︀ွႆ︀ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇ ꩴ︀း ꩬ︀ူꩡ︀ဝ်ႛမ︀ေႈလ︀ုက︀်ႉမ︀ႆ︀ႛ က︀ဝ်ႈၸ︀ူႛပ︀ီꩫ︀်ႈꩭူဝ်က︀ေꩡ︀ိူဝ်း လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩬ︀ူꩡ︀ဝ်ႛမ︀ႆ︀ႛ က︀ဝ်ႈတ︀မ︀ိူင︀်း က︀ူꩫ︀်းဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛ တ︀ွင︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭၢက︀်ႉꩭွမ︀်ဢ︀ူ။