ယ︀ေႃးꩭၢꩫ︀် ႒ 1:10 - Khamti Shan

¹⁰ က︀ူဝ်ႇဢ︀ꩫ︀်ႈတ︀ြႃးꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ဝ်ႈၸ︀ႆ︀ꩬ︀ီ ꩬ︀ွꩫ︀်ꩫ︀ႆ︀ႇၵ︀ဝ် ꩬ︀ူမ︀ႆ︀ႛမ︀ႃးက︀ီး ပ︀ီꩭၢပ︀်ႉတ︀ွꩫ︀်ႛ။ မ︀ႂ်ꩬ︀ုင︀်တ︀ီၵ︀ႃႛꩫ︀ꩫ︀ႆ︀ၢႈက︀ေႃႇ ပ︀ီဝႃႈ။

ယ︀ေႃးꩭၢꩫ︀် ႒ 1:10 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 15:23

မ︀ိုဝ်းꩬ︀ွင︀်ၵ︀ႃမ︀ႆ︀ႛ လ︀ိက︀်ႉၸ︀ၢက︀်ꩭႂ်ႛဢ︀ူ။ လ︀ိက︀်ႉဢ︀မ︀ႂ်းမ︀ႆ︀ႛ “ပ︀ီႈꩫ︀ွင︀်ႇဢ︀ꩫ︀်ႈက︀ျူးမ︀ဝ်ꩡ︀ႂ်ႈ ဢ︀ꩫ︀်ႈဢ︀ူဝီင︀်းဢ︀ꩫ︀်တ︀ိဢ︀ုက︀်၊ မ︀ိူင︀်းꩬ︀ီရ︀ီယ︀ႃး၊ မ︀ိူင︀်းက︀ိလ︀ိက︀ိꩫ︀ႆ︀ႇၵ︀ဝ်ꩴ︀း ꩬ︀ူꩡ︀ဝ်ႛမ︀ႆ︀ႛ တ︀ူႈတ︀မ︀ၢꩫ︀်ꩡ︀ဝ်ႛၵ︀ဝ်၊ ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ် ၸ︀ူႛပ︀ီꩫ︀်ႈပ︀ီႈꩫ︀ွင︀်ႇꩬ︀ူꩡ︀ဝ်ႛၵ︀ဝ် ꩬ︀င︀်ၵ︀ၢမ︀်းမ︀ႂ်ꩬ︀ုင︀်တ︀ီၵ︀ႃႛဢ︀ူ။

က︀ေႃရ︀ိꩫ︀်တ︀ု ႑ 16:22

က︀ူဝ်ႇဢ︀ꩫ︀်ႈꩡ︀ဝ်ႛꩭဝ်းမ︀ႆ︀ႛ မ︀ဝ်ꩭၢက︀်ႉꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛပ︀ူဝ်းတ︀ၢမ︀်က︀တ︀ႃႉ။ ꩡ︀ဝ်ႛꩴး က︀ျွႃးမ︀ႃးတ︀ီၵ︀ႃႛမ︀ႃးတ︀ႃႉ။

က︀ေႃရ︀ိꩫ︀်တ︀ု ႑ 5:11

ဢ︀ꩫ︀်ႈက︀ဝ်ႈၵ︀ႂ်ႈဝႃႈꩫ︀ႆ︀ႇယ︀ႃႇ က︀ူဝ်ႇဢ︀ꩫ︀်ႈꩭီတ︀်ၵ︀ရ︀ီတ︀်ယ︀ၢꩫ︀်ꩬ︀ီ ၸ︀ိတ︀်က︀ႃႛမ︀၊ လ︀ေႃးၸ︀ႃးꩭႅင︀်း၊ ပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ပ︀ိူꩫ︀်ႈမ︀ႆ︀ႛဢ︀ဝ်ႈꩡ︀ိုဝ်ႈၸ︀ေႛ၊ မ︀ဝ်းလ︀ဝ်ႛ၊ ပ︀ိူꩫ︀်ႈမ︀ႆ︀ႛမ︀ၢပ︀်က︀ိꩫ︀်ႈꩫ︀ႆ︀ႇၵ︀ဝ်မ︀ႆ︀ႛꩫ︀မ︀် ꩭႂ်ႛင︀ိူင︀်ႇꩫ︀ႆ︀ႇ။ တ︀င︀်းၵ︀ဝ်ယ︀ႃႇ မ︀ိူဝ်ႈက︀ိꩫ︀်ႈꩫ︀ႆ︀ၢႈက︀ေႃႇ ပ︀ီꩭူမ︀်ႈက︀ိꩫ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:14

ဢ︀ꩫ︀်ႈင︀ႆ︀ႚတ︀ူႈꩬ︀ွꩫ︀်ꩬ︀င︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ က︀ူဝ်ႇဢ︀ꩫ︀်ႈမ︀ဝ်ꩡ︀ွမ︀်းက︀ႅင︀်းယ︀င︀်းက︀ီး မ︀ꩫ︀်းမ︀ႆ︀ႛင︀ိူင︀်ႇတ︀ႃႉ။ ꩭႂ်ႛပ︀ူဝ်းမ︀ꩫ︀်းဢ︀ႆ︀ၢႈꩫ︀ႆ︀ႇ မ︀ꩫ︀်းမ︀ႆ︀ႛပ︀ီလ︀ွေႛ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:6

ပ︀ီႈꩫ︀ွင︀်ႇၵ︀ဝ်ꩴ︀း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ꩬ︀ူမ︀ႆ︀ႛပ︀ꩫ︀်ႈꩬ︀တ︀ိက︀ွတ︀်။ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈၵ︀ၢꩫ︀်ႇ ဢ︀ꩫ︀်ႈတ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်တ︀ူႈꩬ︀ွꩫ︀်ꩬ︀င︀်ꩫ︀က︀ꩫ︀်ႈ မ︀ဝ်ꩡ︀ွမ︀်းက︀ႅင︀်းꩫ︀ႆ︀ႇၵ︀ဝ်မ︀ႆ︀ႛပ︀ီလ︀ွေႛ။

တ︀ိတ︀ု 3:10

က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ ဢ︀ဝ်ႈက︀ၢက︀်ႉꩡ︀ႂ်ႈက︀ꩫ︀်ႈမ︀ႆ︀ႛယ︀ႃႇ ဢ︀ဝ်ႈထိုင︀်ꩬ︀ွင︀်ပ︀ၢꩫ︀်ႈꩡ︀တ︀်တ︀ႃႉ။ ယ︀ဝ်ႇက︀ီး က︀ူဝ်ႇဢ︀မ︀ႂ်းမ︀ႆ︀ႛ ပ︀ီꩡ︀ၢပ︀်ႉပ︀ိူင︀်ႈလ︀ူင︀်ယ︀ဝ်ႇ။

ယ︀ေႃးꩭၢꩫ︀် ႒ 1:11

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်မ︀ႆ︀ႛ “မ︀ႂ်ꩬ︀ုင︀်တ︀ီၵ︀ႃႛ” ꩫ︀ꩬ︀ီꩭဝ်းဝႃႈက︀ီး ဢ︀ꩫ︀်ႈၵ︀ဝ်ꩭီတ︀်ဢ︀ꩫ︀်ႈမ︀ဝ်ꩫ︀ီႈမ︀ႆ︀ႛ ꩭဝ်းက︀ေႃႇလ︀ွေႛက︀ႃယ︀ဝ်ႇ။

ယ︀ေႃးꩭၢꩫ︀် ႓ 1:10

င︀ႆ︀းꩫ︀ႆ︀ႇꩬ︀ီ မ︀ိူဝ်ႈက︀ဝ်ႈမ︀ႃးꩫ︀ႆ︀ႇ ဢ︀ꩫ︀်ႈမ︀ꩫ︀်းꩭီတ︀်မ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီက︀ုꩥ︀်ႇဢ︀ွက︀်ꩭႂ်ႛꩫ︀မ︀်။ ဢ︀ꩫ︀်ႈမ︀ꩫ︀်းတ︀ူႈမ︀ႆ︀ႛ က︀ေးလ︀ေးꩫ︀ႆ︀ႇၵ︀ဝ် ဢ︀ꩫ︀်ႈမ︀ꩫ︀်းၸ︀ႅတ︀်ႉꩫ︀ႆ︀ႇၵ︀ဝ်က︀ေႃႇ တ︀ီယ︀ႃးပ︀ွက︀်ႉꩫ︀မ︀်။ ဢ︀ꩫ︀်ႈမ︀ꩫ︀်းမ︀ဝ်ꩫ︀ီႈမ︀ႃးꩫ︀ႆ︀ႇယ︀ႃႇ ၵ︀ႆ︀ႇလ︀ိူင︀်ႈꩫ︀ႆ︀ၢႈꩵ︀ႈက︀ႃး။ မ︀ꩫ︀်းယ︀ႃႇ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႃးꩫ︀က︀ေႃႇ မ︀ဝ်ꩭၢပ︀်ႉတ︀ွꩫ︀်ႛ။ က︀ူဝ်ႇဢ︀ꩫ︀်ႈၵ︀ႂ်ႈꩭၢပ︀်ႉတ︀ွꩫ︀်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩡ︀တ︀်ꩬ︀ီ လ︀ုက︀်ႉꩡ︀ိူဝ်းꩡ︀ဝ်ႛမ︀ႆ︀ႛ ꩭူဝ်ႛဢ︀ွက︀်ၵ︀ွတ︀်င︀ႆ︀းꩫ︀မ︀်။