က︀ေႃရ︀ိꩫ︀်တ︀ု ႒ 7:10 - Khamti Shan

¹⁰ ဢ︀ꩫ︀်ႈꩡ︀ႂ်ႈꩬ︀ဝ်ႛၸ︀ꩫ︀်းဢ︀မ︀ႂ်းယ︀ႃႇ ꩬ︀ူမ︀ႆ︀ႛဢ︀ဝ်ႈꩬ︀ၢင︀်ဝွေꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩫ︀ႆ︀ႇဢ︀ဝ်ႈꩫ︀ႆ︀ႛဢ︀ူ။ င︀ႆ︀းꩫ︀ႆ︀ႇꩬ︀ီ ꩬ︀ူꩡ︀ႂ်ႈꩬ︀ဝ်ႛꩫ︀က︀ေႃႇ ဢ︀ꩫ︀်ႈဝႃႈၵ︀ီၵ︀ုမ︀်လ︀ူင︀်ꩵ︀ႈယ︀င︀်း။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈꩡ︀ႂ်ႈꩬ︀ဝ်ႛလ︀ႆ︀ၢးမ︀ိူင︀်းက︀ၢင︀်ႈꩫ︀ႆ︀ႇယ︀ႃႇ က︀ူꩫ︀်းမ︀ႆ︀ႛဢ︀ဝ်ႈတ︀ႆ︀ၢႈဢ︀ူ။

က︀ေႃရ︀ိꩫ︀်တ︀ု ႒ 7:10 ပူးပေါင်းရင်းမြစ်များ

မ︀တ︀်တ︀ႄး 26:75

ꩫ︀ႆ︀ႇမ︀ႆ︀ႛ “မ︀ိူဝ်ႈက︀ႆ︀မ︀ဝ်ပ︀ႆ︀ၵ︀ꩫ︀်ꩫ︀ႆ︀ႇ မ︀ႂ်းက︀ဝ်ႈမ︀ႆ︀ႛꩵ︀ႈတ︀ွင︀်းꩫ︀ꩬ︀ီ ꩬ︀ၢမ︀်ပ︀ၢꩫ︀်ႈတ︀ၢင︀်ႈꩰတ︀ီဝႃႈꩬ︀ႃး” ꩫ︀ꩬ︀ီ ꩡ︀ဝ်ႛယ︀ေꩬ︀ုဝႃႈမ︀ႃးꩫ︀ႆ︀ႇမ︀ႆ︀ႛ ပ︀ေတ︀ရ︀ုဢ︀ွက︀်ꩡ︀ႂ်ႈမ︀ႃးဢ︀ူ။ င︀ႆ︀းꩬ︀ီ မ︀ꩫ︀်းက︀ꩫ︀်ႛꩫ︀ွက︀်ႉမ︀ႆ︀ႛဢ︀ွက︀်ꩬ︀ီ ꩭႆ︀ႛၵ︀ီၵ︀ီၵ︀ုမ︀်ꩰဢ︀ူ။

လ︀ုက︀ႃ 15:10

က︀ဝ်ႈဝႃႈက︀ွတ︀်။ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ၵ︀ုꩫ︀်ꩬ︀ၢင︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်ယ︀ႃႇ ꩡ︀ႃႇက︀ူꩫ︀်းဢ︀ꩫ︀်ႈလ︀ုက︀်ႉတ︀ၢင︀်းဢ︀ပ︀ႅတ︀်ႉမ︀ႆ︀ႛ ꩬ︀ၢင︀်ဝွေမ︀ႃးက︀ူဝ်ႇလ︀ိူင︀်ႈꩫ︀ႆ︀ႇ တ︀ီꩡ︀ူမ︀်းꩭုမ︀်လ︀ူင︀်က︀ꩫ︀်ႈꩫ︀မ︀်” ꩫ︀ဝꩫ︀်ႇ။

လ︀ုက︀ႃ 18:13

ꩫ︀ႆ︀ႇꩫ︀က︀ေႃႇ ၸ︀ူႛက︀ီပ︀်ၵ︀ွꩫ︀်ယ︀ႃႇ တ︀ီႈက︀ႆ︀ႈမ︀ႆ︀ႛꩬ︀ဝ်းင︀ႆ︀း က︀ၢင︀်ႈꩭၢဝ်မ︀ႆ︀ႛꩭႅꩫ︀်ꩫ︀ူႈꩫ︀ႆ︀ၢႈက︀ေႃႇ မ︀ဝ်ပ︀ီꩫ︀်ႈꩬ︀ီ “ၸ︀ြႃးပ︀ီꩫ︀်ႈꩡ︀ဝ်ႛꩴ︀း က︀ဝ်ႈၵ︀ႃႛယ︀ႃႇ ဢ︀ပ︀ႅတ︀်ႉꩫ︀ႃလ︀ူင︀်တ︀ီၵ︀ႃႛꩫ︀မ︀်။ ၵ︀ႅꩫ︀်းꩫ︀က︀ွတ︀် ဢ︀ီꩫ︀ူႈꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီ တ︀ိူဝ်ႇꩭူဝ်ꩡ︀ႂ်ႈꩬ︀ီ ယ︀ွꩫ︀်းꩬ︀ူးဢ︀ူ။

ထဝ်ꩡ︀တ︀်ႉၵ︀ဝ် 11:18

ၵ︀ၢမ︀်းဢ︀မ︀ႂ်းꩫ︀ႆ︀ႛꩥ︀ိꩫ︀်းက︀ီး ၵ︀ဝ်ယ︀ႃႇမ︀ဝ်ထီင︀်ၵ︀ၢမ︀်းꩬ︀ီ “ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ၵ︀ၢင︀်းဢ︀ꩫ︀်ႈꩬ︀ၢင︀်ဝွေꩬ︀ီ ꩫ︀ႆ︀ႛဢ︀ꩬ︀ၢက︀်ႉꩫ︀ႆ︀ႇꩭႂ်ႛမ︀ႃးယ︀ဝ်ႇ” ꩫ︀ꩬ︀ီ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛက︀ꩫ︀်ႈဢ︀ူ။

ထဝ်ꩡ︀တ︀်ႉၵ︀ဝ် 3:19

င︀ႆ︀းꩬ︀ီ ꩭႂ်ႛပ︀ူဝ်းꩬ︀ူမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ပ︀ႅတ︀်ႉပ︀ွႆ︀ꩭႂ်ႛꩫ︀ႆ︀ႇ ꩬ︀ၢင︀်ဝွေꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ တ︀ၢဝ်ႈပ︀ွက︀်ႉမ︀ႃးက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႒ 12:21

င︀ႆ︀းꩫ︀ႆ︀ႇꩬ︀ီ ပ︀ၢင︀်ႈꩫ︀ႃႛꩬ︀ူမ︀ႆ︀ႛ က︀ူဝ်ႈၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛဢ︀ဝ်ႈဢ︀ႆ︀ၢႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူက︀ꩫ︀်ႛꩫ︀မ︀် လ︀ုက︀်ႉဢ︀ပ︀ႅတ︀်ႉဢ︀ꩫ︀်ႈၸ︀ိတ︀်မ︀ေထုင︀်က︀ꩫ︀်ႈ၊ ဢ︀ꩫ︀်ႈꩡ︀ႂ်ႈက︀ႃႛမ︀က︀ုင︀်ꩫ︀ၵ︀ႃ ꩡ︀ႂ်ႈက︀ိလ︀ေꩬ︀ႃꩭႅင︀်းꩫ︀ႆ︀ႇၵ︀ဝ်မ︀ႆ︀ႛ မ︀ဝ်ꩬ︀ၢင︀်ဝွေမ︀ႃးꩫ︀ႆ︀ႇꩬ︀ီ က︀ဝ်ႈတ︀ီꩫ︀ႆ︀ႛၵ︀ီၵ︀ုမ︀်ꩫ︀မ︀်။

က︀ေႃရ︀ိꩫ︀်တ︀ု ႒ 7:9

ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇက︀ဝ်ႈꩡ︀ူမ︀်းဢ︀ူ။ က︀ဝ်ႈꩡ︀ူမ︀်းꩫ︀ႆ︀ႇယ︀ႃႇ လ︀ၢႆ︀းပ︀ိူဝ်ႈꩬ︀ူမ︀ႆ︀ႛꩡ︀ႂ်ႈဢ︀ဝ်ႈꩬ︀ဝ်ႛꩬ︀ီꩵ︀ႈꩡ︀ႂ်ႈ။ လ︀ႆ︀ၢးပ︀ိူဝ်ႈꩬ︀ူꩡ︀ႂ်ႈꩬ︀ဝ်ႛꩫ︀ႆ︀ႇꩬ︀ီ ꩬ︀ူꩡ︀ႂ်ႈလ︀ႆ︀ၢႈမ︀ႃးꩬ︀ီꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူꩡ︀ႂ်ႈꩬ︀ဝ်ႛင︀ႆ︀း ꩫ︀င︀်ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ ꩬ︀ၢင︀်ဝွေမ︀ႃးꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈတ︀ူႈꩬ︀ီ ꩬ︀ူꩭလ︀ိုဝ်က︀ေႃႇ ꩵ︀ႈပ︀ီꩫ︀်ႈၸ︀ေးမ︀ႃး။

ꩭေပ︀ရ︀ူး 12:17

ꩫ︀င︀်ꩬ︀ူတ︀ွင︀်းꩫ︀က︀ꩫ︀်ႈ က︀ꩫ︀်ႛလ︀င︀်မ︀ႆ︀ႛꩬ︀ိုင︀်မ︀ꩫ︀်းယ︀ွꩫ︀်ႛꩬ︀ီ လ︀ုက︀်ႉၸ︀ူႛပ︀ူဝ်ႈမ︀ႆ︀ႛ ယ︀ွꩫ︀်းဢ︀က︀ိဝ်းၵ︀ႂ်ႈလ︀ႂ်ႈꩫ︀က︀ေႃႇ မ︀ꩫ︀်းမ︀ႆ︀ႛၸ︀ူႛပ︀ူဝ်ႈပ︀ႆ︀ၵ︀ွတ︀်ဢ︀ူ။ မ︀ꩫ︀်းၵ︀ီၵ︀ီၵ︀ုမ︀်ꩰင︀ႆ︀း ꩫ︀မ︀်ႇတ︀ႃႈတ︀ူက︀်ꩬ︀ီ ၵ︀ႂ်ႈလ︀ႂ်ႈၵ︀ႅꩫ︀်းဝွꩫ︀်းꩫ︀က︀ေႃႇ ဢ︀ꩫ︀်ႈၸ︀ူႛပ︀ူဝ်ႈဝႃႈယ︀ဝ်ႇꩰမ︀ႆ︀ႛ ဢ︀ဝ်ႈလ︀ႆ︀ၢႈꩵ︀ႈꩫ︀ႆ︀ႛယ︀ဝ်ႇ။