က︀ေႃရ︀ိꩫ︀်တ︀ု ႒ 4:5 - Khamti Shan

⁵ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ၢဝ်ႈၵ︀ၢမ︀်းဢ︀ꩫ︀်ႈတ︀ူႈꩭူဝ်းꩫ︀ႆ︀ႇယ︀ႃႇ လ︀ွင︀်ႈတ︀ူႈၸ︀ူႛꩡ︀ဝ်ႛꩵ︀ႈꩡ︀ႂ်ႈ။ လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ု ပ︀ီꩫ︀်ႈꩡ︀ဝ်ႛꩫ︀ိူဝ်ꩭူဝ်တ︀င︀်းမ︀ိူင︀်းꩫ︀ႆ︀ႇꩫ︀မ︀်။ တ︀ူႈၸ︀ူႛꩡ︀ဝ်ႛယ︀ႃႇ ၸ︀ူႛꩡ︀ႂ်ႇꩬ︀ူ ဢ︀ꩫ︀်ႈဢ︀ဝ်ႈတ︀ီမ︀်ႈက︀ုမ︀်ဢ︀မ︀ိင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

က︀ေႃရ︀ိꩫ︀်တ︀ု ႒ 4:5 ပူးပေါင်းရင်းမြစ်များ

မ︀တ︀်တ︀ႄး 23:8

ꩬ︀ူမ︀ႆ︀ႛယ︀ႃႇ ꩬ︀ြႃ ꩬ︀ြႃꩫ︀ꩬ︀ီ ပ︀ီၵ︀ႂ်ႈꩭႂ်ႛꩭွင︀်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩬ︀ူတ︀င︀်းလ︀ုင︀်ပ︀ီꩫ︀်ႈပ︀ီႈꩫ︀ွင︀်ႇက︀ꩫ︀်ႈꩬ︀ီ ပ︀ၢꩫ︀်ႈက︀ꩫ︀်ႈꩫ︀မ︀်။ ꩬ︀ူမ︀ႆ︀ႛꩬ︀ြႃပ︀ႃးလ︀ိဝ်ႈꩫ︀ႆ︀ၢႈꩫ︀မ︀်ယ︀င︀်းꩫ︀ႆ︀ႇ။

မ︀တ︀်တ︀ႄး 3:11

က︀ဝ်ႈယ︀ႃႇ ꩬ︀ူꩬ︀ၢင︀်ဝွေယ︀ဝ်ႇꩫ︀က︀ီး ꩬ︀ူမ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛဢ︀ူ။ ꩫ︀ႆ︀ႇꩫ︀က︀ေႃႇ ꩡ︀ဝ်ႛဢ︀ꩫ︀်ႈက︀ꩫ︀်ႛလ︀င︀်က︀ဝ်ႈမ︀ႆ︀ႛမ︀ႃးꩫ︀ႆ︀ႇယ︀ႃႇ ꩬ︀ူမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃၸ︀ႆ︀းမ︀ႆ︀ႛꩡ︀ူမ︀်ႈꩬ︀ီ မ︀ၢင︀်က︀လ︀ႃတ︀ီꩭႂ်ႛꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ၢꩫ︀်တ︀ၢꩫ︀်ယ︀ႂ်မ︀ႅတ︀်ႉꩬ︀ႃဢ︀ူ။ က︀ဝ်ႈယ︀ႃႇ တ︀ိုဝ်းၵ︀ႅပ︀်တ︀ိꩫ︀်ႈမ︀ꩫ︀်းꩡ︀ဝ်ႛꩭႂ်ႛꩫ︀ႆ︀ၢႈက︀ေႃႇ ꩵ︀ႈထႅက︀်ႉ။

ယ︀ေႃးꩭၢꩫ︀် 7:18

က︀ူဝ်ႇဢ︀ꩫ︀်ႈဝႃႈၵ︀ၢမ︀်းပ︀ၢင︀်ႈꩫ︀ႆ︀ႇယ︀ႃႇ ꩡ︀ႃႇၸ︀ူႛꩡ︀ဝ်ႛဢ︀မ︀်ꩫ︀ႆ︀ၢႈꩫ︀မ︀်ဝႃႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈၵ︀ႃမ︀ူꩫ︀်ႈၸ︀ုင︀်း ၸ︀ူႛပ︀ွႆ︀ꩡ︀ႂ်ႇၸ︀ူႛꩡ︀ဝ်ႛꩫ︀ႆ︀ႇယ︀ႃႇ ꩬ︀ိုဝ်ႈꩰတ︀ူဝ်ꩰ ဝႃႈဢ︀ူ။ ꩵ︀ႈၸ︀ႅတ︀်ႉꩵ︀ႈၸ︀ၢင︀်း။

ထဝ်ꩡ︀တ︀်ႉၵ︀ဝ် 10:36

ၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇꩭၢင︀်းဢ︀ီတ︀်ꩬ︀ြေးၵ︀ဝ်တ︀ႅဝ်ꩫ︀ႆ︀ႇ ꩬ︀ူꩫ︀ႆ︀ႛꩥ︀ိꩫ︀်းမ︀ႃးယ︀ဝ်ႇ။ ၵ︀ၢဝ်ႈၵ︀ၢမ︀်းꩫ︀ီႈဢ︀မ︀ႂ်းယ︀ႃႇ လ︀ွင︀်ႈဢ︀ꩫ︀်ႈꩡ︀ဝ်ႛꩡ︀ွမ︀်ႈယ︀ေꩬ︀ုၵ︀ရ︀ီတ︀်မ︀ႆ︀ႛ က︀ူꩫ︀်းꩭဝ်းပ︀ိုင︀်ႈဢ︀ိင︀်ႈꩬ︀ီ တ︀င︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီꩫ︀ႆ︀ႛထုက︀်က︀ꩫ︀်ႈပ︀ွက︀်ႉꩫ︀ႆ︀ႇꩫ︀မ︀်။

ထဝ်ꩡ︀တ︀်ႉၵ︀ဝ် 2:36

င︀ႆ︀းꩬ︀ီ ပ︀ူဝ်မ︀ေပ︀ီꩫ︀ွင︀်ႇဢ︀ီတ︀်ꩬ︀ြေးၵ︀ဝ်ꩴ︀း ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈပ︀ီꩫ︀်ႈꩡ︀ဝ်ႛ၊ ဢ︀ဝ်ႈပ︀ီꩫ︀်ႈမ︀ေꩬ︀ိယ︀ဝႆ︀ႇꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုဢ︀ꩫ︀်ႈꩬ︀ူက︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ တ︀ၢင︀်ꩬ︀ီ ဢ︀ဝ်ႈတ︀ႆ︀ၢႈမ︀ႃးꩫ︀ႆ︀ႇꩫ︀မ︀်ꩫ︀ꩫ︀ႆ︀ႇ တ︀ွင︀်းမ︀တ︀်ႉက︀ꩫ︀်ႈတ︀ေႇတ︀ေႇတ︀ႃႉ” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 5:31

ꩭႂ်ႛပ︀ူဝ်းဢ︀ီတ︀်ꩬ︀ြေးၵ︀ဝ် ꩬ︀ၢင︀်ဝွေꩬ︀ီ လ︀ုက︀်ႉဢ︀ပ︀ႅတ︀်ႉၵ︀ဝ်မ︀ႆ︀ႛ ꩫ︀ႆ︀ႛလ︀ွတ︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛဢ︀မ︀ႂ်းမ︀ႆ︀ႛ ꩭႂ်ႛꩡ︀ၢမ︀်ပ︀ႃႛၵ︀ႃမ︀ꩫ︀်းꩡ︀ဝ်ႛꩬ︀ီ ဢ︀ဝ်ႈပ︀ီꩫ︀်ႈꩡ︀ဝ်ႛꩡ︀ွမ︀်ႈ၊ ဢ︀ဝ်ႈပ︀ီꩫ︀်ႈꩡ︀ဝ်ႛၵ︀ေꩬ︀ေယ︀ဝ်ႇ။

က︀ေႃရ︀ိꩫ︀်တ︀ု ႑ 1:23

တ︀ူႈယ︀ႃႇ ၵ︀ၢဝ်ႈၵ︀ၢမ︀်းလ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်းတ︀ႆ︀ၢႈꩫ︀ႆ︀ႇꩬ︀င︀် ꩭူဝ်းဢ︀ူꩫ︀မ︀်။ ၵ︀ၢဝ်ႈၵ︀ၢမ︀်းဢ︀မ︀ႂ်းယ︀ႃႇ ဢ︀ꩫ︀်ႈက︀ျူးꩫ︀ႆ︀ႇၵ︀ဝ်မ︀ႆ︀ႛ ဢ︀ဝ်ႈတ︀ွင︀်ႛလ︀ူမ︀်ႇ၊ ဢ︀ꩫ︀်ႈဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် မ︀တ︀်ႉၵ︀ၢမ︀်းၸ︀ူႛမ︀ိူက︀်ႉလ︀ေႚလ︀ေႚꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 10:33

က︀ဝ်ႈၸ︀ူႛꩡ︀ဝ်ႛက︀ေႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ်ꩫ︀ႆ︀ႛꩭၢပ︀်ႉꩫ︀ႆ︀ႇ ဢ︀က︀ိဝ်းၸ︀ူႛꩡ︀ဝ်ႛမ︀ဝ်ၵ︀ႃꩬ︀ီ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭႂ်ႛပ︀ူဝ်းက︀ူႈက︀ူဝ်ႇမ︀ႃးꩡ︀ႂ်ႈꩫ︀ႆ︀ႇ ꩬ︀ေႈꩡ︀ႃႉဢ︀ူꩫ︀မ︀်။

က︀ေႃရ︀ိꩫ︀်တ︀ု ႑ 12:3

င︀ႆ︀းꩫ︀ႆ︀ႇꩬ︀ီ ꩬ︀ူမ︀ႆ︀ႛၵ︀ႂ်ႈꩭႂ်ႛတ︀ွင︀်းꩫ︀ႆ︀ႇယ︀ႃႇ က︀ူဝ်ႇဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ုပ︀်ႉပ︀ိုင︀်ꩫ︀ႆ︀ႇယ︀ႃႇ ၸ︀ႂ်က︀ေႃႇ “ယ︀ေꩬ︀ုမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛပ︀ူင︀်ႈဢ︀ပ︀ႅတ︀်ႉက︀တ︀ႃႉ” ꩫ︀ꩬ︀ီꩵ︀ႈက︀ိꩫ︀်။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ မ︀ဝ်ဢ︀ုပ︀်ႉပ︀ိုင︀်က︀ီးက︀ေႃႇ ၸ︀ႂ်က︀ေႃႇ “ယ︀ေꩬ︀ုယ︀ႃႇ ꩡ︀ဝ်ႛꩫ︀မ︀်” ꩫ︀ꩬ︀ီ ဝႃႈꩵ︀ႈပ︀ီꩫ︀်ႈ။

က︀ေႃရ︀ိꩫ︀်တ︀ု ႑ 15:47

ဢ︀ႃတ︀ၢမ︀်ဢ︀ꩫ︀်ႈဢ︀ွꩫ︀်ႈတ︀ၢင︀်းꩫ︀ႆ︀ႇယ︀ႃႇ က︀ူꩫ︀်းလ︀င︀်ꩫ︀ိꩫ︀်ႈ ဢ︀ꩫ︀်ႈလ︀ုက︀်ႉꩫ︀ိꩫ︀်ႈမ︀ႆ︀ႛပ︀ီꩫ︀်ႈမ︀ႃးꩫ︀မ︀်။ ဢ︀ႃတ︀ၢမ︀်ပ︀ႆ︀ၢႈꩭၢင︀်ယ︀ႃႇ ꩡ︀ဝ်ႛဢ︀ꩫ︀်ႈလ︀ုက︀်ႉက︀ၢင︀်ႈꩭၢဝ်မ︀ႆ︀ႛမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 2:2

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈက︀ဝ်ႈတ︀င︀်းꩬ︀ူဢ︀ူꩫ︀ႆ︀ႇ လ︀ွင︀်ႈဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် က︀ꩫ︀်ႛꩫ︀ိူဝ်ꩬ︀ဝ်ဝႃးမ︀ိုဝ်းမ︀ႆ︀ႛ ၵ︀ၢမ︀်တ︀ႆ︀ၢႈမ︀ႃးꩫ︀ႆ︀ၢႈꩬ︀ိုင︀် က︀ဝ်ႈတ︀ီꩭူဝ်းꩫ︀မ︀်ꩫ︀ꩬ︀ီ က︀ဝ်ႈတ︀ႅပ︀်တ︀တ︀်ဝႆ︀ႇꩬ︀ီꩫ︀မ︀်။

က︀ေႃရ︀ိꩫ︀်တ︀ု ႑ 4:15

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ူႛဢ︀ꩫ︀်ႈꩬ︀ူမ︀ႆ︀ႛꩬ︀ွꩫ︀်လ︀ွင︀်ႈꩡ︀ဝ်ႛၵ︀ရ︀ီတ︀်ꩭႂ်ႛ ဢ︀ၢꩫ︀်ꩭီင︀်ယ︀င︀်းꩫ︀က︀ေႃႇ ပ︀ူဝ်ၵ︀ွꩫ︀်ꩬ︀ူယ︀ႃႇ က︀ူဝ်ႇလ︀ိူင︀်ႈꩫ︀ႆ︀ၢႈꩫ︀မ︀်။ က︀ဝ်ႈယ︀ႃႇ ဢ︀ꩫ︀်ႈꩬ︀ူမ︀ႆ︀ႛ ꩭူဝ်းၵ︀ၢဝ်ႈၵ︀ၢမ︀်းꩫ︀ီႈင︀ႆ︀း တ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ဢ︀ဝ်ႈလ︀ွမ︀်ႈလ︀မ︀်းက︀ꩫ︀်ႈꩭႂ်ႛင︀ႆ︀းꩬ︀ီ ပ︀ီꩫ︀်ႈပ︀ူဝ်ၵ︀ွꩫ︀်ꩬ︀ူမ︀ႃးꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 8:6

ꩭလ︀ိုဝ်ꩫ︀က︀ေႃႇ ꩭဝ်းယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈပ︀ီꩫ︀်ႈ ꩡ︀ဝ်ႛထႃဝရ︀ၸ︀ြႃးꩬ︀ူလ︀ိဝ်ႈꩫ︀ႆ︀ၢႈꩫ︀မ︀်ယ︀င︀်းꩫ︀ႆ︀ႇꩫ︀ꩫ︀ႆ︀ႇတ︀ွင︀်းဢ︀ူ။ မ︀ꩫ︀်းꩡ︀ဝ်ႛꩫ︀မ︀် က︀ႃႈꩡ︀ိုဝ်ႈယ︀င︀်းမ︀ႆ︀ႛ ၸ︀ၢꩫ︀်ꩬ︀ၢင︀်းမ︀ႃးꩫ︀ႆ︀ႇ။ ꩡ︀ႃႇမ︀ꩫ︀်းꩡ︀ဝ်ႛꩫ︀မ︀် ꩭဝ်းဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇ။ ယ︀ဝ်ႇက︀ီး ꩭဝ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ꩫ︀ႆ︀ႇ ꩡ︀ဝ်ႛပ︀ႃးလ︀ိဝ်ႈꩫ︀ႆ︀ၢႈꩫ︀မ︀်ယ︀င︀်းꩫ︀ႆ︀ႇ။ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛꩫ︀မ︀် ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ တ︀င︀်းလ︀ုင︀်တ︀င︀်းမ︀ိူင︀်း ဢ︀ဝ်ႈပ︀ီꩫ︀်ႈမ︀ႃးꩬ︀ီ ꩭဝ်းမ︀ႆ︀ႛက︀ေႃႇ ဢ︀ꩬ︀ၢက︀်ႉꩭႂ်ႛꩫ︀ႆ︀ႇ။

က︀ေႃရ︀ိꩫ︀်တ︀ု ႒ 1:19

ဢ︀ꩫ︀်ႈꩬ︀ူမ︀ႆ︀ႛ တ︀ူႈတ︀ိမ︀ေႃတ︀ေင︀ႆ︀း ꩬ︀ီလ︀ၵ︀ဝ်ꩭူဝ်းꩫ︀ႆ︀ႇယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ႂ်ႈꩫ︀က︀ꩫ︀်ႈင︀ႆ︀းꩬ︀ီ မ︀ဝ်ꩡ︀ႂ်ႈꩫ︀က︀ꩫ︀်ႈ ꩵ︀ႈဝႃႈ။ ꩫ︀ႆ︀ႇꩫ︀က︀ေႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇယ︀ႃႇ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀င︀်းမ︀ိူင︀်းꩡ︀ႂ်ႈꩬ︀ီ ပ︀ီꩫ︀်ႈမ︀ႃးတ︀ေႇတ︀ေႇဢ︀ူꩫ︀ꩫ︀ႆ︀ႇꩫ︀မ︀်။

က︀ေႃရ︀ိꩫ︀်တ︀ု ႒ 1:24

ꩫ︀ႆ︀ႇꩫ︀က︀ေႃႇ တ︀ူႈယ︀ႃႇ ꩬ︀ူမ︀ႆ︀ႛ က︀ꩬ︀င︀်ဝႃႈယ︀ုမ︀်ꩫ︀ꩬ︀ီ ꩵ︀ႈꩥ︀ႅပ︀်ႉ။ ꩬ︀ူယ︀ုမ︀်ယ︀မ︀်ႈၵ︀ိူင︀်ꩰက︀ိုမ︀်းꩰꩫ︀ႆ︀ႇꩬ︀ီ တ︀ူႈယ︀ႃႇ ꩭႂ်ႛပ︀ူဝ်းꩬ︀ူꩡ︀ူမ︀်းꩭုမ︀်တ︀ီမ︀်ႈꩰꩫ︀ႆ︀ႇ ၵ︀ႂ်ႈꩡ︀ွႆ︀ႈꩭႂ်ႛꩫ︀ႆ︀ၢႈꩫ︀မ︀်။

က︀လ︀ႃတ︀ိ 5:13

ပ︀ီႈꩫ︀ွင︀်ႇၵ︀ဝ်ꩴ︀း ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇယ︀ႃႇ ꩭႂ်ႛပ︀ူဝ်းꩭဝ်းလ︀ွတ︀်ႉꩫ︀ႆ︀ႇꩫ︀မ︀်။ ꩫ︀ႆ︀ႇꩫ︀က︀ေႃႇ လ︀ွတ︀်ႉယ︀ဝ်ႇꩫ︀ꩬ︀ီ ꩡ︀ႂ်ႈꩫ︀ိူဝ်ႇꩫ︀ိူတ︀်ႉၸ︀ူႛꩡ︀ဝ်ႛမ︀ႆ︀ႛယ︀ႃႇ ꩬ︀ူပ︀ီꩡ︀ွမ︀်းဝၢင︀်။ က︀ူဝ်ႇလ︀ိူင︀်ႈꩫ︀ႆ︀ႇက︀ူဝ်ႇလ︀ိူင︀်ႈ ဢ︀ဝ်ႈမ︀ႅတ︀်ႉတ︀ႃꩬ︀ိုင︀်ꩡ︀ွႆ︀ႈက︀ꩫ︀်ႈတ︀ႃႉ။

ၸ︀ိလ︀ိပ︀်ပ︀ၢႆ︀ 1:15

ၵ︀ဝ်က︀မ︀်ႈၸ︀ွင︀်း ꩭူဝ်းလ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇယ︀ႃႇ ဢ︀ꩫ︀်ႈက︀ဝ်ႈမ︀ႆ︀ႛတ︀ႃႈꩫ︀ႅင︀်ႈꩬ︀ီ ၵ︀ႂ်ႈတ︀ိက︀်ꩬ︀ီꩫ︀မ︀်။ ꩫ︀ႆ︀ႇꩫ︀က︀ေႃႇ က︀မ︀်ႈၸ︀ွင︀်းယ︀ႃႇ ဢ︀ဝ်ႈꩡ︀ေတ︀ꩫ︀ႃꩭူဝ်းꩬ︀ိုဝ်ႈꩰꩫ︀မ︀်။

ၸ︀ိလ︀ိပ︀်ပ︀ၢႆ︀ 2:11

ꩡ︀ဝ်ယ︀ေꩬ︀ုၵ︀ရ︀ီတ︀်ယ︀ႃႇ ꩡ︀ဝ်ႛꩫ︀မ︀်ꩫ︀ꩬ︀ီ က︀ူꩫ︀်းက︀ူႈက︀ူဝ်ႇꩭၢပ︀်ႉက︀ွမ︀်းက︀ꩫ︀်ႈင︀ႆ︀း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ တ︀ီယ︀ူဝ်းယ︀ွင︀်ႛက︀ꩫ︀်ႈꩫ︀မ︀်။

တ︀ိမ︀ေႃတ︀ေ ႒ 2:10

င︀ႆ︀းꩫ︀ႆ︀ႇꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ လ︀ိူက︀်ႉဝႆ︀ႇꩫ︀ႆ︀ႇၵ︀ဝ်က︀ေႃႇ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ၵ︀ေꩬ︀ေꩭႂ်ႛꩫ︀ႆ︀ႇမ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩫ︀ႆ︀ႛꩭၢပ︀်ႉက︀ႃꩫ︀ႆ︀ႇ က︀ဝ်ႈၻုက︀်ႉၵ︀က︀ꩬ︀င︀်ဝႃႈၵ︀ၢမ︀်ꩫ︀က︀ေႃႇ ၵ︀ႂ်ႈၵ︀ၢမ︀်ဢ︀ူ။

တ︀ိတ︀ု 1:11

ၵ︀ဝ်မ︀ႆ︀ႛꩡ︀တ︀်တ︀ႃႉ။ ၵ︀ဝ်ယ︀ႃႇ ဢ︀ꩫ︀်ႈၵ︀ဝ်မ︀ဝ်ထုက︀်ꩬ︀ွꩫ︀်ꩫ︀ႆ︀ႇၵ︀ဝ်ꩬ︀ွꩫ︀်လ︀ေꩬ︀ီ ꩭွင︀်ႛꩭိူꩫ︀်းက︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉတ︀ၢင︀်းꩬ︀မ︀်မ︀ႃတ︀ြႃးမ︀ႆ︀ႛ ဢ︀ဝ်ႈၸ︀ႆ︀က︀ႃဢ︀ူ။ ၵ︀ဝ်ꩭီတ︀်င︀ႆ︀းꩫ︀ႆ︀ႇ ၵ︀ႂ်ႈꩫ︀ႆ︀ႛင︀ိူꩫ︀်းꩬ︀ီꩫ︀ႆ︀ၢႈꩫ︀မ︀်။

ပ︀ေတ︀ရ︀ု ႒ 2:3

ၵ︀ဝ်ယ︀ႃႇ လ︀ေႃးၸ︀ႃးင︀ိူꩫ︀်းꩫ︀ႆ︀ႇꩬ︀ီ ထဝ်မ︀ၢက︀်မ︀ူဝ်ꩫ︀ႆ︀ႇၵ︀ဝ် ꩬ︀ူမ︀ႆ︀ႛ ၵ︀ႆ︀ႈꩬ︀ီတ︀ီၸ︀ၢမ︀်းဢ︀ဝ်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛပ︀ႅတ︀်ႉတ︀ြႃးက︀ွတ︀်ꩫ︀ꩬ︀ီ လ︀ုက︀်ႉမ︀ိူဝ်ႈင︀ႃးပ︀ုꩫ︀်ႛ ꩭႅမ︀်းဝႆ︀ႇယ︀ဝ်ႇꩰꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀ီဢ︀ဝ်ႈလ︀ူႇပ︀ႅက︀်ႉတ︀ေႇတ︀ေႇယ︀ဝ်ႇ။