က︀ေႃရ︀ိꩫ︀်တ︀ု ႒ 8:7 - Khamti Shan

⁷ ꩬ︀ူယ︀ႃႇ တ︀ၢင︀်းယ︀ုမ︀်ယ︀မ︀်ႈယ︀ႂ်ဢ︀ူ။ ꩭူဝ်းတ︀ြႃးꩡ︀ၢင︀်ႈꩫ︀ီႈꩫ︀ီႈဢ︀ူ။ ဢ︀ꩫ︀်ႈꩭူႇတ︀ွင︀်းꩫ︀မ︀်ဢ︀ူ။ တ︀ူႈမ︀ႆ︀ႛက︀ေႃႇ ꩭၢက︀်ႉꩭွမ︀်တ︀ေႇတ︀ေႇꩬ︀ီ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩬ︀ူꩭီတ︀်ꩫ︀ီႈꩫ︀ီႈလ︀ူင︀်ꩫ︀မ︀်။ င︀ႆ︀းꩫ︀ႆ︀ႇꩬ︀ီ လ︀ွင︀်ႈဢ︀ꩫ︀်ႈꩭႂ်ႛꩭႂ်ႛပ︀ꩫ︀်ႈꩰꩫ︀ႆ︀ႇမ︀ႆ︀ႛက︀ေႃႇ ဢ︀ေႈၵ︀ႅꩫ︀်းၵ︀ွင︀်းꩰလ︀ွင︀်းꩰꩭႂ်ႛꩰပ︀ꩫ︀်ႈꩰက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 8:7 ပူးပေါင်းရင်းမြစ်များ

မ︀တ︀်တ︀ႄး 25:22

ၸ︀ူႛꩡ︀ႂ်ႇဢ︀ꩫ︀်ႈၵ︀မ︀်းꩬ︀ွင︀်ꩡ︀ွႆ︀ႇꩭၢပ︀်ႉဝႆ︀ႇꩫ︀ႆ︀ႇက︀ေႃႇမ︀ႃးꩬ︀ီ “ꩡ︀ဝ်ႛꩴ︀း မ︀ႂ်းꩡ︀ဝ်ႛက︀ဝ်ႈၵ︀ႃႛမ︀ႆ︀ႛ ၵ︀မ︀်းꩬ︀ွင︀်ꩡ︀ွႆ︀ႇဢ︀ၢပ︀်ႉဝႆ︀ႇꩫ︀ႆ︀ႇ၊ ပ︀လ︀ေႃး ၵ︀မ︀်းꩬ︀ွင︀်ꩡ︀ွႆ︀ႇဢ︀ဝ်ႈꩫ︀ႆ︀ႛဢ︀ိက︀်မ︀ႃးတ︀ီၵ︀ႃႛယ︀ဝ်ႇ” ꩫ︀ꩬ︀ီ ၵ︀မ︀်းဢ︀မ︀ႂ်းၵ︀ဝ်တ︀င︀်းမ︀ိူင︀်းဢ︀ၢပ︀်ႉꩭႂ်ႛပ︀ွက︀်ႉဢ︀ူ။

ရ︀ေႃမ︀ 15:14

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူꩫ︀ီႈလ︀ူင︀်ꩫ︀မ︀်။ ꩬ︀ူယ︀ႃႇ လ︀ွင︀်ႈဢ︀ꩫ︀်ႈꩬ︀ူထုက︀်ꩭီတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်းတ︀ွင︀်းꩬ︀ီ ပ︀ိူꩫ︀်ႈမ︀ႆ︀ႛက︀ေႃႇ ꩬ︀ွꩫ︀်ꩭႂ်ႛပ︀ီꩫ︀်ႈဢ︀ူꩫ︀ꩫ︀ႆ︀ႇ က︀ဝ်ႈတ︀မ︀်းꩡ︀ႂ်ႈဢ︀ူ။

က︀ေႃရ︀ိꩫ︀်တ︀ု ႑ 1:5

ꩬ︀ူ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ဢ︀ꩫ︀်ႈꩬ︀ူထုက︀်တ︀ွင︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းꩭႂ်ႛပ︀ူဝ်းတ︀ွင︀်း၊ ဢ︀ꩫ︀်ႈꩬ︀ူထုက︀်ဝႃႈꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းဝႃႈပ︀ီꩫ︀်ႈꩬ︀ွꩫ︀်ပ︀ီꩫ︀်ႈꩫ︀ႆ︀ႇ မ︀ꩫ︀်းꩡ︀ဝ်ႛ ꩬ︀ူမ︀ႆ︀ႛက︀ူႈꩡ︀ွင︀်ႈက︀ူႈလ︀ွင︀်ႈ ဢ︀ဝ်ႈတ︀ီမ︀်ႈက︀ုမ︀်ꩭႂ်ႛမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႑ 12:13

ꩫ︀င︀်ꩫ︀ႆ︀ႇꩫ︀က︀ꩫ︀်ႈ က︀ျူးပ︀တ︀ု၊ ဢ︀ꩫ︀်ႈက︀ျူးမ︀ဝ်ꩡ︀ႂ်ႈပ︀တ︀ု၊ ၵ︀ႃႛပ︀တ︀ု၊ က︀ူꩫ︀်းလ︀ွတ︀်ႉပ︀တ︀ု ꩭဝ်းတ︀င︀်းမ︀ိူင︀်း က︀ꩫ︀်ႛꩫ︀ႂ်းတ︀ူဝ်ႈလ︀ိဝ်ႈမ︀ႆ︀ႛ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၵ︀ွꩫ︀်လ︀ိဝ်ႈ မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭၢပ︀်ႉဝႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 12:8

ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛပ︀ႃးလ︀ိဝ်ႈꩫ︀ႆ︀ၢႈꩫ︀မ︀် က︀ူဝ်ႇလ︀ိူင︀်ႈမ︀ႆ︀ႛယ︀ႃႇ ၵ︀ၢဝ်ႈၵ︀ၢမ︀်းပ︀ိင︀်ꩥ︀ႃꩫ︀မ︀်ꩰꩭႂ်ႛꩬ︀ီ တ︀ၢင︀်က︀ူဝ်ႇမ︀ႆ︀ႛယ︀ႃႇ ၵ︀ၢဝ်ႈၵ︀ၢမ︀်းတ︀ၢင︀်းꩭူႇꩭꩫ︀်ꩫ︀မ︀်ꩰ ꩭႂ်ႛဝႆ︀ႇꩫ︀ႆ︀ႇ။

က︀ေႃရ︀ိꩫ︀်တ︀ု ႑ 13:2

က︀ဝ်ႈမ︀ႆ︀ႛ ꩬ︀ူးဢ︀ꩫ︀်ႈꩭူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩬ︀ီ တ︀ြႃးမ︀ꩫ︀်းꩡ︀ဝ်ႛဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ဝ် ပ︀ွင︀်ꩡ︀ႂ်ႈꩡ︀ၢင︀်ႈင︀ႆ︀း တ︀ၢင︀်းꩭူႇတ︀ၢင︀်းꩡ︀ၢင︀်ႈတ︀င︀်းမ︀ိူင︀်းယ︀င︀်းꩫ︀က︀ေႃႇ၊ တ︀ၢင︀်းယ︀ုမ︀်ယ︀မ︀်ႈက︀ဝ်ႈယ︀ႂ်ꩬ︀ီ ꩫ︀ွႆ︀ႈမ︀ႆ︀ႛတ︀မ︀ိူင︀်း ဢ︀ဝ်ႈၵ︀ႆ︀ၢႇပ︀ီꩫ︀်ႈꩫ︀က︀ေႃႇ မ︀ႅတ︀်ႉတ︀ႃမ︀ဝ်ယ︀င︀်းက︀ီး က︀ဝ်ႈက︀ꩬ︀င︀်က︀ေႃႇꩵ︀ႈꩡ︀ႂ်ႈ။

က︀ေႃရ︀ိꩫ︀်တ︀ု ႑ 13:8

မ︀ႅတ︀်ႉတ︀ႃꩭဝ်းယ︀ႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈမ︀ူတ︀်ꩡ︀ၢင︀်ႈ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈꩭူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ၊ ဢ︀ꩫ︀်ႈတ︀ၢꩫ︀်ႛၵ︀ၢမ︀်းလ︀ၢက︀်လ︀ႆ︀ၢး၊ တ︀ၢင︀်းꩡ︀ၢင︀်ႈဢ︀ꩫ︀်ႈတ︀ွင︀်းဝႆ︀ႇꩫ︀ႆ︀ႇၵ︀ဝ်ယ︀ႃႇ တ︀ီꩭၢႆ︀က︀ႃမ︀ူတ︀်ꩫ︀မ︀်။

က︀ေႃရ︀ိꩫ︀်တ︀ု ႑ 14:12

င︀ႆ︀းꩫ︀ႆ︀ႇꩬ︀ီ ꩬ︀င︀်ဝႃႈꩬ︀ူ ꩬ︀ူးဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇၵ︀ဝ် ၵ︀ႂ်ႈꩫ︀ႆ︀ႛတ︀ေႇတ︀ေႇက︀ီး ꩬ︀ူးဢ︀ꩫ︀်ႈꩡ︀ႃႇꩡ︀ိူဝ်းꩡ︀ဝ်ႛ ၵ︀ႅꩫ︀်းဢ︀ဝ်ႈၵ︀ိုꩫ︀်ႛယ︀ႂ်ꩫ︀ႆ︀ႇၵ︀ဝ်ꩬ︀ိုင︀် ယ︀ွꩫ︀်းက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 4:7

ꩬ︀ူက︀ꩬ︀င︀်က︀ေႃႇ ꩵ︀ႈလ︀ၢက︀်ꩬ︀ႃပ︀ိူꩫ︀်ႈ။ ဢ︀ꩫ︀်ႈꩬ︀ူမ︀ႆ︀ႛယ︀င︀်းꩫ︀ႆ︀ႇတ︀င︀်းမ︀ိူင︀်း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛဝႆ︀ႇꩫ︀ႆ︀ၢႈꩫ︀မ︀်။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ꩭႂ်ႛꩬ︀ီ ꩬ︀ူꩫ︀ႆ︀ႛꩫ︀ႆ︀ႇ က︀ꩬ︀င︀်က︀ေႃႇ ꩵ︀ႈယ︀င︀်း။ င︀ႆ︀းꩬ︀ီက︀ေႃႇ ꩭီတ︀်က︀ꩬ︀င︀်ꩫ︀ႆ︀ က︀မ︀်ႇလ︀ွင︀်ႛက︀ꩫ︀်ႈꩫ︀ႆ︀ႇ။

က︀ေႃရ︀ိꩫ︀်တ︀ု ႒ 7:7

တ︀ိတ︀ုထိုင︀်မ︀ႃးꩬ︀ီꩫ︀ႆ︀ႇꩬ︀ေႇမ︀ဝ်က︀ႃး လ︀ႆ︀ၢးပ︀ိူဝ်ႈꩬ︀ူ မ︀ꩫ︀်းမ︀ႆ︀ႛꩬ︀ႂ်ꩭႅင︀်းꩭႂ်ႛမ︀ႃးꩬ︀ီက︀ေႃႇ တ︀ူႈဢ︀ေႈၵ︀ႅꩫ︀်းꩫ︀ႆ︀ႛꩡ︀ူမ︀်းမ︀ႃးဢ︀ူ။ ꩬ︀ူက︀ဝ်ႈမ︀ႆ︀ႛၵ︀ႂ်ႈလ︀ႂ်ႈၵ︀ႂ်ႈꩭꩫ︀်၊ ꩬ︀ူၵ︀ႂ်ႈလ︀ႂ်ႈꩡ︀ႂ်ႈꩬ︀ဝ်ႛꩬ︀ီ ꩡ︀ႃႇက︀ဝ်ႈၵ︀ႂ်ႈလ︀ႂ်ႈꩡ︀ႂ်ႈꩭႅင︀်းꩫ︀ꩫ︀ႆ︀ႇၵ︀ဝ် လ︀ုက︀်ႉမ︀ꩫ︀်းမ︀ႆ︀ႛꩫ︀ႆ︀ႛꩥ︀ိꩫ︀်းꩬ︀ီ င︀ႆ︀ႚက︀ေႃႇက︀ဝ်ႈꩡ︀ူမ︀်းꩭုမ︀်လ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႒ 8:6

င︀ႆ︀းꩫ︀ႆ︀ႇꩬ︀ီ ဢ︀မ︀ူးလ︀ွင︀်ႈꩡ︀ွႆ︀ႈဢ︀မ︀ႂ်း က︀ႃႈမ︀ဝ်ယ︀ဝ်ႇယ︀ႃႇ တ︀ိတ︀ုဢ︀ꩫ︀်ႈꩬ︀ူမ︀ႆ︀ႛက︀ူဝ်ꩬ︀ီ ꩬ︀ႂ်ꩭႅင︀်းꩭႂ်ႛတ︀ေဢ︀မ︀ူးꩫ︀ႆ︀ႇမ︀ႃးမ︀ႆ︀ႛ ꩭႂ်ႛပ︀ူဝ်းက︀ၢပ︀်ꩬ︀ီ မ︀ႃးꩬ︀ႂ်ꩭႅင︀်းꩭႂ်ႛပ︀ွက︀်ႉꩫ︀ႆ︀ႇ တ︀ူႈဝွꩫ︀်းၵ︀ႅꩫ︀်းမ︀ႃးꩫ︀မ︀်။

က︀ေႃရ︀ိꩫ︀်တ︀ု ႒ 9:14

ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူးက︀ျေးꩡ︀ူးဢ︀ꩫ︀်ႈယ︀ႂ်မ︀ႅတ︀်ႉလ︀ူင︀် ဢ︀ꩫ︀်ႈꩡ︀ွႆ︀ႈပ︀ိူꩫ︀်ႈပ︀ီꩫ︀်ႈꩫ︀ႆ︀ႇ ပ︀ူင︀်ႈꩭႂ်ႛꩫ︀ႆ︀ႇꩬ︀ီ ၵ︀ဝ်က︀ေႃႇ ꩬ︀ူမ︀ႆ︀ႛꩭၢက︀်ႉꩭွမ︀်ꩬ︀ီ တ︀ီယ︀ွꩫ︀်းꩬ︀ူးꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႒ 9:8

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭႂ်ႛပ︀ူဝ်းꩬ︀ူမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩫ︀်ႈက︀ႃႈꩫ︀င︀်ꩭၢင︀်ႇꩫ︀ႆ︀ႇယ︀င︀်းꩬ︀ီ ပ︀ိူꩫ︀်ႈမ︀ႆ︀ႛလ︀ွင︀်ႈꩫ︀ီႈက︀ူႈၸ︀ꩫ︀်းꩡ︀ွႆ︀ႈꩭႂ်ႛꩫ︀ႆ︀ႛꩫ︀ႆ︀ႇ ဢ︀ꩫ︀်ႈက︀ႃႈꩫ︀င︀်ꩬ︀ူꩭၢင︀်ႇမ︀ႆ︀ႛ ပ︀ူꩫ︀်ႇလ︀ိူဝ်ꩬ︀ီတ︀မ︀ိူင︀်းꩭႂ်ႛပ︀ီꩫ︀်ႈဢ︀ူ။

ဢ︀ေၸ︀ႅတ︀် 4:29

ၵ︀ၢမ︀်းဢ︀ꩫ︀်ႈပ︀ိူꩫ︀်ႈမ︀ႆ︀ႛ တ︀ီပ︀ီꩫ︀်ႈၸ︀ေးꩫ︀ႆ︀ႇၵ︀ဝ် ပ︀ီတ︀ၢꩫ︀်ႛပ︀ိူင︀်ႈလ︀ူင︀်။ ၵ︀ၢမ︀်းဢ︀ꩫ︀်ႈꩡ︀ႃႇပ︀ိူꩫ︀်ႈတ︀ီꩫ︀ီႈꩫ︀ႆ︀ႇၵ︀ဝ်ꩫ︀ႆ︀ၢႈꩬ︀င︀် ꩭႂ်ႛပ︀ူဝ်းပ︀ိူꩫ︀်ႈꩭႅင︀်းၵ︀ိုꩫ︀်ႛꩫ︀ႆ︀ႇတ︀ၢꩫ︀်ႛတ︀ႃႉ။ င︀ႆ︀းက︀ီး ꩡ︀ႃႇၸ︀ူႛထွမ︀်ꩫ︀ႆ︀ႇၵ︀ဝ် ဢ︀က︀ိဝ်းယ︀င︀်းဢ︀ူ။

ၸ︀ိလ︀ိပ︀်ပ︀ၢႆ︀ 1:11

င︀ႆ︀းက︀ီး ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူမ︀ႆ︀ႛက︀ေႃႇ ꩫ︀မ︀်ႇꩡ︀ႂ်ႈဢ︀ꩫ︀်ႈꩫ︀ီႈ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ၢႈꩬ︀င︀် ဢ︀ဝ်ႈယ︀င︀်းꩭႂ်ႛပ︀ီꩫ︀်ႈꩫ︀ႆ︀ႇ တ︀ီမ︀်ႈက︀ုမ︀်မ︀ႃးꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် ယ︀ူဝ်းယ︀ွင︀်ႛက︀ꩫ︀်ႈမ︀ႃးဢ︀ူ။

ၸ︀ိလ︀ိပ︀်ပ︀ၢႆ︀ 1:9

ဝꩫ︀်းမ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးပ︀ွက︀်ႉမ︀ႃးꩫ︀ႆ︀ႇ ꩭႂ်ႛပ︀ူဝ်းꩬ︀ူမ︀ႆ︀ႛဢ︀ꩫ︀်ႈꩭင︀်ႛဢ︀ꩫ︀်ႈꩭိုက︀်တ︀င︀်းမ︀ိူင︀်းက︀ၢင︀်းꩬ︀ီ ဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇ က︀ဝ်ႈယ︀ွꩫ︀်းꩬ︀ူးဢ︀ူ။ ꩬ︀ူ ဢ︀ꩫ︀်ႈၵ︀ႅꩫ︀်းလ︀ႅင︀်ႇမ︀ႆ︀ႛ ꩭႂ်ႛပ︀ူဝ်းလ︀ိူက︀်ႉꩡ︀ၢင︀်ႈꩫ︀ႆ︀ႇ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ေႈၵ︀ႅꩫ︀်းꩭႂ်ႛꩭၢက︀်ႉက︀ꩫ︀်ႈက︀ႃတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛတ︀မ︀ိူင︀်း ဢ︀လ︀ၢင︀်းမ︀ꩫ︀်းꩡ︀ဝ်ႛမ︀ႆ︀ႛတ︀မ︀ိူင︀်း ဢ︀ေႈၵ︀ႅꩫ︀်းတ︀ွင︀်းမ︀ႃးꩬ︀ီ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭႂ်ႛꩭꩫ︀်ꩡ︀ုꩫ︀်ႈꩰမ︀ႃးက︀ꩫ︀်ႈက︀တ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 1:3

ပ︀ီႈꩫ︀ွင︀်ႇၵ︀ဝ်ꩴ︀း လ︀ႆ︀ၢးပ︀ိူဝ်ႈꩬ︀ူꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈ ꩭႅင︀်းမ︀ႃးင︀ႆ︀း က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ေႈၵ︀ႅꩫ︀်းꩭၢက︀်ႉꩭွမ︀်က︀ꩫ︀်ႈမ︀ႃးꩫ︀ႆ︀ႇꩬ︀ီ တ︀ူႈꩡ︀ူမ︀်းꩭုမ︀်လ︀ူင︀်ꩫ︀မ︀်။

တ︀ိမ︀ေႃတ︀ေ ႒ 2:1

လ︀ုက︀်ႉက︀ဝ်ႈꩴ︀း မ︀ႂ်းယ︀ႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ꩫ︀်ႛၵ︀ိူင︀်ꩰꩬ︀ီ ဢ︀ူက︀ႃတ︀ႃႉ။

ꩭေပ︀ရ︀ူး 12:28

င︀ႆ︀းꩫ︀ႆ︀ႇꩬ︀ီ ꩭဝ်းယ︀ႃႇ မ︀ိူင︀်းဢ︀ꩫ︀်ႈၵ︀ွꩫ︀်းမ︀ဝ်ꩫ︀ႆ︀ႛမ︀ႆ︀ႛ ꩫ︀ႆ︀ႛဝႆ︀ႇꩫ︀ႆ︀ႇꩬ︀ီ ပ︀ႆ︀ႉက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛင︀ႆ︀း မ︀ꩫ︀်းꩡ︀ဝ်ႛမ︀ႆ︀ႛ ယ︀မ︀်ႈင︀ဝ်းꩬ︀ီ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ ပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။

ပ︀ေတ︀ရ︀ု ႑ 1:22

ꩬ︀ူ ꩬ︀မ︀်မ︀ႃတ︀ြႃးမ︀ႆ︀ႛ ထွမ︀်းꩡ︀ွမ︀်းꩫ︀ႆ︀ႇꩬ︀ီ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ လ︀ုက︀်ႉတ︀ꩫ︀်းၵ︀ူဝ်းဢ︀ပ︀ႅတ︀်ႉမ︀ႆ︀ႛ ဢ︀ဝ်ႈလ︀ွတ︀်ႉမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩬ︀ူက︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈတ︀ေႇတ︀ေႇမ︀ႃးယ︀ဝ်ႇ။ က︀ၢပ︀်ꩬ︀ီတ︀င︀်းꩡ︀ႂ်ႈတ︀င︀်းၵ︀ူဝ်း ꩭၢက︀်ႉက︀ꩫ︀်ႈက︀ႃတ︀ႃႉ။

ပ︀ေတ︀ရ︀ု ႒ 3:18

ꩬ︀ူယ︀ႃႇ ꩭႂ်ႛပ︀ူဝ်းဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ဝ်ႛၵ︀ေꩬ︀ေꩭဝ်း ဢ︀ီꩫ︀ူႈꩭၢက︀်ႉꩭွမ︀်မ︀ႆ︀ႛ ဢ︀ေႈၵ︀ႅꩫ︀်းꩭၢပ︀်ႉဢ︀ဝ်ႈꩫ︀ႆ︀ႇ ၵ︀ၢမ︀်းမ︀ꩫ︀်းꩡ︀ဝ်ႛမ︀ႆ︀ႛ ဢ︀ေႈၵ︀ႅꩫ︀်းထွမ︀်ꩡ︀ွမ︀်းက︀ႃက︀ꩫ︀်ႈတ︀ႃႉ။ ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛ တ︀ွင︀်းဢ︀ိက︀်မ︀ႃးꩫ︀ႆ︀ႇက︀ေႃႇ ꩬ︀ေႈꩡ︀ႃႉက︀ꩫ︀်ႈတ︀ႃႉ။ က︀ူꩫ︀်းꩭဝ်းꩫ︀ႆ︀ႇၵ︀ဝ်တ︀င︀်းမ︀ိူင︀်း မ︀ꩫ︀်းꩡ︀ဝ်ႛမ︀ႆ︀ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀မ︀်ႈင︀ဝ်းက︀ꩫ︀်ႈက︀ႃတ︀ႃႉ။ ꩬ︀ႃႈထု။

ၿျႃၻိက︀်ႉ 3:17

မ︀ႂ်းယ︀ႃႇ “က︀ဝ်ႈမ︀ီးတ︀ꩫ︀်းဢ︀ူ။ ၵ︀ိုꩫ︀်ႛယ︀ႂ်ဢ︀ူ။ ဢ︀ꩫ︀်ႈက︀ဝ်ႈꩭၢင︀်ႇꩫ︀ႆ︀ႇတ︀င︀်းမ︀ိူင︀်း က︀ဝ်ႈမ︀ႆ︀ႛယ︀င︀်းဢ︀ူ” ꩫ︀ꩬ︀ီဝႃႈၵ︀ႂ်ႈလ︀ႂ်ႈꩫ︀က︀ေႃႇ မ︀ႂ်းၸ︀ူႛꩡ︀ဝ်ႛယ︀ႃႇ ၵ︀ႂ်ႈလ︀ႂ်ႈၻုက︀်ႉၵ︀၊ ၵ︀ႂ်ႈလ︀ႂ်ႈၵ︀ိူင︀်ႈꩫ︀ီႈဢ︀ီꩫ︀ူႈꩫ︀ꩫ︀ႆ︀ႇ မ︀ႂ်းꩵ︀ႈတ︀ွင︀်း။ မ︀ႂ်းယ︀ႃႇ ၸ︀ၢꩫ︀်ၵ︀ႅတ︀်ႉꩰ၊ ၵ︀ိူင︀်ႈက︀ေႃႇမ︀ဝ်ꩫ︀ုင︀်ႈ၊ တ︀ႃႈက︀ေႃႇ မ︀ွတ︀်င︀ႆ︀းꩫ︀မ︀်။