က︀ေႃရ︀ိꩫ︀်တ︀ု ႒ 5:13 - Khamti Shan

¹³ င︀ႆ︀းꩫ︀ႆ︀ႇꩬ︀ီ ꩬ︀င︀်ဝႃႈတ︀ူႈမ︀ႆ︀ႛ ၵ︀ꩫ︀်တ︀ႂ်းမ︀ႃႛက︀ီး တ︀ူႈမ︀ႃႛꩫ︀ႆ︀ႇ ꩭၢင︀်းမ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩫ︀မ︀်။ ꩬ︀င︀်ဝႃႈတ︀ူႈမ︀ဝ်မ︀ႃႛꩫ︀မ︀်ꩫ︀က︀ီး ဢ︀ꩫ︀်ႈတ︀ူႈꩭီတ︀်ꩫ︀ႆ︀ႇ ꩡ︀ႃႇဢ︀က︀ိဝ်းꩬ︀ူꩫ︀မ︀်။

က︀ေႃရ︀ိꩫ︀်တ︀ု ႒ 5:13 ပူးပေါင်းရင်းမြစ်များ

မ︀ႃက︀ု 3:21

က︀ူꩫ︀်းက︀မ︀်ႈၸ︀ွင︀်းယ︀ႃႇ “ယ︀ေꩬ︀ုမ︀ႃႛယ︀ဝ်ႇ” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛ က︀ူꩫ︀်းꩭိူꩫ︀်းမ︀ꩫ︀်းꩡ︀ဝ်ႛၵ︀ဝ် ꩫ︀ႆ︀ႛꩥ︀ိꩫ︀်းက︀ီး မ︀ꩫ︀်းꩡ︀ဝ်ႛမ︀ႆ︀ႛ မ︀ိုင︀်ႇꩭႂ်ႛက︀ွတ︀်ꩫ︀ꩬ︀ီ ꩡ︀ွမ︀်းမ︀ႃးက︀ꩫ︀်ႈဢ︀ူ။

ရ︀ေႃမ︀ 12:3

က︀ဝ်ႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူးက︀ျေးꩡ︀ူးꩭႂ်ႛဝႆ︀ႇꩫ︀ႆ︀ႇꩬ︀ီ ꩬ︀ူတ︀င︀်းမ︀ိူင︀်းမ︀ႆ︀ႛ က︀ဝ်ႈဝႃႈက︀ွတ︀်။ ꩬ︀ူ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ပ︀ီꩭꩫ︀်ပ︀ူꩫ︀်ႇ။ ꩫ︀င︀်ၸ︀ူႛꩡ︀ဝ်ႛပ︀ီꩫ︀်ႈတ︀ေႇတ︀ေႇꩫ︀က︀ꩫ︀်ႈ ꩭꩫ︀်ꩬ︀ိုဝ်ႈꩰက︀ꩫ︀်ႈတ︀ႃႉ။ ꩫ︀င︀်ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩭႅင︀်းꩡ︀ႂ်ႈဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ ꩭႂ်ႛဝႆ︀ႇꩫ︀က︀ꩫ︀်ႈ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ တ︀ွင︀်းက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႒ 11:1

ဢ︀ꩫ︀်ႈက︀ဝ်ႈꩫ︀င︀်ၸ︀ူႛမ︀ိူက︀်ႉꩫ︀က︀ꩫ︀်ႈ ဝႃႈꩫ︀ႆ︀ႇၵ︀ဝ်မ︀ႆ︀ႛ က︀ꩫ︀်ႛꩭႂ်ႛ၊ ꩬ︀ေးၵ︀ၢမ︀်ꩭႂ်ႛက︀ꩫ︀်ႈမ︀ႃးတ︀ႃႉ။

က︀ေႃရ︀ိꩫ︀်တ︀ု ႒ 12:11

က︀ဝ်ႈꩫ︀င︀်ၸ︀ူႛမ︀ိူက︀်ႉꩫ︀က︀ꩫ︀်ႈ က︀မ︀်ႇလ︀ွင︀်ႛꩫ︀ႆ︀ႇယ︀ႃႇ ꩬ︀ူꩫ︀မ︀်ဢ︀ဝ်ႈပ︀ီꩫ︀်ႈꩫ︀ႆ︀ႇ။ ဢ︀ꩫ︀်ႈတ︀ေႇတ︀ေႇက︀ီး ꩬ︀ူꩫ︀မ︀် လ︀ွင︀်ႈက︀ဝ်ႈ ထုက︀်ꩫ︀ီႈꩭီတ︀်ꩬ︀ၢက︀်ႉꩬ︀ေꩫ︀ႆ︀ႇ။ ꩬ︀င︀်ဝႃႈက︀ဝ်ႈက︀ꩬ︀င︀်မ︀ဝ်ꩡ︀ႂ်ႈꩫ︀က︀ေႃႇ တ︀မ︀ၢꩫ︀်မ︀ိက︀်ႉꩬ︀ႃꩬ︀ူꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈမ︀ိတ︀်ႉလ︀ိူင︀်ႈꩫ︀ႆ︀ၢႈက︀ေႃႇ ꩵ︀ႈယ︀ွမ︀်း။

က︀ေႃရ︀ိꩫ︀်တ︀ု ႒ 12:6

က︀ဝ်ႈက︀မ︀်ႇလ︀ွင︀်ႛက︀ီးက︀ေႃႇ က︀ဝ်ႈꩵ︀ႈပ︀ီꩫ︀်ႈၸ︀ူႛမ︀ိူက︀်ႉက︀ႃ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈꩡ︀ႂ်ႈတ︀ေႇတ︀ေႇꩫ︀ႆ︀ၢႈꩫ︀မ︀်က︀ဝ်ႈတ︀ီဝႃႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ လ︀ွင︀်ႈက︀ဝ်ႈဢ︀ꩫ︀်ႈꩬ︀ူꩭꩫ︀်၊ ဢ︀ꩫ︀်ႈꩬ︀ူꩫ︀ႆ︀ႛꩥ︀ိꩫ︀်းမ︀ႆ︀ႛ လ︀ိူဝ်ꩬ︀ီꩭႂ်ႛပ︀ူဝ်း ၸ︀ႂ်က︀ေႃႇက︀ဝ်ႈမ︀ႆ︀ႛမ︀ဝ်ꩭꩫ︀်ပ︀ူꩫ︀်ႇꩫ︀ႆ︀ႇ က︀ဝ်ႈမ︀ဝ်က︀မ︀်ႇလ︀ွင︀်ႛꩬ︀ီ တ︀ီဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 7:12

င︀ႆ︀းꩫ︀ႆ︀ႇꩬ︀ီ ꩬ︀ူမ︀ႆ︀ႛက︀ဝ်ႈလ︀ိက︀်ႉꩫ︀ႆ︀ႇတ︀ႅမ︀်ႛꩭႂ်ႛꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈ က︀ူဝ်ႇဢ︀ꩫ︀်ႈၸ︀ိတ︀်ꩫ︀ၵ︀ႃ က︀ူဝ်ႇဢ︀ꩫ︀်ႈꩫ︀ႆ︀ႛၵ︀ၢမ︀်ꩬ︀ီတ︀ႅမ︀်ႛꩵ︀ႈꩡ︀ႂ်ႈ။ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူတ︀ူႈမ︀ႆ︀ႛ ၵ︀ႂ်ႈလ︀ႂ်ႈꩡ︀ေတ︀ꩫ︀ႃꩭႅင︀်းꩫ︀ꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩬ︀ူတ︀ွင︀်းꩡ︀ုꩫ︀်ႈꩰꩫ︀ႆ︀ႇꩫ︀မ︀်။

က︀ေႃလ︀ေႃတ︀ႄ 1:24

က︀ဝ်ႈꩡ︀ႃႇဢ︀က︀ိဝ်းꩬ︀ူ ꩫ︀ႆ︀ႛၵ︀ၢမ︀်ၻုက︀်ႉၵ︀ꩫ︀ႆ︀ႇꩬ︀ီ ꩡ︀ူမ︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၻုက︀်ႉၵ︀ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ႃႇꩭၢင︀်းꩡ︀ိူဝ်းꩡ︀ဝ်ႛဢ︀ꩫ︀်ႈပ︀ီꩫ︀်ႈတ︀ူဝ်ႈမ︀ꩫ︀်းꩡ︀ဝ်ႛ ဝႃႈက︀ၢပ︀်ၵ︀ၢမ︀်ဢ︀ိက︀်ꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈ ꩫ︀ႆ︀ႛက︀ၢပ︀်ၵ︀ၢမ︀်က︀ႃꩬ︀ီꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 1:5

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူမ︀ႆ︀ႛတ︀ူႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈမ︀ႃးꩫ︀ႆ︀ႇ ဢ︀ဝ်ႈꩬ︀ူပ︀်ꩫ︀ႆ︀ၢႈꩵ︀ႈꩡ︀ႂ်ႈ။ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛတ︀မ︀ိူင︀်းꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇ ꩬ︀ိုဝ်ႈꩡ︀ႂ်ႈတ︀ေႇတ︀ေႇဢ︀ူꩫ︀ꩫ︀ႆ︀ႇ တ︀ူႈၸ︀ူႛꩡ︀ဝ်ႛက︀ေႃႇ ဢ︀က︀မ︀်ထက︀်ꩰꩬ︀ီꩭူဝ်းမ︀ႃးꩫ︀မ︀်။ မ︀ိူဝ်ႈတ︀ူႈတ︀င︀်းꩬ︀ူဢ︀ူမ︀ႃးꩫ︀ႆ︀ႇ ꩫ︀ူႈဢ︀က︀ိဝ်းꩬ︀ူꩬ︀ီ ꩭိုဝ်လ︀ိုဝ်ဢ︀ူမ︀ႃးꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇတ︀ွင︀်းဢ︀ူ။

တ︀ိမ︀ေႃတ︀ေ ႒ 2:10

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်က︀ေႃႇ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ေꩬ︀ေꩭႂ်ႛꩫ︀ႆ︀ႇမ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႛꩭၢပ︀်ႉက︀ႃꩫ︀ႆ︀ႇ က︀ဝ်ႈၻုက︀်ႉၵ︀က︀ꩬ︀င︀်ဝႃႈၵ︀ၢမ︀်ꩫ︀က︀ေႃႇ ၵ︀ႂ်ႈၵ︀ၢမ︀်ဢ︀ူ။