က︀ေႃရ︀ိꩫ︀်တ︀ု ႒ 5:4 - Khamti Shan

⁴ င︀ႆ︀ႚမ︀ိူဝ်ႈꩭဝ်း ဢ︀ူꩫ︀ႂ်းꩬ︀ုမ︀်ႇမ︀ိူင︀်းက︀ၢင︀်ႈꩭဝ်းꩫ︀ႆ︀ႇ လ︀ႆ︀ၢးပ︀ိူဝ်ႈယ︀ပ︀်ယ︀ၢက︀်ႉꩬ︀ီ ꩭဝ်းၵ︀င︀်းက︀ꩫ︀်ႈဢ︀ူ။ ꩭဝ်းၵ︀င︀်းꩫ︀ႆ︀ႇယ︀ႃႇ လ︀ုက︀်ႉတ︀ူဝ်ႈမ︀ိူင︀်းက︀ၢင︀်ႈမ︀ႆ︀ႛ ၵ︀ႂ်ႈဢ︀ွက︀်ꩬ︀ီꩵ︀ႈꩡ︀ႂ်ႈ။ ꩭဝ်းတ︀ူဝ်ႈမ︀ိူင︀်းက︀ၢင︀်ႈꩭၢဝ်ꩫ︀ႆ︀ႛꩬ︀ီ လ︀ုက︀်ႉတ︀ူဝ်ႈဢ︀ꩫ︀်ႈတ︀ႆ︀ၢႈꩡ︀ၢင︀်ႈမ︀ႆ︀ႛ ၵ︀ႂ်ႈလ︀ႆ︀ၢႈတ︀ူဝ်ႈဢ︀ꩫ︀်ႈမ︀ဝ်တ︀ႆ︀ၢႈꩡ︀ၢင︀်ႈꩬ︀ီꩫ︀မ︀်။

က︀ေႃရ︀ိꩫ︀်တ︀ု ႒ 5:4 ပူးပေါင်းရင်းမြစ်များ

ရ︀ေႃမ︀ 8:23

မ︀ိူင︀်းက︀ၢင︀်ႈတ︀င︀်းလ︀ုက︀်ႉꩫ︀ႆ︀ၢႈမ︀ဝ်က︀ႃး ꩭဝ်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၵ︀ိင︀်းꩫ︀ႆ︀ႇၵ︀ဝ်တ︀မ︀ိူင︀်းꩫ︀မ︀် ၵ︀င︀်းက︀ꩫ︀်ႈဢ︀ူꩫ︀ႆ︀ႇ။ ၵ︀ွꩫ︀်မ︀ꩫ︀်းꩡ︀ဝ်ႛယ︀ႃႇ ꩬ︀ူးဢ︀ꩫ︀်ႈဢ︀ွꩫ︀်ႈတ︀ၢင︀်းလ︀ေႚလ︀ေႚ ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛမ︀ႃးꩫ︀ႆ︀ႇꩫ︀မ︀်။ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛꩫ︀မ︀် ဢ︀ꩫ︀်ႈꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ လ︀ုက︀်ႉက︀ဝ်ႈၵ︀ဝ်ꩫ︀ꩬ︀ီတ︀ီꩭွင︀်ႇမ︀ႆ︀ႛလ︀ိူင︀်ႈ ဢ︀ꩫ︀်ႈတ︀ူဝ်ႈꩭဝ်းတ︀င︀်းတ︀ူဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛတ︀ီၵ︀ေꩬ︀ေꩭႂ်ႛမ︀ႆ︀ႛလ︀ိူင︀်ႈ ꩭဝ်းတ︀ႂ်းထႃႛꩬ︀ီၵ︀င︀်းက︀ꩫ︀်ႈဢ︀ူꩫ︀ႆ︀ႇ။

က︀ေႃရ︀ိꩫ︀်တ︀ု ႑ 15:51

ထွမ︀်က︀ꩫ︀်ႈမ︀ႃးတ︀ႃႉ။ ꩬ︀မ︀်မ︀ႃတ︀ြႃး ဢ︀ꩫ︀်ႈလ︀ိူက︀်ႉလ︀မ︀်ꩫ︀ႆ︀ႇၵ︀ႆ︀ႈက︀ွတ︀်။ ꩭဝ်းတ︀င︀်းမ︀ိူင︀်းꩵ︀ႈꩫ︀ႆ︀ႛတ︀ႆ︀ၢႈ။ တ︀ူဝ်ႈꩭဝ်းꩬ︀ိုင︀် က︀ꩡ︀ူးတ︀ီလ︀ွက︀်ႉလ︀ႆ︀ၢႈက︀ႃꩫ︀မ︀်။

က︀ေႃရ︀ိꩫ︀်တ︀ု ႒ 5:2

င︀ႆ︀ႚꩭဝ်း ဢ︀ူꩫ︀ႂ်းတ︀ူဝ်ႈမ︀ိူင︀်ႈက︀ၢင︀်ႈꩫ︀ႆ︀ႇ ꩫ︀ွေꩬ︀ွင︀်ႈၸ︀ႅဝ်ꩫ︀ႆ︀ႇꩬ︀ီ ꩫ︀င︀်ꩫ︀ုင︀်ႈၵ︀ိူင︀်ႈမ︀ႂ်ꩫ︀က︀ꩫ︀်ႈ ၵ︀ႂ်ႈဢ︀ူꩫ︀ႂ်းꩬ︀ုမ︀်ႇမ︀ိူင︀်းက︀ၢင︀်ႈꩭၢဝ်ꩭဝ်းꩬ︀ီ ဢ︀ေဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 5:3

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းဢ︀မ︀ႂ်းမ︀ႆ︀ႛထိုင︀်က︀ီး ဢ︀ဝ်ႈတ︀ူဝ်ႈမ︀ိူင︀်းက︀ၢင︀်ႈꩭၢဝ်ꩫ︀မ︀် တ︀ီꩫ︀ႆ︀ႛဢ︀ူက︀ႃꩫ︀ႆ︀ႇ။ ꩭဝ်းတ︀ီပ︀ီꩫ︀်ႈၵ︀ွꩫ︀် ဢ︀ꩫ︀်ႈတ︀ူဝ်ႈမ︀ဝ်ယ︀င︀်းꩵ︀ႈꩡ︀ႂ်ႈ။

ပ︀ေတ︀ရ︀ု ႒ 1:13

ဢ︀ꩫ︀်ႈꩬ︀ူမ︀ႆ︀ႛ တ︀ိက︀်ꩬ︀ူꩫ︀်းꩫ︀ႆ︀ႇယ︀ႃႇ က︀ႃႈꩫ︀င︀်က︀ဝ်ႈဢ︀ꩬ︀ၢက︀်ႉယ︀င︀်းꩬ︀ီဢ︀ူꩫ︀ႆ︀ႇ ဢ︀ꩫ︀်ႈက︀ဝ်ႈထုက︀်ꩫ︀ီႈꩭီတ︀်က︀ႃꩫ︀မ︀်။