က︀ေႃရ︀ိꩫ︀်တ︀ု ႒ 5:19 - Khamti Shan

¹⁹ ၵ︀ၢဝ်ႈၵ︀ၢမ︀်းဢ︀ꩫ︀်ႈꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ပ︀ႅတ︀်ႉက︀ူꩫ︀်းꩭဝ်းမ︀ႆ︀ႛ မ︀ဝ်မ︀တ︀်ႉဝႆ︀ႇꩬ︀ီ က︀ူꩫ︀်းꩭဝ်းတ︀င︀်းမ︀ိူင︀်းမ︀ႆ︀ႛ တ︀င︀်းမ︀ꩫ︀်းꩡ︀ဝ်ႛဢ︀ဝ်ႈထုက︀်က︀ꩫ︀်ႈပ︀ွက︀်ႉꩭႂ်ႛꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 5:19 ပူးပေါင်းရင်းမြစ်များ

မ︀တ︀်တ︀ႄး 1:23

ပ︀ရ︀ေႃးၸ︀ႅတ︀်ႉဢ︀မ︀ႂ်းယ︀ႃႇ “ၸ︀ူႛꩬ︀ၢဝ်ꩡ︀ႅတ︀်ႉꩰက︀ူဝ်ႇလ︀ိူင︀်ႈပ︀ီꩫ︀်ႈမ︀ဝ်တ︀ူဝ်ႈꩫ︀ႆ︀ၢႈꩬ︀ီ လ︀ုက︀်ႉꩡ︀ႆ︀ၢးက︀ူဝ်ႇလ︀ိူင︀်ႈတ︀ီယ︀င︀်းမ︀ႃးꩫ︀မ︀်။ ꩡ︀ိုဝ်ႈလ︀ုက︀်ႉꩡ︀ႆ︀ၢးဢ︀မ︀ႂ်းယ︀ႃႇ “ဢ︀ေမ︀ႃꩫ︀ွေလ︀” ꩫ︀ꩫ︀မ︀်တ︀ီꩭွင︀်ႇꩫ︀ႆ︀ႇ” ꩫ︀ဝꩫ︀်ႇ။ ဢ︀ေမ︀ႃꩫ︀ွေလ︀ꩫ︀ꩫ︀ႆ︀ႇယ︀ႃႇ “ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈတ︀င︀်းက︀ူꩫ︀်းꩭဝ်းၵ︀ိင︀်းလ︀ွေႛ” ꩫ︀ꩫ︀မ︀်။

ယ︀ေႃးꩭၢꩫ︀် 14:20

မ︀ိူဝ်ႈက︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ က︀ꩫ︀်ႛꩫ︀ႂ်းꩬ︀ူမ︀ႆ︀ႛက︀ဝ်ႈယ︀င︀်းꩫ︀က︀ꩫ︀်ႈ က︀ꩫ︀်ႛꩫ︀ႂ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛက︀ဝ်ႈမ︀ႆ︀ႛ က︀ဝ်ႈယ︀င︀်းꩫ︀ႆ︀ႇမ︀ႆ︀ႛလ︀ိူင︀်ႈ က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛက︀ေႃႇ ꩬ︀ူယ︀င︀်းꩫ︀ႆ︀ႇမ︀ႆ︀ႛလ︀ိူင︀်ႈ ꩬ︀ူတ︀ီတ︀ွင︀်းမ︀ႃးꩬ︀ႃး။

ယ︀ေႃးꩭၢꩫ︀် 17:23

က︀ꩫ︀်ႛꩫ︀ႂ်းၵ︀ဝ်မ︀ႆ︀ႛ က︀ဝ်ႈၵ︀ႃႛယ︀င︀်းꩫ︀က︀ꩫ︀်ႈ က︀ꩫ︀်ႛꩫ︀ႂ်းက︀ဝ်ႈၵ︀ႃႛမ︀ႆ︀ႛꩡ︀ဝ်ႛယ︀င︀်းꩬ︀ီ ၵ︀ဝ်က︀ေႃႇၸ︀ွမ︀်ႇလ︀ွမ︀်ႈက︀ꩫ︀်ႈတ︀ီၵ︀ႃႛယ︀ဝ်ႇ။ င︀ႆ︀းꩫ︀ႆ︀ႇꩬ︀ီ က︀ဝ်ႈၵ︀ႃႛမ︀ႆ︀ႛꩡ︀ဝ်ႛပ︀ွႆ︀ꩡ︀ႂ်ႇမ︀ႃးꩫ︀မ︀်ꩫ︀ꩫ︀ႆ︀ႇလ︀ိူင︀်ႈ၊ က︀ဝ်ႈၵ︀ႃႛမ︀ႆ︀ႛꩡ︀ဝ်ႛꩭၢက︀်ႉꩫ︀က︀ꩫ︀်ႈ ၵ︀ဝ်မ︀ႆ︀ႛက︀ေႃႇꩭၢက︀်ႉဢ︀ူꩫ︀ꩫ︀ႆ︀ႇလ︀ိူင︀်ႈ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ် တ︀ီတ︀ွင︀်းမ︀ႃးက︀ꩫ︀်ႈတ︀ီၵ︀ႃႛꩫ︀မ︀်။

ရ︀ေႃမ︀ 11:15

မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ꩫ︀်းက︀ျူးက︀ဝ်ႈၵ︀ဝ်မ︀ႆ︀ႛပ︀ႆ︀ဝႆ︀ႇꩫ︀ႆ︀ႇ က︀ူꩫ︀်းတ︀င︀်းက︀မ︀်ၸ︀ႃဢ︀ꩫ︀်ႈက︀ျူးမ︀ဝ်ꩡ︀ႂ်ႈ ဢ︀ꩫ︀်ႈပ︀ီꩫ︀်ႈလ︀ꩫ︀်ꩬ︀ူမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ တ︀င︀်းမ︀ꩫ︀်းꩡ︀ဝ်ႛ ဢ︀ဝ်ႈထုက︀်က︀ꩫ︀်ႈပ︀ွက︀်ႉမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီ မ︀ိူဝ်ႈၸ︀ꩫ︀်းက︀ျူးက︀ဝ်ႈၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛꩭၢပ︀်ႉပ︀ွက︀်ႉꩫ︀ႆ︀ႇယ︀ႃႇ တ︀ီပ︀ီꩫ︀်ႈꩭိုဝ်မ︀ႃးꩫ︀ႆ︀ꩫ︀က︀ီး ꩫ︀င︀်ၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀က︀ꩫ︀်ႈတ︀ီပ︀ီꩫ︀်ႈမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 13:5

ꩭဝ်းမ︀ႆ︀ႛမ︀ႅတ︀်ႉတ︀ႃယ︀င︀်းက︀ီး ဢ︀ꩫ︀်ႈမ︀ဝ်ထုက︀်မ︀ဝ်ထက︀် ꩵ︀ႈꩭီတ︀်။ ꩡ︀ႂ်ႈတ︀ိင︀်ႈက︀ုပ︀်ꩵ︀ႈယ︀င︀်း။ တ︀ေႃးꩬ︀ႃးက︀ေႃႇ ꩵ︀ႈင︀ႆ︀ၢႈ။ ဢ︀ပ︀ႅတ︀်ႉပ︀ိူꩫ︀်ႈမ︀ႆ︀ႛက︀ေႃႇꩵ︀ႈမ︀တ︀်ႉဝႆ︀ႇ။

က︀ေႃလ︀ေႃတ︀ႄ 2:9

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ မ︀ိူဝ်ႈမ︀ꩫ︀်းꩡ︀ဝ်ႛပ︀ီꩫ︀်ႈက︀ူꩫ︀်းမ︀ႃးꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛ ꩡ︀ႃတ︀ိႉၸ︀ြႃးပ︀ီꩫ︀်ႈꩡ︀ဝ်ႛလ︀ွေႛတ︀ီမ︀်ႈꩰမ︀ႃးဢ︀ူ။

တ︀ိမ︀ေႃတ︀ေ ႑ 3:16

လ︀ွင︀်ႈꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇ လ︀ိူက︀်ႉလ︀မ︀် ꩬ︀ိုဝ်ႈꩡ︀ႂ်ႈလ︀ူင︀်တ︀ေႇတ︀ေႇꩫ︀မ︀်။ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးလ︀ူင︀်းပ︀ီꩫ︀်ႈက︀ူꩫ︀်းမ︀ႃးꩬ︀ီ လ︀ွင︀်ႈꩫ︀ႆ︀ႇꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭီတ︀်ꩬ︀ၢက︀်ႉꩬ︀ေမ︀ႃးင︀ႆ︀း ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭꩫ︀်မ︀ႃးယ︀ဝ်ႇ။ က︀ူꩫ︀်းက︀ူႈၸ︀ꩫ︀်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈမ︀ꩫ︀်းꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀မ︀်ၸ︀ႃတ︀င︀်းꩡ︀ꩫ︀်ႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭၢပ︀်ႉꩬ︀ီဢ︀ဝ်ႈၵ︀ိုꩫ︀်ႛက︀ႃ မ︀ိူင︀်းက︀ၢင︀်ႈꩭၢဝ်ပ︀ွက︀်ႉယ︀ဝ်ႇ။

ယ︀ေႃးꩭၢꩫ︀် ႑ 4:10

ꩫ︀ႆ︀ႇယ︀ႃႇ မ︀ႅတ︀်ႉတ︀ႃဢ︀ꩫ︀်ႈꩡ︀ႅတ︀်ႉꩫ︀မ︀်။ မ︀ႅတ︀်ႉတ︀ႃꩫ︀ႆ︀ႇယ︀ႃႇ ဢ︀ꩫ︀်ႈꩭဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢက︀်ႉꩵ︀ႈꩡ︀ႂ်ႈ။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛꩭၢက︀်ႉꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းဢ︀ပ︀ႅတ︀်ႉꩭဝ်းမ︀ႆ︀ႛ တ︀ၢင︀်ႈတ︀ူဝ်ႈꩭဝ်းꩬ︀ီၵ︀ၢမ︀်ꩭႂ်ႛꩫ︀ႆ︀ႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်တ︀ူဝ်ႈၵ︀ႅက︀်ꩬ︀ီ ပ︀ွႆ︀ꩡ︀ႂ်ႇမ︀ႃးယ︀ဝ်ႇ။