က︀ေႃရ︀ိꩫ︀်တ︀ု ႒ 5:8 - Khamti Shan

⁸ ꩭဝ်းယ︀ုမ︀်ယ︀မ︀်ႈတ︀မ︀်းꩡ︀ႂ်ႈꩫ︀ႆ︀ႇꩬ︀ီ လ︀ုက︀်ႉတ︀ူဝ်ႈမ︀ိူင︀်းက︀ၢင︀်ႈမ︀ႆ︀ႛၸ︀ၢက︀်ႉꩬ︀ီ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ေႈၵ︀ႅꩫ︀်းၵ︀ႂ်ႈက︀ႃဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 5:8 ပူးပေါင်းရင်းမြစ်များ

မ︀တ︀်တ︀ႄး 25:21

ꩫ︀ႆ︀ႇမ︀ႆ︀ႛꩡ︀ဝ်ႛမ︀ꩫ︀်းက︀ေႃႇ “ဢ︀ိူဝ်းလ︀ႃႉ၊ မ︀ႂ်းꩬ︀ႅတ︀်ႉꩡ︀ႃယ︀င︀်းလ︀ူင︀်ꩥ︀ႃ။ ꩡ︀ႂ်ႈယ︀ဝ်ႇ၊ မ︀ႂ်းဢ︀ꩫ︀်ႈဢ︀ွꩫ︀်လ︀ိူင︀်ႈမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ မ︀ႂ်းမ︀ႆ︀ႛ ဢ︀ၢꩫ︀်တ︀ၢꩫ︀်ဢ︀ၢပ︀်ႉꩭႂ်ႛဢ︀ိက︀်က︀ွတ︀်။ မ︀ႃးလ︀ႃး၊ တ︀င︀်းက︀ဝ်ႈꩡ︀ဝ်ႛမ︀ႃးꩭူမ︀်ႈက︀ိꩫ︀်ႈပ︀ိဝ်လ︀ႃး” ꩫ︀ဢ︀ူ။

မ︀တ︀်တ︀ႄး 25:23

ꩡ︀ဝ်ႛမ︀ꩫ︀်းက︀ေႃႇ “ဢ︀ိူဝ်းလ︀ႃႉ၊ မ︀ႂ်းက︀ေႃႇꩬ︀ႅတ︀်ႉꩡ︀ႃယ︀င︀်းဢ︀ူ။ ꩡ︀ႂ်ႈယ︀ဝ်ႇ။ မ︀ႂ်းဢ︀ꩫ︀်ႈꩡ︀ွꩫ︀်လ︀ိူင︀်ႈမ︀ႆ︀ႛ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇꩬ︀ီ မ︀ႂ်းမ︀ႆ︀ႛက︀ေႃႇ ဢ︀ၢꩫ︀်တ︀ၢꩫ︀်ဢ︀ၢပ︀်ႉꩭႂ်ႛဢ︀ိက︀်က︀ွတ︀်။ မ︀ႃးလ︀ႃး၊ တ︀င︀်းက︀ဝ်ႈꩡ︀ဝ်ႛမ︀ႃးꩭူမ︀်ႈက︀ိꩫ︀်ႈပ︀ိဝ်လ︀ႃး” ꩫ︀ဢ︀ူ။

လ︀ုက︀ႃ 2:29

“ꩡ︀ဝ်ႛထႃဝရ︀ၸ︀ြႃးတ︀ီၵ︀ႃႛ ꩫ︀င︀်က︀တ︀ိၵ︀ိင︀်းတ︀ူဝ်ꩡ︀ဝ်ႛꩫ︀က︀ꩫ︀်ႈ ဢ︀ဝ်ႈပ︀ီꩫ︀်ႈꩭႂ်ႛမ︀ႃးꩫ︀ႆ︀ႇꩬ︀ီ င︀ႆ︀ႚယ︀ႃႇ က︀ဝ်ႈၵ︀ႃႛၸ︀ူႛꩡ︀ႂ်ႇၵ︀ိင︀်းတ︀ူဝ်ꩡ︀ဝ်ႛ ꩡ︀ႂ်ႈယ︀ီꩫ︀်ႈꩰꩬ︀ီ တ︀ႆ︀ၢႈꩭွတ︀်ႉတ︀ီၵ︀ႃႛယ︀ဝ်ႇ။

ယ︀ေႃးꩭၢꩫ︀် 12:26

က︀ူဝ်ႇဢ︀ꩫ︀်ႈၵ︀ႂ်ႈꩭီတ︀်ဢ︀မ︀ူးက︀ဝ်ႈꩫ︀ႆ︀ႇ ဝႃႈꩡ︀ွမ︀်းက︀ꩫ︀်ႛလ︀င︀်က︀ဝ်ႈꩫ︀မ︀်။ င︀ႆ︀းက︀ီးꩬ︀င︀် တ︀ီႈဢ︀ꩫ︀်ႈက︀ဝ်ႈဢ︀ူမ︀ႆ︀ႛ မ︀ꩫ︀်းတ︀ီꩫ︀ႆ︀ႛဢ︀ူꩫ︀မ︀်။ က︀ူဝ်ႇဢ︀ꩫ︀်ႈꩭီတ︀်ဢ︀မ︀ူးက︀ဝ်ႈမ︀ႆ︀ႛ ပ︀ူဝ်က︀ဝ်ႈက︀ေႃႇ တ︀ီယ︀ွင︀်ႛꩫ︀မ︀်” ꩫ︀ဝꩫ︀်ႇ။

ယ︀ေႃးꩭၢꩫ︀် 14:3

က︀ဝ်ႈက︀ႃꩬ︀ီ တ︀ီႈꩭၢင︀်းꩬ︀ူဢ︀ူꩭႅမ︀်းယ︀ဝ်ႇက︀ီး တ︀ီႈဢ︀ꩫ︀်ႈက︀ဝ်ႈဢ︀ူမ︀ႆ︀ႛꩭႂ်ႛပ︀ူဝ်းꩬ︀ူꩫ︀ႆ︀ႛဢ︀ူꩫ︀ႆ︀ႇ က︀ဝ်ႈပ︀ွက︀်ႉမ︀ႃးꩬ︀ီꩬ︀ူမ︀ႆ︀ႛတ︀ီမ︀ႃးꩭွင︀်ႇꩫ︀မ︀်။

ယ︀ေႃးꩭၢꩫ︀် 17:24

ပ︀ူဝ်ꩡ︀ဝ်ႛꩴ︀း က︀ူꩫ︀်းဢ︀ꩫ︀်ႈက︀ဝ်ႈၵ︀ႃႛမ︀ႆ︀ႛ ꩡ︀ဝ်ႛꩭႂ်ႛဝႆ︀ႇꩫ︀ႆ︀ႇၵ︀ဝ် တ︀ီႈဢ︀ꩫ︀်ႈက︀ဝ်ႈၵ︀ႃႛတ︀ီဢ︀ူမ︀ႆ︀ႛ ၵ︀ဝ်မ︀ႆ︀ႛက︀ေႃႇၵ︀ႂ်ႈꩭႂ်ႛဢ︀ူတ︀ီၵ︀ႃႛဢ︀ူ။ င︀ႆ︀းက︀ီး မ︀ူꩫ︀်ႈၸ︀ုင︀်းဢ︀ꩫ︀်ႈꩡ︀ဝ်ႛက︀ဝ်ႈၵ︀ႃႛမ︀ႆ︀ႛ ꩭႂ်ႛဝႆ︀ႇဢ︀မ︀ႂ်းမ︀ႆ︀ႛ ၵ︀ဝ်ꩭꩫ︀်တ︀ီၵ︀ႃႛဢ︀ူ။ မ︀ူꩫ︀်ႈၸ︀ုင︀်းဢ︀မ︀ႂ်းယ︀ႃႇ မ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ ဢ︀ꩫ︀်ႈꩡ︀ဝ်ႛ က︀ဝ်ႈၵ︀ႃႛမ︀ႆ︀ႛ ꩭၢက︀်ႉꩬ︀ီꩭႂ်ႛမ︀ႃးꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 21:13

ꩫ︀ႆ︀ႇမ︀ႆ︀ႛ ပ︀ေႃလ︀ုယ︀ႃႇ “ꩭီတ︀်က︀ꩬ︀င︀်ꩫ︀ႆ︀ꩬ︀ူယ︀ႃႇ င︀ႆ︀းꩭႆ︀ႛꩬ︀ီꩡ︀ႂ်ႈက︀ဝ်ႈမ︀ႆ︀ႛ ဢ︀ဝ်ႈꩬ︀ဝ်ႛꩫ︀ႆ︀ႇ။ က︀ွပ︀်ႉပ︀ိူဝ်ႈꩡ︀ိုဝ်ႈꩡ︀ဝ်ႛယ︀ေꩬ︀ုꩫ︀က︀ီး ဝီင︀်းယ︀ေရ︀ုꩬ︀လ︀ိမ︀်မ︀ႆ︀ႛ ပ︀ိူꩫ︀်ႈက︀ဝ်ႈမ︀ႆ︀ႛၸ︀ုက︀်ꩫ︀ႆ︀ႇꩬ︀ေႇမ︀ဝ်က︀ႃး ဢ︀ဝ်ႈတ︀ၢႆ︀ႈꩫ︀က︀ေႃႇꩭႂ်ႛဢ︀ဝ်ႈတ︀ၢႆ︀ႈက︀ွတ︀်။ က︀ဝ်ႈꩭႅမ︀်းယ︀ဝ်ႇꩰ” ꩫ︀ꩬ︀ီဝႃႈပ︀ွက︀်ႉဢ︀ူ။

က︀ေႃရ︀ိꩫ︀်တ︀ု ႒ 5:6

င︀ႆ︀းꩫ︀ႆ︀ႇꩬ︀ီ ꩭဝ်းမ︀ိူဝ်ႈဢ︀ူꩫ︀ႂ်းတ︀ူဝ်ႈမ︀ိူင︀်းက︀ၢင︀်ႈꩫ︀ႆ︀ႇ ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛ၊ ဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ႂ်ꩭဝ်းမ︀ႆ︀ႛ ꩵ︀ႈပ︀ႆ︀ထိုင︀်ၵ︀ႂ်ႈလ︀ႂ်ႈꩫ︀က︀ေႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ယ︀ုမ︀်ယ︀မ︀်ႈတ︀မ︀်းꩡ︀ႂ်ႈဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 5:9

င︀ႆ︀းꩫ︀ႆ︀ႇꩬ︀ီ ꩭဝ်းဢ︀ူꩫ︀ႂ်းတ︀ူဝ်ႈမ︀ိူင︀်းက︀ၢင︀်ႈမ︀ႆ︀ႛပ︀တ︀ု လ︀ုက︀်ႉꩫ︀ႆ︀ႇမ︀ႆ︀ႛဢ︀ွက︀်က︀ႃပ︀တ︀ု ဢ︀ꩫ︀်ႈၵ︀ႅꩫ︀်းဢ︀ၵ︀ႅက︀်ႉꩫ︀ႆ︀ႇယ︀ႃႇ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ ꩭဝ်းꩬ︀ေႈꩡ︀ႃႉဢ︀ူꩫ︀မ︀်။

ယ︀ေႃးꩭၢꩫ︀် ႑ 3:2

ပ︀ီႈꩫ︀ွင︀်ႇၵ︀ဝ်ꩴ︀း င︀ႆ︀ႚ ꩭဝ်းပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛက︀ꩫ︀်ႈယ︀ဝ်ႇ။ က︀ꩫ︀်ႛလ︀င︀်မ︀ႆ︀ႛ ꩭဝ်းတ︀ီပ︀ီꩫ︀်ႈꩫ︀င︀်ꩭိုဝ်မ︀ႃးꩫ︀ꩫ︀ႆ︀ႇယ︀ႃႇ ꩵ︀ႈပ︀ႆ︀တ︀ွင︀်းꩫ︀ီႈꩫ︀ီႈ။ ꩫ︀ႆ︀ႇꩫ︀က︀ေႃႇ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်က︀ျွႃးမ︀ႃးꩫ︀ႆ︀ႇယ︀ႃႇ မ︀ꩫ︀်းꩡ︀ဝ်ႛပ︀ီꩫ︀်ႈꩫ︀င︀်ꩭိုဝ်တ︀ေႇတ︀ေႇꩫ︀ꩫ︀ႆ︀ႇ ꩭဝ်းꩫ︀ႆ︀ႛꩭꩫ︀်ꩬ︀ီ တ︀ီမ︀ိူꩫ︀်ꩫ︀င︀်မ︀ꩫ︀်းꩡ︀ဝ်ႛမ︀ႃးꩫ︀မ︀်ꩫ︀ꩫ︀ႆ︀ႇမ︀ႆ︀ႛ ꩭဝ်းတ︀ွင︀်းဢ︀ူ။

ၿျႃၻိက︀်ႉ 22:3

က︀ꩫ︀်ႛꩫ︀ႂ်းဝီင︀်းဢ︀မ︀ႂ်းမ︀ႆ︀ႛယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ꩭၢပ︀်ႉꩫ︀ꩫ︀ႆ︀ႇ က︀ꩬ︀င︀်က︀ေႃႇ ꩵ︀ႈယ︀င︀်းယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ပ︀ူႇဢ︀ွꩫ︀်ယ︀ႃႇ ꩫ︀ႂ်းဝီင︀်းဢ︀မ︀ႂ်းမ︀ႆ︀ႛ ꩫ︀င︀်ႈပ︀လ︀ၢင︀်ꩬ︀ီ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛၵ︀ဝ်က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီပ︀ႆ︀ၢႛဝႆ︀ႈက︀ꩫ︀်ႈꩫ︀မ︀်။