က︀ေႃရ︀ိꩫ︀်တ︀ု ႒ 5:20 - Khamti Shan

²⁰ င︀ႆ︀းꩫ︀ႆ︀ႇꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛဝႃႈꩫ︀က︀ꩫ︀်ႈ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ ထုက︀်က︀ꩫ︀်ႈပ︀ွက︀်ႉမ︀တ︀ႃႉꩫ︀ꩬ︀ီ တ︀ၢင︀်ႈတ︀ူဝ်ႈꩡ︀ဝ်ႛၵ︀ရ︀ီတ︀်ꩬ︀ီ ꩬ︀ူမ︀ႆ︀ႛတ︀ူႈဝွꩫ︀်းၵ︀ႅꩫ︀်းဢ︀ူ။

က︀ေႃရ︀ိꩫ︀်တ︀ု ႒ 5:20 ပူးပေါင်းရင်းမြစ်များ

လ︀ုက︀ႃ 10:16

တ︀ပ︀ေးက︀ဝ်ႈၵ︀ဝ်ꩴ︀း က︀ူဝ်ႇဢ︀ꩫ︀်ႈၵ︀ၢမ︀်းꩬ︀ူထွမ︀်ꩫ︀ႆ︀ႇ ၵ︀ၢမ︀်းက︀ဝ်ႈက︀ေႃႇထွမ︀်ဢ︀ူ။ က︀ူဝ်ႇဢ︀ꩫ︀်ႈꩬ︀ူမ︀ႆ︀ႛ ပ︀ႆ︀ၵ︀ွတ︀်ꩫ︀ႆ︀ႇ က︀ဝ်ႈမ︀ႆ︀ႛက︀ေႃႇ ပ︀ႆ︀ၵ︀ွတ︀်ဢ︀ူ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛ ပ︀ႆ︀ၵ︀ွတ︀်ꩫ︀ႆ︀ႇ ꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႆ︀ႛက︀ေႃႇ ပ︀ႆ︀ၵ︀ွတ︀်ဢ︀ူ” ꩫ︀ဝꩫ︀်ႇ။

လ︀ုက︀ႃ 14:23

ꩡ︀ဝ်ႛꩭိူꩫ︀်းက︀ေႃႇ “တ︀ၢင︀်းတ︀ႅꩫ︀်ႈက︀ꩫ︀်ႛꩫ︀ွက︀်ႉဝီင︀်းꩫ︀ႆ︀ႇၵ︀ဝ်မ︀ႆ︀ႛက︀ႃꩬ︀ီ က︀ႃႈꩫ︀င︀်ꩭꩫ︀်မ︀ႆ︀ႛ က︀ႃꩭွင︀်ႇမ︀ႃးလ︀ႃး။ ꩭိူꩫ︀်းက︀ဝ်ႈမ︀ႆ︀ႛ က︀ူꩫ︀်းဢ︀ဝ်ႈတ︀ီမ︀်ႈက︀ꩫ︀်ႈလ︀ႃး။

ယ︀ေႃးꩭၢꩫ︀် 20:21

ꩭႃလ︀ိူင︀်ႈ ꩡ︀ဝ်ႛယ︀ေꩬ︀ုယ︀ႃႇ “ꩬ︀ူ ꩭႂ်ႛက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ႃတ︀ႃႉ။ ꩫ︀င︀်က︀ဝ်ႈမ︀ႆ︀ႛပ︀ူဝ်က︀ဝ်ႈပ︀ွႆ︀ꩡ︀ႂ်ႇꩫ︀က︀ꩫ︀်ႈ ꩬ︀ူမ︀ႆ︀ႛက︀ဝ်ႈပ︀ွႆ︀ꩡ︀ႂ်ႇဢ︀ူ” ꩫ︀ဝꩫ︀်ႇ။

ရ︀ေႃမ︀ 5:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းꩭဝ်းပ︀ီꩫ︀်ႈလ︀ꩫ︀်ꩬ︀ူၵ︀ႂ်ႈလ︀ႂ်ႈꩫ︀က︀ေႃႇ က︀ွပ︀်ႉပ︀ိူဝ်ႈလ︀ုက︀်ႉမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈက︀ႃꩫ︀ႆ︀ႇꩬ︀ီ ꩭဝ်းမ︀ႆ︀ႛ တ︀င︀်းမ︀ꩫ︀်းꩡ︀ဝ်ႛဢ︀ဝ်ႈထုက︀်က︀ꩫ︀်ႈပ︀ွက︀်ႉမ︀ႃးယ︀ဝ်ႇ။ ꩫ︀ႆ︀ႇꩬ︀ေႇမ︀ဝ်က︀ႃး ꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ꩬ︀ၢက︀်ႉꩫ︀ိပ︀်ꩫ︀ႆ︀ႇꩬ︀ီ ꩭဝ်းမ︀ႆ︀ႛဢ︀ေႈၵ︀ႅꩫ︀်းတ︀ီၵ︀ေꩬ︀ေꩭႂ်ႛꩫ︀မ︀်။

က︀ေႃရ︀ိꩫ︀်တ︀ု ႒ 12:10

လ︀ႆ︀ၢးပ︀ိူဝ်ႈꩡ︀ဝ်ႛၵ︀ရ︀ီတ︀်ꩬ︀ီ က︀ဝ်ႈမ︀ႆ︀ႛဢ︀ꩫ︀်ႈꩭႅင︀်းဢ︀ေ၊ ဢ︀ꩫ︀်ႈပ︀ိူꩫ︀်ႈꩡ︀ူဝ်က︀ႃး၊ ဢ︀ꩫ︀်ႈယ︀ပ︀်ယ︀က︀်ႉ၊ ဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉꩬ︀ီ တ︀ၢင︀်းယ︀ပ︀်ꩫ︀ႆ︀ႇၵ︀ဝ် က︀ꩬ︀င︀်ယ︀င︀်းပ︀တ︀ု က︀ဝ်ႈက︀ူႈမ︀ိုဝ်ႇ ပ︀ေꩡ︀ႂ်ႈဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈꩭႅင︀်းဢ︀ေꩫ︀ႆ︀ႇ က︀ဝ်ႈꩭႅင︀်းယ︀င︀်းဢ︀ူ။

က︀ေႃရ︀ိꩫ︀်တ︀ု ႒ 3:6

မ︀ꩫ︀်းꩡ︀ဝ်ႛꩫ︀မ︀် တ︀ူႈမ︀ႆ︀ႛတ︀ꩫ︀်းၵ︀ူဝ်းꩭႂ်ႛꩬ︀ီ ꩭႂ်ႛထၢမ︀်းဢ︀မ︀ူး ၵ︀ၢမ︀်းၵ︀တ︀်ႉမ︀ႂ်ꩫ︀ႆ︀ႇ။ ၵ︀ၢမ︀်းၵ︀တ︀်ႉꩫ︀ႆ︀ႇယ︀ႃႇ ꩬ︀ိꩫ︀်ဢ︀ꩫ︀်ႈဢ︀ဝ်ႈလ︀ိက︀်ႉတ︀ႅမ︀်ႛꩭႂ်ႛꩵ︀ႈꩡ︀ႂ်ႈ။ တ︀ြႃးဢ︀ꩫ︀်ႈ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛꩭႂ်ႛꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ိꩫ︀်ဢ︀ꩫ︀်ႈဢ︀ဝ်ႈလ︀ိက︀်ႉတ︀ႅမ︀်ႛꩭႂ်ႛꩫ︀ႆ︀ႇယ︀ႃႇ ꩭဝ်းမ︀ႆ︀ႛတ︀ၢင︀်းတ︀ႆ︀ၢႈꩭႂ်ႛꩬ︀ီ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ꩬ︀ၢက︀်ႉꩭႂ်ႛဢ︀ူ။

က︀ေႃရ︀ိꩫ︀်တ︀ု ႒ 5:11

ꩡ︀ႃႇလ︀ိူင︀်ႈ တ︀ူႈယ︀ႃႇလ︀ွင︀်ႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ိူင︀်ႈꩫ︀ီႈက︀ူဝ်ႈယ︀မ︀်ႈꩫ︀ႆ︀ႇ တ︀ွင︀်းꩫ︀ႆ︀ႇꩬ︀ီ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇ ꩬ︀ေႈꩡ︀ႃႉဢ︀ူꩫ︀မ︀်။ တ︀ူႈꩭီတ︀်ꩬ︀ိုဝ်ႈꩰဢ︀ူꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းꩫ︀က︀ꩫ︀်ႈ ꩬ︀ူက︀ေႃႇဝႃႈတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 6:1

တ︀ူႈယ︀ႃႇ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛꩭီတ︀်ဢ︀မ︀ူးꩫ︀ႆ︀ႇꩬ︀ီ က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛ ꩬ︀ူ ပ︀ီဝႆ︀ႇꩬ︀ၢႆ︀ႇꩫ︀ꩬ︀ီ ဝွꩫ︀်းၵ︀ႅꩫ︀်းဢ︀ူ။

ဢ︀ေၸ︀ႅတ︀် 6:20

င︀ႆ︀ႚက︀ဝ်ႈတ︀ူက︀်ထွင︀်ဢ︀ူꩫ︀က︀ေႃႇ က︀ဝ်ႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႂ်ႇꩭႂ်ႛꩭူဝ်းၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇꩬ︀ီ က︀ဝ်ႈꩭူဝ်းဢ︀ူꩫ︀မ︀်။ င︀ႆ︀းꩫ︀ႆ︀ႇꩬ︀ီ ဢ︀ꩫ︀်ႈက︀ဝ်ႈဝႃႈꩭူဝ်းꩫ︀ႆ︀ႇ ꩭႂ်ႛပ︀ူဝ်းက︀ဝ်ႈꩭတ︀်ꩰꩭၢꩫ︀်ꩰꩭူဝ်းပ︀ီꩫ︀်ႈꩫ︀ႆ︀ႇ ယ︀ွꩫ︀်းꩬ︀ူးꩭႂ်ႛက︀ꩫ︀်ႈမ︀ႃးတ︀ႃႉ။

က︀ေႃလ︀ေႃတ︀ႄ 1:20

င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈက︀ႃႈꩡ︀ိုဝ်ႈက︀ၢင︀်ႈꩭၢဝ်လ︀င︀်ꩫ︀ိꩫ︀်ႈမ︀ႆ︀ႛ ယ︀င︀်းꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းမ︀ꩫ︀်းꩡ︀ဝ်ႛမ︀ႆ︀ႛ တ︀ၢဝ်ႈပ︀ွက︀်ႉမ︀ႃးက︀ꩫ︀်ႈꩫ︀ႆ︀ႇ လ︀ုက︀်ႉꩡ︀ၢႆ︀းမ︀ꩫ︀်းꩡ︀ဝ်ႛမ︀ႆ︀ႛ ပ︀ွႆ︀ꩡ︀ႂ်ႇမ︀ႃးင︀ႆ︀း ဢ︀ဝ်ႈꩫ︀ိူတ︀်ႉလ︀ုက︀်ႉꩡ︀ၢႆ︀းမ︀ꩫ︀်းꩡ︀ဝ်ႛ ဢ︀ꩫ︀်ႈက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ လ︀ူဝ်ꩫ︀ႆ︀ႇ ဢ︀ဝ်ႈꩫ︀ီႈက︀ꩫ︀်ႈယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 4:8

င︀ႆ︀းꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈတ︀ြႃးꩫ︀ႆ︀ႇမ︀ႆ︀ႛ မ︀ဝ်ꩡ︀ွမ︀်းꩫ︀ႆ︀ႇယ︀ႃႇ ဢ︀ꩫ︀်ႈတ︀ူႈမ︀ႆ︀ႛꩫ︀ႆ︀ၢႈ ပ︀ႆ︀ၵ︀ွတ︀်ꩵ︀ႈꩡ︀ႂ်ႈ၊ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩬ︀ူမ︀ႆ︀ႛပ︀ူင︀်ႈၵ︀ွꩫ︀်မ︀ꩫ︀်းꩡ︀ဝ်ႛမ︀ႆ︀ႛက︀ေႃႇ ပ︀ႆ︀ၵ︀ွတ︀်ယ︀ဝ်ႇ။