က︀ေႃရ︀ိꩫ︀်တ︀ု ႒ 4:2 - Khamti Shan

² ဢ︀မ︀ူးဢ︀ꩫ︀်ႈၵ︀ိူင︀်ႈꩫ︀ီႈဢ︀ႆ︀ၢႈ ဢ︀ꩫ︀်ႈပ︀ႆ︀ၢႈမ︀ႅပ︀်ပ︀ႆ︀ၢႈꩬ︀ွꩫ︀်ႈꩬ︀ီꩭီတ︀်ꩫ︀ႆ︀ႇၵ︀ဝ် တ︀ူႈပ︀ႆ︀ၵ︀ွတ︀်မ︀ႃးဢ︀ူ။ ဢ︀ꩫ︀်ႈၸ︀ႅတ︀်ႉၸ︀ၢမ︀်းꩫ︀ႆ︀ႇၵ︀ဝ် တ︀ူႈꩵ︀ႈꩭီတ︀်ယ︀ဝ်ႇ။ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ တ︀ူႈလ︀ိက︀်ꩰင︀ွက︀်ꩰꩬ︀ီꩵ︀ႈꩭူဝ်း။ တ︀ူႈယ︀ႃႇ ပ︀ၢင︀်ႈꩫ︀ႃႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀မ︀်မ︀ႃတ︀ြႃးမ︀ꩫ︀်းꩡ︀ဝ်ႛ ꩬ︀ိုဝ်ႈꩰတ︀ူဝ်ꩰꩭူဝ်းꩫ︀ႆ︀ႇꩬ︀ီ တ︀ူႈပ︀ီꩫ︀်ႈက︀ူꩫ︀်းꩫ︀င︀်ꩭိုဝ်ꩫ︀ꩫ︀ႆ︀ႇ ပ︀ိူꩫ︀်ႈတ︀င︀်းမ︀ိူင︀်း တ︀ွင︀်းꩬ︀ိုဝ်ႈꩰဢ︀ူ။

က︀ေႃရ︀ိꩫ︀်တ︀ု ႒ 4:2 ပူးပေါင်းရင်းမြစ်များ

ရ︀ေႃမ︀ 1:16

ၵ︀ၢဝ်ႈၵ︀ၢမ︀်းꩫ︀ီႈယ︀ႃႇ တ︀ၢင︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛယ︀ုမ︀်ယ︀မ︀်ႈလ︀ုက︀်ႉၸ︀ꩫ︀်းက︀ျူးမ︀ႆ︀ႛက︀ူဝ်ꩬ︀ီ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ ၵ︀ေꩬ︀ေꩭႂ်ႛꩫ︀မ︀်ꩫ︀ꩫ︀ႆ︀ႇ က︀ဝ်ႈဢ︀က︀မ︀်ထက︀်ꩰꩫ︀မ︀်။

ရ︀ေႃမ︀ 6:21

တ︀ၢင︀်းက︀ႅင︀်းၵ︀ႃႛဢ︀ပ︀ႅတ︀်ႉဢ︀မ︀ႂ်းၵ︀ဝ်ယ︀ႃႇ ꩡ︀ႃႇꩭၢင︀်းꩬ︀ူဢ︀က︀ိဝ်းက︀ꩬ︀င︀်က︀ေႃႇ ꩵ︀ႈယ︀င︀်းမ︀ႃး။ င︀ႆ︀ႚလ︀ၢႆ︀းပ︀ိူဝ်ႈ တ︀ၢင︀်းက︀ႅင︀်းက︀ဝ်ဢ︀ꩫ︀်ႈꩬ︀ူꩭွꩫ︀်ꩭီတ︀်မ︀ႃး ဢ︀ꩫ︀်ႈꩬ︀ူမ︀ႆ︀ႛ ꩬ︀ူင︀်တ︀ၢင︀်းတ︀ၢႆ︀ႈဢ︀မ︀ႂ်းၵ︀ဝ်ꩬ︀ီ ꩬ︀ူꩫ︀ႆ︀ႛဢ︀ၢႆ︀ႈꩫ︀မ︀်။

က︀ေႃရ︀ိꩫ︀်တ︀ု ႑ 4:5

င︀ႆ︀းꩫ︀ႆ︀ႇꩬ︀ီ ꩬ︀ူယ︀ႃႇ ꩡ︀ူဝ်ႈက︀ႃႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ဝ်ပ︀ွက︀်ႉမ︀ႃးꩫ︀ႆ︀ႇ ၸ︀ႂ်မ︀ႆ︀ႛက︀ေႃႇ ပ︀ီပ︀ႅတ︀်ႉတ︀ြႃး။ ယ︀ၢမ︀်းထိုင︀်က︀ီး မ︀ꩫ︀်းꩡ︀ဝ်ႛယ︀ႃႇ ဢ︀ꩫ︀်ႈက︀ႃႈꩡ︀ိုဝ်ႈဢ︀ဝ်ႈမ︀ႅပ︀်ဝႆ︀ႇꩫ︀ႆ︀ႇၵ︀ဝ်၊ ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ႂ်ႈက︀ူꩫ︀်းꩭဝ်းမ︀ႆ︀ႛ က︀ႅမ︀်က︀တ︀်ႉꩰဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်း တ︀ီဢ︀ဝ်ႈဢ︀ွက︀်မ︀ႃးꩫ︀မ︀်။ မ︀ိူဝ်ႈဢ︀မ︀ႂ်း က︀ူꩫ︀်းက︀ူႈက︀ူဝ်ႇမ︀ႆ︀ႛ ဢ︀ꩫ︀်ႈꩫ︀င︀်ၸ︀ႂ်မ︀ꩫ︀်းထႅက︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ီယ︀ူဝ်းယ︀ွင︀်ႛꩫ︀မ︀်။

က︀ေႃရ︀ိꩫ︀်တ︀ု ႒ 1:12

ဢ︀ꩫ︀်ႈတ︀ူႈꩭုမ︀်ꩡ︀ူမ︀်းꩫ︀ႆ︀ႇယ︀ႃႇ မ︀ိူဝ်ႈတ︀ူႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ ꩥ︀ႅꩫ︀်က︀ူꩫ︀်းမ︀ႆ︀ႛ မ︀ဝ်ပ︀ိုင︀်ႈဢ︀ိင︀်ႈꩬ︀ီ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀ႆ︀ၢႈꩬ︀ိုင︀် ပ︀ိုင︀်ႈဢ︀ိင︀်ႈင︀ႆ︀းꩬ︀ီ က︀ꩫ︀်ႛꩫ︀ႃႛက︀ူꩫ︀်းတ︀င︀်းမ︀ိူင︀်းမ︀ႆ︀ႛ ဢ︀ဝ်ႈꩭႅင︀်းၸ︀ြႃးပ︀ီꩫ︀်ႈꩡ︀ဝ်ႛꩬ︀ိုဝ်ႈꩰတ︀ူဝ်င︀ႆ︀း ꩡ︀ႂ်ႈၵ︀ၢဝ်ပ︀ၢꩫ︀်းꩰꩬ︀ီ ဢ︀ူမ︀ႃးꩫ︀ႆ︀ႇꩫ︀မ︀်။ ဝႃႈက︀ွတ︀်ꩫ︀က︀ီး ပ︀ၢင︀်ႈꩫ︀ႃႛꩬ︀ူၸ︀ူႛꩡ︀ဝ်ႛမ︀ႆ︀ႛꩫ︀မ︀် တ︀ူႈင︀ႆ︀းဢ︀ူမ︀ႃးꩫ︀ႆ︀ႇ။ ꩫ︀င︀်တ︀ူႈဝႃႈꩫ︀က︀ꩫ︀်ႈ ꩡ︀ႂ်ႈၵ︀ွꩫ︀်တ︀ူႈက︀ေႃႇ ꩡ︀ုꩫ︀်ႈꩡ︀ၢင︀်ꩰꩫ︀မ︀်။

က︀ေႃရ︀ိꩫ︀်တ︀ု ႒ 11:3

ꩫ︀ႆ︀ႇꩫ︀က︀ေႃႇ ꩫ︀င︀်ဢ︀ေဝမ︀ႆ︀ႛ င︀ူးꩫ︀ႆ︀ႛၸ︀ႅတ︀်ႉၸ︀ၢမ︀်းမ︀ႃးꩫ︀က︀ꩫ︀်ႈ ꩬ︀ူက︀ေႃႇꩡ︀ႂ်ႈလ︀ွက︀်ႉလ︀ႆ︀ၢႈꩬ︀ီ ꩡ︀ႂ်ႈဢ︀ꩫ︀်ႈꩡ︀ဝ်ႛၵ︀ရ︀ီတ︀်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းꩭၢက︀်ႉꩬ︀ီꩭွႆ︀ႛꩡ︀ႂ်ႈꩫ︀ႆ︀ႇ က︀ူဝ်ႈꩭႆ︀ၢက︀ႃဢ︀ူ။

က︀ေႃရ︀ိꩫ︀်တ︀ု ႒ 11:6

က︀ဝ်ႈယ︀ႃႇ ꩫ︀င︀်ၵ︀ဝ်ꩫ︀က︀ꩫ︀်ႈ တ︀ၢꩫ︀်ႛတ︀ီꩡ︀ၢင︀်ႈꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ လ︀ွင︀်ႈꩭူႇတ︀ွင︀်းမ︀ႆ︀ႛယ︀ႃႇ ၵ︀ဝ်မ︀ႆ︀ႛက︀ဝ်ႈꩵ︀ႈယ︀ွမ︀်းꩫ︀ꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ က︀ူႈꩡ︀ွင︀်ႈက︀ူႈလ︀ွင︀်ႈ ꩬ︀ူမ︀ႆ︀ႛပ︀ျႃးꩡ︀ုꩫ︀်ႈꩰမ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႒ 2:17

တ︀ူႈယ︀ႃႇ ꩫ︀င︀်ပ︀ိူꩫ︀်ႈက︀ꩫ︀်ႛꩫ︀မ︀်ꩫ︀က︀ꩫ︀်ႈ ၵ︀ႂ်ႈꩫ︀ႆ︀ႛဢ︀က︀ိဝ်းပ︀ၢင︀်ႈꩬ︀ီ ၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၸ︀ႆ︀ꩬ︀ီꩵ︀ႈꩭူဝ်း။ ꩫ︀ႆ︀ႇꩫ︀က︀ေႃႇ တ︀ူႈမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛပ︀ွႆ︀ꩡ︀ႂ်ႇꩫ︀ႆ︀ႇꩬ︀ီ ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ႃꩫ︀ႃꩡ︀ဝ်ႛၵ︀ရ︀ီတ︀် ꩬ︀ိုဝ်ႈꩰတ︀ူဝ်ꩰꩭူဝ်းꩫ︀မ︀်။

က︀ေႃရ︀ိꩫ︀်တ︀ု ႒ 5:11

ꩡ︀ႃႇလ︀ိူင︀်ႈ တ︀ူႈယ︀ႃႇလ︀ွင︀်ႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ၵ︀ိူင︀်ႈꩫ︀ီႈက︀ူဝ်ႈယ︀မ︀်ႈꩫ︀ႆ︀ႇ တ︀ွင︀်းꩫ︀ႆ︀ႇꩬ︀ီ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈꩫ︀ႆ︀ႇ ꩬ︀ေႈꩡ︀ႃႉဢ︀ူꩫ︀မ︀်။ တ︀ူႈꩭီတ︀်ꩬ︀ိုဝ်ႈꩰဢ︀ူꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛတ︀ွင︀်းꩫ︀က︀ꩫ︀်ႈ ꩬ︀ူက︀ေႃႇဝႃႈတ︀ွင︀်းဢ︀ူ။

က︀ေႃရ︀ိꩫ︀်တ︀ု ႒ 6:8

တ︀ူႈမ︀ႆ︀ႛ ပ︀ိူꩫ︀်ႈတ︀ၢင︀်ꩭုမ︀်ၵ︀ွတ︀်၊ ဢ︀ဝ်ႈꩬ︀ူဝ်ႇၵ︀ွတ︀်၊ က︀ေးလ︀ေးၵ︀ွတ︀်၊ ယ︀ွင︀်ႛၵ︀ွတ︀်င︀ႆ︀းꩬ︀ီ မ︀တ︀်ႉၸ︀ူႛၸ︀ႅတ︀်ႉၵ︀ႂ်ႈလ︀ႂ်ႈꩫ︀က︀ေႃႇ တ︀ူႈယ︀ႃႇဝႃႈꩬ︀ိုဝ်ႈꩰဢ︀ူ။

က︀ေႃရ︀ိꩫ︀်တ︀ု ႒ 7:14

မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ က︀ဝ်ႈမ︀ꩫ︀်းမ︀ႆ︀ႛ လ︀ွင︀်ႈꩬ︀ူယ︀ွင︀်ႛမ︀ႃးꩫ︀ႆ︀ႇꩫ︀က︀ꩫ︀်ႈ ꩡ︀ႂ်ႈဢ︀ူꩫ︀ꩫ︀ႆ︀ႇ မ︀ꩫ︀်းမ︀ႆ︀ႛꩬ︀ူပ︀ျႃးမ︀ႃးꩫ︀ႆ︀ႇꩬ︀ီ က︀ဝ်ႈꩵ︀ႈꩫ︀ႆ︀ႛဢ︀ႆ︀ၢႈမ︀ႃး။ တ︀ူႈꩬ︀ူမ︀ႆ︀ႛ ဢ︀ꩫ︀်ႈꩬ︀ိုဝ်ႈꩡ︀ႂ်ႈꩫ︀ႆ︀ၢႈꩬ︀ိုင︀် ဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ ဢ︀ꩫ︀်ႈတ︀ူႈတ︀ိတ︀ုမ︀ႆ︀ႛ လ︀ွင︀်ႈꩬ︀ူဝႃႈမ︀ႃးꩫ︀ႆ︀ႇၵ︀ဝ်က︀ေႃႇ ꩡ︀ႂ်ႈဢ︀ူꩫ︀ꩫ︀ႆ︀ႇ ꩡ︀ုꩫ︀်ႈမ︀ႃးယ︀ဝ်ႇ။

ဢ︀ေၸ︀ႅတ︀် 4:14

င︀ႆ︀းက︀ီး ꩭဝ်းꩫ︀င︀်လ︀ၵ︀ႃ ဢ︀ꩫ︀်ႈမ︀ဝ်ပ︀ႆ︀က︀ေꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩵ︀ႈပ︀ီꩫ︀်ႈယ︀ဝ်ႇ။ ꩫ︀င︀်ꩭိူဝ်းမ︀ႆ︀ႛ လ︀ူမ︀်းထိပ︀်ဢ︀ဝ်ႈပ︀ႅဝ်ႈပ︀ွက︀်ႉပ︀ႅဝ်ႈပ︀ႆ︀ႈꩫ︀က︀ꩫ︀်ႈ ꩬ︀ြႃမ︀ိက︀်ႉꩬ︀ႃꩫ︀ႆ︀ႇၵ︀ဝ် ꩭဝ်းမ︀ႆ︀ႛꩬ︀ွꩫ︀်တ︀ၢင︀်းၸ︀ိတ︀်ꩬ︀ီ ꩫ︀ၢပ︀်ႉပ︀ွက︀်ႉꩫ︀ၢပ︀်ႉပ︀ႆ︀ႈ ꩵ︀ႈꩫ︀ႆ︀ႛယ︀ဝ်ႇ။

ဢ︀ေၸ︀ႅတ︀် 5:12

ဢ︀မ︀ူးဢ︀ꩫ︀်ႈလ︀ၢက︀်ႉꩬ︀ွတ︀်ႉꩬ︀ီꩭီတ︀်ꩫ︀ႆ︀ႇၵ︀ဝ်ယ︀ႃႇ တ︀ီဢ︀ွက︀်ꩬ︀ူပ︀်ꩫ︀ႆ︀ၢႈက︀ေႃႇ ၵ︀ိူင︀်ႈꩫ︀ီႈဢ︀ႆ︀ၢႈလ︀ူင︀်တ︀ေႇတ︀ေႇꩫ︀မ︀်။