က︀ေႃရ︀ိꩫ︀်တ︀ု ႒ 7:7 - Khamti Shan

⁷ တ︀ိတ︀ုထိုင︀်မ︀ႃးꩬ︀ီꩫ︀ႆ︀ႇꩬ︀ေႇမ︀ဝ်က︀ႃး လ︀ႆ︀ၢးပ︀ိူဝ်ႈꩬ︀ူ မ︀ꩫ︀်းမ︀ႆ︀ႛꩬ︀ႂ်ꩭႅင︀်းꩭႂ်ႛမ︀ႃးꩬ︀ီက︀ေႃႇ တ︀ူႈဢ︀ေႈၵ︀ႅꩫ︀်းꩫ︀ႆ︀ႛꩡ︀ူမ︀်းမ︀ႃးဢ︀ူ။ ꩬ︀ူက︀ဝ်ႈမ︀ႆ︀ႛၵ︀ႂ်ႈလ︀ႂ်ႈၵ︀ႂ်ႈꩭꩫ︀်၊ ꩬ︀ူၵ︀ႂ်ႈလ︀ႂ်ႈꩡ︀ႂ်ႈꩬ︀ဝ်ႛꩬ︀ီ ꩡ︀ႃႇက︀ဝ်ႈၵ︀ႂ်ႈလ︀ႂ်ႈꩡ︀ႂ်ႈꩭႅင︀်းꩫ︀ꩫ︀ႆ︀ႇၵ︀ဝ် လ︀ုက︀်ႉမ︀ꩫ︀်းမ︀ႆ︀ႛꩫ︀ႆ︀ႛꩥ︀ိꩫ︀်းꩬ︀ီ င︀ႆ︀ႚက︀ေႃႇက︀ဝ်ႈꩡ︀ူမ︀်းꩭုမ︀်လ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႒ 7:7 ပူးပေါင်းရင်းမြစ်များ

မ︀တ︀်တ︀ႄး 26:75

ꩫ︀ႆ︀ႇမ︀ႆ︀ႛ “မ︀ိူဝ်ႈက︀ႆ︀မ︀ဝ်ပ︀ႆ︀ၵ︀ꩫ︀်ꩫ︀ႆ︀ႇ မ︀ႂ်းက︀ဝ်ႈမ︀ႆ︀ႛꩵ︀ႈတ︀ွင︀်းꩫ︀ꩬ︀ီ ꩬ︀ၢမ︀်ပ︀ၢꩫ︀်ႈတ︀ၢင︀်ႈꩰတ︀ီဝႃႈꩬ︀ႃး” ꩫ︀ꩬ︀ီ ꩡ︀ဝ်ႛယ︀ေꩬ︀ုဝႃႈမ︀ႃးꩫ︀ႆ︀ႇမ︀ႆ︀ႛ ပ︀ေတ︀ရ︀ုဢ︀ွက︀်ꩡ︀ႂ်ႈမ︀ႃးဢ︀ူ။ င︀ႆ︀းꩬ︀ီ မ︀ꩫ︀်းက︀ꩫ︀်ႛꩫ︀ွက︀်ႉမ︀ႆ︀ႛဢ︀ွက︀်ꩬ︀ီ ꩭႆ︀ႛၵ︀ီၵ︀ီၵ︀ုမ︀်ꩰဢ︀ူ။

မ︀တ︀်တ︀ႄး 5:4

က︀ူꩫ︀်းဢ︀ꩫ︀်ႈၵ︀ီၵ︀ုမ︀်ꩫ︀ႆ︀ႇၵ︀ဝ် မ︀ၢင︀်က︀လ︀ႃယ︀င︀်းဢ︀ူ။ ၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ တ︀ီလ︀ဝ်ꩭႂ်ႛꩫ︀မ︀်။

လ︀ုက︀ႃ 22:44

ꩡ︀ဝ်ႛယ︀ေꩬ︀ု ယ︀ၢက︀်ႉꩡ︀ႂ်ႈယ︀ၢက︀်ႉၵ︀ူဝ်းꩬ︀ီ ဢ︀ေႈၵ︀ႅꩫ︀်းယ︀ွꩫ︀်းꩬ︀ူးက︀ီး ꩭိူဝ်ꩫ︀ႆ︀ႇၵ︀ဝ်တ︀မ︀ိူင︀်း ꩫ︀င︀်ꩫ︀ိူတ︀်ႉꩫ︀က︀ꩫ︀်ႈ ယ︀ွႆ︀ႇတ︀ူက︀်မ︀ႃးက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 11:23

ၿႃꩫ︀ၿယ︀ႃႇ ဝီင︀်းဢ︀မ︀ႂ်းမ︀ႆ︀ႛထိုင︀်ꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭိုဝ်လ︀ိုဝ်ꩬ︀ီ ꩭီတ︀်က︀ျေးꩡ︀ူးꩭႂ်ႛမ︀ႃးꩫ︀ꩫ︀ႆ︀ႇꩭꩫ︀်က︀ီး ꩭုမ︀်ꩡ︀ူမ︀်းꩬ︀ီ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ဝ်တ︀င︀်းꩡ︀ႂ်ႈတ︀င︀်းၵ︀ူဝ်းယ︀ုမ︀်ယ︀မ︀်ႈꩬ︀ီ ꩬ︀ႅတ︀်ႉꩡ︀ႃယ︀င︀်းက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ႂ်ꩭႅင︀်းꩭႂ်ႛဢ︀ူ။

ရ︀ေႃမ︀ 1:12

ꩭဝ်းꩭꩫ︀်က︀ꩫ︀်ႈက︀ီး ဢ︀ꩫ︀်ႈꩫ︀င︀်ꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ ꩭဝ်း က︀ူဝ်ႇလ︀ိူင︀်ႈမ︀ႆ︀ႛက︀ူဝ်ႇလ︀ိူင︀်ႈ ၵ︀ႂ်ႈꩬ︀ႂ်ꩭႅင︀်းက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႑ 5:2

င︀ႆ︀းꩬ︀ီက︀ေႃႇ ꩬ︀ူꩭလ︀ိုဝ်ꩬ︀ီ မ︀ႃꩫ︀ယ︀ႂ်က︀ꩫ︀်ႈꩫ︀ႆ︀။ ဢ︀ꩫ︀်ႈတ︀ေႇတ︀ေႇက︀ီး ꩬ︀ူယ︀ႃႇ ၵ︀ီၵ︀ီၵ︀ုမ︀်ꩰꩬ︀ီ က︀ူဝ်ႇဢ︀ꩫ︀်ႈꩭီတ︀်ဢ︀ပ︀ႅတ︀်ႉၸ︀ꩫ︀်းဢ︀မ︀ႂ်းမ︀ႆ︀ႛက︀ေႃႇ လ︀ုက︀်ႉꩫ︀ႂ်းꩬ︀ူမ︀ႆ︀ႛ ထုက︀်ꩭူဝ်ႛဢ︀ွက︀်ၵ︀ွတ︀်ꩫ︀မ︀်။

က︀ေႃရ︀ိꩫ︀်တ︀ု ႒ 1:4

ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛ လ︀ုက︀်ႉဢ︀ꩫ︀်ႈယ︀ပ︀်ယ︀ၢက︀်ႉက︀ူႈၸ︀ꩫ︀်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛꩫ︀ႆ︀ႇယ︀ႃႇ ꩫ︀င︀်ꩭဝ်းၸ︀ူႛꩡ︀ဝ်ႛ ꩫ︀ႆ︀ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩫ︀က︀ꩫ︀်ႈ ꩭႂ်ႛပ︀ူဝ်းꩭဝ်းက︀ေႃႇ ပ︀ိူꩫ︀်ႈဢ︀ꩫ︀်ႈꩫ︀ႆ︀ႛယ︀ပ︀်ယ︀ၢက︀်ႉက︀ူႈၸ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃꩭႂ်ႛꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 2:9

ꩬ︀ူမ︀ႆ︀ႛက︀ဝ်ႈလ︀ိက︀်ႉဢ︀မ︀ႂ်းတ︀ႅမ︀်ႛမ︀ႃးꩫ︀ႆ︀ႇယ︀ႃႇ ဢ︀ꩫ︀်ႈက︀ဝ်ႈꩬ︀င︀်ꩬ︀ွꩫ︀်မ︀ႃးꩫ︀ႆ︀ႇၵ︀ဝ် က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩬ︀ူꩡ︀ွမ︀်းꩫ︀ီႈꩫ︀ီႈဢ︀ူလ︀ႃႊꩫ︀ꩫ︀ႆ︀ႇ ၵ︀ႂ်ႈတ︀ွင︀်းꩬ︀ီꩫ︀မ︀်။

က︀ေႃရ︀ိꩫ︀်တ︀ု ႒ 5:2

င︀ႆ︀ႚꩭဝ်း ဢ︀ူꩫ︀ႂ်းတ︀ူဝ်ႈမ︀ိူင︀်ႈက︀ၢင︀်ႈꩫ︀ႆ︀ႇ ꩫ︀ွေꩬ︀ွင︀်ႈၸ︀ႅဝ်ꩫ︀ႆ︀ႇꩬ︀ီ ꩫ︀င︀်ꩫ︀ုင︀်ႈၵ︀ိူင︀်ႈမ︀ႂ်ꩫ︀က︀ꩫ︀်ႈ ၵ︀ႂ်ႈဢ︀ူꩫ︀ႂ်းꩬ︀ုမ︀်ႇမ︀ိူင︀်းက︀ၢင︀်ႈꩭၢဝ်ꩭဝ်းꩬ︀ီ ဢ︀ေဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 7:6

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛဢ︀ꩫ︀်ႈၸ︀ူႛꩡ︀ႂ်ႈလ︀ီက︀်ႉꩫ︀ႆ︀ႇၵ︀ဝ်မ︀ႆ︀ႛ ထႅမ︀်ꩭႅင︀်းꩭႂ်ႛꩫ︀ႆ︀ႇယ︀ႃႇ တ︀ိတ︀ုမ︀ႆ︀ႛꩬ︀ူင︀်ꩭႂ်ႛမ︀ႃးꩬ︀ီ တ︀ူႈမ︀ႆ︀ႛထႅမ︀်ꩭႅင︀်းꩭႂ်ႛမ︀ႃးဢ︀ူ။

က︀ေႃရ︀ိꩫ︀်တ︀ု ႒ 7:8

လ︀ႆ︀ၢးပ︀ိူဝ်ႈလ︀ိက︀်ႉက︀ဝ်ႈꩬ︀ီ ꩬ︀ူက︀ိုမ︀်ႇလ︀ိူင︀်ႈ ꩡ︀ႂ်ႈꩬ︀ဝ်ႛမ︀ႃးꩫ︀က︀ေႃႇ ꩬ︀ူမ︀ႆ︀ႛက︀ဝ်ႈလ︀ိက︀်ႉꩫ︀ႆ︀ႇꩬ︀ူင︀်မ︀ႃးꩫ︀ႆ︀ႇမ︀ႆ︀ႛ က︀ဝ်ႈꩡ︀ႂ်ႈꩵ︀ႈꩬ︀ဝ်ႛ။ လ︀ိက︀်ႉက︀ဝ်ႈꩫ︀ႆ︀ႇꩬ︀ူမ︀ႆ︀ႛ ꩡ︀ႂ်ႈဢ︀ဝ်ႈꩬ︀ဝ်ႛꩫ︀ႆ︀ႇꩬ︀ီ မ︀ိူဝ်ႈꩭူဝ်က︀ူဝ်ယ︀ႃႇ က︀ဝ်ႈꩡ︀ႂ်ႈꩬ︀ဝ်ႛမ︀ႃးဢ︀ူ။

က︀ေႃရ︀ိꩫ︀်တ︀ု ႒ 8:16

တ︀ိတ︀ုမ︀ႆ︀ႛက︀ေႃႇ ꩫ︀င︀်တ︀ူႈꩫ︀က︀ꩫ︀်ႈ ꩡ︀ႂ်ႈဢ︀ꩫ︀်ႈꩬ︀ူမ︀ႆ︀ႛၵ︀ႂ်ႈꩡ︀ွႆ︀ႈꩭႅင︀်းꩫ︀ႆ︀ႇ ဢ︀ဝ်ႈယ︀င︀်းꩭႂ်ႛꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။

ၸ︀ိလ︀ိပ︀်ပ︀ၢႆ︀ 1:20

ဢ︀ꩫ︀်ႈက︀ဝ်ႈတ︀င︀်းꩡ︀ႂ်ႈတ︀င︀်းၵ︀ူဝ်း တ︀ႂ်းထႃႛꩫ︀ႆ︀ႇယ︀ႃႇ မ︀ိူဝ်ႈလ︀ႂ်ႈက︀ေႃႇ ဢ︀မ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်က︀ူဝ်ႈမ︀ဝ်ဢ︀ႆ︀ၢႈ ꩭတ︀်ꩰꩭၢꩫ︀်ꩰꩭီတ︀်ꩬ︀ီ က︀ဝ်ႈတ︀ႆ︀ၢႈပ︀တ︀ု၊ ꩫ︀ိပ︀်ပ︀တ︀ု လ︀ၢႆ︀းပ︀ိူဝ်ႈက︀ဝ်ႈꩬ︀ီ ꩭႂ်ႛပ︀ူဝ်းမ︀ူꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭိူဝ်ႈꩭိုင︀်းꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 2:5

က︀ဝ်ႈဢ︀ူတ︀ီႈက︀ႆ︀ႈꩫ︀က︀ေႃႇ ꩡ︀ႂ်ႈက︀ဝ်ႈယ︀ႃႇ လ︀ွင︀်ႈꩬ︀ူꩬ︀ိုင︀်ၵ︀ႂ်ႈꩡ︀ႂ်ႈꩬ︀ီဢ︀ူꩫ︀မ︀်။ ꩬ︀ူလ︀ွမ︀်ႈက︀ꩫ︀်ႈတ︀ိင︀်ႛတ︀ိင︀်ႛꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈၵ︀ိူင︀်ꩰက︀ꩫ︀်ႈꩫ︀မ︀်ꩫ︀ꩫ︀ႆ︀ႇ က︀ဝ်ႈတ︀ွင︀်းꩬ︀ီꩡ︀ူမ︀်းလ︀ူင︀်ꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 3:6

ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ လ︀ုက︀်ႉꩬ︀ူမ︀ႆ︀ႛတ︀ိမ︀ေႃတ︀ေပ︀ွက︀်ႉမ︀ႃးꩬ︀ီ လ︀ွင︀်ႈꩫ︀ီႈꩬ︀ူ ꩫ︀ႆ︀ႛꩥ︀ိꩫ︀်းယ︀ဝ်ႇ။ ꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈ ꩬ︀ီဢ︀ူꩫ︀မ︀်၊ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ꩭၢက︀်ႉက︀ꩫ︀်ႈꩬ︀ီဢ︀ူꩫ︀မ︀်၊ တ︀ူႈမ︀ႆ︀ႛက︀ေႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ထိုင︀်ꩡ︀ႂ်ႈꩬ︀ီဢ︀ူꩫ︀မ︀်၊ ꩫ︀င︀်ꩬ︀ူမ︀ႆ︀ႛ တ︀ူႈၵ︀ႂ်ႈꩭꩫ︀်ꩫ︀က︀ꩫ︀်ႈ တ︀ူႈမ︀ႆ︀ႛက︀ေႃႇ ꩬ︀ူၵ︀ႂ်ႈꩭꩫ︀်ꩬ︀ီဢ︀ူꩫ︀မ︀်ꩫ︀ꩫ︀ႆ︀ႇၵ︀ဝ် တ︀ူႈꩫ︀ႆ︀ႛꩥ︀ိꩫ︀်းယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 3:8

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူက︀ꩫ︀်ႛꩫ︀ႂ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ဝ်းၵ︀ိူင︀်ꩰꩬ︀ီဢ︀ူꩫ︀ႆ︀ႇ ဢ︀ꩫ︀်ႈတ︀ူႈမ︀ႆ︀ႛ က︀ၢပ︀်ဢ︀ꩬ︀ၢက︀်ႉꩭႂ်ႛꩫ︀က︀ꩫ︀်ႈꩫ︀မ︀်။

ꩭေပ︀ရ︀ူး 2:1

င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းꩭဝ်းမ︀ဝ်ပ︀ႅက︀်တ︀ၢင︀်းက︀ႃꩫ︀ႆ︀ႇ ဢ︀ꩫ︀်ႈꩭဝ်းꩫ︀ႆ︀ႛꩥ︀ိꩫ︀်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ပ︀ႆ︀ႉထွမ︀်ꩫ︀ီႈꩫ︀ီႈ က︀ꩫ︀်ႈꩫ︀မ︀်။

ယ︀ႃက︀ု 5:17

ဢ︀ေလ︀ိယ︀ꩫ︀ꩫ︀ႆ︀ႇယ︀ႃႇ က︀ူꩫ︀်းꩭူဝ်ꩫ︀မ︀်ႈꩫ︀င︀်ꩭဝ်းꩫ︀မ︀်။ ꩫ︀ႆ︀ႇꩫ︀က︀ေႃႇ ꩭႂ်ႛပ︀ူဝ်းၸ︀ူꩫ︀်မ︀ဝ်တ︀ူက︀်ꩫ︀ႆ︀ႇ မ︀ꩫ︀်းတ︀င︀်းꩡ︀ႂ်ႈတ︀င︀်းၵ︀ူဝ်း ယ︀ွꩫ︀်းꩬ︀ူးꩫ︀ႆ︀ႇꩬ︀ီ မ︀ိူင︀်းဢ︀ီတ︀်ꩬ︀ြေးမ︀ႆ︀ႛ ꩬ︀ၢမ︀်ပ︀ီႈပ︀ႆ︀ၢႈတ︀ၢင︀်ႈꩰၸ︀ူꩫ︀်ꩵ︀ႈတ︀ူက︀်မ︀ႃး။

ယ︀ေႃးꩭၢꩫ︀် ႒ 1:4

ꩫ︀င︀်ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩭဝ်း ပ︀ူင︀်ႈꩬ︀ိꩫ︀်ꩭႂ်ႛꩫ︀က︀ꩫ︀်ႈ လ︀ုက︀်ႉမ︀ႂ်းꩡ︀ဝ်ႛၵ︀ဝ်က︀မ︀်ႈၸ︀ွင︀်း ꩬ︀မ︀်မ︀ႃတ︀ြႃးမ︀ႆ︀ႛꩡ︀ွမ︀်းꩬ︀ီဢ︀ူꩫ︀ႆ︀ႇမ︀ႆ︀ႛ က︀ဝ်ႈꩭꩫ︀်ꩬ︀ီ ꩡ︀ူမ︀်းꩭုမ︀်လ︀ူင︀်ꩫ︀မ︀်။

ယ︀ုတ︀ 1:3

ပ︀ီႈꩫ︀ွင︀်ႇၵ︀ဝ်ꩴ︀း ꩬ︀ူမ︀ႆ︀ႛက︀ဝ်ႈ လ︀ွင︀်ႈတ︀ꩫ︀်းၵ︀ူဝ်း ဢ︀ꩫ︀်ႈꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ၵ︀ေꩬ︀ေꩭႂ်ႛမ︀ႃးꩫ︀ႆ︀ႇ ၵ︀ႂ်ႈတ︀ႅမ︀်ႛလ︀ူင︀်မ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ လ︀ွင︀်ႈဢ︀ꩫ︀်ႈꩬ︀ူမ︀ႆ︀ႛၵ︀ႂ်ႈꩭႂ်ႛက︀ုမ︀်ႇ ꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇꩬ︀ိုင︀် က︀ဝ်ႈဝႃႈတ︀ႅမ︀်ႛက︀ႃꩫ︀မ︀်။ ꩬ︀မ︀်မ︀ႃတ︀ြႃးဢ︀မ︀ႂ်းယ︀ႃႇ ဢ︀ꩫ︀်ႈမ︀ဝ်လ︀ွက︀်ႉလ︀ႆ︀ၢႈꩡ︀ၢင︀်ႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩭႂ်ႛဝႆ︀ႇꩫ︀ႆ︀ႇꩫ︀မ︀်။