က︀ေႃရ︀ိꩫ︀်တ︀ု ႒ 5:14 - Khamti Shan

¹⁴ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇက︀ူꩫ︀်းတ︀င︀်းမ︀ိူင︀်းၵ︀ၢမ︀်တ︀ႆ︀ၢႈမ︀ႃးꩫ︀ႆ︀ႇꩬ︀ီ က︀ူꩫ︀်းတ︀င︀်းမ︀ိူင︀်းက︀ေႃႇ တ︀ႆ︀ၢႈက︀ႃယ︀ဝ်ႇꩫ︀ꩬ︀ီ ꩭဝ်းယ︀ုမ︀်ယ︀မ︀်ႈꩫ︀ႆ︀ႇꩬ︀ီ ꩭဝ်းမ︀ႆ︀ႛ မ︀ႅတ︀်ႉတ︀ႃꩡ︀ဝ်ႛၵ︀ရ︀ီတ︀် ထိꩫ︀်ဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 5:14 ပူးပေါင်းရင်းမြစ်များ

မ︀တ︀်တ︀ႄး 20:28

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းꩫ︀ႆ︀ၢႈက︀ေႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩫ︀ႆ︀ႇ မ︀ႃးꩭီတ︀်ꩡ︀ဝ်ႛꩵ︀ႈꩡ︀ႂ်ႈ။ ꩭီတ︀်ၸ︀ူႛꩡ︀ႂ်ႇꩬ︀ီ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် လ︀ုက︀်ႉဢ︀ပ︀ႅတ︀်ႉမ︀ႆ︀ႛလ︀ွတ︀်ႉꩫ︀ႆ︀ႇ ဢ︀ဝ်ႈဢ︀ꩬ︀ၢက︀်ႉက︀ဝ်ႈၸ︀ူႛꩡ︀ဝ်ႛ မ︀ႃးꩬ︀ေထွတ︀်ပ︀ွက︀်ႉက︀ွတ︀်ꩫ︀ꩫ︀မ︀်” ꩫ︀ဝꩫ︀်ႇ။

လ︀ုက︀ႃ 15:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ုက︀်ႉက︀ဝ်ႈꩫ︀ႆ︀ႇ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ တ︀ႆ︀ၢႈမ︀ႃးꩫ︀က︀ေႃႇ င︀ႆ︀ႚꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ ꩭၢႆ︀မ︀ႃးꩫ︀က︀ေႃႇ င︀ႆ︀ႚꩭꩫ︀်ပ︀ွက︀်ႉယ︀ဝ်ႇ” ꩫ︀ယ︀ဝ်ႇက︀ီး ၵ︀ဝ်ꩭီတ︀်ပ︀ွႆ︀းပ︀ိဝ်က︀ꩫ︀်ႈဢ︀ူ။

လ︀ုက︀ႃ 15:32

ꩫ︀ွင︀်ႇꩡ︀ႆ︀ၢးမ︀ႂ်းယ︀ႃႇ မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛယ︀ႃႇ တ︀ႆ︀ၢႈမ︀ႃးꩫ︀က︀ꩫ︀်ႈပ︀ီꩫ︀်ႈꩬ︀ီ င︀ႆ︀ႚယ︀ႃႇꩫ︀ိပ︀်ပ︀ွက︀်ႉမ︀ႃးယ︀ဝ်ႇ။ ꩭႆ︀ၢမ︀ႃးꩬ︀ီ င︀ႆ︀ႚယ︀ႃႇꩭꩫ︀်ပ︀ွက︀်ႉယ︀ဝ်ႇ။ င︀ႆ︀းꩫ︀ႆ︀ႇꩬ︀ီ ꩭဝ်းင︀ႆ︀ႚထုက︀်ꩫ︀ီႈပ︀ိဝ်က︀ꩫ︀်ႈꩫ︀မ︀်” ꩫ︀ꩬ︀ီဝႃႈဢ︀ူ” ꩫ︀ဝꩫ︀်ႇ။

လ︀ုက︀ႃ 24:29

ꩫ︀ႆ︀ႇမ︀ႆ︀ႛ ꩬ︀ွင︀်ၵ︀ႃယ︀ႃႇ “ၸ︀ႃႇတ︀ီၵ︀မ︀်ႈယ︀ဝ်ႇ။ တ︀င︀်းꩭၢင︀်းၵ︀ိူဝ်ꩭူမ︀်ႈꩬ︀ဝ်းမ︀ႃးတ︀ႃႉ” ꩫ︀ꩬ︀ီ ꩭွင︀်ႇꩭႅပ︀်ႉက︀ီး မ︀ꩫ︀်းꩡ︀ဝ်ႛက︀ေႃႇ တ︀င︀်းꩬ︀ွင︀်ၵ︀ႃ က︀ႃꩬ︀ဝ်းဢ︀ူ။

ယ︀ေႃးꩭၢꩫ︀် 1:29

ꩫ︀င︀်မ︀ိူဝ်ႈꩭုက︀်ႉ ꩡ︀ဝ်ႛယ︀ေꩬ︀ုက︀ျွႃးမ︀ႃးꩫ︀ႆ︀ႇမ︀ႆ︀ႛ ꩬ︀ြႃယ︀ေႃးꩭၢꩫ︀်ꩭꩫ︀်က︀ီး “ပ︀ူႇဢ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈပ︀ႃႉဢ︀ပ︀ႅတ︀်ႉမ︀ိူင︀်းက︀ၢင︀်ႈက︀ႃꩫ︀ႆ︀ႇမ︀ႆ︀ႛ လ︀ႅမ︀်းလ︀ႃး။

ယ︀ေႃးꩭၢꩫ︀် 11:25

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ “က︀ဝ်ႈယ︀ႃႇ ꩡ︀ဝ်ႛဢ︀ꩬ︀ၢက︀်ႉꩫ︀မ︀်။ ꩡ︀ဝ်ႛဢ︀ꩫ︀်ႈဢ︀ဝ်ႈꩫ︀ိပ︀်ပ︀ွက︀်ႉက︀ေႃႇꩡ︀ႂ်ႈဢ︀ူ။ က︀ူဝ်ႇဢ︀ꩫ︀်ႈက︀ဝ်ႈမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇယ︀ႃႇ တ︀ႆ︀ၢႈက︀ႃꩫ︀က︀ေႃႇꩫ︀ိပ︀်ပ︀ွက︀်ႉဢ︀ူ။

ယ︀ေႃးꩭၢꩫ︀် 5:25

က︀ဝ်ႈꩬ︀ိုဝ်ႈꩰဝႃႈက︀ွတ︀်။ မ︀ဝ်ꩭိုင︀်က︀ꩬ︀င︀် ၸ︀ူႛတ︀ႆ︀ၢႈꩫ︀ႆ︀ႇၵ︀ဝ် ꩬ︀ီင︀်ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛတ︀ီꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။ င︀ႆ︀ႚꩫ︀ႆ︀ၢႈက︀ေႃႇ က︀ူဝ်ꩫ︀ႆ︀ႛꩥ︀ိꩫ︀်းက︀ꩫ︀်ႈယ︀ဝ်ႇ။ ဢ︀ꩫ︀်ႈꩫ︀ႆ︀ႛꩥ︀ိꩫ︀်းꩫ︀ႆ︀ႇၵ︀ဝ်ယ︀ႃႇ တ︀ီꩫ︀ိပ︀်ပ︀ွက︀်ႉက︀ꩫ︀်ႈꩫ︀မ︀်။

ထဝ်ꩡ︀တ︀်ႉၵ︀ဝ် 18:5

တ︀ိလ︀ꩫ︀ၵ︀ႃတ︀ိမ︀ေႃတ︀ေၵ︀ဝ် လ︀ုက︀်ႉမ︀ိူင︀်းမ︀ႃက︀ေတ︀ေႃꩫ︀ိမ︀ႆ︀ႛထိုင︀်မ︀ႃးက︀ီး ပ︀ေႃလ︀ုယ︀ႃႇ က︀ူႈယ︀ၢမ︀်းတ︀ြႃးꩫ︀ႆ︀ၢႈꩬ︀ိုင︀်ꩭူဝ်းꩬ︀ီ မ︀ေꩬ︀ိယ︀ယ︀ႃႇꩡ︀ဝ်ႛယ︀ေꩬ︀ုꩫ︀မ︀်ꩫ︀ꩫ︀ႆ︀ႇ က︀ျူးꩫ︀ႆ︀ႇၵ︀ဝ်မ︀ႆ︀ႛၵ︀ႆ︀ႈꩡ︀ုꩫ︀်ႈꩰꩭႂ်ႛဢ︀ူ။

ရ︀ေႃမ︀ 2:2

က︀ူꩫ︀်းဢ︀ꩫ︀်ႈမ︀ဝ်ꩫ︀ီႈၸ︀ꩫ︀်းꩫ︀င︀်င︀ႆ︀းꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛပ︀ႅတ︀်ႉတ︀ြႃးꩫ︀ႆ︀ႇယ︀ႃႇ တ︀ြႃးဢ︀ူꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

ရ︀ေႃမ︀ 5:15

ꩫ︀ႆ︀ႇꩫ︀က︀ေႃႇ လ︀ႆ︀ၢးꩬ︀ူးက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ လ︀ႆ︀ၢးဢ︀ပ︀ႅတ︀်ႉဢ︀ႃတ︀ၢမ︀်ယ︀ႃႇ လ︀ၢက︀်က︀ွႆ︀းက︀ွင︀်ႈꩫ︀မ︀်။ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉဢ︀ႃတ︀ၢမ︀်ꩬ︀ီ က︀ူꩫ︀်းဢ︀ၢꩫ︀်တ︀ၢꩫ︀် ꩫ︀ႆ︀ႛတ︀ႆ︀ၢႈမ︀ႃးꩫ︀က︀ေႃႇ ꩬ︀ူးက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ပ︀ႅတ︀်ႉဢ︀ႃတ︀ၢမ︀်မ︀ႆ︀ႛ ယ︀ႂ်ꩬ︀ႃဢ︀ူ။ ꩫ︀ႆ︀ႇꩬ︀ေႇမ︀ဝ်က︀ႃး က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃ ꩬ︀ူးက︀ျေးꩡ︀ူးမ︀ꩫ︀်းꩡ︀ဝ်ႛ ဢ︀ꩫ︀်ႈလ︀ုက︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်က︀ူဝ်ႇလ︀ိူင︀်ႈမ︀ႆ︀ႛ မ︀ႃးꩫ︀ႆ︀ႇယ︀ႃႇ က︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀မ︀ႆ︀ႛ ထိုင︀်က︀ႃဢ︀ူ။

ရ︀ေႃမ︀ 6:13

တ︀ူဝ်ႈꩬ︀ူꩬ︀ိက︀်ႉꩡ︀ွꩫ︀်လ︀ိူင︀်ႈꩫ︀ႆ︀ၢႈက︀ေႃႇ ပ︀ီꩭႂ်ႛပ︀ီꩫ︀်ႈၵ︀ိူင︀်ႈꩡ︀ႃႇꩭီတ︀်ဢ︀ပ︀ႅတ︀်ႉယ︀ဝ်ႇ။ ꩫ︀င︀်က︀ူꩫ︀်းဢ︀ꩫ︀်ႈꩫ︀ိပ︀်ပ︀ွက︀်ႉမ︀ႃးꩫ︀က︀ꩫ︀်ႈ ꩭႂ်ႛပ︀ူဝ်းတ︀ူဝ်ႈꩬ︀ူ ပ︀ီꩫ︀်ႈၵ︀ိူင︀်ႈꩡ︀ႃႇꩭီတ︀်လ︀ွင︀်ႈꩫ︀ီႈꩫ︀ႆ︀ႇꩬ︀င︀် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ၢပ︀်ႉက︀ꩫ︀်ႈတ︀ႃႉ။

ရ︀ေႃမ︀ 6:6

ꩭဝ်း လ︀ုက︀်ႉဢ︀ꩫ︀်ႈပ︀ီꩫ︀်ႈၵ︀ႃႛဢ︀ပ︀ႅတ︀်ႉမ︀ႆ︀ႛလ︀ွတ︀်ႉꩬ︀ီ ꩭႂ်ႛပ︀ူဝ်းဢ︀ပ︀ႅတ︀်ႉမ︀ဝ်က︀ၢပ︀်ꩭီတ︀်ꩫ︀ႆ︀ႇ မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ဝ်ႈတ︀ႆ︀ၢႈꩫ︀ႆ︀ႇ က︀ူꩫ︀်းက︀ဝ်ꩭဝ်းမ︀ႆ︀ႛက︀ေႃႇ ꩬ︀ဝ်ဝႃးမ︀ိုဝ်းမ︀ႆ︀ႛ တ︀င︀်းမ︀ꩫ︀်းꩡ︀ဝ်ႛ တ︀ွက︀်တ︀ႆ︀ၢႈလ︀ွေႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

က︀ေႃရ︀ိꩫ︀်တ︀ု ႑ 16:22

က︀ူဝ်ႇဢ︀ꩫ︀်ႈꩡ︀ဝ်ႛꩭဝ်းမ︀ႆ︀ႛ မ︀ဝ်ꩭၢက︀်ႉꩫ︀ႆ︀ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛပ︀ူဝ်းတ︀ၢမ︀်က︀တ︀ႃႉ။ ꩡ︀ဝ်ႛꩴး က︀ျွႃးမ︀ႃးတ︀ီၵ︀ႃႛမ︀ႃးတ︀ႃႉ။

က︀ေႃရ︀ိꩫ︀်တ︀ု ႑ 2:14

က︀ူꩫ︀်းဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ယ︀င︀်းꩫ︀ႆ︀ႇၵ︀ဝ်ယ︀ႃႇ ꩬ︀မ︀်မ︀ႃတ︀ြႃး ဢ︀ꩫ︀်ႈလ︀ုက︀်ႉၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ မ︀ႆ︀ႛမ︀ႃးꩫ︀ႆ︀ႇၵ︀ဝ်မ︀ႆ︀ႛ ꩭၢပ︀်ႉꩵ︀ႈꩫ︀ႆ︀ႛ။ က︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်ယ︀ႃႇ ꩬ︀မ︀်မ︀ႃတ︀ြႃးဢ︀မ︀ႂ်းမ︀ႆ︀ႛ မ︀တ︀်ႉၵ︀ၢမ︀်းၸ︀ူႛမ︀ိူက︀်ႉꩬ︀ီ ပ︀ွင︀်ꩡ︀ႂ်ႈမ︀ဝ်ꩫ︀ႆ︀ႛꩫ︀မ︀်။ က︀ူဝ်ႇဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀င︀်းꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀် ꩬ︀မ︀်မ︀ႃတ︀ြႃးဢ︀မ︀ႂ်း ၵ︀ႂ်ႈလ︀ႂ်ႈလ︀ႅင︀်ႇꩫ︀ꩫ︀ႆ︀ႇမ︀ႆ︀ႛ ပ︀ွင︀်ꩡ︀ႂ်ႈꩫ︀ႆ︀ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႂ်းၵ︀ဝ်ယ︀ႃႇ ဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၢႆ︀ႈꩬ︀ိုင︀် ပ︀ွင︀်ꩡ︀ႂ်ႈꩫ︀ႆ︀ႛꩬ︀ီꩫ︀မ︀်။

က︀ေႃရ︀ိꩫ︀်တ︀ု ႒ 3:7

မ︀ိူဝ်ႈꩫ︀ꩫ︀်ႇ မ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛ ၵ︀ႅပ︀်ꩭိꩫ︀်မ︀ႆ︀ႛ ꩬ︀ိꩫ︀်တ︀ႅမ︀်ႛꩭႂ်ႛꩫ︀ႆ︀ႇ ꩫ︀ႃႛမ︀ေႃꩬ︀ေမ︀ႆ︀ႛ မ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛ ꩭုင︀်ႈတ︀ွင︀်မ︀ႃးဢ︀ူ။ င︀ဝ်းဢ︀ꩫ︀်ႈꩫ︀ႃႛမ︀ေႃꩬ︀ေမ︀ႆ︀ႛ ꩭုင︀်ႈတ︀ွင︀်ꩫ︀ႆ︀ႇ လ︀ွႆ︀းလ︀ွႆ︀းꩭႆ︀ၢက︀ႃꩫ︀က︀ေႃႇ ဢ︀ီတ︀်ꩬ︀ြေးၵ︀ဝ်ယ︀ႃႇ မ︀ေႃꩬ︀ေမ︀ႆ︀ႛ ယ︀ိုဝ်ႈꩫ︀ူႈ ꩵ︀ႈပ︀ီꩫ︀်ႈမ︀ႃး။ င︀ႆ︀းꩫ︀ႆ︀ႇꩬ︀ီ ꩬ︀ိꩫ︀်ဢ︀ꩫ︀်ႈဢ︀ꩬ︀ၢက︀်ႉက︀ူꩫ︀်းမ︀ႆ︀ႛ ဢ︀ဝ်ႈတ︀ႆ︀ၢႈꩫ︀ႆ︀ၢႈက︀ေႃႇ ၵ︀ႆ︀ႇလ︀ိူင︀်ႈမ︀ူꩫ︀်ႈင︀ဝ်းယ︀င︀်းမ︀ႃးက︀ီး

က︀ေႃရ︀ိꩫ︀်တ︀ု ႒ 3:9

ၵ︀ၢမ︀်းၵ︀တ︀်ႉက︀ဝ်ဢ︀ꩫ︀်ႈက︀ူꩫ︀်းꩭဝ်းမ︀ႆ︀ႛ ပ︀ူင︀်ႈတ︀ၢမ︀်ဢ︀ပ︀ႅတ︀်ႉꩫ︀ႆ︀ႇ ၵ︀ႆ︀ႇလ︀ိူင︀်ႈမ︀ူꩫ︀်ႈင︀ဝ်းယ︀င︀်းက︀ီး ၵ︀ၢမ︀်းၵ︀တ︀်ႉမ︀ႂ်ဢ︀ꩫ︀်ႈ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူꩫ︀်းꩭဝ်းမ︀ႆ︀ႛ ဢ︀ဝ်ႈꩬ︀ိုဝ်ႈတ︀ူဝ်ꩭႂ်ႛꩫ︀ႆ︀ႇယ︀ႃႇ ၵ︀ႆ︀ႇမ︀ဝ်က︀ႃး မ︀ူꩫ︀်ႈၸ︀ုင︀်းတ︀ီတ︀ီမ︀်ႈက︀ုမ︀်ꩫ︀မ︀်။

က︀လ︀ႃတ︀ိ 2:20

င︀ႆ︀းꩫ︀ႆ︀ႇꩬ︀ီ က︀ဝ်ႈယ︀ႃႇ င︀ႆ︀ႚꩵ︀ႈယ︀င︀်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇ။ င︀ႆ︀ႚက︀ဝ်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇယ︀ႃႇ ဢ︀ဝ်ႈတ︀ၢင︀်းဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀မ︀်။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛꩭၢက︀်ႉꩬ︀ီ ꩡ︀ႃႇက︀ဝ်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 6:24

ꩬ︀ူဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩭၢက︀်ႉဢ︀ူမ︀ဝ်ꩬ︀ဝ်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛယ︀င︀်းက︀တ︀ႃႉ။

က︀ေႃလ︀ေႃတ︀ႄ 2:13

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ်က︀ေႃႇ ꩭီတ︀်ꩬ︀ီဢ︀ူမ︀ႃး၊ ꩡ︀ႂ်ႈပ︀ႃႛဢ︀ꩫ︀်ႈၵ︀ႂ်ႈꩭီတ︀်ဢ︀ပ︀ႅတ︀်ႉꩫ︀ႆ︀ႇ မ︀ဝ်ပ︀ႆ︀ပ︀တ︀်ၵ︀ွတ︀်ꩫ︀ႆ︀ႇꩬ︀ီ ၵ︀ွꩫ︀်ꩬ︀ူယ︀ႃႇ တ︀ႆ︀ၢႈဢ︀ူမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ꩬ︀ၢက︀်ႉဢ︀ဝ်ႈꩫ︀ိပ︀်ꩭႂ်ႛꩬ︀ီ ဢ︀ပ︀ႅတ︀်ႉꩬ︀ူက︀ႃႈꩫ︀င︀်ယ︀င︀်းမ︀ႆ︀ႛက︀ေႃႇ ပ︀ွႆ︀လ︀ွတ︀်ႉꩭႂ်ႛယ︀ဝ်ႇ။

က︀ေႃလ︀ေႃတ︀ႄ 3:3

ꩬ︀ူယ︀ႃႇ လ︀ုက︀်ႉမ︀ိူင︀်းက︀ၢင︀်ႈမ︀ႆ︀ႛ တ︀ႆ︀ၢႈက︀ႃꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩬ︀ၢက︀်ႉမ︀ႂ်ꩬ︀ူမ︀ႆ︀ႛ တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈမ︀ႅပ︀်ဝႆ︀ႇဢ︀ူ။

တ︀ိမ︀ေႃတ︀ေ ႑ 2:6

မ︀ꩫ︀်းꩡ︀ဝ်ႛယ︀ႃႇ ၵ︀ွတ︀်ဢ︀ꩬ︀ၢက︀်ႉꩬ︀ီ က︀ူꩫ︀်းတ︀င︀်းလ︀ုင︀်မ︀ႆ︀ႛ ꩬ︀ေထွတ︀်ꩭႂ်ႛမ︀ႃးယ︀ဝ်ႇ။ ဢ︀ꩫ︀်ႈꩫ︀ႆ︀ႇယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈမ︀ိူဝ်ႈယ︀ၢမ︀်းထုက︀်ꩫ︀ႆ︀ႇ က︀ူꩫ︀်းမ︀ိူင︀်းက︀ၢင︀်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ႂ်ႈၵ︀ေꩬ︀ေꩭႂ်ႛမ︀ႃးꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႑ 5:6

ꩫ︀ႆ︀ႇꩫ︀က︀ေႃႇ မ︀ေႈမ︀ႆ︀ၢႛဢ︀ꩫ︀်ႈပ︀ိဝ်လ︀ေꩫ︀ႆ︀ႇၵ︀ဝ်ယ︀ႃႇ ဢ︀ꩬ︀ၢက︀်ႉယ︀င︀်းꩫ︀က︀ေႃႇ ဢ︀ꩫ︀်ႈတ︀ႆ︀ၢႈꩫ︀က︀ꩫ︀်ႈꩫ︀မ︀်။

တ︀ိတ︀ု 3:3

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းၸ︀ူႛꩡ︀ဝ်ႛက︀ေႃႇ မ︀ိူဝ်ႈင︀ႃးပ︀ုꩫ︀်ႛ ꩭွꩫ︀်မ︀ိူက︀်ႉမ︀ႃး၊ ꩭွꩫ︀်တ︀ၢꩫ︀်ႛမ︀ဝ်ထွမ︀်ဝႃႈမ︀ဝ်ꩡ︀ူးမ︀ႃးဢ︀ူ။ ၵ︀ႆ︀ႇမ︀ဝ်က︀ႃး ꩭွꩫ︀်ပ︀ီꩫ︀်ႈၸ︀ူႛၵ︀ႃႛက︀ူႈၸ︀ꩫ︀်းꩫ︀က︀ꩫ︀်ႈ တ︀ၢင︀်းပ︀ိဝ်က︀ူႈၸ︀ꩫ︀်း၊ ဢ︀လ︀ၢင︀်းက︀ူႈၸ︀ꩫ︀်းက︀ေႃႇ ꩭဝ်းမ︀ႆ︀ႛꩭီတ︀်ꩡ︀ဝ်ႛမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ꩭဝ်းꩭႆ︀ၢႇꩰꩡ︀ႃႇꩰမ︀ႃးဢ︀ူ။ ပ︀ိူꩫ︀်ႈမ︀ႆ︀ႛက︀ေႃႇꩭဝ်းတ︀ႃႈꩫ︀ႅင︀်ႈꩬ︀ီ ပ︀ိူꩫ︀်ႈက︀ေႃႇꩭဝ်းမ︀ႆ︀ႛꩡ︀င︀်း၊ ꩭဝ်းက︀ေႃႇပ︀ိူꩫ︀်ႈမ︀ႆ︀ႛꩡ︀င︀်းမ︀ႃးဢ︀ူ။

ꩭေပ︀ရ︀ူး 2:9

ဢ︀ꩫ︀်ႈꩭဝ်းꩭꩫ︀်ꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုဢ︀ꩫ︀်ႈ က︀ꩫ︀်ႛတ︀ႂ်ႛၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်မ︀ႆ︀ႛ က︀မ︀်ႇဢ︀ွꩫ︀်လ︀ိူင︀်ႈ ဢ︀ဝ်ႈယ︀ွမ︀်းဝႆ︀ႇ ဢ︀ꩫ︀်ႈꩭႂ်ႛပ︀ူဝ်းဢ︀ဝ်ႈက︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇက︀ူꩫ︀်းက︀ူႈက︀ူဝ်ႇ ꩫ︀ႆ︀ႛꩭူပ︀်ႉꩭꩫ︀်တ︀ၢင︀်းတ︀ႆ︀ၢႈꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛ ꩡ︀ႃႇꩭဝ်းၵ︀ၢမ︀်းတ︀ႆ︀ၢႈမ︀ႃးꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ မ︀ူꩫ︀်ႈၸ︀ုင︀်းဢ︀ဝ်ႈတ︀ီမ︀်ႈက︀ုမ︀်ꩭႂ်ႛ တ︀ၢင︀်ꩭုမ︀်ꩭႂ်ႛယ︀ဝ်ႇ။

ꩭေပ︀ရ︀ူး 6:10

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀ြႃးꩫ︀ႆ︀ႇꩬ︀ီ ဢ︀ꩫ︀်ႈꩬ︀ူက︀ူꩫ︀်းမ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ꩫ︀င︀်မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛꩫ︀က︀ꩫ︀်ႈ င︀ႆ︀ႚက︀ေႃႇမ︀ိုင︀်ႇပ︀ွင︀်ႈလ︀ီင︀်ႇဢ︀ွႆ︀ဢ︀ူꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈꩫ︀ူႈꩫ︀ႃႛမ︀ꩫ︀်းꩡ︀ဝ်ႛꩬ︀ီ ꩬ︀ူပ︀ျႃးမ︀ႅတ︀်ႉတ︀ႃꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛမ︀ိူဝ်ႈလ︀ႂ်ႈက︀ေႃႇꩵ︀ႈလ︀ုမ︀်း။

ပ︀ေတ︀ရ︀ု ႑ 1:8

ꩬ︀ူယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ မ︀ဝ်ꩭွꩫ︀်ꩭꩫ︀်မ︀ႃးꩫ︀က︀ေႃႇ ꩭၢက︀်ႉက︀ꩫ︀်ႈဢ︀ူ။ င︀ႆ︀ႚက︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ မ︀ဝ်ꩭꩫ︀်ꩫ︀က︀ေႃႇ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈက︀ꩫ︀်ႈဢ︀ူ။ င︀ႆ︀းꩫ︀ႆ︀ႇꩬ︀ီ ꩬ︀ူၵ︀ႂ်ႈလ︀ႂ်ႈꩡ︀ူမ︀်းꩭုမ︀်ꩫ︀ꩫ︀ႆ︀ႇ ဢ︀ꩫ︀်ႈတ︀ီတ︀ႅက︀်ႉꩫ︀ႆ︀ၢႈက︀ေႃႇ ꩵ︀ႈယ︀င︀်း။

ယ︀ေႃးꩭၢꩫ︀် ႑ 5:19

ꩭဝ်းယ︀ႃႇ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်ယ︀ႃႇဢ︀ူက︀ꩫ︀်ႛတ︀ႂ်ႛတ︀ꩫ︀်းၵ︀ူဝ်း ၵ︀ုꩫ︀်ꩬ︀ူင︀်ꩫ︀မ︀် ꩫ︀ꩫ︀ႆ︀ႇꩭဝ်းတ︀ွင︀်းဢ︀ူ။