က︀ေႃရ︀ိꩫ︀်တ︀ု ႒ 9:11 - Khamti Shan

¹¹ င︀ႆ︀းꩬ︀ီ မ︀ꩫ︀်းꩡ︀ဝ်ႛꩭႂ်ႛပ︀ူဝ်းꩬ︀ူ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ပ︀ိူꩫ︀်ႈမ︀ႆ︀ႛၵ︀ွင︀်းꩰလ︀ွင︀်းꩰꩡ︀ွႆ︀ႈပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛ ꩡ︀ေးꩡ︀ိမ︀်တ︀ီဢ︀ဝ်ႈတ︀ီမ︀်ႈက︀ုမ︀်ꩭႂ်ႛꩫ︀မ︀်။ င︀ႆ︀းက︀ီး မ︀ိူဝ်ႈတ︀ူႈက︀ႃပ︀ꩫ︀်ႈ ၵ︀ွင︀်လ︀ူꩬ︀ူꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

က︀ေႃရ︀ိꩫ︀်တ︀ု ႒ 9:11 ပူးပေါင်းရင်းမြစ်များ

မ︀တ︀်တ︀ႄး 20:15

င︀ိူꩫ︀်းက︀ဝ်ႈမ︀ႆ︀ႛ က︀ႃႈꩫ︀င︀်က︀ဝ်ႈၵ︀ႂ်ႈတ︀ိုဝ်းꩫ︀ႆ︀ႇ တ︀ိုဝ်းမ︀ဝ်ꩫ︀ႆ︀ႛက︀ျႃး။ က︀ဝ်ႈꩡ︀ႂ်ႈꩫ︀ီႈꩫ︀ႆ︀ႇမ︀ႆ︀ႛ ꩬ︀ူတ︀ႃႈပ︀ီꩫ︀ႅင︀်ႈက︀ꩫ︀်ႈ” ꩫ︀ဢ︀ူ။

မ︀တ︀်တ︀ႄး 25:17

က︀ူဝ်ႇဢ︀ꩫ︀်ႈꩬ︀ွင︀်ꩡ︀ွႆ︀ႇꩫ︀ႆ︀ႛꩭၢပ︀်ႉꩫ︀ႆ︀ႇက︀ေႃႇ က︀ႃက︀ႃႇꩬ︀ီ ၵ︀မ︀်းꩬ︀ွင︀်ꩡ︀ွႆ︀ႇဢ︀ဝ်ႈꩫ︀ႆ︀ႛဢ︀ိက︀်မ︀ႃးဢ︀ူ။

ရ︀ေႃမ︀ 12:8

ꩬ︀ူးဢ︀ꩫ︀်ႈပ︀ိူꩫ︀်ႈမ︀ႆ︀ႛ ꩬ︀ႂ်ꩭႅင︀်းꩡ︀ၢင︀်ႈꩫ︀ႆ︀ႇယ︀င︀်းက︀ီး ꩬ︀ႂ်ꩭႅင︀်းꩭႂ်ႛတ︀ႃႉ။ ꩬ︀ူးဢ︀ꩫ︀်ႈပ︀ိူꩫ︀်ႈမ︀ႆ︀ႛ ꩭႂ်ႛꩰပ︀ꩫ︀်ႈꩰပ︀ီꩫ︀်ႈꩫ︀ႆ︀ႇယ︀င︀်းက︀ီး ၵ︀ွင︀်းꩰလ︀ွင︀်းꩰꩭႂ်ႛꩭႂ်ႛပ︀ꩫ︀်ႈꩰတ︀ႃႉ။ ꩬ︀ူးဢ︀ꩫ︀်ႈပ︀ီꩫ︀်ႈꩭူဝ်က︀ေပ︀ိူꩫ︀်ႈꩫ︀ႆ︀ႇယ︀င︀်းက︀ီး တ︀င︀်းꩡ︀ႂ်ႈတ︀င︀်းၵ︀ူဝ်းဢ︀ွꩫ︀်ႈꩭူဝ်တ︀ႃႉ။ ꩬ︀ူးဢ︀ꩫ︀်ႈပ︀ိူꩫ︀်ႈမ︀ႆ︀ႛဢ︀ီꩫ︀ူႈꩫ︀ႆ︀ႇယ︀င︀်းက︀ီး ၵ︀ွင︀်းꩰလ︀ွင︀်းꩰဢ︀ီꩫ︀ူႈက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 1:5

ꩬ︀ူ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ဢ︀ꩫ︀်ႈꩬ︀ူထုက︀်တ︀ွင︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းꩭႂ်ႛပ︀ူဝ်းတ︀ွင︀်း၊ ဢ︀ꩫ︀်ႈꩬ︀ူထုက︀်ဝႃႈꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းဝႃႈပ︀ီꩫ︀်ႈꩬ︀ွꩫ︀်ပ︀ီꩫ︀်ႈꩫ︀ႆ︀ႇ မ︀ꩫ︀်းꩡ︀ဝ်ႛ ꩬ︀ူမ︀ႆ︀ႛက︀ူႈꩡ︀ွင︀်ႈက︀ူႈလ︀ွင︀်ႈ ဢ︀ဝ်ႈတ︀ီမ︀်ႈက︀ုမ︀်ꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 4:15

လ︀ွင︀်ႈꩫ︀ႆ︀ႇၵ︀ဝ်တ︀င︀်းလ︀ုင︀် ပ︀ီꩫ︀်ႈမ︀ႃးꩫ︀ႆ︀ႇယ︀ႃႇ ꩡ︀ႃႇဢ︀က︀ိဝ်းꩬ︀ူꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈင︀ႆ︀းꩫ︀ႆ︀ႇယ︀ႃႇ မ︀ꩫ︀်းꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ ၵ︀ႂ်ႈလ︀ႂ်ႈဢ︀ီꩫ︀ူႈꩭၢက︀်ႉꩭွမ︀်ꩫ︀ꩫ︀ႆ︀ႇ က︀ူꩫ︀်းꩫ︀ႆ︀ႇၵ︀ဝ်ဢ︀ၢꩫ︀်တ︀ၢꩫ︀် တ︀ွင︀်းမ︀ႃးꩬ︀ီ ꩭႂ်ႛပ︀ူဝ်းမ︀ူꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ဢ︀ေႈၵ︀ႅꩫ︀်းတ︀ၢင︀်က︀ျေးꩡ︀ူးက︀ꩫ︀်ႈ၊ ယ︀ူဝ်းယ︀ွင︀်ႛက︀ꩫ︀်ႈꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 8:16

တ︀ိတ︀ုမ︀ႆ︀ႛက︀ေႃႇ ꩫ︀င︀်တ︀ူႈꩫ︀က︀ꩫ︀်ႈ ꩡ︀ႂ်ႈဢ︀ꩫ︀်ႈꩬ︀ူမ︀ႆ︀ႛၵ︀ႂ်ႈꩡ︀ွႆ︀ႈꩭႅင︀်းꩫ︀ႆ︀ႇ ဢ︀ဝ်ႈယ︀င︀်းꩭႂ်ႛꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႒ 8:19

ꩫ︀ႆ︀ႇꩬ︀ေႇမ︀ဝ်က︀ႃး မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈꩡ︀ိူဝ်းတ︀င︀်းမ︀ိူင︀်း လ︀ိူက︀်ႉတ︀ၢင︀်ဝႆ︀ႇ ꩭၢင︀်းတ︀င︀်းတ︀ူႈꩭူမ︀်ႈက︀ႃ ယ︀ုင︀်းၵ︀ွင︀်လ︀ူက︀ေႃႇꩡ︀ႂ်ႈဢ︀ူ။ တ︀ူႈယ︀ုင︀်းၵ︀ွင︀်လ︀ူꩫ︀ႆ︀ႇယ︀ႃႇ ꩭႂ်ႛပ︀ူဝ်းမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭိူဝ်ႈꩭိုင︀်းꩬ︀ီ ꩡ︀ေတ︀ꩫ︀ႃတ︀ူႈမ︀ႆ︀ႛက︀ေႃႇ ပ︀ိူꩫ︀်ႈတ︀ွင︀်းꩡ︀ုꩫ︀်ႈꩰမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 9:12

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ူးဢ︀ꩫ︀်ႈꩬ︀ူꩡ︀ွႆ︀ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛၵ︀ဝ်ꩫ︀ႆ︀ႇ ဢ︀ꩫ︀်ႈၵ︀ဝ်ꩭၢင︀်ႇမ︀ႆ︀ႛ ထႅမ︀်ꩭႂ်ႛꩫ︀ႆ︀ႇꩬ︀ေႇမ︀ဝ်က︀ႃး ꩭႂ်ႛပ︀ူဝ်းက︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀ ယ︀ူဝ်းယ︀ွင︀်ႛၸ︀ြႃးပ︀ီꩫ︀်ႈꩡ︀ဝ်ႛက︀ေႃႇꩡ︀ႂ်ႈဢ︀ူ။