က︀ေႃရ︀ိꩫ︀်တ︀ု ႒ 8:23 - Khamti Shan

²³ လ︀ွင︀်ႈတ︀ိတ︀ုဝႃႈက︀ွတ︀်ꩫ︀က︀ီး မ︀ꩫ︀်းယ︀ႃႇ ဢ︀မ︀ူးဢ︀ꩫ︀်ႈꩡ︀ွႆ︀ႈꩬ︀ူမ︀ႆ︀ႛ ဢ︀ꩫ︀်ႈတ︀င︀်းက︀ဝ်ႈꩭူမ︀်ႈꩬ︀ေႈꩡ︀ႃႉꩫ︀မ︀်။ ပ︀ီႈꩫ︀ွင︀်ႇတ︀ၢင︀်က︀ူဝ်ႇ ဢ︀ꩫ︀်ႈတ︀င︀်းၵ︀ဝ်ꩭူမ︀်ႈက︀ႃꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩡ︀ိူဝ်းꩡ︀ဝ်ႛၵ︀ဝ် ပ︀ွႆ︀ꩡ︀ႂ်ႇꩫ︀ႆ︀ႇၵ︀ဝ်ꩫ︀မ︀်။ လ︀ႆ︀ၢးပ︀ိူဝ်ႈၵ︀ဝ်ꩬ︀ီ မ︀ူꩫ︀်ႈꩡ︀ဝ်ႛၵ︀ရ︀ီတ︀် ꩭိူဝ်ႈꩭိုင︀်းပ︀ိုင︀်းꩬ︀ႂ်ဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 8:23 ပူးပေါင်းရင်းမြစ်များ

လ︀ုက︀ႃ 5:10

တ︀ႆ︀းက︀ူဝ်ႇမ︀ꩫ︀်း ၸ︀ူႛလ︀ုက︀်ႉꩡ︀ေပ︀ေတ︀ႄ ယ︀ႃက︀ုꩫ︀ၵ︀ႃယ︀ေႃးꩭၢꩫ︀်က︀ေႃႇ ဢ︀ၢမ︀်းက︀ꩫ︀်ႈဢ︀ူ။ ယ︀ဝ်ႇက︀ီး ꩡ︀ဝ်ႛယ︀ေꩬ︀ုယ︀ႃႇ ꩬ︀ႅင︀်မ︀ုꩫ︀်မ︀ႆ︀ႛ “ပ︀ီက︀ူဝ်ႈ။ လ︀ုက︀်ႉင︀ႆ︀ႚက︀ူဝ်ꩬ︀ီ မ︀ႂ်းတ︀ီပ︀ီꩫ︀်ႈတ︀မ︀်င︀ႃႈဢ︀ꩫ︀်ႈၵ︀ႃက︀ူꩫ︀်းꩫ︀မ︀်” ꩫ︀ဝꩫ︀်ႇ။

လ︀ုက︀ႃ 5:7

ꩫ︀ႆ︀ႇမ︀ႆ︀ႛ တ︀ႆ︀းက︀ူဝ်ႇၵ︀ဝ် ဢ︀ꩫ︀်ႈဢ︀ူꩭိူဝ်းတ︀ၢင︀်ဢ︀ꩫ︀်ႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈမ︀ိုဝ်းၸ︀ႆ︀ၢးꩬ︀ီꩭွင︀်ႇꩭႂ်ႛꩡ︀ွႆ︀ႈဢ︀ူ။ ၵ︀ဝ်က︀ေႃႇမ︀ႃးꩬ︀ီ ꩭိူဝ်းမ︀ႆ︀ႛပ︀ႃႈၸ︀ိဝ်ႛꩬ︀ႂ်က︀ီး ꩭိူဝ်းတ︀င︀်းꩬ︀ွင︀်ဢ︀ꩫ︀်ႈ ပ︀ႃႈတ︀ီမ︀်ႈက︀ႃꩬ︀ီ ꩫ︀င︀်တ︀ီꩡ︀ူမ︀်ႈꩫ︀က︀ꩫ︀်ႈ ပ︀ီꩫ︀်ႈက︀ႃဢ︀ူ။

ယ︀ေႃးꩭၢꩫ︀် 13:16

က︀ဝ်ႈꩬ︀ိုဝ်ႈꩰဝႃႈက︀ွတ︀်။ ၸ︀ူႛၵ︀ႃႛဢ︀ꩫ︀်ႈလ︀ႂ်ႈက︀ေႃႇ ꩡ︀ဝ်ႛမ︀ႆ︀ႛꩵ︀ႈယ︀ႂ်ꩬ︀ႃ။ ၸ︀ူႛꩡ︀ႂ်ႇဢ︀ꩫ︀်ႈလ︀ႂ်ႈက︀ေႃႇ ꩡ︀ဝ်ႛၸ︀ူႛꩡ︀ႂ်ႇမ︀ႆ︀ႛꩵ︀ႈယ︀ႂ်ꩬ︀ႃ။

က︀ေႃရ︀ိꩫ︀်တ︀ု ႑ 11:7

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ူႛꩡ︀ႆ︀ၢးယ︀ႃႇ ꩫ︀င︀်ꩭၢင︀်ႈၸ︀ြႃးပ︀ီꩫ︀်ႈꩡ︀ဝ်ႛ၊ ꩫ︀င︀်မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ ၸ︀ၢꩫ︀်ꩬ︀ၢင︀်းဝႆ︀ႇꩫ︀ႆ︀ႇꩬ︀ီ ꩭူဝ်မ︀ႆ︀ႛꩵ︀ႈဝႃႈꩭူမ︀်ႛ။ ၸ︀ူႛယ︀ိင︀်းမ︀ႆ︀ႛယ︀ႃႇ ꩭၢင︀်းမ︀ူꩫ︀်ႈၸ︀ူႛꩡ︀ႆ︀ၢးꩫ︀ꩬ︀ီ ၸ︀ၢꩫ︀်ꩬ︀ၢင︀်းဝႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 12:18

မ︀ိူဝ်ႈတ︀ိတ︀ုမ︀ႆ︀ႛက︀ဝ်ႈꩡ︀ႂ်ႇမ︀ႃးꩫ︀ႆ︀ႇ ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇက︀ေႃႇက︀ူဝ်ႇလ︀ိူင︀်ႈ လ︀ွေႛမ︀ႃးဢ︀ူ။ ꩬ︀ူမ︀ႆ︀ႛတ︀ိတ︀ုꩵ︀ႈမ︀ၢပ︀်က︀ိꩫ︀်ႈမ︀ႃး။ ꩭၢင︀်းၵ︀ိူဝ်တ︀ိတ︀ုယ︀ႃႇ မ︀ိူဝ်ႈလ︀ႂ်ႈက︀ေႃႇ ဢ︀ꩫ︀်ႈၵ︀ႂ်ႈꩡ︀ႂ်ႈ၊ ဢ︀ꩫ︀်ႈꩭီတ︀်မ︀ိူꩫ︀်က︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႒ 7:6

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈၸ︀ူႛꩡ︀ႂ်ႈလ︀ီက︀်ႉꩫ︀ႆ︀ႇၵ︀ဝ်မ︀ႆ︀ႛ ထႅမ︀်ꩭႅင︀်းꩭႂ်ႛꩫ︀ႆ︀ႇယ︀ႃႇ တ︀ိတ︀ုမ︀ႆ︀ႛꩬ︀ူင︀်ꩭႂ်ႛမ︀ႃးꩬ︀ီ တ︀ူႈမ︀ႆ︀ႛထႅမ︀်ꩭႅင︀်းꩭႂ်ႛမ︀ႃးဢ︀ူ။

က︀ေႃရ︀ိꩫ︀်တ︀ု ႒ 8:16

တ︀ိတ︀ုမ︀ႆ︀ႛက︀ေႃႇ ꩫ︀င︀်တ︀ူႈꩫ︀က︀ꩫ︀်ႈ ꩡ︀ႂ်ႈဢ︀ꩫ︀်ႈꩬ︀ူမ︀ႆ︀ႛၵ︀ႂ်ႈꩡ︀ွႆ︀ႈꩭႅင︀်းꩫ︀ႆ︀ႇ ဢ︀ဝ်ႈယ︀င︀်းꩭႂ်ႛꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႒ 8:18

က︀ူꩫ︀်းတ︀ူႈက︀ူဝ်ႇလ︀ိူင︀်ႈမ︀ႆ︀ႛက︀ေႃႇ တ︀ူႈတ︀င︀်းတ︀ိတ︀ုꩭႂ်ႛမ︀ႃးဢ︀ူ။ မ︀ꩫ︀်းယ︀ႃႇ လ︀ွင︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ပ︀ၢင︀်ႈꩫ︀ႃႛꩡ︀ိူဝ်းက︀ူႈဢ︀ꩫ︀်ႈမ︀ႆ︀ႛ ꩡ︀ိုဝ်ႈꩫ︀ႆ︀ႛလ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႒ 8:19

ꩫ︀ႆ︀ႇꩬ︀ေႇမ︀ဝ်က︀ႃး မ︀ꩫ︀်းယ︀ႃႇ က︀ူဝ်ႇဢ︀ꩫ︀်ႈꩡ︀ိူဝ်းတ︀င︀်းမ︀ိူင︀်း လ︀ိူက︀်ႉတ︀ၢင︀်ဝႆ︀ႇ ꩭၢင︀်းတ︀င︀်းတ︀ူႈꩭူမ︀်ႈက︀ႃ ယ︀ုင︀်းၵ︀ွင︀်လ︀ူက︀ေႃႇꩡ︀ႂ်ႈဢ︀ူ။ တ︀ူႈယ︀ုင︀်းၵ︀ွင︀်လ︀ူꩫ︀ႆ︀ႇယ︀ႃႇ ꩭႂ်ႛပ︀ူဝ်းမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭိူဝ်ႈꩭိုင︀်းꩬ︀ီ ꩡ︀ေတ︀ꩫ︀ႃတ︀ူႈမ︀ႆ︀ႛက︀ေႃႇ ပ︀ိူꩫ︀်ႈတ︀ွင︀်းꩡ︀ုꩫ︀်ႈꩰမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 8:22

ꩫ︀ႆ︀ႇꩬ︀ေႇမ︀ဝ်က︀ႃး ပ︀ီႈꩫ︀ွင︀်ႇက︀ူဝ်ႇလ︀ိူင︀်ႈမ︀ႆ︀ႛက︀ေႃႇ တ︀င︀်းၵ︀ဝ်ꩭႂ်ႛꩡ︀ွမ︀်းက︀ႃဢ︀ူ။ မ︀ꩫ︀်းမ︀ႆ︀ႛ တ︀ူႈက︀ီလ︀ႆ︀ၢၵ︀ႅက︀်ႉ ꩡ︀ႂ်းလ︀ႅမ︀်းꩫ︀က︀ေႃႇ မ︀ꩫ︀်းယ︀ႃႇမ︀ိူဝ်ႈလ︀ႂ်ႈက︀ေႃႇ ꩡ︀ႂ်ႈဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ တ︀ီမ︀်ႈတ︀ုပ︀်ꩰꩫ︀မ︀်ꩫ︀ꩫ︀ႆ︀ႇ ꩫ︀ႆ︀ႛꩭꩫ︀်ဢ︀ူ။ င︀ႆ︀ႚယ︀ႃႇ မ︀ꩫ︀်းꩬ︀ူမ︀ႆ︀ႛ တ︀မ︀်းꩡ︀ႂ်ႈလ︀ူင︀်ꩫ︀ႆ︀ႇꩬ︀ီ ꩡ︀ႂ်ႈဢ︀ꩫ︀်ႈၵ︀ႂ်ႈꩡ︀ွႆ︀ႈပ︀ိူꩫ︀်ႈ ဢ︀ေႈၵ︀ႅꩫ︀်းꩭႅင︀်းမ︀ႃးဢ︀ူ။

က︀ေႃရ︀ိꩫ︀်တ︀ု ႒ 8:6

င︀ႆ︀းꩫ︀ႆ︀ႇꩬ︀ီ ဢ︀မ︀ူးလ︀ွင︀်ႈꩡ︀ွႆ︀ႈဢ︀မ︀ႂ်း က︀ႃႈမ︀ဝ်ယ︀ဝ်ႇယ︀ႃႇ တ︀ိတ︀ုဢ︀ꩫ︀်ႈꩬ︀ူမ︀ႆ︀ႛက︀ူဝ်ꩬ︀ီ ꩬ︀ႂ်ꩭႅင︀်းꩭႂ်ႛတ︀ေဢ︀မ︀ူးꩫ︀ႆ︀ႇမ︀ႃးမ︀ႆ︀ႛ ꩭႂ်ႛပ︀ူဝ်းက︀ၢပ︀်ꩬ︀ီ မ︀ႃးꩬ︀ႂ်ꩭႅင︀်းꩭႂ်ႛပ︀ွက︀်ႉꩫ︀ႆ︀ႇ တ︀ူႈဝွꩫ︀်းၵ︀ႅꩫ︀်းမ︀ႃးꩫ︀မ︀်။

ၸ︀ိလ︀ိပ︀်ပ︀ၢႆ︀ 2:25

ꩡ︀ႃႇလ︀ိူင︀်ႈ ဢ︀ေပ︀ၸ︀ြေႃတ︀ိက︀် ဢ︀ꩫ︀်ႈꩬ︀ူꩭၢင︀်းꩡ︀ွႆ︀ႈက︀ဝ်ႈꩫ︀ꩬ︀ီ ပ︀ွႆ︀ꩡ︀ႂ်ႇမ︀ႃးမ︀ႆ︀ႛက︀ေႃႇ က︀ဝ်ႈဝႃႈꩬ︀ူင︀်ꩭႂ်ႛပ︀ွက︀်ႉယ︀ဝ်ႇ။ မ︀ꩫ︀်းယ︀ႃႇ တ︀င︀်းက︀ဝ်ႈꩭီတ︀်က︀ူဝ်ႇꩬ︀ေႛꩬ︀ီ ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ꩭူမ︀်ႈက︀ုမ︀်ႇၵ︀ႅꩫ︀်မ︀ႃးဢ︀ူ။

ၸ︀ိလ︀ိပ︀်ပ︀ၢႆ︀ 4:3

က︀ူဝ်ႇꩬ︀ေႛꩴ︀း မ︀ႂ်းက︀ေႃႇꩭႂ်ႛပ︀ူဝ်းꩬ︀ွင︀်ၵ︀ႃꩡ︀ႂ်ႈၵ︀ူမ︀်က︀ꩫ︀်ႈꩫ︀ႆ︀ႇ ꩡ︀ွႆ︀ႈꩭႂ်ႛမ︀ႃးတ︀ႃႉ။ ꩬ︀ွင︀်ၵ︀ႃင︀ႆ︀း က︀လ︀ေမ︀ိꩫ︀်င︀ႆ︀း ၸ︀ူႛယ︀ုမ︀်ယ︀မ︀်ႈတ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ တ︀င︀်းက︀ဝ်ႈၵ︀ၢဝ်ႈၵ︀ၢမ︀်းꩫ︀ီႈ ဢ︀ၢꩫ︀်တ︀ၢꩫ︀်ꩭူမ︀်ႈꩭူဝ်းမ︀ႃးယ︀ဝ်ႇ။ ꩡ︀ိုဝ်ႈၵ︀ဝ်ယ︀ႃႇ ပ︀ၢပ︀်ႉၸ︀ြႃးပ︀ီꩫ︀်ႈꩡ︀ဝ်ႛ ပ︀ၢပ︀်ႉꩡ︀လ︀ၢင︀်းၸ︀ူႛꩫ︀ႆ︀ႛဢ︀ꩬ︀ၢက︀်ႉထႃဝရ︀မ︀ႆ︀ႛ လ︀ွေႛယ︀ဝ်ႇ။

က︀ေႃလ︀ေႃတ︀ႄ 1:7

က︀ူဝ်ႇဢ︀ꩫ︀်ႈꩬ︀ူမ︀ႆ︀ႛ လ︀ွင︀်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ၵ︀ႆ︀ႈꩭႂ်ႛမ︀ႃးꩫ︀ႆ︀ႇယ︀ႃႇ က︀ူဝ်ႇꩬ︀ေႛꩭၢက︀်ႉတ︀ူႈ ဢ︀ေပ︀ၸ︀ြ ဢ︀ꩫ︀်ႈတ︀င︀်းတ︀ူႈ ꩭူမ︀်ႈꩭီတ︀်ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩫ︀မ︀်။ မ︀ꩫ︀်းယ︀ႃႇ တ︀ၢင︀်ႈတ︀ူဝ်ႈတ︀ူႈꩬ︀ီ ဢ︀မ︀ူးꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩬ︀ႅတ︀်ႉꩡ︀ႃဢ︀ဝ်ႈယ︀င︀်းꩰꩭီတ︀်မ︀ႃးယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:2

ꩫ︀င︀်ꩬ︀ူၸ︀ူႛꩡ︀ဝ်ႛတ︀ွင︀်းꩫ︀က︀ꩫ︀်ႈ မ︀ိူဝ်ႈတ︀ူႈꩬ︀ူမ︀ႆ︀ႛ ꩵ︀ႈပ︀ႆ︀ထိုင︀်မ︀ႃးꩫ︀ႆ︀ႇ ဝီင︀်းၸ︀ိလ︀ိပ︀်ပ︀ၢႆ︀မ︀ႆ︀ႛ တ︀ူႈမ︀ႆ︀ႛပ︀ိူꩫ︀်ႈ က︀ေးလ︀ေးꩫ︀ိက︀်ႉꩬ︀ၢက︀်ႉလ︀ူင︀်မ︀ႃးꩫ︀မ︀်။ င︀ႆ︀းꩬ︀ီ ပ︀ိူꩫ︀်ႈꩭၢမ︀်ႛꩭေႇ ၵ︀ႂ်ႈလ︀ႂ်ႈꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛꩫ︀ႆ︀ႇꩬ︀ီ ၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈလ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ မ︀ႃးꩫ︀ႆ︀ႇꩬ︀ူမ︀ႆ︀ႛတ︀ူႈ ꩭတ︀်ꩰꩭၢꩫ︀်ꩰꩫ︀ႆ︀ႛꩭူဝ်းမ︀ႃးဢ︀ူ။

တ︀ိမ︀ေႃတ︀ေ ႒ 4:10

တ︀ေမ︀က︀ူဝ်ႇလ︀ိူင︀်ႈယ︀ႃႇ ꩭွႆ︀ႛꩡ︀ႂ်ႈမ︀ိူင︀်းက︀ၢင︀်ႈꩫ︀ႆ︀ႇꩬ︀ီ က︀ဝ်ႈမ︀ႆ︀ႛ ၵ︀ွတ︀်က︀ႃꩬ︀ီ ဢ︀ွက︀်က︀ႃဝီင︀်းတ︀ႅတ︀်ꩬ︀ႃလ︀ေႃꩫ︀ိက︀်ယ︀ဝ်ႇ။ က︀လ︀ႅတ︀်က︀ေယ︀ႃႇ က︀ႃတ︀ိူင︀်းက︀လ︀ႃတ︀ိင︀ႆ︀း၊ တ︀ိတ︀ုယ︀ႃႇက︀ႃတ︀ိူင︀်းတ︀ႃလ︀မ︀ႃတ︀ိယ︀ဝ်ႇ။

တ︀ိတ︀ု 1:4

တ︀ိတ︀ုꩴ︀း ꩭႃးꩡ︀ဝ်ႛယ︀ေꩬ︀ုမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ မ︀ႂ်းယ︀ႃႇလ︀ုက︀်ႉက︀ဝ်ႈꩫ︀က︀ꩫ︀်ႈꩫ︀မ︀်။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်းꩫ︀ၵ︀ႃ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩡ︀ဝ်ႛၵ︀ေꩬ︀ေꩭဝ်း မ︀ႂ်းမ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ျမ︀်းꩬ︀ႃက︀ႃတ︀ႃႉ။

ၸ︀ိလ︀ေမ︀ုꩫ︀် 1:17

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩫ︀ူႈꩫ︀ႃႛꩡ︀ဝ်ႛယ︀ေꩬ︀ုꩬ︀ီ က︀ဝ်ႈမ︀ႆ︀ႛ မ︀ႂ်းမ︀တ︀်ႉက︀ူဝ်ႇꩬ︀ေႛက︀ီး ꩫ︀င︀်ဢ︀ꩫ︀်ႈက︀ဝ်ႈမ︀ႆ︀ႛ တ︀ီꩭၢပ︀်ႉတ︀ွꩫ︀်ႛꩫ︀က︀ꩫ︀်ႈ မ︀ꩫ︀်းမ︀ႆ︀ႛꩭၢပ︀်ႉတ︀ွꩫ︀်ႛပ︀ွက︀်ႉမ︀ႃးတ︀ႃႉ။

ၸ︀ိလ︀ေမ︀ုꩫ︀် 1:24

မ︀ႃက︀ု၊ ဢ︀ႃရ︀ိတ︀်တ︀ႃၵ︀ု၊ တ︀ေမ︀င︀ႆ︀း လ︀ုက︀ႃ ဢ︀ꩫ︀်ႈတ︀င︀်းက︀ဝ်ႈꩭူမ︀်ႈꩭီတ︀်ဢ︀မ︀ူးꩫ︀ႆ︀ႇၵ︀ဝ်က︀ေႃႇ ꩬ︀ူမ︀ႆ︀ႛꩬ︀င︀်ၵ︀ၢမ︀်းဢ︀ူ။

ယ︀ေႃးꩭၢꩫ︀် ႓ 1:8

င︀ႆ︀းꩫ︀ႆ︀ႇꩬ︀ီ ꩭဝ်းက︀ေႃႇ ဢ︀မ︀ူးဢ︀ꩫ︀်ႈၵ︀ဝ် ၸ︀ၢဝ်ၸ︀ေꩬ︀မ︀်မ︀ႃတ︀ြႃးမ︀ႆ︀ႛ ꩭႂ်ႛပ︀ူဝ်းတ︀င︀်းၵ︀ဝ် ꩫ︀ႆ︀ႛꩭူမ︀်ႈမ︀ႅက︀်ꩭၢမ︀်ꩫ︀ႆ︀ႇ ၵ︀ဝ်မ︀ႆ︀ႛဝႃႈꩡ︀ွႆ︀ႈꩫ︀မ︀်။