က︀ေႃရ︀ိꩫ︀်တ︀ု ႒ 9:2 - Khamti Shan

² က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူပ︀ိူꩫ︀်ႈမ︀ႆ︀ႛ ၵ︀ႂ်ႈꩡ︀ွႆ︀ႈꩭႅင︀်းဢ︀ူꩫ︀ꩫ︀ႆ︀ႇ က︀ဝ်ႈတ︀ွင︀်းꩫ︀ႆ︀ႇꩬ︀ီ ꩬ︀ူက︀ူꩫ︀်းꩡ︀ိူဝ်းတ︀ိူင︀်းဢ︀ႃၵ︀ႃယ︀ꩫ︀ႆ︀ႇၵ︀ဝ် လ︀ုက︀်ႉပ︀ီႈက︀ႆ︀ၢႈပ︀ုꩫ︀်ႛ ၵ︀ွင︀်လ︀ူꩭႅမ︀်းဝႆ︀ႇဢ︀ူꩫ︀ꩬ︀ီ က︀ူꩫ︀်းꩡ︀ိူဝ်းတ︀ိူင︀်းမ︀ႃက︀ေတ︀ေႃꩫ︀ိၵ︀ဝ်မ︀ႆ︀ႛက︀ေႃႇ က︀ဝ်ႈလ︀ွင︀်ႈꩬ︀ူယ︀ွင︀်ႛမ︀ႃးဢ︀ူ။ ဢ︀ꩫ︀်ႈတ︀ေႇတ︀ေႇက︀ေႃႇ ၵ︀ဝ်ꩭႂ်ႛပ︀ူဝ်းလ︀ူမ︀ႃးꩫ︀ႆ︀ႇက︀ေႃႇ ꩡ︀ေတ︀ꩫ︀ႃꩬ︀ူꩫ︀မ︀် ၵ︀ဝ်ဢ︀ၢꩫ︀်တ︀ၢꩫ︀်မ︀ႆ︀ႛ ꩬ︀ူꩫ︀်းꩭႂ်ႛမ︀ႃးꩫ︀ႆ︀ႇ။

က︀ေႃရ︀ိꩫ︀်တ︀ု ႒ 9:2 ပူးပေါင်းရင်းမြစ်များ

ထဝ်ꩡ︀တ︀်ႉၵ︀ဝ် 18:12

ꩡ︀ူဝ်ႈမ︀ိူဝ်ႈက︀ႃလ︀ျုင︀် ပ︀ီꩫ︀်ႈꩡ︀ဝ်ႛက︀ႅမ︀်ႈမ︀ိူင︀်းဢ︀ႃၵ︀ႃယ︀ꩫ︀ႆ︀ႇ က︀ျူးꩫ︀ႆ︀ႇၵ︀ဝ်တ︀ုမ︀်ႈက︀ꩫ︀်ႈꩬ︀ီ ပ︀ေႃလ︀ုမ︀ႆ︀ႛꩬ︀ႅဝ်ႛင︀ႆ︀း ပ︀ၢင︀်ႈတ︀ြႃးမ︀ႆ︀ႛဢ︀ဝ်ႈမ︀ႃးဢ︀ူ။

ထဝ်ꩡ︀တ︀်ႉၵ︀ဝ် 24:17

က︀ဝ်ႈၵ︀ႃႛလ︀ုက︀်ႉဝီင︀်းယ︀ေယ︀ုꩬ︀လ︀ီမ︀်မ︀ႆ︀ႛဢ︀ွက︀်မ︀ႃးꩬ︀ီ ꩬ︀ွင︀်ꩬ︀ၢမ︀်ပ︀ီႈꩭိုင︀်မ︀ႃးက︀ီး ꩡ︀ႃႇꩬ︀ူင︀်င︀ိူꩫ︀်း ပ︀ီႈꩫ︀ွင︀်ႇၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်င︀ႆ︀း ꩡ︀ႃႇၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ႃပ︀ုက︀်ႉꩡ︀ူဝ်ၵ︀ွင︀်လ︀ူꩫ︀ႆ︀ႇဝီင︀်းဢ︀မ︀ႂ်းမ︀ႆ︀ႛ ပ︀ွက︀်ႉက︀ႃဢ︀ူ။

ရ︀ေႃမ︀ 15:26

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ိူဝ်းꩡ︀ေႈဝီင︀်းမ︀ႃက︀ေတ︀ေႃꩫ︀ိꩫ︀ၵ︀ႃ ꩡ︀ိူဝ်းမ︀ိူင︀်းဢ︀ႃၵ︀ႃယ︀ၵ︀ဝ်ယ︀ႃႇ က︀ူꩫ︀်းꩡ︀ိူဝ်းဝီင︀်းယ︀ေရ︀ုꩬ︀လ︀ိမ︀် ဢ︀ꩫ︀်ႈယ︀ၢက︀်ႉၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈင︀ိူꩫ︀်းꩡ︀ွႆ︀ႈက︀ွတ︀်ꩫ︀ꩬ︀ီ ၵ︀ွင︀်းꩰလ︀ွင︀်းꩰတ︀ႅပ︀်တ︀တ︀်က︀ꩫ︀်ႈယ︀ဝ်ႇ။

က︀ေႃရ︀ိꩫ︀်တ︀ု ႑ 16:15

ꩡ︀ုမ︀်ႛꩭိူꩫ︀်းꩬ︀တ︀ေၸ︀ꩫ︀်ၵ︀ဝ်မ︀ႆ︀ႛ ꩬ︀ူတ︀ွင︀်းမ︀ဝ်ꩡ︀ႂ်ႈ။ ၵ︀ဝ်ယ︀ႃႇ ဢ︀ꩫ︀်ႈလ︀ုက︀်ႉတ︀ိူင︀်းဢ︀ႃၵ︀ႃယ︀မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚယ︀ုမ︀်ယ︀မ︀်ႈမ︀ႃးꩫ︀မ︀်။ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ၵ︀ဝ်ꩡ︀ွႆ︀ႈလ︀ူင︀်ꩡ︀ွႆ︀ႈလ︀ၢင︀်မ︀ႃးယ︀ဝ်ႇ။ ၵ︀ႅꩫ︀်းꩫ︀က︀ွတ︀်။ ၵ︀ၢမ︀်းၵ︀ဝ်မ︀ႆ︀ႛတ︀မ︀ိူင︀်း၊ ၵ︀ၢမ︀်းက︀ူꩫ︀်းဢ︀ꩫ︀်ႈတ︀င︀်းၵ︀ဝ် ꩭူမ︀်ႈꩭီတ︀်ဢ︀မ︀ူးꩬ︀ေႈꩡ︀ႃႉꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ထွမ︀်ꩡ︀ွမ︀်းက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 1:1

ꩬ︀ူꩡ︀ဝ်ႛ က︀ူꩫ︀်းꩡ︀ိူဝ်းၸ︀ြႃးပ︀ီꩫ︀်ႈꩡ︀ဝ်ႛဝီင︀်းက︀ေႃရ︀ိꩫ︀်တ︀ုၵ︀ဝ် တ︀င︀်းက︀ူပ︀် က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈတ︀ိူင︀်းဢ︀ႃၵ︀ႃယ︀မ︀ႆ︀ႛ ယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ဝ်ႈပ︀ေႃလ︀ု ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭွင︀်ႇဢ︀ဝ်ႈပ︀ီꩫ︀်ႈတ︀မ︀ၢꩫ︀်ꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ၵ︀ႃ ꩫ︀ွင︀်ႇꩭဝ်းတ︀ိမ︀ေႃတ︀ေ လ︀ိက︀်ႉတ︀ႅမ︀်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 7:14

မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ က︀ဝ်ႈမ︀ꩫ︀်းမ︀ႆ︀ႛ လ︀ွင︀်ႈꩬ︀ူယ︀ွင︀်ႛမ︀ႃးꩫ︀ႆ︀ႇꩫ︀က︀ꩫ︀်ႈ ꩡ︀ႂ်ႈဢ︀ူꩫ︀ꩫ︀ႆ︀ႇ မ︀ꩫ︀်းမ︀ႆ︀ႛꩬ︀ူပ︀ျႃးမ︀ႃးꩫ︀ႆ︀ႇꩬ︀ီ က︀ဝ်ႈꩵ︀ႈꩫ︀ႆ︀ႛဢ︀ႆ︀ၢႈမ︀ႃး။ တ︀ူႈꩬ︀ူမ︀ႆ︀ႛ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀ိုင︀် ဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈတ︀ူႈတ︀ိတ︀ုမ︀ႆ︀ႛ လ︀ွင︀်ႈꩬ︀ူဝႃႈမ︀ႃးꩫ︀ႆ︀ႇၵ︀ဝ်က︀ေႃႇ ꩡ︀ႂ်ႈဢ︀ူꩫ︀ꩫ︀ႆ︀ႇ ꩡ︀ုꩫ︀်ႈမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 7:4

ꩬ︀ူမ︀ႆ︀ႛ က︀ဝ်ႈတ︀မ︀်းꩡ︀ႂ်ႈလ︀ူင︀်၊ ꩭုမ︀်လ︀ူင︀်ꩫ︀မ︀်။ တ︀ူႈမ︀ႆ︀ႛၻုက︀်ႉၵ︀ၵ︀ႂ်ႈလ︀ႂ်ႈထိုင︀်မ︀ႃးꩫ︀က︀ေႃႇ က︀ဝ်ႈꩭႅင︀်းယ︀င︀်းင︀ႆ︀းꩬ︀ီ ꩡ︀ူမ︀်းလ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႒ 8:10

လ︀ွင︀်ႈဢ︀ꩫ︀်ႈꩬ︀ူꩭီတ︀်မ︀ႃးမ︀ႆ︀ႛ က︀ဝ်ႈၵ︀ႂ်ႈꩫ︀ေꩭႂ်ႛꩫ︀ႆ︀ႇယ︀ႃႇ ဢ︀ꩫ︀်ႈꩬ︀ူဢ︀ဝ်ႈꩡ︀ေတ︀ꩫ︀ႃလ︀ူꩰပ︀ꩫ︀်ႈꩰဢ︀မ︀ႂ်း င︀ႆ︀ႚထုက︀်ꩫ︀ီႈဢ︀ဝ်ႈယ︀ဝ်ႇꩫ︀မ︀်။ ဢ︀မ︀ူးဢ︀မ︀ႂ်း ꩬ︀ူꩫ︀မ︀်ပ︀ီႈက︀ႆ︀ၢႈ က︀ူဝ်မ︀ႃးꩫ︀ႆ︀ႇ။

က︀ေႃရ︀ိꩫ︀်တ︀ု ႒ 8:11

င︀ႆ︀ႚယ︀ႃႇ က︀ႃႈꩫ︀င︀်ꩬ︀ူပ︀ီꩫ︀်ႈပ︀ေႇꩫ︀ႆ︀ႇ လ︀ူက︀ꩫ︀်ႈင︀ႆ︀းꩬ︀ီ ဢ︀မ︀ူးဢ︀မ︀ႂ်း ဢ︀ဝ်ႈယ︀ဝ်ႇတ︀ႃႉ။ င︀ႆ︀းက︀ီး ꩬ︀ူꩡ︀ေတ︀ꩫ︀ႃယ︀င︀်းꩬ︀ီ ꩬ︀ၢင︀်မ︀ႃးꩫ︀မ︀်ꩫ︀ꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ် တ︀ွင︀်းမ︀ႃးဢ︀ူ။

က︀ေႃရ︀ိꩫ︀်တ︀ု ႒ 8:19

ꩫ︀ႆ︀ႇꩬ︀ေႇမ︀ဝ်က︀ႃး မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈꩡ︀ိူဝ်းတ︀င︀်းမ︀ိူင︀်း လ︀ိူက︀်ႉတ︀ၢင︀်ဝႆ︀ႇ ꩭၢင︀်းတ︀င︀်းတ︀ူႈꩭူမ︀်ႈက︀ႃ ယ︀ုင︀်းၵ︀ွင︀်လ︀ူက︀ေႃႇꩡ︀ႂ်ႈဢ︀ူ။ တ︀ူႈယ︀ုင︀်းၵ︀ွင︀်လ︀ူꩫ︀ႆ︀ႇယ︀ႃႇ ꩭႂ်ႛပ︀ူဝ်းမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭိူဝ်ႈꩭိုင︀်းꩬ︀ီ ꩡ︀ေတ︀ꩫ︀ႃတ︀ူႈမ︀ႆ︀ႛက︀ေႃႇ ပ︀ိူꩫ︀်ႈတ︀ွင︀်းꩡ︀ုꩫ︀်ႈꩰမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 8:24

င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈတ︀ူႈꩬ︀ူမ︀ႆ︀ႛ ယ︀ွင︀်ႛꩫ︀ႆ︀ႇၵ︀ဝ် ꩬ︀ိုဝ်ႈꩡ︀ႂ်ႈဢ︀ူꩫ︀ꩫ︀ႆ︀ႇ ꩭႂ်ႛပ︀ူဝ်းꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းမ︀ိူင︀်းတ︀ွင︀်းက︀ႃꩫ︀ႆ︀ႇ ၵ︀ဝ်မ︀ႆ︀ႛမ︀ႅတ︀်ႉတ︀ႃꩬ︀ူပ︀ျႃးꩭႂ်ႛက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႒ 8:8

က︀ဝ်ႈဝႃႈင︀ႆ︀းꩫ︀ႆ︀ႇယ︀ႃႇ ဢ︀ꩫ︀်ႈꩬ︀ူမ︀ႆ︀ႛꩭႂ်ႛဢ︀မ︀ိင︀်းꩵ︀ႈꩡ︀ႂ်ႈ။ ဢ︀ꩫ︀်ႈပ︀ိူꩫ︀်ႈꩡ︀ေတ︀ꩫ︀ႃꩭႅင︀်းꩫ︀ႆ︀ႇမ︀ႆ︀ႛ က︀ဝ်ႈတ︀ွင︀်းꩫ︀ႆ︀ႇꩬ︀ီ မ︀ႅတ︀်ႉတ︀ႃꩬ︀ူꩬ︀ိုဝ်ႈမ︀ဝ်ꩬ︀ိုဝ်ႈꩫ︀ꩫ︀ႆ︀ႇ ꩭၢင︀်းတ︀ွင︀်းꩫ︀ႆ︀ၢႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:7

င︀ႆ︀းꩫ︀ႆ︀ႇꩬ︀ီꩬ︀ူယ︀ႃႇ ပ︀ၢင︀်ႈꩫ︀ႃႛၸ︀ူႛယ︀ုမ︀်ယ︀မ︀်ႈတ︀ိူင︀်းမ︀ႃက︀ေတ︀ေႃꩫ︀ိၵ︀ဝ်ꩫ︀ၵ︀ႃတ︀ိူင︀်းဢ︀ႃၵ︀ႃယ︀ၵ︀ဝ်တ︀င︀်းမ︀ိူင︀်းမ︀ႆ︀ႛ ပ︀ီꩫ︀်ႈပ︀ႅင︀်ႈꩡ︀ွမ︀်ႈက︀ႃယ︀ဝ်ႇ။

ꩭေပ︀ရ︀ူး 10:24

ပ︀ႆ︀ႉꩭဝ်း က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭႂ်ႛပ︀ူဝ်းꩭၢက︀်ႉက︀ꩫ︀်ႈ၊ ꩡ︀ွႆ︀ႈက︀ꩫ︀်ႈꩫ︀ႆ︀ႇ ဝႆ︀ႇꩡ︀ႂ်ႈꩬ︀ီ တ︀ိက︀်ꩬ︀ူꩫ︀်းꩭႂ်ႛက︀ꩫ︀်ႈꩫ︀မ︀်။